إعـــــــلان

Collapse

.

,
See more
See less

ربنا نجانى من حادثة غبية :( خدو بالكم يا جماعة

Collapse
X
Collapse
 
  • Page of 4
  • Filter
  • الوقت
  • Show
Clear All
new posts
السابق 1 2 3 4 template التالي
  • #1

    ربنا نجانى من حادثة غبية :( خدو بالكم يا جماعة

    سلام عليكم

    والله مانا عارف اقولكم اية .. بس اسوأ حاجة ممكن تحصل انك تفقد السيطرة على العربية

    وانا مروح من ساعة تقريبا ماشى عادى خالص فى الطريق الزراعى ما بين طنطا و قويسنا باتجاة القاهرة ومكنتش بجرى ماشى تقريبا 120 .. بصراحة مش فاكر بالظبط يمكن اكتر شوية

    و منمتش لسة من امبارح غير تلت ساعة بالظبط الصبح ..

    كنت ماشى فى الحارة اللى فى النص وفى عربية فى الحارة الشمال وعربية قدامى لكن بعيد شوية

    المهم اللى قدامى كان ابطا منى و كنت عايز اهدى لان فى عربية شمال ودة فى النص قدامى ... والحارة اليمين تقريبا كانت عبارة عن كوبرى سطحى ومقفولة بخرسانة زى اللى بتكون فى نصف الطريق ما بين الناحيتين .. الناحية اليمين مقفولة على شكل منحنى كدة السنتر بتاعة ناحية الطريق قافل الحارة اليمين خالص

    المهم فرملت شوية مش قوى ومرة واحدة لاقيت العربية بتصرخ ورايحة باتجاة الخرسانة اللى على اليمين وعمالة تصرخ اكتر واكتر

    على اخر لحظة لما خلاص كنت فى الخرسانة دى كسرت الدركسيون شمال تانى وفاديتها بالعافية وانا على يقين انى خبطت فى الخرسانة وما صدقت عديت منها والعربية وقفت بعدها مباشرة روحت مبطل العربية وانا برضو على يقين انها مش هتدور تانى من الخبطة

    وعلى يقين أكبر و أكبر انى هنزل الاقى ربع العربية اللى قدام يمين دة متدمر تماما

    وكانت المفاجأة بستر ربنا انة الحمد لله جسم العربية محصلهاش اى حاجة باسثناء انة الكاوتش اتقطع والجنط فى جزء منة اتدمر واتعوج خالص .. لكن جسم العربية بفضل الله لم يلمس الخرسانة

    لكن اية اللى عمل كدة فى الجنط ؟ تقريبا والله أعلم انا طلعت على حرف الخرسانة دى بالكاوتش ومن ستر ربنا ان كان جنبها تراب عالى

    طبعا دة شوفتة لما رجعت علشان ادور على الطاسة بتاع الكاوتش لان كل اللى فاكرة لحد الأن ان كبوت العربية كان لازق فى الخرسانة وعديت منها بستر ربنا ليس إلا

    كل دة يا جماعة فى ثانية ولا اتنين

    انا بحكى دة كلة علشان الناس تاخد بالها

    مرة واحدة العربية رايحة بيك على كتل خرسانية وانت فاقد الكنترول عليها تماما وقاعد مكلبش فى الدركسيون

    والعربية ماشية باتجاة خرسانة ومش عارف تعملها حاجة

    والعربية محدفتش كتير اصلا دى حدفت حاجة بسيطة خالص لكن الخرسانة هيا اللى كانت قاطعة الطريق وقافلة الحارة اليمين تماما

    و انا محدوف عليها زى الطوبة ...

    يا ريت كل واحد يتخيل بقى الأحساس اية ساعتها

    والله دايما كنت بفكر اللى بيعمل حادثة بيكون احساسة اية وهوا داخل يخبط بوشة كدة ومش عارف يلم العربية.. وادينى جربتها مرة بجد وربنا ستر والحمد لله

    الحمد لله رب العالمين انا لحد الأن مش مقتنع ان العربية سليمة ولا مصدق انى محصليش حاجة

    وقفت وبطلت العربية ونزلت بصيت عليها من اليمين لاقيت الكاوتش فقط اللى مقطوع والجنط متطبق شوية من ناحية واحدة والطاسة مش موجودة

    عربية كانت ماشية ورايا وقفت والراجل جة قالى عايز حاجة ؟ قلتلة لأ شكرا ومشى وسابنى

