هاتجوز وعندي كام سؤال كده

[Hikayat]

انا ان شاء الله هتجوز كمان 3 شهور ومش ناوي اعمل فرح باذن الله هوه اشهار في جامع وفوتوسيشن وشكرا ؟
فكنت عايز اسالكم انا ناوي ادخل في فندق واقضي ليلتين فتنصحوني بفندق ايه ( رينج 1500 ولا 2000 بالكتير في الليله .. لو ارخص اكيد احلي )
واكتب الكتاب فين ؟ انا بفكر في ال رشدان
واسافر فين ؟ بفكر في الجونه او سهل حشيش

[akmm]

الف الف مبروك مقدما ................ وفكره جيده الاستفاده من مصاريف الفرح في انك تفرح وتنبسط بيها فرحه حقيقيه .... وبسمع ان سهل حشيش جميل بس مجربتش تحياتى .

[heshom]

ألف مبروك ...... ادخل موقع travel yalla ... فى عروض ممتازة لو عاوز رحلة ما تنسهاش يبقى أسوان أجمل مدن مصر

[Hikayat]

الف الف مبروك مقدما ................ وفكره جيده الاستفاده من مصاريف الفرح في انك تفرح وتنبسط بيها فرحه حقيقيه .... وبسمع ان سهل حشيش جميل بس مجربتش تحياتى .

الله يبارك في حضرتك
طيب عندك فكره عن فندق في القاهره ؟

[Hikayat]

ألف مبروك ...... ادخل موقع travel yalla ... فى عروض ممتازة لو عاوز رحلة ما تنسهاش يبقى أسوان أجمل مدن مصر

الله يبارك في حضرتك
معتقدش اسوان تبقي حلوه كشهر عسل

[م أحمد]

مسجد النور فى العباسية ...فيه قاعتين جنب بعض...حتى لو عايز تعمل فرح صغير ممكن تحجز ساعتين ورا بعض...و اكبر ميزه عنوانه اشهر من نار على علم...بس الحجوزات قبلها بمدة كبيرة

[gade2]

الف مبروك
جراند حياه ميزة فى قلب النيل وسعره كويس -ريتز كارلتون على الكونيش وغرفه واسعه ولسه جديد فالاثاث بتاعه جديد
شهر العسل سهل حشيش كويسه ورمانسيه اكتر من شرم اللى بتتميز بخروجات وفسح كتير

[عبدالحكيم]

أخي الكريم،
أولاً: مبروك مقدماً... أسأل الله أن يتم فرحتكما على خير وأن يديم المحبة والوئام بينكما...
ثانياً: أنصحك بقضاء أول ليلة – أو أول أسبوع على الأقل- في شقتك، حتى تستمتع بخصوصية أول لحظات زوجية في حياتك في بيتك مع عروسك وتكون لكما ذكريات جميلة لا تُنْسى بين جردان عش الزوجية الدافئة...
قضاء أول ليلة، "الدخلة"، في فنادق هي فكرة خاطئة وكثيرون ندموا عليها. لن أقول لك بسب فقدان الخصوصية وتلصص عمال الفنادق غير المحتشمين، أو إمكانية تصوير اللحظات الخاصة كما فعل صاحب فندق في لبنان وتم القبض عليه مؤخرا...إنما الفسحة الجميلة فعلاً تكون لاحقة لوقت الفرح... اشبع من أول لحظات سعيدة في بيتك ثم بعدها فكر في الفنادق...
هذه وجهة نظري والله يسعدك وييسر لك أمرك...

[svneleven]

انا مع راي أ. عبد الحكيم. اول كام ليلة في بيتك تتعودو علي بعض و تدخل بينكم الالفة و بعد كده تسافرو بامر الله. سهل حشيش مناسبة جدا لشهر العسل. ما فيش زحام و في هدوء فوق الوصف الاختيارات كتير ادخل Booking.com و عيش. أنا جربت tropitel وكان معقول جدا و اسعارة معقولة و فيه ملاهي مائية و 5 مطاعم و حوالي 3 حمامات سباحة ف مش هتحس باالملل. يعني من الاخر مش هتحتاج تخرج منه الا لو هتنزل الغردقة يوم تاكل سمك و ترجع لكن حط في بالك ان سهل حشيش ما فيهاش خروجات و الغردقة حوالي 30 دقيقة ل 45 دقيقة يعني يستحسن يكون معاك عربية.

