السلام عليكم و رحمة الله و بركاته
الرجالة و السيدات المحترمين أرجو النصيحة و توضيح الأمر في مشكلتي .. و أنا آسف هطول عشان الناس اللي بتقول إني مش موضح الصورة كاملة
متجوز من سنتين و عندي طفل عمره سنه و خاطب قبلها 3 سنين و طول ال5 سنين دول مشاكلي مع مراتي مبتخرجش عن مشكلتين أو تلاتة و كل ما نتفاهم و نتفق ترجع تعمل إللي يضايقني و يزود المشاكل
أقولها خلي بالك من لبسك لأني غيرو جدا عليها
و لما أمنعها من الخروج لوحدها بالليل لغرض غير ضروري خوفا عليها و على الولد لما أكون مش فاضي
و لسانها طويل و ترد الكلمة بعشرة و فهمتها بكل الطرق اللينة و المحترمة بلاش نروح بايدينا للمشاكل لكن برضو مفيش فايدة لدرجة إني بقيت بتجنبها لما يحصل خلاف عشان أخزي الشيطانو اٌعد أستغفر بس حتى لو سبت المكان اللي هي فيه تفضل تتصل بيا و تجر شكلي و بتفهم من هدوئي و صبري إنه برود و تفضل تستفزني لحد ما اخرج عن شعوري و ممكن أقولها كلمة مش كويسة (مش إهانة) زي انتي قليلة الأدب أو سافلة او معندكيش دم .. و دي كانت آخر مرة فضلت ورايا عشان منعتها من الخروج بالليل و أنا مكنتش فاضي و متفق معاها قبلها بيوم و كله تمام و زي الفل و سبتها و نزلت و لما استفزتني قلتلها في التليفون انتي قليلة الأدب و اتكلمي مع جوزك باحترام وبعد ساعة اخوها باعتلي يقول انا خدتها لأنك شتمتها بدون أذني و لا علمي و لا حتى قالت لأمي اللي ساكنة تحتنا. و دي مش أول مرة لأنها دايما متسمعش الكلام و لا بتطيعني في الحاجات اللي بقالي سنين بتكلم فيها و يشهد عليا الله إني جربت كل وسائل التكرار بالأدب و الحسنى و أنا بطبعي عصبي و صبري بينفد بسرعة بس صبرت كتير معرفش إزاي لكن لا حياة لمن تنادي حتى لما جربت أشتكيها لأهلها نصحوها لكن دايما يلوموني ويقولولي انت اسلوبك وحش لانهم دايما بييجوا في الاخر بعد ما يفيض بيا. ومرة تروح لأهلها و تقولي و اوافق يومين او تلاتة لحد نهدا شوية و مرة تقولي هروح و تفضل بايتة عند امها من غير اذني و الجديد زي ما قلت بقت تمشي و تسيب البيت من نفسها لانها متعودة كل مرة أروح أصلحها و ارجعها .. الخطوبة و اول سنة جواز كانوا كوويسين جدا وكانوا مليانين مشاكل أه بس هي عمرها ما كانت بتفتح بقها و لا تطلع أسرار البيت لأي حد و من سنة ابتدت تحكي لامها و اختها و ابوها حتى جوز اختها بقى يعرف أسرار بيتي و من ساعتها المشاكل مش راضية تخلص و برضو على حاجتين او تلاتة مبيخلصوش .. أنا و الله عمري ما أجبرتها على حاجة و شديت عليها الا و فيها مصلحتها عمري ما اتخانقت عشان مبتطبخش و لا عشان بتبعزق في فلوسي ولا انا ديكتاتور بقول أه أو لأ على حاجة الا و فيها مصلحتها و سلامتها. رغم اني مكنتش ناوي احاول بس امي زنت عليا و كلمتها بعد ما سابت البيت بيومين و امي كلمتها و رفضت الرجوع بحجة ان ابوها منعها ترجع لحد ما يجي من السفر و سايبالي البيت مقلوب و مش نضيف و امي ربنا يطول في عمرها بتطبخلي و تغسلي هدومي و بتعملي كل حاجة و انا كل يوم عن يوم بكرهها أكتر و روح الانتقام جوايا بتكبر لانها حاطاني في وضع و موقف وحش و مش قادر اروح اشوف ابني بارادتي طبعا بعد ما نصحني راجل كبير بعتبره أبويا و يعتبر مربيني اني اصبر و معبرهمش و ابعتلهم مصاريف الولد بس لحد ما يجي أبوها و نقعد معاه رجالة بس من غير ستات و يكون برا البيت و اجيب الراجل ده معايا و اخلي ابوها يجيب حد من قرايبهم و نقعد نشوف هنعمل ايه. هل دا كدا صح و لا لأ؟ و فعلا هيفرق معايا بعد كدا لما نكبر الموضوع و نخليه قعدة عرب؟ وابني واحشني جدا و فعلا مش قادر على بعده لكن دايس على قلبي عشان عايز اعرف ااسس حياة كويسة بعد كده.