    مكنتش عارف اقولة اية الصراحة مكنتش ملموم على نفسى اطلاقا وهوا مش عارف كان مقلق يقف معايا ولا فى اية .. بس تقريبا كان ماشى ورايا وشاف اللى حصلى

    المهم رجعت شوية علشان ادور على الطاسة ملاقيتهاش طبعا وقعدت اتفرج على الخرسانة اللى كنت هلبس فيها

    وعلى اثار الكاوتش وهوا معلم فى الأرض زحف باتجاة الخرسانة ومن بعدها مكمل برضو باتجاة اليمين لحد الحتة اللى العربية وقفت فيها

    وبعدين ابتديت احاول اغير الكاوتش

    و اذا بالمفاجأة الجميلة بقى الصليبة مشقوقة من الناحية اللى على مقاس الكاوتش
    كل ما اجى افك تلف على الفاضى

    قعدت شوية خدت نفسى وبعدين دورت العربية والحمد لله مشيت تمام
    ونزلت الكاوتش اللى مفرقع على التراب وفضلت ماشى على الأول حوالى عشر دقايق

    وكل شوية كنت بقف ابص على الكاوتش والجنط

    وفى مرة من المرات وقفت قدام فتحة من اللى فى الجزيرة
    وحاولت اشاور لأى عربية اخد منها صليبة محدش رضى يقفلى غير واحد بتاع عربية نقل والصليبة بتاعتة كبيرة منفعتش وحاول يوقفلى حد معرفش

    قلتلة خلاص شكرا اتكل انت على الله ... ومشى

    وفى مرة من المرات اللى كنت بقف فيها ابص على الكاوتش وانا بركب لاقيت على الناحية التانية من الطريق كافتريا...

    روحت خدت منها صليبة ورفعت العربية وغيرت العجلة

    ولحد الأن والله مانا مصدق اللى حصلى ولا مصدق ان العربية سليمة

    كل دة فى ثانية واحدة مش اكتر .... و الله اعلم اية سبب دة كلة ؟

    يا ترى الكاوتش كان مريح؟ ولا هوا فرقع وانا ببتدى افرمل ؟ ولا مشكلة فى الفرامل ؟

    انا والله مانا عارف ان كان الكاوتش فرقع الأول ولا خبطت فى الخرسانة الأول ولا انا اصلا مخبطتش فيها... لكن الكاوتش مقطوع و بعدها بحوالى عشرة سنتيمتر الجنط متطبق

    غيرت الكاوتش طبعا وابتديت امشى فضلت مشغل الأنتظار وماشى 50:60 مزودتش عن 60 خالص كنت برفع رجلى اصلا علشان انقل بالعافية لان اعصابى ضربت خالص


    ولحد دلوقتى بسأل نفس الكلام دة لو حصلى بالانوس كان زمان اية الوضع دلوقتى !!!


    خدو بالكم يا جماعة ...
    الدنيا بتتقلب فى ثانية ...
    وربنا اللى عالم الموضوع هيرسى على اية ...

    ربنا يسترها معانا جميعا
    [RIGHT][B][I]Mohamed Samir[/I][/B]
    :sleeping:
    [CENTER]'
    [/CENTER]
    [/RIGHT]
    الكلمات الدلالية (Tags): 20, 50, font, ابن, الشنطة, الي, اوبل, اوبل فيكترا, بالكم, بيع, تركيب, جماعة, جنط, جين, حادث, حادثة, حساس, حوادث, دى, ربنا, عايز, عبدة, عدادات, عربية, عن, فاكر, فتحة, فرامل, فرق, في, فيكترا, قطع, قلب, كاوتش, كبوت, كل, لانوس, مشكلة, مصر, مع, مقاس, من, مين, هل, هي, وجاني, يا
  • #2
    حمد الله علي سلامتك وربنا ستر
    [SIGPIC][/SIGPIC]

    Comment

    • #3
      حمدا لله على سلامتك الاحساس دة انا مجربة قبل كدة احساس فظيع انك مش قادر تسيطر على العربية بيحصل حاجة كدة غريبة زى شلل فى التفكير او التركيز مش عارف .
      بس الحمد لله انها جت معاك سليمة .وممكن يكون قلة تركيز بسبب قلة النوم .
      عيد سعيد ان شاء الله

