أقتراح بخصوص مقابلة 3 أغسطس

[Hossam_Hassan]

الأخوة الأعزاء

بمناسبة الجو الجميل اللى بنستمتع بيه اليومين دول، فأنا بأقترح اننا نحاول نخلى ميعاد المقابلة متأخر شوية، يعنى نتجمع على الساعة 6، فيكون الجو طرى شوية و يبقى عندنا ساعتين للتجارب قبل المغرب و بعدها ممكن نقعد زى ما احنا عاوزين علشان ندردش.

[AlmAhAtmA]

اقتراح ممتاز
علي المستوي العام فعلا حيكون الجو احسن
و علي المستوي الشخصي كده ممكن اطلع من اسكندريه بعد صلاه الجمعه
علي العلم اني لسه مش عارف الوصفه
لكن كريم بعت لي الاحداثيات بتاعت جوجل و حشوف حقدر اوصل منها ولا حتوه

[bassam nagy]

يستحسن يبقى بعد الظهر وربنا يقدرنى واعرف اجى

[khalid_adel]

فعلا ياجماعه 6 ده مناسب ياريت مش قبل كده عشان انا كده يدوبك اصلي العصر وانزل على 5 واكون هناك 6 ان شاء الله ويكون الجو هدي شويه احسن الحر فظيع بجد

[hazem_khidr]

اقتراح جميل جدا الصراحه علشان نهرب من حراره الساعه 3 الضهر بس طبعا لازم الكل يوافق

[Hossam_Hassan]

طيب لو ممكن الأدارة تعمل استفتاء؟

[د.أحمد سمير]

يظهر يا جماعة إنكم لسه في أجواء العبور .. احنا عادة في الربوة نتقابل في رينج موعد صلاة العصر شتاء وصيفاً يعني حوالي الساعة 4.30 : 5.00 عصراً ، لكننا عدلنا الموعد في مقابلات العبور علشان نخلص قبل الضلمة فبقت الساعة 3 صيفاً وشتاء ، لكن أول وتاني مقابلة في الربوة على الرغم من البرد قعدنا لحد الساعة 10 بالليل بدءاً من العصر ، وتكملة المقابلة اللي فاتت التي بدأت بالعبور وانتهت بالربوة خلصناها حوالي الساعة 11.30 .. لذا أنا أؤيد أن تكون المقابلة بعد صلاة العصر ، ولا تقلقوا من الجو فجو الربوة جميل
تقبلوا خالص مودتي

[oshy]

ممكن حد يقللى تجارب أيه اللى انتو هتعملوها ؟؟؟؟ :roll: :roll: :roll:

[Dr Ahmed]

ممكن حد يقللى تجارب أيه اللى انتو هتعملوها ؟؟؟؟ :roll: :roll: :roll:

بنجيب واحد ونغمّى له عنيه ونركبه عربية يسوقها 1000 متر ولازم يعرف نوع العربية من سواقتها، ولو عدى التجربة دى بنغمّى له عنيه ويجرى وعربية تجرى وراه ومفروض يعرف نوع العربية اللى بتجرى وراه من صوت موتورها وصوت فراملها ، ولو عدا تانى بنغمى عنيه ويقف أعلى الربوة ووشه للسور ونقول له دوّر على عربيتك واعرفها بمجرد اللمس ..



طبعا اللى يعدى التجارب دى يبقى راجل بركة .. ومتخافش ان شاء الله هتعدى كل ده يا أوشى.... :twisted: :twisted: :twisted: :twisted:


v
v
v
v
v
v
v















فيه تجارب تانية من نوع انك تاخد مفاتيح السيارة اللى تحبها بعد استئذان صاحبها وتدّورها وتطلع بيها وتعيش لحظات جميلة معها بالاضافة لمعاينة أى سيارة من الداخل والخارج والاطلاع على تجارب الأعضاء فى التعامل مع مشاكل سياراتهم على الطبيعة.

[oshy]

ممكن حد يقللى تجارب أيه اللى انتو هتعملوها ؟؟؟؟ :roll: :roll: :roll:

بنجيب واحد ونغمّى له عنيه ونركبه عربية يسوقها 1000 متر ولازم يعرف نوع العربية من سواقتها، ولو عدى التجربة دى بنغمّى له عنيه ويجرى وعربية تجرى وراه ومفروض يعرف نوع العربية اللى بتجرى وراه من صوت موتورها وصوت فراملها ، ولو عدا تانى بنغمى عنيه ويقف أعلى الربوة ووشه للسور ونقول له دوّر على عربيتك واعرفها بمجرد اللمس ..
طبعا اللى يعدى التجارب دى يبقى راجل بركة .. ومتخافش ان شاء الله هتعدى كل ده يا أوشى.... :twisted: :twisted: :twisted: :twisted:
.

