Hitachi Refrigerators

[أبو عمار]

الحقيقة إمبارح روحت كارفور و كنت بتفرج على إيديال إيليت 14 قدم ب 2000 جنية و مش بطالة و الله ، بس لقيت عندهم الهيتاشى 15 قدم حدوتــــة بجد و مش غالية 2750 جنيه و بعد البحث عنها من خلال موقعها على النت إقتنعت بيها أوى
حد يا شباب جرب التلاجات دى.. مين توكيلها.. صيانتها... أعطالها كده يعنى

[A.Saad]

ممكن التوكيل يكون العبد
انا مجربتهاش
ايديال انا جبت غسالة اطباق زانوسى المستوردة
بفتحها لقيتها بايظة وقرفونى علشان ترجع

[michohat]

الثلاجات الهيتاشى مقاستها من اول 12 قدم الى 22 قدم تقريبا
التوكيل فى مصر : شركه مصر للالكترونيات (هيا برضه وكيل وايت ويل)
صيانتها: مضمونه من التوكيل وله رقم مختصر 19118
اعطالها: دى تتأكد منها من المحلات والتجار بس اللى اعرفه مفيش منها شكاوى وهيتاشى ميزتها انها مش من فئة التجميع المحلى لان الثلاجه مستورده متقفله وجايه ع البيع

[أبو عمار]

متشكرين يا جماعة على الردود و كلامك يا أخ مجدى سليم 100% و أنا بالفعل إشتريتها اليوم و إتأكدت من إعتماديتها و جودتها وعلى فكرة هى من الداخل مثل تلاجات white whale بالضبط و منتجة فى نفس المصنع فى تايلاند و لهذا المستورد واحد و التوكيل واحد
و شكرا

[أبو عمار]

متشكرين يا جماعة على الردود و كلامك يا أخ مجدى سليم 100% و أنا بالفعل إشتريتها اليوم ب 2700 بعد الفصال (سعر اللستة)و إتأكدت من إعتماديتها و جودتها وعلى فكرة هى من الداخل مثل تلاجات white whale بالضبط و منتجة فى نفس المصنع فى تايلاند و لهذا المستورد واحد و التوكيل واحد
و شكرا

[أشرف العدوي]

ابعد عن الايديال خالص
نصيحة و ياريت تعمل بيها
كان ليا معاهم حكاية طالت لمدة 8 شهور لثلاجة 18 قدم ايليت بردو
و لحد ما رجعتها و خدت فلوسي تاني الحمد لله بعد مشاكل كتييييييير و استبدال الثلاجة مرة و صيانة حوالي 20 مرة و قل ذوق خدمة عملاء
و بلطجة فنيين صيانة ( احتجزت واحد منهم عندي لحد ما بعتولي واحد خد الثلاجة و اداني وصل بالفلوس )بس ده كان قليل الأدب قوي هما كلهم بجد كدة بس الي انا احتجزته ده كان قليل الادب قوي
و جبت توشيبا و الحمد لله زي الفل في العز الصيف كنت بطلع المية من الثلاجة عليها طبقة تلج انا قولت من الثلاجة مش الفريزر

[boty50]

ممكن ياجماعه تقولوا مواصفاتها
يعني نو فروست ولا عاديه
الخضار بيجمد في الدرج السفلي
من الثلاجه من عدمه (ده عيب مش ميزه)

يعني مواصفاتها و مميزاتها لو امكن

[أبو عمار]

بصراحة ثلاجة هيتاشى تلاجة من الآخر
بتكنولوجيا nano tetanium بتعمل تعقيم و إزالة الروائح و كمان الأرفف من الزجاج المعالج ضد الخدش و الحرارة و يتحمل وزن 100كجم بالإضافة لقدرتها على الحفاظ على الخضروات و الفاكهة طازجة و فريش دائما ووجود ice maker بالفريزر يتم ملئه بالماء و عند تكوين مكعبات التلج بنتهى البساطة يتم قلبها بدرج أسفل منه (يعنى لا تلتصق به و لاتحتاج لفكها بالماء) أنصح كل من هو مقبل على شراء ثلاجة أن يختارها

[boty50]

عزيزي ابو عمار

ممكن رقم الموديل للثلاجة وكام قدم
وسعرها لو سمحت
وهي بابين طولي ولا شكل ثاني

[michohat]

اعتقد ان رقم الثلاجه اما rz 400 او rz 440
وزى ما ابو عمار قال هيا ب 2700 وهيا بابين طولى
وفى منها اربع ابواب (يعنى دولاب) بس دى 27 قدم و غاليه جدا

[أبو عمار]

اعتقد ان رقم الثلاجه اما rz 400 او rz 440
وزى ما ابو عمار قال هيا ب 2700 وهيا بابين طولى
وفى منها اربع ابواب (يعنى دولاب) بس دى 27 قدم و غاليه جدا

بالضبط كده