الكتاكيت

[Islam_galal]

استدعى الاب ابنه لغرفته وما ان رأه امامه الا وبادر بتوجيه هذا السؤال
الاب : هتعرف يابنى تحافظ على الثروه اللى هتورثها من بعدى
الابن : طبعا يا ابا تربيتك
الاب : يعنى هتعرف تربى الكتاكيت زى ما انا ربيتهم
الابن : ( باندفاع وحماسه الشباب ) اكيد يا ابا
الاب : طيب هات الكرتونه اللى فيها الكتاكيت دى
سارع الابن باحضار الكرتونه ووقف امام ابيه
الاب : اقلب الكرتونه على الارض وورينى ازاى هتقدر تلم فيها الكتاكيت
وبسرعه قلب الابن الكرتونه وما ان رفعها حتى انطلقت الكتاكيت
فى ارجاء الغرفه واندفع الابن خلفها يحاول جمعها مره اخرى لكن
هيهات ، وبعد ان ادرك الفشل وقف امام ابيه وقد ارتسمت على
وجهه البلاهه والغباء ولم يوقظه الا صفعه قويه من ابيه
الاب : شوف يا غبى اللى هاوريهولك ده خلاصه 25 سنه فى تربيه
ثم اخذ الاب الكرتونه بعد ان جمعا فيها الكتاكيت اخذ يهزها بقوه
يمينا ويسارا وسط صراخ متواصل من الكتاكيت ما لبس (لبث) أن تلاشى
وانقطع نتيجه ما اصابها من اعياء
الاب : الان فقط نقلب الكرتونه
وما ان رفعها الا وشاهد الابن الكتاكيت لا تحرك ساكنا مما
اصابها من اعياء ودوار ثم قام بتعبئتها فى الكرتونه بمنتهى
السهوله واليسر
الاب : الوقت يا ابنى اتعلمت اهم حاجه فى تربيه الكتاكيت وهى
( اتعبهم يريحوك لكن لو ريحتهم هيتعبوك )

لو عرفت مين هو الاب ومين هو الابن ومين هما الكتاكيت ؟
ادخل عشتك وخليها فى سرك

[eng_elnaggar]

فيه مثل تاني :

ان المرؤوس دايما زى السوستة طول ما انت دايس عليها وضاغطها مفيش منها مشكله انما لو سبتها هتنط في وشك فورا.

ويا بخت من بات سوسته ولا باتش ظالم :lol:

[memoo_1st]

:lol: :lol: :lol: :lol: :lol: :lol:
انا فعلا سمعت النكته دي وعجبتني قوي وهيا فعلا معبره عن الحال

[hazem_khidr]

شكلكم كده زهقانين من بيوتكم و عاوزين تنامو بره انهارده

[Karim_Monir]

لالالالالالالا
عمرنا ما كنا كتاكيت
احنا وقفنا وقفة رجالة وهانعيش عيشة رجالة ونمون واحنا برضه رجالة (مش كتاكيت)

بس قولولنا نقف فين بس :lol: :lol: :lol: :lol:

علي راي احمد حلمي في جعلتني مجرما

شاورولي علي الصفر وانا ابتدي منه :mrgreen: :mrgreen: :mrgreen:

[Islam_galal]

يا جماعة أنا قصدي علي ناظر المدرسة اللي كنت فيها في ابتدائي
واضح انكوا فهمتوا غلط خاااااااالص

(يا عم انا عايز اربي عيالي) :lol: :lol: :D

[Abdallah]

تؤ تؤ كدة بقة هندخل مرحلة نتف الريش...
على رأى المثل : الفرخة كلت بيضها !

[Hossam_Hassan]

مفقوسه :lol: :lol: :lol: :lol:

[vooooo]

حلوه بجد
بس انت ماقلتش القصه من الأول
لولا الرقابه كنت كتبتهالك بالتفصيل

[H.ibrahim]

حلوة اوىىىىىىىىىىىى وممكن الواحد يجرب الموضوع ده فى البيت بس يستحمل بعد كده :lol: :lol: :lol: :lol: :roll:

[aif]

الموضوع ده من اربع سنين .... سبحان مغير الاحوال
شوفتو بقى .....آهي الكتاكيت طلعت أرجل منه ومن أبوه ..... وقدرت تعمل اللي مكانش يحلم بيه ....
آل كتاكيت آل ....
ههههههههههههههههه

[تامر.محمد]

الموضوع ده من اربع سنين .... سبحان مغير الاحوال
شوفتو بقى .....آهي الكتاكيت طلعت أرجل منه ومن أبوه ..... وقدرت تعمل اللي مكانش يحلم بيه ....
آل كتاكيت آل ....
ههههههههههههههههه

ههههههههههههههههههههههههههههههههههه
اه و الله الحمد لله
فعلا و بجد و حقيقي , اول خطوة للوصل , ان الواحد يؤمن انه يقدر
للأسف لسه فيه ناس ما اتعلمتش الدرس ده