بالمناسبة هي بتهددني انها هتعرف اهلها اني مديت ايدي عليها قبل كدا مرتين (مرة مسكتها من دراعها جامد و زقيتها وقعد عالارض فقط لا غير) و المرة التانية (مسكتها جامد من شعرها و زقيتها على السرير) و طبعا هي كانت وصلتني للمرحلة دي بعد ما تصرفات و اقوال مفيش راجل في الدنيا يستحملها لدرجة اني بعدها ضربت الحيطة بايدي جامد من الغل و العصبية فاتكسرت و عملت عملية بمسامير. لكن بعد الضرب كنا اتصالحنا و اتفقنا انه مش هيتكرر تاني و اننا هننسى اللي فات و يشهد ربنا اني ندمت اصلا وقتها و من يومها محصلش أي تجاوز بالايد مني. انا بسبب شخصيتها دي فعلا و بعترف اني مبقتش بقعد في البيت كتير و لازم كل يوم انزل من البيت و اقعد حتى لوحدي و بعترف ان دا غلط برضو لكن فعلا عندها و عصيانها ليا مولد جوايا احساس بعدم القبول ناحيتها حتى الهزار و اللعب و الضحك معاها بيبقى على مضض.
آسف عالاطالة يا جماعة اعئروني لكن فعلا محتاج نصايحكم لاني الشيطان بيلعب في دماغي اوقات و بفكر أأذيها و أأذي أهلها لأنهم بيأذوني نفسيا وفاكرين انهم بيلووا دراعي. أنا ممكن أعمل أي حاجة في الدنيا بس ابني ملوش ذنب يعيش في بيت مفيوش أب و أم مع بعض لأنه لولاه و الله كنت طلقتها و خلصت منها من زمان لانها تعبتني و دايما عندها و عند اهلها مبررات و اتهامات ليا اني عنيف و شديد وو عصبي و مبعرفش اطلب الحاجة بالادب و الحب.
الرجالة و السيدات المحترمين أرجو النصيحة و توضيح الأمر في مشكلتي .. و أنا آسف هطول عشان الناس اللي بتقول إني مش موضح الصورة كاملة
متجوز من سنتين و عندي طفل عمره سنه و خاطب قبلها 3 سنين و طول ال5 سنين دول مشاكلي مع مراتي مبتخرجش عن مشكلتين أو تلاتة و كل ما نتفاهم و نتفق ترجع تعمل إللي يضايقني و يزود المشاكل
أقولها خلي بالك من لبسك لأني غيرو جدا عليها
و لما أمنعها من الخروج لوحدها بالليل لغرض غير ضروري خوفا عليها و على الولد لما أكون مش فاضي
و لسانها طويل و ترد الكلمة بعشرة و فهمتها بكل الطرق اللينة و المحترمة بلاش نروح بايدينا للمشاكل لكن برضو مفيش فايدة لدرجة إني بقيت بتجنبها لما يحصل خلاف عشان أخزي الشيطانو اٌعد أستغفر بس حتى لو سبت المكان اللي هي فيه تفضل تتصل بيا و تجر شكلي و بتفهم من هدوئي و صبري إنه برود و تفضل تستفزني لحد ما اخرج عن شعوري و ممكن أقولها كلمة مش كويسة (مش إهانة) زي انتي قليلة الأدب أو سافلة او معندكيش دم .. و دي كانت آخر مرة فضلت ورايا عشان منعتها من الخروج بالليل و أنا مكنتش فاضي و متفق معاها قبلها بيوم و كله تمام و زي الفل و سبتها و نزلت و لما استفزتني قلتلها في التليفون انتي قليلة الأدب و اتكلمي مع جوزك باحترام وبعد ساعة اخوها باعتلي يقول انا خدتها لأنك شتمتها بدون أذني و لا علمي و لا حتى قالت لأمي اللي ساكنة تحتنا. و دي مش أول مرة لأنها دايما متسمعش الكلام و لا بتطيعني في الحاجات اللي بقالي سنين بتكلم فيها و يشهد عليا الله إني جربت كل وسائل التكرار بالأدب و الحسنى و أنا بطبعي عصبي و صبري بينفد بسرعة بس صبرت كتير معرفش إزاي لكن لا حياة لمن تنادي حتى لما جربت أشتكيها لأهلها نصحوها لكن دايما يلوموني ويقولولي انت اسلوبك وحش لانهم دايما بييجوا في الاخر