اللي عاوز يشوف البيه البواب يجي عندنا المنطقه

[yahyanaabil]

ايه يعنى راكب عربيه ده البواب بتاعنا بنى عماره فى الصعيد ده انا اطلقت عليه لقب جنرال مش بواب

[mada121977]

زمان كان عسكرى المرور اصحاب العربيات الاجره وبعض اصحاب العربيات الملاكى بيرموله الشلن والبريزه علشان مايكتبهومش مخالفه والعربيات النقل كانت بترميله ربع جنيه وكان لما بيطلع معاش تلاقي الواحد منهم بانيله كام عماره من البريزه والشلن دول .. دلوقتى حدث ولا حرج ممكن اى شاويش ولا امين شرطه(اسم على غير مسمى) لما يخرج معاش تلاقيه عنده فيلا فى الساحل الشمالى وعزبه فى المريوطيه وممكن شقه على النيل .. ده مثال للتطور التاريخى والمثير للسخريه اللى حصل فى بعض طبقات المجتمع المصرى من الحرفيين واصحاب المهن الدنيا فى السلم الموسيقى (اقصد السلم الوظيفى )المصرى

[MTAK]

ناس و عرفوا يشغلوا عقلهم "اقصد البوابين"
طالما لم يوصلوا لما هم فيه من حرام
فيجب ان نقول لهم ربنا يباركلهم

كل الحكاية احنا مش متعودين نشوف حاجة زى دى بس خلى بالك ما وصل له له جوانب مخفية كتيييير لا ننظر لها
و اذا احببت ان تعمل مقارنة تكون كالتالى
يعنى مثلا سيادتك تسكن فى شقة تمنها كذا
و بتاكل اصناف كذا بكذا
بتتعلم فى جامعه بكذا
انما البواب
قاعد فى اوضه تحت السلم
بياكل ايه مش هاقول
و لو اصناف فاخرة ممكن تكون بواقى سكان و ما يتعطفوا به عليه
ولاده مثلا الصغيرين اكيد لبسهم مش ولا بد ان كانوا لابسين اصلا حاجة غير الفاناة الداخلية فقط
\\\\\\\\\\\\\\\\\
و بعدين اللى عاجبه يعمل مثلهم
كل شئ و له ثمنه
تذكروا هذا

[zobaaa]

هاها فعلا هم يبكي و هم يضحك

طيب نحسبها كدة واحدة واحدة انا في مدارس خاصة من يوم ما وعيت علي الدنيا كام سنة مدارس 2 حضانة و 5 ابتدائي و 3 اعداي و 3 ثانوي يبقي كله 13 سنة راحوا من عمرنا دراسة قول دفعنا فيهم مثلا و طبعا هو اكتر بس مثلا يعني 20 الف و دخلت معهد خاص عشان الشهادة الكبيرة بقي بدفع في السنة قول مثلا بالمواصلات بالكتب بالملازم اد 5000 يبقوا عشرين كمان يعني حوالي 40000 و خلصت بقي و عايز اشتغل و الم الـ 40000 دول علي الاقل و عايز اجيب شقة و اتجوز و اغير العربية و كدة و المحصلة ايه مشارك في ورشة علي قد الحال و الحمد لله و بشتغل موظف بمبلغ مش بحب اقوله عشان الحسد و العين و كدة.
هاهاهاهاها
البواب بقي يا سيدي لما يقضي لكل واحد من سكان العمارة طلب واحد بس في اليوم مثلا يعني و نقول و ده بره مثلا ياخد من كل واحد 2 جنيه شوف يلم كام في اليوم غير مرتبه و غير العربيات غسيل و غيره و غير المصالح و السمسرة و خدمة المدام في البيوت و غير ما حد معاه حاجة تقيلة يطلعها البيت و هكذا احسب بقي و تعالي قوللي, اه يا نافوخي

انا كان في شغلي عندنا غفير عنده حتة ارض تمنها لوحدها 160000 جنيه و عنده ميكروباص بالنفر و شغال غفير بيومين اجازة في الاسبوع و عنده ونشين من اللي بيستخدموا في بناء العمارات تمن الواحد 15000 و مش مكفيه الباشا سافر ايطاليا و دفع 60000 تقريبا عشان يشتغل هناك و الساعة بخمسة جنيه و الحسابة بتحسب.

و لا البيه البواب اللي في العمارة اللي قدامنا برضه في نفس الشغل عنده ارض في الشروق معرفش اد ايه و باشا و عمارته كلها مفيهاش غير اتنين سكان لانها مش عمارة هي فيلا و الباشا طالع نازل يقفشه فلوس

طيب بلاش دول عندنا عامل في الجراج اللي بنركن فيه فجأة ساب الشغل شوية و رجع بعربية ايسوزو دبابة نص نقل و العربية جابت عربيتين تلاتة كمان و بيت ملك في الجيزة و غيره يا عم اسكت يا عم خلي الواحد ساكت.
بس رايح فين رايح المعهد جاي منين جاي من المعهد اربع سنين نطفح الكوتة و في الآخر هاها خازوق كبيييييييييير.

