شراء اجهزه كهربائه من الخارج

[zizomilano]

انا مقيم في المانيا و بفكر اشتري اجهزه كهربائيه للاستعمال الشخصي زي الغساله و انزلها مصر
طبعا زي ما حضراتكوا شايفيين الاسعار نار في مصر - بغض النظر عن الاسباب - و الواحد هنا في المانيا ييشوف حاجات كويسه و نضيفه الماني زي الميلا و البوش و تبقي فرصه كويسه لو في امكانيه انها تنزل مصر بتكلفه معقوله

ممكن اهل الخبره يفيدوني في الموضوع ده ؟ لو غساله في حدود 500 يورو , تنزل مصر ازاي ؟
و هل لو هي اوربي و في شهاده منشأ بكده تتعفي من الجمارك زي ما الاتفاقيات مع اوربا محدده ؟

[lancer06]

أفتكر هتخضع للجمارك وبسعر اعلى من الأول
انا شايف موضوع هنا من كام يوم بيتكلم عن رفع قيمة الضرائب على الأجهزة الكهربائية ( فى اعتقادى علشان المصنع الحربى رجع يصنع منتجات كهربائية بجودة عالية فعاوزين يحجمو الأستيراد )
واستنى حد من اهل الخبرة يكون على دراية أكتر

[mk3]

فى حاجه اسمها استيراد لاستخدام خاص شخصى عشان متحتاجش بطاقه استيراديه.
وفعلا مفيش جمارك لو معاها شهاده يورو وان...وانا معنديش معلومات امتر من كده...حاول تلاقى عالنت مستخلص جمركى

[MOUSTAFA_SAAD]

ال 500 يورو دول يعملوا حوالى 10000 جنيه مصري يعنى تشتري بيهم من هنا اجدع غساله وبالضمان

[msadeka]

فعلا زى ما قالك الاستاذ مصطفى

الوضع اتغير فى الوقت الحالى اشترى من هنا افضل ولو عاوز تشوف اسعار ابحث على النت وقارن

[zizomilano]

متشكر جدا علي مشاركتكوا , الفكره في الشراء من بره مصر هي في وفره المعروض و الانواع و الخصومات
في مصر مش موجود الا 3 اربعه موديلات و باسعار مبالغ فيها جدا و مش حتي الماني تقفيل تركي و لا صيني

غساله زي ديه

https://www.amazon.de/Bosch-WAE28220-Frontlader-Waschmaschine-AquaStop-Schlauch/dp/B01FDHHDKO/ref=sr_1_6?s=appliances&ie=UTF8&qid=1481966716&sr=1-6&keywords=bosch+waschmaschine

ممكن تسال عليها يقولك ب 15 الف في مصر و تبقي تقفيل تركي مش الماني حتي ! و لو علي الضمان محدش بيعرف يصلح علي حاجه و زي قلته !