سؤال عن استبدال النيون بال ليد

[abokoko]

عايز ازود الاضاءة اللى عندى فى ال3 غرف والصالة وفى نفس الوقت اقلل الاستهلاك
طبعا الحل فى اللي

لكن


عندى فى كل غرفة عدد 2 لمبة نيون 30سم
على يمين و شمال الغرفة

لو حبيت افكهم واغير ل ليد
هضطر افك اللمب النيون واكيد هتكون سايبه اثر فى السقف
وهتخلى الشكل مش حلو

ايه الحل انى اغير لليد مع تزويد الاضاءة وبدون ما ادخل فى اسعار عاليه

[mk3]

الليد بيركب مكان النيون نفس المقاس
وعلى حسب فى نوع نيون بتغير الدوايه بس ونوع بتلغى الترانس.
اسأل الكهربائي

[lancer06]

فى نفس مقاس النيون ال٣٠ سم ليد فينوس
لكنها غاليه نسبيا لكن هتفر عليك فك طابلوه النيون

[طارق _عبد السلام]

نفس المقاسات دى موجود منها الليد ...لكن مبتركبش على الترانس هتلغى الترانسات

[abokoko]

كويس انى مش هضطر الغى اللى راكب

هل الاضاءة اللى هتركب متغيره ولا بقدرة ثابته
يعنى هل فى منها قدرات 9 وات و12 وات مثلا

والسعر تقريبا كام

[wallace]

في ليد فيليبس نفس المقاس بس مش فاكر بكام

ممكن تدخل علي صفحتهم علي الفسيبوك هتلاقي تفاصيل اكتر

[abokoko]

ايه الانواع و الاسعار
للكشاف ال ليد 60 سم الانبوبى الشكل
فينوس » لمبة ليد أنبوبية 60 سم

علما بانى عرفت من اليوتيوب انى ممكن اركبه على صاجة الكشاف النيون العادى بس الغى السلك المتوصل بالدايرة الالكتروونى واخلي طرفين سلك فقط واحد فى كل دواية