      Comment

      • #4
        حمدلله على سلامتك وربنا يكفينا كلنا شر الطريق

        Comment

        • #5
          حمدالله علي السلامه ومش لا قي كلام اقوله غير كده
          و كل سنه وانت طيب
          [FONT=Garamond][COLOR=blue]سبحان الله وبحمده سبحان الله العظيم[/COLOR][/FONT]

          اخوكم : محمد عماد الدين
          الوظيفه : محاسب
          [CENTER][FONT=Times New Roman][SIZE=5][COLOR=blue][B]سبحانك اللهم وبحمدك ، أشهد أن لا إله إلا أنت أستغفرك وأتوب إليك [/B][/COLOR][/SIZE][/FONT][/CENTER]

          Comment

          • #6
            حمد لله على سلاااااااامتك الحمد لله الحمد لله انها جت على قد كده وكل مادا الواحد بيتعلم
            وطبعا سؤالك بالنسبه لو كانت الانوس كان ايه اللى هيحصل ده اجابته واضحه طبعاا !!
            الحمد لله وقدر الله ماشاء فعل محدش عارف ربنا عطلك لييييييه
            [CENTER]...ılı.... ȜєŠŝД ....ılı...
            [/CENTER]

            Comment

            • #7
              الله يسلمكم جميعا ويكفينا شر الطريق

              الحمد لله رب العالمين

              كابوس

              بس افتكرت حاجة ظريفة .. انا كنت حاطط الشنطة والتليفونات على الكرسى اللى جنبى
              وطبعا بعد الموضوع دة نزلو فى الأرض خالص و نورت نور الصالون وقعدت ادول على التليفون لاقيت واحد وملاقيتش التانى

              وانا بدور لاقيت ارضية الدواسة منورة .. مش عايز اقولكم انا كان نفسى حد ييجى يلطم من الخضة اللى كنت فيها

              اية اللى حصل انا طلعت على اية العربية اتخرمت والأرض باينة

              يانهار ابيض تخيلو بقى مع كل اللى كنت فية الاقى الدواسة مخرومة والأرض باينة

              وبالرغم من الخضة دى قلت انا فى اية ولا اية وفضلت ماشى لحد ما ربنا كرمنى وغيرت الكاوتش بعد عناء

              بعد كدة بقى ابتديت افوق وقولت اما اشوف موضوع اية الدواسة اللى اتخرمت دى هههه

              نورت النور بتاع كاميرا الموبايل و بصيت من وراء العجلة من عند الكارتيرة ملاقيتش اى حاجة

              فتحت الباب وقعدت فى الأرض اشوف فى اية فى الدواسة واتخرمت اازاى

              اكتشفت ان المراية بتاع الصالون اصلا كانت مخلوعة وكانت محطوطة تحت الكرسى ومن الفرامل جريت راحت فى الدواسة وهيا اللى كانت عاكسة النور بتاع الصالون هههه

              شر البلية ما يضحك

              العربية اتخرمت

              مش عايز اقولكم يعنى لما اكتشفت كدة وانا اصلا ماسك نفسى نص ساعة تقريبا وعايز اعرف العربية فيها اية لكن فضلت مستحمل لحد ما لاقيت صليبة وغيرت الكاوتش وبعدين ابتديت افحص الدواسة
              [RIGHT][B][I]Mohamed Samir[/I][/B]
              :sleeping:
              [CENTER]'
              [/CENTER]
              [/RIGHT]

              Comment

              • #8
                قدر الله وماشاء فعل.حمدا لله على سلامتك ونصيحة ماتسوقش ابدا وانت مش نايم كويس ولو مضطر تسوق وانت مش نايم كويس لابد تعمل كنترول على سرعتك وماتزيدش عن 90كم/ساعة علشان تعرف تتعامل مع أى مفاجأة

                Comment

                • #9
                  الف حمد لله على سلامتك....وربنا يسترها مع كل الناس

                  الف حمد لله عالسلامه
                  [CENTER][COLOR="Lime"][COLOR="Yellow"]--[/COLOR][COLOR="DarkOrchid"]--[/COLOR]--[COLOR="DarkOrchid"]--[/COLOR][COLOR="Yellow"]--[/COLOR]
                  -::[COLOR="Purple"][SIZE="3"][COLOR="Yellow"]....[/COLOR] [COLOR="DarkOrchid"]I[COLOR="Lime"]'[/COLOR]M PR[COLOR="Lime"]O[/COLOR]T[COLOR="Lime"]O[/COLOR]NY[/COLOR] [COLOR="Yellow"]....[/COLOR][/SIZE][/COLOR]::-
                  --[COLOR="Yellow"]-[COLOR="DarkOrchid"]-[/COLOR]-[/COLOR]--[/COLOR]