[Hikayat]

مسجد النور فى العباسية ...فيه قاعتين جنب بعض...حتى لو عايز تعمل فرح صغير ممكن تحجز ساعتين ورا بعض...و اكبر ميزه عنوانه اشهر من نار على علم...بس الحجوزات قبلها بمدة كبيرة

تمام .. الف شكر لحضرتك .. هسال عليه برضه واشوف نظامه
حضرتك تعرف حاجه عن مسجد حسن الشربتلي في التجمع ؟

[Hikayat]

الف مبروك
جراند حياه ميزة فى قلب النيل وسعره كويس -ريتز كارلتون على الكونيش وغرفه واسعه ولسه جديد فالاثاث بتاعه جديد
شهر العسل سهل حشيش كويسه ورمانسيه اكتر من شرم اللى بتتميز بخروجات وفسح كتير

الله يبارك فيك
جراند حياه سعره تقريبا كام ؟
وريتز كارلتون سعره كام ؟
اروح فين في سهل حشيش .. انا بفكر في اوبروي سهل حشيش

[Hikayat]

أخي الكريم،
أولاً: مبروك مقدماً... أسأل الله أن يتم فرحتكما على خير وأن يديم المحبة والوئام بينكما...
ثانياً: أنصحك بقضاء أول ليلة – أو أول أسبوع على الأقل- في شقتك، حتى تستمتع بخصوصية أول لحظات زوجية في حياتك في بيتك مع عروسك وتكون لكما ذكريات جميلة لا تُنْسى بين جردان عش الزوجية الدافئة...
قضاء أول ليلة، "الدخلة"، في فنادق هي فكرة خاطئة وكثيرون ندموا عليها. لن أقول لك بسب فقدان الخصوصية وتلصص عمال الفنادق غير المحتشمين، أو إمكانية تصوير اللحظات الخاصة كما فعل صاحب فندق في لبنان وتم القبض عليه مؤخرا...إنما الفسحة الجميلة فعلاً تكون لاحقة لوقت الفرح... اشبع من أول لحظات سعيدة في بيتك ثم بعدها فكر في الفنادق...
هذه وجهة نظري والله يسعدك وييسر لك أمرك...

الله يبارك في حضرتك
وبشكر حضرتك جداااا ع النصيحه ونقل الخبره بس انا مجبر علي قصه الفندق دي نتيجه لبعض الظروف .. فانا باذن الله ناوي اقضي يومين في القاهره وبعدين اطلع 5 ايام سهل حشيش
بشكر حضرتك جداا مره تانيه ع الاهتمام

[Hikayat]

انا مع راي أ. عبد الحكيم. اول كام ليلة في بيتك تتعودو علي بعض و تدخل بينكم الالفة و بعد كده تسافرو بامر الله. سهل حشيش مناسبة جدا لشهر العسل. ما فيش زحام و في هدوء فوق الوصف الاختيارات كتير ادخل Booking.com و عيش. أنا جربت tropitel وكان معقول جدا و اسعارة معقولة و فيه ملاهي مائية و 5 مطاعم و حوالي 3 حمامات سباحة ف مش هتحس باالملل. يعني من الاخر مش هتحتاج تخرج منه الا لو هتنزل الغردقة يوم تاكل سمك و ترجع لكن حط في بالك ان سهل حشيش ما فيهاش خروجات و الغردقة حوالي 30 دقيقة ل 45 دقيقة يعني يستحسن يكون معاك عربية.

بتهيالي العربيه والسواقه هتبقي تعب ؟ هوه من القاهره للغردقه وقت قد ايه ؟ ومفيش مواصلات من سهل حشيش للغردقه ؟
وايه راي حضرتك في اوبروي سهل حشيش .. عندك معلومه عنه ؟

[svneleven]

بتهيالي العربيه والسواقه هتبقي تعب ؟ هوه من القاهره للغردقه وقت قد ايه ؟ ومفيش مواصلات من سهل حشيش للغردقه ؟
وايه راي حضرتك في اوبروي سهل حشيش .. عندك معلومه عنه ؟

فعلا مشوار كبير حوالي 5 ساعات. في باص من الفندق للمطار و للغردقة كل يوم طبعا.للاسف مش عندي فكرة عن اوبروي.