مساعدة فى استشارة نفسية اجتماعية

[egyboy]

السلام عليكم

الموضوع باختصار

تقدم شاب لفتاة اصغر منه ب 9 اعوام

متدينة وعلى خلق وصفاتها كويسة جدااا

المشكلة اللى بتؤرقه هى فرق الطول بينهم 30 سم ؟؟

هى 155 وهو 185


اسبوعين تقريبا مفيش نوم وحالة نفسية سيئة

محتاج نصايحكم

هل الفرق ده مؤثر على الحياة بشكل عام وعلى العلاقة الزوجية ما بينهم

صدقونى مش تفاهة بس فعلا حط نفسك فى نفس الموقف .. خصوصا الواحد خايف يقول قدام يارتنى ..الزواج مينفعش فيه كده


محتاج نصايحكم وتجاربكم

[egyboy]

فينكم يا شباب

[egyboy]

.......

[ahmed.biso13]

انت عملت الخطوة الصح واخترت ذات الدين والخلق
وكان ممكن تشوف واحدة غاية فى الجمال والطول المناسب
ولكن قد تجعل حياتك جحيم بسبب هذا الجمال الفاتن والملفت للنظر من قبل الشباب وقد يجعلك تطلقها بسبب هذه الغيرة وقد لاتسمر حياتك سوى 3شهور تخسر فيهم كل شئ
واحمد ربنا انها جائت على الطول فقط
كنت تعالى وشوف اللى انا شوفتهم ثلاث سنوات ونصف بحث عن عروسة
ويا إما تلاقى بنت كويسة وعاوزة تتجوز واهلها متطلعين فى الطلبات
و يا اما تلاقى بنت دماغها عوجة واهلة عاوزين يغورها لاى حد وهى دماغها فى واد صايع مالوش مستقبل وفى الاخر يطين عيشتها ويصبحها بعلقة ويميسيها بعلقة
او تلاقى نوع ثالث قطر الجواز يعدى عليهم متاخر وومكن مايجيش
وانت فى نعمة احمد عليها ربنا انزل محكمة الاسرة وشوف النوع اللى بتدور عليه هتلاقيه هناك كتير ومتمرمط فى المحاكم وشايلة عيل
بس اهم حاجة فى الموضوع اسئل قلبك شوف انت مايل لهل ولا لا
عشان ماتظلماش معاك بعد الجواز
وزى ما قال الشرع
انظر اليها احر ان يؤدم بينكما
اى قلبكما يميل الى بعض
وهذا راى الشخصى بحكم ما رايته فى المحاكم وحياتى العملية

[lena jo]

انا شفت ازواج بينهم فرق طول كبير و ناجحين . شكلهم ملفت لكن لنا نحن الاغراب لكن بالنسبه لهم عادي .. اللي اعرفهم منهم اعرف ان كان فيه معرفة مسبقة بينهم في العمل و اثنين اخرين كانوا معي في الكلية يعني معرفة مسبقة بينهم ايضا و كلهم يبدوعليهم انهم مرتاحين . لكن المهم تقبلك النفسي للموضوع ، مش مهم الناس طبعا. يعني مش مرتاح لفرق الطول لدرجة عدم النوم ده شئ غير جيد ابدا. ويمكن هي تحس بمشكلة هي الاخري. فكر جيدا في نفسك و شعورك انت بهذا الفرق و ليس مظهركم امام احد.