عاوز افهم ده ازاي وليه

[amr100]

انا واخد موبايل قديم معايا الشغل مفيش جواه حط علشان الارقام اللي عليه اللي ممكن احتاجها وانا قاعد بشتغل لقيت الموبايل بيرن و مفيش شريحة فيه و مكتوب رقم غير معروف المشكله مش في الرقم هو ازاي بيرن وفتحت عليه بس محدش رد يا ريت حد يفهمني من الاخوة بتوع الاتصالات

[ahmedsrs]

لو فى شبكة واى فاى والتليفون داخل عليها هيرن عادى من تطبيق ماسنجر او واتس اب

[amr100]

المكان اللي كنت فيه لا فيه شبكة تليفون ولا واي فاي ولا اي حاجه ده انا لما بتكلم بطلع بره علشان الشبكة وحشه

[Ahmed Tarek 00]

[amr100]

واحد زميلي فهمني ازاي انا تليفوني نوكيا 206 قال لي ده حاجه اسمها مكالمة المحاكاة اضغط على زرار الأسماء باستمرار هتلاقي بيعمل نغمة الاتصال عليك فواضح ان ده السبب وان التليفون كان في جيبي فضغط على الزرار من غير ما اقصد

[M.ABDOU]

بص انا مش عارف ايه اللى حصل مع حضرتك بالظبط بس عاوز اوصلك معلومه اساسيه فى الموضوع

شبكات المحمول بتبقى موجوده سواء حضرتك حطيت الشريحه ام لا

فايده الشريحه بس انها بتعمل access على انهى شبكه فيهم وتسمحلك تدخلها


بدليلل مكالمات الطوارئ لو مفيش فى موبايلك اى شريحه او كمان قافل المفاتيح مجرد انك بتضغط على رقم 112 فى اى بلد الموبايل بيشوف اى شبكه حاليه ويتستخدمها ويتصل بالنجده حتى لو مفيش فى الموبايل اى شريحه

ممكن تكون انت دوست على الارقام دى بالغلط 112 وده اتصال من النجده ليك

بقول ممكن

[salam100100]

وممكن كمان الموبيل فيه خاصيه ال Fake Call
اللى هى مكالمه مصطنعه, بتظبته انه يرن بعد كام دقيقه وبتدخل اى نمره وهميه واسم وفعلا بيرن وطبعا لما بتفتح السكه مش بتلاقى حاجه مهى مكالمه كدا وكدا

الخاصيه دى بيستخدموها لما تكوت فى اجتماع وعايز تستازن بشياكه, فتخلى الموبيل يرن كدا وكدا وتستازن وتطلع ترد بره