لو حد عنده يا جماعة اي شغلانة من اللي قلناهم سايس جراج او بواب و انا بسوق كويس اوي و بغسل العربيات تمام و اجيب الخضار للمدام من السوق و كله

والله انا حاسس ان انا اللي بتكلم خصوصا كلمة انت رايح فين رياح المعهد جي منين جي مالمعهد بس انت كلامك ده يدل على حاجتين ياما البوابين فشيراتون غلابه ياما دول بقا عاملين امبراطويات وبيريحوا نفسهم او بيدلعوا نفسهم بعربيات ملاكي

بس يا جماعه محدش يفهم كلامنا غلط البواب دا انسان وربنا رزقو ومدام من حلال من حقه انو يتمتع برزقه بالعكس دا هوه كده صح احسن ما يدعي الفقر بالعكس العيب فالسكان يعني ابويا اما بيحب يطلع حاجه لله اول حاجه بيفكر فيها البواب رغم انو باين دلوقتي انو اغنى مننا يبقى الغلط عالساكن اللي لسه بيعتبره مستحق للصدقه او الزكاه او للحاجه اللي بيخرجها لله

انا عن نفسي رغم اني اشتغلت اما بدي لبوابنا حاجه بتبقى على صورة بقشيش بمعنة انت عملتلي شغل وانا انبسطت منو لانك عملتو كويس فا خد زياده عن اجرك حبتين

انما اديلو بنية صدقه او زكاه ... لأ

معلش نسيت اكتب حاجة اني الهرم اتقلب

هوه مش الهرم اتقلب بمزاجه اتقلب بعدم التخطيط والهرجله اللي اللي احنا فيه اما الطبقه المتوسطه كلها عايزه تبقى دكاتره ومهندسين وخريجي تجاره وحقوق و كمبيوتر ساينس واداب ودي اكتر فئه عندها استعداد للابداع عن اي فئه تانيه ... خلاص كده خلصت طبق مبدأ العرض والطلب هتلاقي المعروض كتييير اويييي عن الحاجه انما مثلا لو واحد فاداب تنازل وفتح ورشه بيبقى كسيب وربنا بيرزقه وانا اعرف ناس كتير كده ونجح لانو اختار مهنه العرض فيها قليل ولأنها فعلا اللي متعلم واللي مش متعلم بقت بتفرق فيها دلوقتي وخصوصا مع العربيات الجديده

ناس و عرفوا يشغلوا عقلهم "اقصد البوابين"
طالما لم يوصلوا لما هم فيه من حرام
فيجب ان نقول لهم ربنا يباركلهم

حرام ليه انا بس عشان محدش يفهم غلط البواب واحد انا كنت فاهم انو معندوش اللضا واكتشفت انو فمستوى مادي احسن من سكان العماره انما فلوسه حلال الراجل بيادي خدمه وياخد عليها اجر

\\\\\\\\\\\\\\\\\
و بعدين اللى عاجبه يعمل مثلهم
كل شئ و له ثمنه
تذكروا هذا

دا حتى الواحد لو عاجبه وعايز يعمل زيهم مش هيعرف لأنهم فكل حته رباطيات يعني المربع عندنا ماسكو بتاع عيلتين جايين من الفيوم والصعيد ومحدش يعرف يخش ما بينهم بالساهل اقلها يسرقوا العربيات عشان يقطعوا عيشك وحصلت مع البواب اللي معانا دلوقتي اول ما جه فاول 6 شهور عربية مأمور اتحاد الملاك تتسرق 3 مرات ويتسرق منها طاسات مره و صرر جنوط مره و علامة فولكس مره .... دانت تتعين فالبترول اسهل ياراجل

[mohmd76]

فى حاجة غلط
ولا تعليق اخر

[zobaaa]

بالمره احكيلكوا الحكايه دي مره البواب بتاعنا لقيتو طالع بيقولي ياباشمهندس ابن بواب العماره اللي قدامنا عاوز يخش معاكم فالدي اس ال

دا اللي عنده اتوس

[Mido80]

نقوا بقي عالعالم....ههههههههههههههههههههه
يا جماعة البوابين دول رجال اعمال من الدرجة الاولي. دة لو الواحد منهم اتوسط في شراء شقة بياخد لنفسة 1.5% من قيمة الشقة. تخيلوا بقي لو شقة مثلا قيمتها مليون جنية شوف هايطلع لة بكام؟ اسكتوا والنبي وخلوا الطابق مستور

[AhMeD EzZ]

انا البواب بتاعنا واخد شقة في العمارة و باني في البلد و في فرح ابنة جاب 8 طباخين