سؤال للساده المتزوجين

[mody1982]

طبعا اللي متابع مواضيعي عارف انها كلها عن الجواز و اني مش عارف اتجوز
انا كنت عايز اسأل الساده المتزوجون كام واحد منكم اتجوز و هو مش مقتنع بشكل زوجته
كام واحد قال المهم الاخلاقو العيله و الادب و كده و مش مهم الشكل
طيب لما تجيلك عروسه مش متقبل شكلها و اللي جايبها لا يعرفك ولا يعرفها و يقولولك اصلها بنت عيله و اخلاق المفروض تصدق و تقول مش مهم الشكل
طيب لما تقول لحد ان الشكل مش حلو ويقولك ياما بنات حلوه مقرفين و اخلاقهم مش كويسه و مش عارف
يعني لازم الحلوه تبقي صايعه و الوحشه تبقي مؤدبه
انا دلوقت كل اللي بيجيلي شكله ضايع بما اني عمري عدي ال 36
يا اما بيجيلي بنات صغيره وحشه يا كبيره وحشه
و كمان يقولولك عايزين شقه جنبا علشان شقتك بعيده عننا
هو الاصل في الجواز ان البنت تسكن جنب امها
هو ايه علاقه بعد الشقه عن الاهل بالجواز
اذا كانت شقه في مكان محترم و شقه واسعه و في شارع نضيف و حي نضيف و تصمميها كويس
طيب حل اللي اتجوز واحده اقنع نفسه بيها و تغاضي عن شكلها ايه

[memoo305]

بص هو الموضوع نسبي من حد لحد. هقولك بعض من النقاط لأني أتجوزت على نفس سنك تقريبا:
1- فيه طبيعة راجل الشكل عندو رقم 1 (انت فاهم قصدي) واي حاجة تانية ممكن تكلمه فيها وفيه ناس فعلا الشكل ده اخر حاجة بتفكر فيها. لاده عيب ولا ده عيب .الغلط الحقيقي انك متبقاش محدد
2-طبعا الأهل والتربية بتفرق كتيير جدا بص بردة بيحكمنا القاعدة السابقة .
3- هتلف وتقابل ناس كتيير وهتكتشف أن البيوت ياما بتداري. والنفوس محدش بيبقى عارف ايه الي فيها.
4- كل ما بتكبر في السن بيكون سقف توقعات الناس منك أكبر.
5- حدد فئة عمرية مستهدفة . يعني وانت عندك 36 سنة ممكن تاخد حد عندو 20 سنة . الفرق هيكون كبير.
6- لن تستطيع فهم الحقيقة 100% في جواز الصالونات لأن كل واحد بيطلع أجمل ما عنده والجوازة المفروض بتم بدري بدري.
7- خليك وسط لا أنت شاري قوي ولا تحسس الناس أنك موش فارق معاك خالص.
8- لو معاجبكش حاجة اقف واعمل hold لتفتنع وتمشي لكل شيء نصيب
9- خلى علاقتك بربنا كويسة ( أهم حاجة)

[man1974]

شوف الفيديو ده

https://www.youtube.com/watch?v=pQdfm-n4v0M&ab_channel=AhmadHassan

[lena jo]

اهم حاجة كمان يكون فيه توافق في المستوي الاجتماعي حتي يكون اسلوب حياتكم مشترك . و الشكل نسبي ممكن اللي شايفها وحشة غيرك شايفها حلوة و العكس ممكن. المهم يكون فيه قبول من ناحيتك لشكلها. مترتبطش بواحدة مش طايق شكلها . الزواج مفيهوش تعصر ليمون علي نفسك. المسئولية صعبة اصلا. و لو مش متقبل زوجتك من الاول اي مشكلة منها مش هتطيقها خالص و مثله الزوجة ايضا لو نفس الموقف. حذاري ان تتزوج و السلام و الا ستندم و تفتقد ايام العزوبية و تتمني الفراغ. المهم تقتنع بالتي ستتزوجها و كمان بأسرتها لانهم هيزوروك في بيتك و هيتعاملوا معك و مع اولادك. و مسألة الشقة اكيد مش كل الناس بتفكر في الاقرب ا. المهم انها في مكان كويس . ربنا يوفقك. اشغل نفسك بالرياضة و الرحلات. اذهب للنادي حتي لو وحدك . و اختار رياضة تمارسها. روح رسالة مثلا او غيرها و شوف اي عمل تطوعي عندهم اعمال و انشطة لا تنتهي و متنوعة .اختار اللي يناسبك. سهل تشغل حياتك. ابدأ في حفظ القرءان مع اي دار قريبة . ... ممكن كل ده و بالك يفضل مشغول لكن حاول متركزش في مسألة عدم الزواج و السن و متشيلشي هم. خذ بالاسباب فقط مع الدعاء المستمر و الاستغفار ايضا و ربنا اللي بيدبر حياتنا.

