دفايه الزيت ....

[akmm]

للمجرب ايه افضل ماركه دفايه زيت في السوق دلوقتى ....... وليه ماركه ديلونجى اغلاها سعرا ....

[salam100100]

انا معرفش ليه غاليه
لكن انا عندى واحد زيت قديمه وواحده صينى جديده بمروحه وسخان
بصرحه الدفايه الزيت احسن مليون مره من الدفايه الهواء السخن الصينى

احسن فى:
اولا: بتدفى الغرفه كلها فى مستوى واحد ومش بتسخن جامد زى الصينى
هى اه بتاخد وقت اكتر لكن بتدى جو لطيف مش مبالغ فيه

ثاتيا الزيت ملهاش ريحه
الصينى بلاستك وبيطلع ريحه تقرف- زى كدا لما تحرق ذراع حله على البوتجاز

ثالثا: ومحدش يتريق ساعات بحط عليها اللبس اللى هلبسه عشان يدفاء - ممكن فوطه - دلع يعنى

استهلاك الكهرباء اعتقد واحد

لو هتجيب الديلونجى اعملنا تقرير عنها عشان انا بفكر اجيب الصغير منها ال5 ريشه

[DreAmO]

انا كمان عايز اجيب دفايه ومش عاجبني حاجه
عايز حاجة ماتعديش ال 400 جنيه لغرفة
ومايكونش فيها مروحه ولا اضائة مزعجة

يعني لا عايز صوت ولا ضوء .. عايزها تدفي وهي ساكته !

[akmm]

بالفعا افضل ماركه في السوق دلوقتى هي ديلونجى وهى ايطالى تجميع صيني وجيده جدا وربنا كرمنى واشتريت واحده ديلونجى من اللى هي موفره للطاقه بنسبه 25% توفير 10 ريشه جيده جدا .

[akmm]

انا كمان عايز اجيب دفايه ومش عاجبني حاجه
عايز حاجة ماتعديش ال 400 جنيه لغرفة
ومايكونش فيها مروحه ولا اضائة مزعجة

يعني لا عايز صوت ولا ضوء .. عايزها تدفي وهي ساكته !

طلبك هيتوفر في ماركه تورنيدو إنتاج مصانع توشيبا العربى وهتكون في السعر مقارب او اعلى حبه .

[رامي مصطفى]

بالفعا افضل ماركه في السوق دلوقتى هي ديلونجى وهى ايطالى تجميع صيني وجيده جدا وربنا كرمنى واشتريت واحده ديلونجى من اللى هي موفره للطاقه بنسبه 25% توفير 10 ريشه جيده جدا .

الف مبروك وربنا يباركلك فيها

[Egymagic]

طلبك هيتوفر في ماركه تورنيدو إنتاج مصانع توشيبا العربى وهتكون في السعر مقارب او اعلى حبه .

مش موجودة في السوق للاسف
سألت عليها كتير ومش موجودة

[akmm]

اتصل بتوشيبا العربى او ادخل على الموقع بتاعهم وهتلاقيها او انزل شارع عبد العزيز مش عارف بس اكيد موجوده هناك .

[akmm]

الف مبروك وربنا يباركلك فيها

الف شكر لحضرتك .

[Egymagic]

اتصل بتوشيبا العربى او ادخل على الموقع بتاعهم وهتلاقيها او انزل شارع عبد العزيز مش عارف بس اكيد موجوده هناك .

بقول لحضرتك دورت :)
اتصلت بتوشيبا واتصلت بموزعين وكمان علي المواقع
مش موجودة

[akmm]

شارع عبد العزيز ...................... هتلاقيها وعموما الكل خافى السلع لتوقع الزياده

[miam0502788391]

انا برضه مش عارف ليه الديلونجى غالية اوى ده بتمنها ممكن تشترى اتنين ماركة جاك

[akmm]

انا برضه مش عارف ليه الديلونجى غالية اوى ده بتمنها ممكن تشترى اتنين ماركة جاك

من المظهر الخارجي والخامات الافضليه للديلونجى ............لكن ليه الغلو في سعرها حتى عن تورنيدو مش عارف ولكنها ممتازه جدا .

[AHMED12345678]

عندى دفاية تورنيدو 11 ريشة كنت شاريها فى 2010 وماشاء الله ممتازة جداااا
واحسن من الدفايات الهالوجين وبتخلى الغرفة دافية كويس لكن مش الدفئ الشديد الى يخليك ممكن تاخد برد
بس طبعا السعر اكيييييد اختلف تماما دلوقتى
لكن انصح بيها بشده

[A_H_M_A_D]

الدفايات الديلونجي لا يعلى عليها عشان خاماتها ممتازة ده اولا ومعمرة جدا و مش بتحتاج اي صيانة ، واهم ميزة ان تأثيرها سريع في التدفئة

الدفاية المروحة منها ممتازة وسعرها ٦٠٠ جنيه في اسواق عبد العزيز ، لكن الزيت فعلا غليت قوي دلوقتي مش اقل من ١٧٠٠