الاسانسير

[abokoko]

فى المنطقة التى اسكن بها
ينقطع الكهرباء فى الصيف معظم الوقت
وممكن يفضل ساعتين مثلا مقطوع

لو الكهرباء اتقطعت و الاسانسير موجود به اشخاص متعلق بين دورين

هل فى طريقه لتحريك الاسانسير من اعلى لانقاذ الاشخاص اللى بداخل الاسانسير

[abokoko]

؟؟؟

[ahmed_eng2001]

من الاشتراطات الرئيسية فى عمل المصعد .... ان ممكن تحريكه و انقاذ من بداخله فى حالة انقطاع التيار الكهربى

فيه بطاريات بتكون موجودة فى السيستم .... بتخلى المصعد يوصل لاقرب دور و يفتح الابواب و يفضل مكانه لغاية لما الكهربا ترجع تانى

و لو البطاريات باظت .... ممكن تحريك المصعد عن طريق فتح الفرامل حاجة بسيطة بطريقة معينة و تنزال او رفع المصعد لاقرب دور ... و فتح الباب بطريقة يدوية
و الحاجات دى بتخنلف من نظام للتانى

[رامي مصطفى]

بص بداخل المصعد هتلاقي الشركه اللي عملته لازقه عنوانها وارقامها ( الكارت بتاعها) علشان الصيانات وكدعايه كلمهم هايقولوا لحضرتك الطريقه

[abokoko]

شكرا لحضراتكم

[lena jo]

احنا عندنا في العمارة ركبنا اسانسير جديد من كام سنة و بعد فترة ايام انقطاع الكهرباء شركة تانية ركبتلنا جهاز علشان الاسانسير ينزل لاقرب دور في حالة انقطاع التيار الكهربائي.

[ahmed_eng2001]

احنا عندنا في العمارة ركبنا اسانسير جديد من كام سنة و بعد فترة ايام انقطاع الكهرباء شركة تانية ركبتلنا جهاز علشان الاسانسير ينزل لاقرب دور في حالة انقطاع التيار الكهربائي.

فى الغالب ده بيكون سيستم بطاريات خارجية .... 4 او 5 بطاريات او اكتر ... بتركب جنب لوحى الاسانسير الرئيسية فى الغالب .... و دى بتخلى الموتور يتحرك لاقرب نقطة وقوف و يفتح الباب و يفضل واقف كدة لغاية لما الكهربا ترجع تانى

[svneleven]

اي حد يطلع يفتح الفرامل من فوق و يحرك الاسانسر بايده لاقرب دور. الموضوع سهل و امن جدا لكن لازم حد يوريكو الطريقة و اعتقد شركة الصيانة ممكن تعمل الكلام ده.

[abokoko]

شكرا لحضراتكم