انا اتضحك عليا النهاردة يا جدعان

[hossam_nasr]

انا و صاحبى احمد الكفراوى كنا النهاردة كنا بنذاكر فى نادى المهندسين و احنا بنذاكر لقينا واحدة بتنادى و بتقول يا استاذ يا استاذ فالتفتنا ناحيتها
فقالت ممكن اعمل مكالمة دقيقة من موبايلك . بصراحة انا قلت مش ممكن حد يطلب طلب زى دة من حد ميعرغهوش الا لو كان فعلا مزنوق فقلت مش مشكلة هية يعنى المكالمة بكام و اديتلها التليفون و فضلت تتكلم وثلاث دقايق فاتو مش واحدة و كانت قاعدة تهزر فالتليفون كانه تليفون ابوها و بعد كدة اديتنى الموبايل طبعا اتكسفت اشوف اتكلمت قد اية . المهم لقيتها قامت بعد ما اديتنى الموبايل و مشت
فقولت اشوف الرصيد و لقيته نقص 15 جنية فبصيت على النمرة اللى كلمتها لقيتها اتكلمت دولى حد يصدق ان ممكن واحدة تعمل كدة و على فكرة شكلها عادى خالص لا يدل على شىء

انا عايز اسالكوا لو حصل معاك كدة حتعمل اية؟؟؟؟؟؟؟؟؟؟:k40:

[kimo-nubira]

سووري يعني ديه واحده مش محترمه لو واحده محترمه هاتكسف تعمل كده اصلا

انت فكرتني بموقف حصل معايا قريب جت واحده من اياهم دول وطلبت مني سجاره

وكنت واقف ساند على شنطه عربيتي ومولع سجاره وحاطط علبه السجاير علي الشنطه

رديت عليها وقلتلها بطلت سجاير خدت في وشها وطارت

[نور القمر]

[align=center]معلش يا حسام اعمل الخير وارميه البحر
مش يمكن كانت مزنوقه في مكالمة دولي
هو يعني الواحد ما ينفعش يتزنق غير في مكالمة محلي هههههههههههههههههه

انا بقه لو مكانك مبقدرش حد يطلب مني مساعده وارفض
لكن لو اكتشفت انه اتضحك عليا امممممممممممم مش هعمل حاجة بردو هرضى بقسمتي واسكت [/align]

[kimo-nubira]

معلش يا حسام اعمل الخير وارميه البحر

مش يمكن كانت مزنوقه في مكالمة دولي
هو يعني الواحد ما ينفعش يتزنق غير في مكالمة محلي هههههههههههههههههه

انا بقه لو مكانك مبقدرش حد يطلب مني مساعده وارفض
لكن لو اكتشفت انه اتضحك عليا امممممممممممم مش هعمل حاجة بردو هرضى بقسمتي واسكت

بس يانور كده احنا اللي بنشجعهم اللي محتاج مساعده بجد بتبقي نفسه عزيزه عليه جدا

وساعتها احنا اللي لازم ندور على الناس اللي محتاجه مساعده مش هما اللي يدورو علينا

[نور القمر]

[align=center]طيب يا كريم مرة حصلت معايا وخرجت من البيت ودخلت مول قريب من البيت ولميت اشكال والوان اشتريها

وجيت احاسب اكتشفت اني خرجت بشنطة ايد مفيهاش حجة خالص لا فلوس ولا موبايل ولا حتى مفتاح الشقة
والمشكلة كنت لسه ساكنه جديد في العمارة معرفش حد ولا حد يعرفني
مبقتش عارفه اتصرف ازاي طبعا الحاجة سيبتها وخلاص ما اشترتش لكن المشكلة ادخل الشقة ازاي
دخلت سوبر ماركت بتعامل معاه ديما وطلبت من الرجل صاحبه الموبايل وقلت له هابعت لك تمن المكالمة مجرد ما اروح
كنت طبعا هتصل بجوزي يجي يفتح لي
بصراحة اداني الموبايل على مضض كنت بقول يا ارض اتشقي وابلعيني علشان اتحطيت في موقف زي ده
وفعلا لما روحت بعتلو تمن المكالمة بس رفض ياخدها
يعني احيانا الواحد بيتزنق بجد وساعتها انت مش هتقدر تفرق بين اللي محتاج مساعدة بجد واللي بيستهبل[/align]

[shanodaa]