                  [aldl]http://img825.imageshack.us/img825/7055/3333333388333335555.gif[/aldl]

                  [URL="http://www.facebook.com/group.php?gid=67622393715"][aldl]http://farm5.static.flickr.com/4051/4341840452_c91620bc9b_o.jpg[/aldl][/URL]

                  [/CENTER]

                  Comment

                  • #10
                    أهم حاجة حمد لله على سلامتك ، و زى ما قالك الجميع حاول ماتسوقش تانى الا و انت نايم قبليها كويس لأن للأسف التعب و الارهاق و قلة النوم من أكثر أسباب الحوادث فى مصر.حفظنا الله و اياكم جميعاً من كل سوء.
                    [CENTER][B][SIZE=5][FONT=Comic Sans MS][COLOR=teal][FONT=Comic Sans MS][SIZE=5][COLOR=teal][B][bor=#f7ff00][FONT=Comic Sans MS][SIZE=5][COLOR=teal][B]سبحان الله و بحمده ...سبحان الله العظيم[/B][/COLOR][/SIZE][/FONT][/bor][/B][/COLOR][/SIZE][/FONT][/COLOR][/FONT][/SIZE][/B][/CENTER]

                    Comment

                    • #11
                      حمد الله ع السلامة وكل سنة وانت طيب
                      [SIZE=3]تامر حسين[/SIZE]

                      Comment

                      • #12
                        حمد الله على السلامه وربنا يحفظك ويحفظنا من كل سوء
                        [SIGPIC]http://www.nilemotors.net/Nile/signaturepics/sigpic3105_1.gif[/SIGPIC]
                        Dr Ibrahim Saad

                        Comment

                        • #13
                          المشاركة الأصلية كتبت بواسطة pro_samir مشاهدة المشاركة

                          ولحد دلوقتى بسأل نفس الكلام دة لو حصلى بالانوس كان زمان اية الوضع دلوقتى !!!



                          والله من الاول خالص انا فاكر انها اللانوس عشان شايل من نفوخى احتمال ان الBMW تعمل كدة !!!!!!!!!!!!!!!

                          حمد الله على سلامتك
                          [CENTER]سبحان الله وبحمده سبحان الله العظيم
                          لا تظلمن إذا ما كنت مقتدرا --------- فالظلم يرجع عقباه الى الندم
                          تنام عينك والمظلوم منتبه --------- يدعو عليك وعين الله لم تنم
                          [/CENTER]

                          Comment

                          • #14
                            الف حمد الله علي سلامتك

                            و الحمد لله انها جت علي قد كده

                            فعلا موضوع عدم النوم ده بيبقي عامل مهم اوي في معظم حوادث الطرق

                            حاول حضرتك بعد كده تريح نفسك و تبقي نايم كويس قبل ما تسوق

                            و اهم حاجة انك انت بخير
                            [COLOR="DarkOrchid"][SIZE="3"][I][CENTER]il n’est pire aveugle que celui qui ne veut pas voir[/CENTER][/I][/SIZE][/COLOR]

                            Comment

                            • #15
                              اولا الحمد لله على سلامتك وربنا سترها معاك , لكن الوم عليك القيادة وانت مجهد حتى ولو كانت قوة تركيزك عالية دى حاجة وعليه لو اضطريت للضرورة القصوى ان تسوق بالحالة دى فبأى حال من الأحوال متزودش عن 80 او 90 كم /س ليتناسب رد فعلك مع اى حدث فجائى , حكاية اللانوس فباعتقادى انا ان ربنا وحده هوه الستار حتى لو اامن عربية فى العالم بس احنا ناخد بالأسباب ولا نلقى بأنفسنا للتهلكة ,
                              مرة أخرى الحمد لله على سلامتك , وكل عام وانت بخير .
                              [SIZE="6"][COLOR="DarkGreen"][U][I][CENTER][SIZE="5"]اللهم اجعل قلوبنا عامرة بالإيمان[/SIZE][/CENTER][/I][/U] [/COLOR][/SIZE][CENTER][U][I][/I][/U][/CENTER]

                              Comment

                              السابق 1 2 3 4 template التالي
                              Working...
                              X