مشكلة خاصة بماتور المياه ضرورى من فضلكم

[faragebraheem]

عندى ماتور مياه كوميت ايطالى واحد حصان ومركب معاه فلوماك ايطالى المنزل ثلاثة ادوار كل دور شقة بتاعنا يعنى حاطط فى كل شقة مفتاح للماتور اللى عايز مياه يشغل من عندو الماتور كان شغال زى الفل بقاله سنتين دلوقتى ساعات يعلق ويفضل شغال بصورة مستمرة بعد غلق المياه وبعدين المياه تنزل سخنة كانى مشغل سخان ولازم افصل المفتاح علشان الماتور يطفى ياترى العيب فى ايه انا خايف ننساه ويتحرق على الرغم مفبش تسريب ولا حنفيات مفتوحة وعداد المياه مش بيتحرك دليل ان مفيش مياه بتسرب المشكلة فى ايه

[ahmed_eng2001]

فيه عدة احتمالات ....
الفلوماك محتاج يتعمله ريستارت .. او محتاج يتغير

احد صمامات عدم الرجوع فى احد السخانات مش شغال .. و بالتالى بيسرب مياه سخنة

الجو الحر بيخلى المياه نفسها سخنة و خاصة لو فيه تانكات على السطح
متايع معاك

[faragebraheem]

مسألة السخانات مستبعدة لانها غاز واحنا فاصلين الانبوبة فى الصيف ومسألة الريستارت حاولت اعملها بس حاسس ان الزرار مش شغال الماتور ساعات يشتغل كويس وساعات يفضل شغال بصورة مستمرة طيب واعرف ازاى ان الفلوماك ممكن يكون باظ

[ahmed_eng2001]

بالتجربة ممكن تعرف الفلوماك باظ و لا لسة

[هيثم مجدي]

غير السيكس بلف اكيد باظ
وطبعا الفلوماك باظ بسبب ان السيكس بلف باظ
حصلتلي وكانت الميه تيجي سخنه معرفتش السبب لحد لما حد قالي على السيكس بلف والفلوماك

بالنسبة للزرار اللي بيشغل الموتور لازم يكون 2 فاز ومعاه لمبة اشارة عشان ميحصلش اتنين يشغلوا الموتور نفس الوقت
وعشان ميبقاش فيه راجع كهربا و عشان متتحسبش الكهربا على التلات شقق في كل مرة اي حد يشغل الموتور