كتابة القايمة فى الجواز

[Totoboy]

سلام عليكم

كان عندى سؤال محيرنى فى كتابة القايمة للجواز
هل لو العريس جايب العفش والاجهزة و معظم الحاجة الا حاجات المطبخ و الستاير و السجاجيد و الفرش و كده بيكتب الحاجة اللى جايبها ولا الحاجة اللى عروسة بس اللى جيباها ؟؟!!

يعنى انا هاجيب العفش كله و الاجهزة دول يكتبوا فى القايمة و لا الحاجة اللى عروسة بتجها بس ؟؟

و شكرا

[wallace]

"بكل أسف" كل حاجة بتتكتب سواء إلي أنت جايبة أو العروسة جيباه ماعدا الحاجات الهالكة زي أدوات النظافة او الملايات او ما شبه

[volociximab]

كله
حتى الاطباق البلاستيك

[احمد المصرى]

كله يا باشا وهو موضوع رخم جدا بس دا الطبيعي خليج ذي الناس علشان ترتاح

[amr011111]

على حسب مكانك. فى الارياف بيكتبوها بتفصيل التفصيل. فى المدن مش لازم ينكتب كله. يعنى ممكن اوضة الاطفال مش تنكتب. لو جايب تليفزيونين مش لازم الاتنين ينكتبوا

[mizomizomizo]

بيكتب كل شيئ موجود في الشقة

[سالى عبده محمد]

thanxxxxxxxxxxxxxxxx

مركز علاج الادمان
علاج الترامادول

[A.Saad]

الاصل ان الزوج بيجيب كل حاجة
الاوضاع الاقتصادية خلت فيه مشاركة من الزوجة فى تأسيس الشقة
فبالتالى الزوج بيكتب القائمة كمستند ان الزوجة جابت الحاجة دى
وقانوناً تبديد المنقولات فى القائمة تعد جنحة خيانة امانة لان الزوج لوجود المنقولات فى بيته يعتبر امين عليها
فده معناه ان حضرتك تكتب اللى الزوجة جابته فقط

[hilal]

الاصل ان الزوج بيجيب كل حاجة
الاوضاع الاقتصادية خلت فيه مشاركة من الزوجة فى تأسيس الشقة
فبالتالى الزوج بيكتب القائمة كمستند ان الزوجة جابت الحاجة دى
وقانوناً تبديد المنقولات فى القائمة تعد جنحة خيانة امانة لان الزوج لوجود المنقولات فى بيته يعتبر امين عليها
فده معناه ان حضرتك تكتب اللى الزوجة جابته فقط

اسمح لي أن أختلف معك
فهذا الكلام غير دقيق
لان الزوجة من حقها شرعا ان تحصل على المهر
و غالبية الاسر حاليا تتنازل عن المهر طوعا مقابل ان يقوم الزوج بتأثيث بيت الزوجية
ويصبح هذا الأثاث من حق الزوجة ويدخل ضمن قائمة المنقولات بالاضافة لما يقدمه أهل الزوجة

وقد كان العرف قديما أن يدفع الزوج المهر نقدا
ولكن الامور تغيرت الآن

[Karim Alaa]

يكتب كل شىء الى انت جايبه و الى هى جايباه الى هى جايباه شرعا مش المفروض تجيبه اصلا و انت المفروض شرعا تاثث البيت بالكامل و الى انت جايبه يكتب تعويضا عن المهر الى انت شرعا ملزم بيه ممكن تتفق معاهم تدفع مهر اقل من قيمه العفش الى انت هتجيبه لو وافقو ماشى موافقوش ده حقهم و حق البنت و القايمه هى بديل حق الزوجه فى المهر و الجزء الى بتجيبه من اثاث البيت او الاجهزه و خلافه و هى على الزوج شرعا