[mizomizomizo]

بالنسبة للشكل لازم تكون مقتنع بيها بس ميكونش معيار الجمال الاوفر لان في الاخر الجمال دة مسالة نسبية من شخص الي اخر ام بالنسبة للاخلاق وبنت عيلة دة مسائلة متعرفهاش الا بالعشرة فحدد في اختياارك مجموعة عوامل في اختيار الزوجة ان تكون متوفقة اجتماعيا وفكريا (ودة بتعرف نسبين من فترة الخطوبة) ام بالنسبة للاخلاق وبنت الاصول تعرف من العشرة ومشاكل الحياة بالنسبة شقة قريبة مش بعيدة دة امارة فضية ودلع ماسخ لان توفر السكن المناسب لا يكون بالقرب او البعد و انما بجودة المكان و المستوي
اما ان تقبل تلك لانكا يقولن كبير لا انت لسة في سن مناسب جدا للزواج و الفترة العمرية المنسة للارتباط اعتقد من وجة نظري من 5 الي عشر سنوات اقصي حد والتوافق الفكري و الاجتماعي و الاقتصادي بيكون لة تأثير في في نجاح الزواج من عدمة وحلات بيكون الفترة العمرية قريبة ويكون الزواج فاشل ولكن لم يكون فرق عمري بدون مشاكل صحية يكون الشماعة انة اكبر منها بكذا سنة وتذكر حديث الرسول صلي االة علية وسلم تنكح المراء لاربع فظفر بذات الدين
بالنسبة انك الحق اتجوز عشان توشف عيالك في ناس بتجوز وتخلف بعد سنين
النصيحة
الجمال كشرط اساسي الجمال بيفقد نضارتة بمجرد الجواز بفترة ( ولكن لابد ان تكون مريحة لك كا شكل )
الاخلاق بتتعرف بالعشرة
بالنسبة للمكانة الاجتماعية اي فيدتها وانت مش مستريح في بيتك
بالنسبة انت كبرت ودة المتاح امامك لا طبعا كلام فارغ وكلة قسمة ونصيب
بالنسبة للشقة اثبت علي الشقة لان دة او التنازولات وهو فيحد عرف يجيب شقة
تاني في اختيارك بدون مبالغة

[anwar wgdy nou]

شف يا مودي, سبحان الله , يقولوا لكل فولة مسوسة كيال اعور , وساشرح لك المعنى باذن الله , مثلا انا , كنت اقول لاصدقائي الحميمين عن بنات رايتهن فاعجبنني جدا جدا , فيقول بعضهم : اعوذ بالله من ذوقك , انهن لسن جميلات , , وبعضهم يقول ان جمالهن عادي او وسط , ههه وانا مجنون بهن ومتيم , فاراجع نفسي على اقوالهم واحاول تناسيهن , ولكن برضوا اراهن جميلات , مما يعني ان الاعجاب ربما يكون قسمه ونصيب , ومثلا اخر: انا لا اتصور ان اعجب ببنت شفتها السفلى داخله لجوه عن الشفه العليا , وصديق لي يجن ويبحث عن فتاة شفتها السفلى داخله لان يرى ذلك هو الاجمل , انا اعجب بالفتاة التي لونها فاتح وبعض اصدقائي يحب السمراوات , مثلا انا بحب ان زوجتي تكون سمينه بعض الشيء وليست سمنه فاحشه , وغيري يحبها رشيقه كعصاة الخيزران , مثلا انا ممن يجن بالبنات القصيرة , وغيري كثير يحب البنات الطويلة , بحب البنت التي شعرها طويل جدا وغيري يحب ذات الشعر القصير , الخ المهم كل فولة ولها كيال وسبحان من فرق الاذواق , ولكن انصحك من اهم الاشياء ان تكون البنت التي تتزوجها ذات اخلاق حميده ودين وثقافه كبيرة وذكاء , ولا تسمع النصيحه ممن قال تشاغل بالرياضه ههه, بل الحق عمرك وتزوج وانجب قبل ان تكبر اكثر, وحظك الان ان البنات كثيرات وصرن هن من يجرين وراء الشباب وليس هم هههه