مساعدة من اهل الخبرة

[Ah.Farid]

بفكر بجدية فى عمل مشروع محل اسماك فى منطقة 6 اكتوبر ,,,,بس الفكرة ان يتم توريد السمك مباشرة من سواحل البحر وبجانب انواع معينة من الاسماك لبعض العملاء اصحاب الطلبات المخصوصة


سؤالى هل المشروع بصفة عامة مجدى وما هى عناصر ومخاطر المشروع ,,,,,طبعا فى الاول والاخر اى مشروع بيعتمد على المخاطرة

بس محتاج مشوراتكم وارائكم لانها بتفدنى كتير ,,,,طبعا بعد التوكل على الله وصلاة الاستخارة

[bluemail]

ربنا يوفقك، الفكرة كويسه
محتاج تشوف منطقة كويسه، محتاج تنزل تاخد لفه في المدن الساحلية اللي هتجيب منها السمك وتتفق مع موردين
محتاج تعمل دراسة جدوى طبعا علشان تعرف الدنيا هتكون ماشية ازاي
بالتوفيق

[msadeka]

توكل على الله

شوف اى محل سمك جنبك واطلب منه يوصلك بتاجر تشترى منه واكيد هيفيدك ولو كانت محاولة فاشلة شوف محل غيرة وهكذا

انا عملت الموضوع دة مع صديق كان عاوز يعمل مشروع دواجن سالنا 2 تجار ولما حسينا بلف ودوران جبنا عنوان مزرعة من على النت وروحنا ليهم وعرفنا الدنيا فيها ايه

وهو فضل متابع العربيات اللى بتنزل للمحلات وبقى يعمل علاقات معاهم والحمد لله الدنيا مشيت

بالتوفيق ان شاء الله

[amr011111]

الفكره كويسه
أهم كذا حاجه فى الموضوع
الاول اختيار المكان المناسب وعمل دعايه له
بالنسبه للمشروع مجدى أم لا أى مشروع لازم يكون فيه مخاطره فمثلا هتكون حاطط مبلغ 20 أو 30 الف جنيه كهدف وبعد كده مشى المشروع تمام لا قدر مش مشى يبقى خلاص متجازفش فى نفس المكان لانك ممكن تفتح نفس المشروع فى مكان تانى وينجح
علشان تعرف ان المشروع مجدى ام لا هتعمل حسبه مبدأئيه ان ايجار المحل كام والشهادات اللى هتطلعها هتكلف كام وتشطيب المحل هيتكلف كام والمعدات اللى هتجيبها كام ومجموعهم يكون رقم معين. تشوف هتجيب السمك بكام وهتكسب فيه كام وتشوف الموضوع مجزى أم لا وده غالبا بيعتمد على اسعار ايجارات المحلات كام. الحاجه التانيه طبعاً من الاساسيات ان تقف بنفسك فى المحل تتابع الشغل وبالتوفيق