بابا ولا ماما وموقف ادعو الله الا نقع فيه

[OlaOsman]

الله يكون في عونك يا نايل ستورم.. انا مش عارفة لو حصل لي موقف زي ده و حد يقول لي سلام عليكم و بعدها بثواني يموت هايكون احساسي ايه.. بس متأكدة كويس اني هاسأل نفسي ليه ربنا اختارني انا بالذات عشان انا اكون في الموقف ده؟ ليه انا آخر واحدة يكلمها الراجل ده الله يرحمه؟ أكيد في رسالة من ده كله.. لا شئ يحدث عبثا و تعال الله عن ان يحدث شئ عبثا.. كل شئ عند الله بقدر.

الله يرحمه و يرحم الأحياء و يصبرهم و يبصرهم يا رب.

[ehab08]

لا حول ولا قوة الا بالله

[polo61]

لا إله إلا الله ولا حول و لا قوة إلا بالله

فعلا موقف بجد مؤثر لما الواحد يلاقى فجأة نفسه ممكن يخسر حد من أعز الناس ليه .... و أنا كنت لسة عاملة مشكلة مع مامتى من يوم الوقفة و كان مفيش كلام بينا لغايط من شوية (يا دوبك قولتلها امبارح كل سنة و انتى طيبة من تحت الضرس عشان يبقى عملت اللى عليا) و انهاردة لسة من شوية قمت من على النت اللى قاعدة عليه ليل و نهار و سايباها .. قمت عملتلها حاجة تشربها عشان كان عندها برد و قعدت معاها و قعدنا نحكى و كأن شيئا لم يكن ... و أجى دلوقتى بعدها بمفيش الاقى الموضوع ده....

مش عارفة هيفضل الكبر و العند اللى بينا و بين أهالينا لامتى امتى الواحد هيقول انا اسف على الاهمال و العند و قلة الذوق اللى كان بيتعامل بيها معاهم

ولا لازم توصل لموقف نلاقى حد من الاتنين هيضيع مننا عشان نحس بقيمتهم :k30::k30::k30:

شكرا على الموضوع اللى جه على الجرح يا نايل ستورم

بجد موقف صعب
الله يرحمه ويحسن اليه ويتقبله تقبل حسن
اقتبست مشاركة نهى بجد عجبنى موقفك من والدتك حفظها الله لكى والف سلامة لها
ياريت كل البنات والشباب فعلا يحسوا نفس احساسك الراقى يانهى
نايل ستورم ربنا يكرمك شكرا على المشاركة الرقيقة
وكل سنة وانتو طيبين كلكم

[Nile_Storm]

الله يكون في عونك يا نايل ستورم.. انا مش عارفة لو حصل لي موقف زي ده و حد يقول لي سلام عليكم و بعدها بثواني يموت هايكون احساسي ايه.. بس متأكدة كويس اني هاسأل نفسي ليه ربنا اختارني انا بالذات عشان انا اكون في الموقف ده؟ ليه انا آخر واحدة يكلمها الراجل ده الله يرحمه؟ أكيد في رسالة من ده كله.. لا شئ يحدث عبثا و تعال الله عن ان يحدث شئ عبثا.. كل شئ عند الله بقدر.

الله يرحمه و يرحم الأحياء و يصبرهم و يبصرهم يا رب.

الف شكر للجميع علي الردود
و ربنا يباركلنا في ابائنا و امهاتنا جميعا
بجد حسيت ان الدنيا مش مستاهله

و شكر خاص ليكي ياعلا بجد نبهتيني لنقطه مكنتش بفكر فيها
و محتاجه وقفه مع النفس فعلا

[Mohd_Adel_Amin]

ربنا يكون في عونك يا نايل ستورم على المواقف المشابهة وأتمنى ان قلبك لا يتحجر مع الوقت زي ما حصل مع دكاترة كثير من اللي بيشتغلو في الطوارئ ...
ويا رب يحفظ آباءنا وأمهاتنا في الدنيا والآخرة .. ويكون في عون الطفلة وفي عون كل الأيتام .
وجزاك الله خير على الموضوع .

[Nile_Storm]

ربنا يكون في عونك يا نايل ستورم على المواقف المشابهة وأتمنى ان قلبك لا يتحجر مع الوقت زي ما حصل مع دكاترة كثير من اللي بيشتغلو في الطوارئ ...
ويا رب يحفظ آباءنا وأمهاتنا في الدنيا والآخرة .. ويكون في عون الطفلة وفي عون كل الأيتام .
وجزاك الله خير على الموضوع .

بس هو لازم يتحجر علشان الدكتور يشوف شغله و يكون عنده ثبات انفعالي و الا هيقف جنب العيان و يعيط


بس هو ميبقاش قلبه قاسي بس ده المطلوب و الي بيفرق دكتور عن التاني

[meza]

ربنا يكون في عونك يا نايل ستورم على المواقف المشابهة وأتمنى ان قلبك لا يتحجر مع الوقت زي ما حصل مع دكاترة كثير من اللي بيشتغلو في الطوارئ ...
ويا رب يحفظ آباءنا وأمهاتنا في الدنيا والآخرة .. ويكون في عون الطفلة وفي عون كل الأيتام .
وجزاك الله خير على الموضوع .

هو فعلا إبتدى يتحجر من دلوقتى فى الكلية ... و مش فى الطوارىء بس لأ فى كل التخصصات.

كنا قاعدين نتغدى من كام شهر كده فجأه البواب خبط علينا و قالنا جاركم الأستاذ فلان إتوفى من شوية .... الراجل كنت بحبه و بقعد أحكى معاه و نتكلم مع بعض فى الأسانسير ... المهم بابا رجع و حاول يحط لقمة فى بقة مقدرش .. و قالنا اللقمة مررت فى بقى و قام.... و أنا زى اللامؤاخذة كملت أكل عادى جداً للأخر و قمت بالليل عزيت أولادة و خلاص على كده.
و نفس الحكاية حصلت فى وفاة جدتى قبليها ... مش عارف إيه اللى حصل؟

بس أنا متأكد إنى مبقتش صنم .. لأنى بشوف العيانين اللى ميئوس من حالتهم و بيصعبوا عليا ... جايز مش بيظهر عليا ده لكن من جوايا حاسس بيهم.

تقريباً كل الدكاترة كده ... و ده جزء من شخصيتهم بعد كده .. إنهم ميتأثروش بسهولة


شكراً على الموقف المؤثر يا ستورم ... المشكلة إن الواحد بينسى ...

[mohmd76]

لكل اجل كتاب
ولا تدرى نفس باى ارض تموت
سبحان الله