لغز حيرنى بخصوص اسعار السيارات مش فاهمه

[amro1965]

اشتريت سيارة صينى من التوكيل فى شهر 8 2015
بسعر 79500 الف جنية شاملا ربح التوكيل كان سعر الدولار فى ذلك الوقت كان 7.85 جنيه
لتحويل قيمه السيارة لنحويلها لدولارات = 79500 \ 7.85 = 10127.40 دولار

التوكيل الان بيبيع نفس السيارة فى 12 2016
بمبلغ شاملا هامش ربحه بقيمة 120000 جنيه سعر الدولار الحالي 18.25
لتحويل قيمه السيارة الحالية لنحويلها لدولارات = 120000\18.25 = 6575.35 دولار

وبما ان المنتجات المستوردة مرتبطه بسعر الدولار الحال
اذا مفروض سعر السيارة الحالى = قيمه السيارة بالدولار منذ 15 شهر ماضى * سعر الدولار الحالى
مفروض سعر السيارة حالى= 10127.4 دولار * سعر دولارحالي18.25 = 184825 جنية
السؤال الان
اصبح لدى سعرين
سعر توكيل = 120000
سعر طبقا لسعر الدولار الحالى = 184825
هل السيارات التى لدى التوكيل رسالات سابقة ولم يتم بيع اكثرها وطبقا للالتزامات المالية بيتم التزيل من ثمن السيارات
هل التوكيل بعد زيادة الدولار بيتم استيراد نفس السيارات بجودة وخامات اقل ليلبى للعميل طلبه بسعر اقل وطبقا للمستوردين المصرين مشهورين بتلك العادة السيئة

فرضا لو انا حبيت ابيع سيارتى اللى كان ثمنها بالدولار وقت شراوها كان 10127.40 دولار واكيد مش هتتباع بنفس المبلع
لو قلنا ان السيارة سوف تستهلك على مدار 6 سنوات بعدها السيارة ليس لها قيمة
قيمة الاستهلاك سوف تكون سنه ونصف
اذا قيمه السيارة الان بعد سنه ونصف = قيمة السيارة بالدولار \ 6 سنوات * 3.5 سنوات الباقية
10127.40 دولار \ 6 سنوات * 3.5 سنه الباقية = 5906.65 دولار
تحويل الدولار بعملة محلية يساوى = 5906.65 دولار * 18.25 = 107796 جنية
اذا مفروض لو حبيت ابيع السيارة لا يمكن بيعها باقل من 107796 جنية بشرط الحالة الجيدة


ام يوجد سبب اخر لا اعلمة
وهل حسبه بيع السيارة فى ظل تلك الظروف صحيحة ام خاظئة
اتمنى المشاركة

[amro1965]

عذرا تعديل فى حسبه بيع السيارة مستعملة

فرضا لو انا حبيت ابيع سيارتى اللى كان ثمنها بالدولار وقت شراوها كان 10127.40 دولار واكيد مش هتتباع بنفس المبلع

لو قلنا ان السيارة سوف تستهلك على مدار 6 سنوات بعدها السيارة ليس لها قيمة

قيمة الاستهلاك سوف تكون سنه ونصف
اذا قيمه السيارة الان بعد سنه ونصف = قيمة السيارة بالدولار \ 6 سنوات * 3.5 سنوات الباقية
10127 دولار \ 6 سنوات * 4 سنوات ونصف = 7595 دولار
تحويل الدولار بعملة محلية يساوى = 7595 دولار * 18.25 = 138608 جنية
اذا مفروض لو حبيت ابيع السيارة لا يمكن بيعها باقل من 138608 جنية وهذه القيمة اعلى من قيمة السيارة فى التوكيل موديل السنه

[mr_green]

أخى الفاضل الموضوع مش بس دولار
الموضوع داخل فيه عرض و طلب + جشـــــــع

بمعنى إن الوكيل لو غلى العربية عن كده مش هايعرف يبيع - يعمل إيه قلل من المكسب حبة

فى حين إن بعض العربيات الأخرى إللى عليها طلب عالى الوكله غلوها بمقدار 90% - 150% و أكثر كله على حسب هو عارف هايبيع قد إيه و يكسب كام

[bahaa mohamed]

كلام جميل اول يا بشمهندس و حقيقي فعلا بس من وجه نظري الشخصيه التي لا قيمه لها العربيات الي موجوده عندهم اغلبها قديمه و موجوده من قبل كده بفتره لك ان تتخيل ان مثلن شركه الأمل (لادا - byd) لسا عندها كميات كبيره من العربيات موديل ٢٠١٦ شوفتها لما روحت اسال علي العربيه الادا و مش حيقلو خالص عن ٧٠ سياره لكل نوع مع العلم ان الجديده نزلت و موجوده برضو بس فرق السعر ٤٠ الف جنيه ما بين ١٦ و ١٧ بس بنسبه لان حضرتك بتقيس السياره بتحولها الي دولار تاني من الجنيه المصري حضرتك يبقي لازم حضرتك تعرف سعرها في بلدها كام عشان تعرف الفرق ده راح فين و ممكن تعرف سعر العربيه الي حضرتك عوزها من النت عادي و هيا عملا كام في بلدها بس خد في الحسبان الامكنيات الي ممكن تكون عند حضرتك ذياده او في العربيه التنيه و ممكن تعرف تقريبا سعرها كان بالدولار في بلدها كام بظبط

[megaarts]

التوكيل طبعا مقللش هامش ربحه بالعكس ده ممكن يكون زود ربحه
لما كان الدولار في البنك ب 8.88 لكن مكنش موجود وكان بيشتريه من السوق السوداء ب 13 و14 جنيه
بحسبه بسيطه لو العربيه كانت ب 80000 و بفرض الدولار كان ب 12 جنيه فقط يبقي سعرها حوالي 6666 دولار
دلوقت سعرها 120000 يعني برضو 6666 لو افترضنا الدولار ب 18

[amro1965]

سعر الدولار سوق سودة كان 7.85 جنيه
التاريخ 8 2015

[amro1965]

ده موقع لنوع السيارة بسعر 10790 دولار
Baic YX 206 2014-2015 precios en Perú. Todoautos.pe