سخان مياه غاز

[abokoko]

نظرا لحالتى الماديه الصعبه حاليا
فسوف اشترى سخان المياه الغاز بالتقسيط من بي تك

وعندى شوية اساله
واتمنى ان يكون هناك رد

موجود عندهم ارستون مصري
هل المصري به جميع عوامل الامان الموجود بالمستورد
او بمعنى اصح هل فرق السعر رغم كونه ارستون مصري يستاهل ان اشتريه بالزياده عن باقي اسعار السخانات

وبنفس المنطق
يوجد وايت بوينت بسعر رخيص عن الباقي
وهو منتج مصري
فهل حد جرب السخان من وايت بوينت
علما بان الديب فريزر و البوتجاز عندى وايت بوينت لكن طبعا مش تحت شرط ان يكون السخان من نفس الماركة كويس زيهم
فهل حد عنده فكرة انه كويس ولا به عيوب

وسط بين النوعين
فى الزانوسي وفى الاولومبيك

ارجو الافادة

؟؟

[abokoko]

الاسعار
10 لتر

ارستون 2289


وايت بوينت 1440

زانوسي 1855

اولومبيك 1750

[El Prince]

متابع بشددده

[abokoko]

عموما
ولعدم وجود ردود الى الان

عرفت من النت التالى

lpg سخان يعمل على الانبوبة

ng سخان يعمل على الغاز الطبيعي

-

حجزت ارستون من بي تك 10 لتر
لكن عرفت انه مصري

فهل يتكرم احد بشرح الفرق بين السخان المصري ارستون الحالى و بين السخان الارستون الايطالى
وهل بالسخان المصري كافة عوامل الامان

وهل النمكونات ايطالى

ام ان التصميم فقط ايطالى و احتفظوا بالاسم والباقي مصري

المعلومة تحصيل حاصل لانى حجزت السخان من بي تك من على النت

[abokoko]

https://www.btech.com/ar/ariston-gas-water-heater-10-liters-dgi-10l-cf-ng.html

[salam100100]

انا لسه جايب اريستون 6 ليتر امبارح ب1700 جنيه
هو تجميع مصرى فقط- يعمل بالغاز الطبيعى
ضمان 5 سنوات
انا جبته عشان سالت واحد قريبى عنده الاثنين 6 و10 ليتر
ورشحه بشده

بالنسبه لسؤال عوامل الامان: معرفش لكن هحاول اصور الكتالوج وانزله

[volociximab]

ما اعرفه ان ينيفرسال بينفجر

[salam100100]

ما اعرفه ان ينيفرسال بينفجر

انا شفت على الفيس بوك الصور والموضوع بتاعه
لكن بصراحه انا مبقتش بصدق الاخبار اللى على الفيس بوك
كل شويه تقرا عن خبر وبرباجاندا فظيعه ومبتعرفش فين الحقيقه
زى:
هاينز والكاتشب البايظ واللى بيستخدموا فيه طماطم معفنه
البيرجر واللحوم المنتهيه الصلاحيه
عصير بيتى اللى فيه طين
كنتاكى اللى بيستخدموا فراخ لونها خضراء
ماكدونالدز اللى بيجيب سرطان
عربيات الفول اللى بيتسخدموا مواد كيميائيه (بتستخدم فى المناجم) عشان تسوى الفول سرعه وتخليه طرى ودا موضوع اتكتب فالجرايد من 3 سنين

كلها اخبار مش عارف ما مدى صحتها ومصداقيتها
ولو صحيحه كل الشركات دى شغاله ازاى لحد دلوقتى

للاسف الحقيقه تايهه

[abokoko]

salam100100حضرتك راجعت ما هى وسائل الامان فى الارستون المصري و ايه انطباعك عنه الى الان شكرا لحضرتك

[abokoko]

volociximabتجنبا للوسوسهابتعدت عن مجرد معرفه اسعار اليونفرسال اللى بفكر فيه فعلا هو الوايت بوينت لكن للاسف محدش جابه او اتكلم عنه كتجربة فعليه

[abokoko]

هل تركيب السخان بمعرفة شركة الغاز يخرج السخان من الضمان

[mizomizomizo]

السباك هيركب السخان وتجي شركة الغاز تعملة الوصلة و تحولة لغاز طبيعي وتركب المد خنة و الهوايا لو انبوبة مع مراعة المسافة بين السقف و السخان لتركيب المدخنة لو 10 لتر

[salam100100]

فى حالتى
بتوع الغاز هيجو اخر الشهر- هيفكوا السخان الغاز القديم وهيركبوا الجديد
الجديد بيشتغل غاز طبيعى فمفيش حد هيفتح السخان