أشترى سماعات F&D ولا سماعات New Hammer

[EgyArmy]

بما أننا فى موجة من الأستغلال فى كل المحلات
و عمرى ما شوفت محل لحد دلوقتى بتجربتى الشخصية بيتقى الله
أدامى حلين فى السماعات

سماعات F&D بالتحديد موديل F380
السماعات دى شوفتها فى كارفور كان عليها عرض بـ 500 جنية
لكن بعد العرض ما خلص بقيت بـ850 على ما أظن و طبعا فيه محلات بتبيعها بسعر أغلى لحد ألف جنيه
و العرض أنتهى بقاله 3 شهور مثلا
طبعا السماعات صوتها نقى جدا و البيز بتاعها قوى و نقى جدا
و الديكور بتاعها جميل جدا فى الألوان و التصميم و بتنور مع الأغانى
و بلوتوث و ريموت و هكذا يعنى تعتبر تحفة فنية بصراحة حبيتها جدا
لكن بالسعر دة مستحيل أجيبها لأنها جميلة لكن عمرها ما تستاهل أكتر من 500 جنية


بالنسبة لسماعات New Hammer بحرف الA فعلا
بيقولوا أنها صوتها عالى جدا و البيز بتاعها قوى
لكن النقاء مش عارف بصراحة هيكون عامل أزاى
و بالنسبة للشكل يعتبر كويس جدا لونها أصفر فى أسود
و معرفش عنها أكتر من كدة
و سعرها فى حدود 400 جنيه
لو حد جربها يقولى النتيجة بتاعة تجربتة معاها

[فتح الباب]

مهتم بالموضوع جدا

[elrasy]

السماعات دى بتشتغل بال usb و لا بلوتوث
و اللى جربها هل عملية و صوتها نقى