ههههههههههههههههههه طيب ما احنا نغمى عين واحد و نخلى عربية واحد تانى تخبطه و من طريقة الخبطه المفروض يعرف نوع العربيه و بالمره بنزين كام اللى هيه حطاه .... مهو هوه ده اللى ناقص :mrgreen: :mrgreen: :mrgreen: :mrgreen: :mrgreen:

[Dr Ahmed]

[quote="oshy"]

ههههههههههههههههههه طيب ما احنا نغمى عين واحد و نخلى عربية واحد تانى تخبطه و من طريقة الخبطه المفروض يعرف نوع العربيه و بالمره بنزين كام اللى هيه حطاه .... مهو هوه ده اللى ناقص :mrgreen: :mrgreen: :mrgreen: :mrgreen: :mrgreen:

ههههههههههههههههههههههههههههه
جديدة دى بس ممكن ندرس الموضوع دا برضه :roll:

بالطريقة دى يبقى نعمل المقابلة قدام استقبال القصر العينى مش الربوة :D :D

[Abonora]

هههههههههههههههههههههههههههههههههههههههههههههه

ليه بجد منعملش تجارب لتسارع العربيات في طريق طوالي وستوب واتش

او نعمل تراك هاندلينج بشوية اقماع في وسعاية فاضية ومتسفلتة كويس

او نعمل سباق للعربيات بسرعة الانجيكشن من غير ما حد يدوس بنزين

او نعمل تست لعزل الصوت في العربيات واكتر عربية تطلع مزعجة نجيب لصاحبها جايزة كيس قطن يحطه في ودانة

او نعمل سباق لابطاء عربية يعني كلنا نمشي براحة خالص ومحدش يدوس فرامل وكل واحد ممكن يقد جمبة واحد حكم

او نعمل تست لعربياتنا ونشوف اقل عربية بتعمل اربي ام علي السرعات العالية
واعلي عربية من علي الارض
وانعم صوت فرامل
واخشن صوت دوارة
انعم عربية علي المطبات

وكل الحاجات ديه واكتر هتطلعلنا معلومات جامدة جدا وهنعمل بيها اكبر تست دريف في الدنيا

على فكره انا بتكلم بجد

[Hossam_Hassan]

هههههههههههههههههههههههههههههههههههههههههههههه

ليه بجد منعملش تجارب لتسارع العربيات في طريق طوالي وستوب واتش

او نعمل تراك هاندلينج بشوية اقماع في وسعاية فاضية ومتسفلتة كويس

او نعمل سباق للعربيات بسرعة الانجيكشن من غير ما حد يدوس بنزين

او نعمل تست لعزل الصوت في العربيات واكتر عربية تطلع مزعجة نجيب لصاحبها جايزة كيس قطن يحطه في ودانة

او نعمل سباق لابطاء عربية يعني كلنا نمشي براحة خالص ومحدش يدوس فرامل وكل واحد ممكن يقد جمبة واحد حكم

او نعمل تست لعربياتنا ونشوف اقل عربية بتعمل اربي ام علي السرعات العالية
واعلي عربية من علي الارض
وانعم صوت فرامل
واخشن صوت دوارة
انعم عربية علي المطبات

وكل الحاجات ديه واكتر هتطلعلنا معلومات جامدة جدا وهنعمل بيها اكبر تست دريف في الدنيا

على فكره انا بتكلم بجد

كلام جميل بس مينفعش نفكر فيه أصلا و احنا مختلفين كده، لما نقعد مع بعض بهدوء و أحترام واستماع جيد لكل الأراء و نوصل لقناعات مشتركة ترضى الأغلبية، ساعتها نشتغل على ميه بيضا مش معكرة.

الله يرحمه اخوا جدتى لما سألته ليه ناس أطول من ناس، رد و قال علشان الطويل يشوف البعيد و يعرف الطريق، قلتله و القصير يتوه؟ قالى لا هيوصل مع الطويل علشان هوه اللى هيحوش عنه الوقوع فى الحفر.

[khalid_adel]

انا كده اتلخبط انا كنت فاكر الميعاد الساعه 6
طب دلوقتي اخر كلام الميعاد الساعه كام بالظبط عشان اجي مظبوط متأخرش