استفسار عن الضرائب لعيادة طبيه

[mohamedsho]

السلام عليكم ياشباب
عندي عيادة باطنة والحمد لله دافع الضرائب وبقدم الاقرار سنة بسنة. طالبين مني غرامه اسمها غرامه تاخير عن ثلاثة سنوات هما مجوش فيهم وانا دفعتهم.
يعني بد مادفعت ليقولوا انت عليك تاخير تلت سنين.
يعني عايزين ثلاثه الاف ونصص جندي بعد الي خدوه.

مش عارف دا صح ولا غلط. قلت اسال لو حد متخصص يبقى كويس.
من فضلكم النصيحه قبل مااروحلهم.


شكرا

[MohamedAbo]

متابع

[tata2011]

السلام عليكم
حضرتك طبيب يعنى مهن حرة يبقى ليك فترة اعفاء ضريبى 3 سنين بعد كده انت خاضع للضريبة . حضرتك المفروض انك بتقدم الاقرار الضريبى وبتدفع مع الاقرار الضريبة اللى انت شايف ( من وجهة نظرك ) انها عليك وهنا بقى المشكلة ان اغلب الناس بيفتكر انه طالما قدم الاقرار ودفع مبلغ ما انه كده خلاص . لاطبعا .
المفروض ان المأمورية بتنزل تعمل لك معاينة للعيادة وتعمل معاك مناقشة وتسألك شوية اسئلة زى سعر الكشف وسعر الاعادة وعدد الحالات فى اليوم وهل يوجد عمليات فى العيادة هل يوجد تعاقدات مخفضة الخ
بعد كده يفحص ملفك ويبعت لك الضريبة المستحقة من وجهة نظر المأمور وحضرتك بتروح تطعن على التقديرات لو مش عجباك طبعا خلال 30 يوم وبعد كده بيتم عمل لجنة داخلية لتقريب وجهات النظر والوصول الى اتفاق وساعتها حضرتك بتدفع الفرق بين الضريبة بتاع الاقرار والمطلوبة

[MohamedAbo]

شكرا لحضرتك. روحت ودفعت والناس محترمه.

[tata2011]

ربنا يوفقك