نصيحه بلاش تخلي اي حد غريب يستعمل موبيلك ممكن يسبب لك مشاكل جامده جدا
بنت كانت هربانه من اهلها واتصلت بخالها من موبيلي بعد استاذان مني ووجدت تليفوني يرن يسئل عليها اكثر من شخص حتي اني اخبرتهم بمكاني وظروف عملي ولم ي

[TaoTao]

نصيحه بلاش تخلي اي حد غريب يستعمل موبيلك ممكن يسبب لك مشاكل جامده جدا
بنت كانت هربانه من اهلها واتصلت بخالها من موبيلي بعد استاذان مني ووجدت تليفوني يرن يسئل عليها اكثر من شخص حتي اني اخبرتهم بمكاني وظروف عملي ولم ي

المشاكل اللي بالشكل ده مابتكونش في بال الواحد فعلاً لما بيحب يقدم خدمة بحسن نية.
شكراً للتنبيه

[hossam_nasr]

فعلا يا جماعة لازم الواحد ياخد باله اكتر من كدة بس الواحد بيقول لنفسه لما اساعد الناس حلاقى اللى يساعدنى مش كدة و لا دلوقت الواحد مينفعش يثق فى حد

[NaviGator_13]

انتا اللى غلطان ياحسام باشا
ولا البنت شكلها عاجبك ! ههههههههههههههههه

[ASKAFRAWY]

انتا اللى غلطان ياحسام باشا
ولا البنت شكلها عاجبك ! ههههههههههههههههه

ياباشا البنت شكلها............................
ولا بلاش عشان الرقابة هو حسام الطيب وحاول يساعد مش اكتر

[ASKAFRAWY]

حسام باشا ماتزعلش اليعيش ياما يشوف المهم ان الطيبة والذوق فى الزمن دة مبقوش ينفعوا
باين كدة ان الواحد لسة عايش فايام الزمن الجميل ميعرفش ان الناس بقت خلاص عاوزة............................
ولايهمك

[ASKAFRAWY]

انا و صاحبى احمد الكفراوى كنا النهاردة كنا بنذاكر فى نادى المهندسين و احنا بنذاكر لقينا واحدة بتنادى و بتقول يا استاذ يا استاذ فالتفتنا ناحيتها
فقالت ممكن اعمل مكالمة دقيقة من موبايلك . بصراحة انا قلت مش ممكن حد يطلب طلب زى دة من حد ميعرغهوش الا لو كان فعلا مزنوق فقلت مش مشكلة هية يعنى المكالمة بكام و اديتلها التليفون و فضلت تتكلم وثلاث دقايق فاتو مش واحدة و كانت قاعدة تهزر فالتليفون كانه تليفون ابوها و بعد كدة اديتنى الموبايل طبعا اتكسفت اشوف اتكلمت قد اية . المهم لقيتها قامت بعد ما اديتنى الموبايل و مشت
فقولت اشوف الرصيد و لقيته نقص 15 جنية فبصيت على النمرة اللى كلمتها لقيتها اتكلمت دولى حد يصدق ان ممكن واحدة تعمل كدة و على فكرة شكلها عادى خالص لا يدل على شىء

انا عايز اسالكوا لو حصل معاك كدة حتعمل اية؟؟؟؟؟؟؟؟؟؟:k40:

انت نسيت ياباشا!!مش قالتلك دا اخويا الكنت بكلمه ولو اتصل ماتقولش انى كنت فالنادي انا كنت......................بشتري حاجات
كمل الحكاية
\

[Lion_Heart]

المشاكل اللي بالشكل ده مابتكونش في بال الواحد فعلاً لما بيحب يقدم خدمة بحسن نية.
شكراً للتنبيه

للأسف الطريق الى جهنم مفروش بحسن النوايا , ربنا يستر .

[pro_samir]

انت مش غلطان ومحدش بيتعلم ببلاش

اللى الواحد المفروض يتعلمة انة يساعد الناس اوك مفيش مشاكل
بس يتحرى الدقة الأول ولو بأسئلة بسيطة

يعنى ابسط حاجة الناس اللى تيجى تقولك انا من المريخ ومحفظتى وقعت وعايز حق الميكروباص .. ابسط حاجة تسألة الأجرة كام و ورينى بطاقتك مثلا تشوفة منين
اسئلة بسيطة يعنى بس الواحد يبقى عمل اللى علية على الأقل علشان ميحسش انة اتقرطس

دة المفروض يعنى

بس مين بقى اللى بيعمل كدة

[hanystar]

البنت دى إستغلالية
كانت المفروض تستأذن منك الأول وتقولك إنها هتتكلم مكالمة دولية
وأنت لك حق القبول أو الرفض