بعد ما يفيض بيا. ومرة تروح لأهلها و تقولي و اوافق يومين او تلاتة لحد نهدا شوية و مرة تقولي هروح و تفضل بايتة عند امها من غير اذني و الجديد زي ما قلت بقت تمشي و تسيب البيت من نفسها لانها متعودة كل مرة أروح أصلحها و ارجعها .. الخطوبة و اول سنة جواز كانوا كوويسين جدا وكانوا مليانين مشاكل أه بس هي عمرها ما كانت بتفتح بقها و لا تطلع أسرار البيت لأي حد و من سنة ابتدت تحكي لامها و اختها و ابوها حتى جوز اختها بقى يعرف أسرار بيتي و من ساعتها المشاكل مش راضية تخلص و برضو على حاجتين او تلاتة مبيخلصوش .. أنا و الله عمري ما أجبرتها على حاجة و شديت عليها الا و فيها مصلحتها عمري ما اتخانقت عشان مبتطبخش و لا عشان بتبعزق في فلوسي ولا انا ديكتاتور بقول أه أو لأ على حاجة الا و فيها مصلحتها و سلامتها. رغم اني مكنتش ناوي احاول بس امي زنت عليا و كلمتها بعد ما سابت البيت بيومين و امي كلمتها و رفضت الرجوع بحجة ان ابوها منعها ترجع لحد ما يجي من السفر و سايبالي البيت مقلوب و مش نضيف و امي ربنا يطول في عمرها بتطبخلي و تغسلي هدومي و بتعملي كل حاجة و انا كل يوم عن يوم بكرهها أكتر و روح الانتقام جوايا بتكبر لانها حاطاني في وضع و موقف وحش و مش قادر اروح اشوف ابني بارادتي طبعا بعد ما نصحني راجل كبير بعتبره أبويا و يعتبر مربيني اني اصبر و معبرهمش و ابعتلهم مصاريف الولد بس لحد ما يجي أبوها و نقعد معاه رجالة بس من غير ستات و يكون برا البيت و اجيب الراجل ده معايا و اخلي ابوها يجيب حد من قرايبهم و نقعد نشوف هنعمل ايه. هل دا كدا صح و لا لأ؟ و فعلا هيفرق معايا بعد كدا لما نكبر الموضوع و نخليه قعدة عرب؟ وابني واحشني جدا و فعلا مش قادر على بعده لكن دايس على قلبي عشان عايز اعرف ااسس حياة كويسة بعد كده.
بالمناسبة هي بتهددني انها هتعرف اهلها اني مديت ايدي عليها قبل كدا مرتين (مرة مسكتها من دراعها جامد و زقيتها وقعد عالارض فقط لا غير) و المرة التانية (مسكتها جامد من شعرها و زقيتها على السرير) و طبعا هي كانت وصلتني للمرحلة دي بعد ما تصرفات و اقوال مفيش راجل في الدنيا يستحملها لدرجة اني بعدها ضربت الحيطة بايدي جامد من الغل و العصبية فاتكسرت و عملت عملية بمسامير. لكن بعد الضرب كنا اتصالحنا و اتفقنا انه مش هيتكرر تاني و اننا هننسى اللي فات و يشهد ربنا اني ندمت اصلا وقتها و من يومها محصلش أي تجاوز بالايد مني. انا بسبب شخصيتها دي فعلا و بعترف اني مبقتش بقعد في البيت كتير و لازم كل يوم انزل من البيت و اقعد حتى لوحدي و بعترف ان دا غلط برضو لكن فعلا عندها و عصيانها ليا مولد جوايا احساس بعدم القبول ناحيتها حتى الهزار و اللعب و الضحك معاها بيبقى على مضض.
آسف عالاطالة يا جماعة اعئروني لكن فعلا محتاج نصايحكم لاني الشيطان بيلعب في دماغي اوقات و بفكر أأذيها و أأذي أهلها لأنهم بيأذوني نفسيا وفاكرين انهم بيلووا دراعي. أنا ممكن أعمل أي حاجة في الدنيا بس ابني ملوش ذنب يعيش في بيت مفيوش أب و أم مع بعض لأنه لولاه و الله كنت طلقتها و خلصت منها من زمان لانها تعبتني و دايما عندها و عند اهلها مبررات و اتهامات ليا اني عنيف و شديد وو عصبي و مبعرفش اطلب الحاجة بالادب و الحب.

Comment