تجديد البطاقة الرقمية

[EslaM_NagY]

الحمد لله استلمت البدل فائد بعد شهرين ...
اول مرة الست كانت بتعمل كوسة والورق اتقطع منها
تانى مرة اصل الختم بتاع الجامعة مش باين ..
تالت مرة اصل القسم شطب بدرى
رابع مرة اصل المكتب بتاع البطاقات اللى معرفش فين فيه مشاكل والبطاقه هتطول ...
لحد شهرين بالظبط والحمد لله استلمتها وحطيتها فى صندوق حديد ..

لا حول ولا قوة الا بالله

الله يكون فى عونك بجد

انا لو حصل معايا اول موقفين دول حمشى بكارنيه التأمين الصحى وتتحرق البطاقة على الى عملوها

[Terrible_DaRsH]

لا حول ولا قوة الا بالله

الله يكون فى عونك بجد

انا لو حصل معايا اول موقفين دول حمشى بكارنيه التأمين الصحى وتتحرق البطاقة على الى عملوها

لو عملت كده يبقي مفيش حاجة هتخلص فى البلد الجميلة دى ..
لا رخصة ولا بطاقة ولا اى ورق حكومى ولا اى حاجة ...
نصيحة :- لما تدخل مبنى حكومى لا بد ان تنسي من انت وان تضع مبادئك خارجا قبل ان تدخل ..

[Bossy_Fadl]

استاذ حسام هو حضرتك بتتكلم جد ولا بتتريق؟؟؟؟؟؟؟ انا مش بتكلم بس علي الكلام انا بتكلم كمان علي الاسلوب
وخصوصا الكلام اللي انا عامل الفونت فيه كبير ده؟؟
ياريت حضرتك ترد عليه عشان مخدش فكره غلط عنك وافهمك غلط.. خصوصا ان انا عندي المراره فامابستحملش الحاجات دي الحقيقه وابتديت فعلا استفز...

هو اللي انا استنتجته طبعاااااااا ان الاستاذ حسام بيهزر عشان كده ضحكت و سكتت

اصلي هاقول ايه

طبعا هو اكيد بيهزر لان مش ممكن يكون بيتكلم بجد

[ASKAFRAWY]

مش محتاجة نادى ولا حاجة!لان دلوات فيه خدمة على النت بتملا طلب وبتكتب فيه بيناتك وتستلمها بعد اسبوع وبتفع 56 جنيه!!
المشكله بقى فى الناس الغلابةالممكن يضيع اسبوع عشان يطلعها ويطلع لامؤاخذة بوووزه لحد مايستلمها وفى الاخر بنقول الشعب المصري ايه الجره ليه!
تحيا مصر.......................

[elassar2010]

يطلعوا 2 مليار حضرتك
أنا بس عايز أفهم....لو واحد ما جددش...هل عضويته فى البلد دى تسقط ؟؟؟؟

مش العضوية الى هتسقط كرامتك لانهم اكيد هيطلعوا قانون للتفتيش على الناس علشان بتاكدوا ان بطايقهم جديدة والى معهوش جديد اكيد هيدفعوا غرامة وطبعا الى هيشوف بطاقتك امين شرطة طبعا حضرتك فهمت السيناريوا هيبقى ازاى

[chato_eg]

مش العضوية الى هتسقط كرامتك لانهم اكيد هيطلعوا قانون للتفتيش على الناس علشان بتاكدوا ان بطايقهم جديدة والى معهوش جديد اكيد هيدفعوا غرامة وطبعا الى هيشوف بطاقتك امين شرطة طبعا حضرتك فهمت السيناريوا هيبقى ازاى

فهمت

[A.Saad]

سيبكوا من الفيلم دة
هما دلوقتى اى حاجة لازم يبقى فيها رقم قومى
شهر عقارى ، بنوك ، بورصة ..........ز
الباسبور الجديد انا سمعت ان فيه الرقم القومى
حد يعرف مدته اد ايه وبكام
لو اقل
خلاص اديها باسبور

[R A N A]

مش العضوية الى هتسقط كرامتك لانهم اكيد هيطلعوا قانون للتفتيش على الناس علشان بتاكدوا ان بطايقهم جديدة والى معهوش جديد اكيد هيدفعوا غرامة وطبعا الى هيشوف بطاقتك امين شرطة طبعا حضرتك فهمت السيناريوا هيبقى ازاى

ياريتها تيجي على قد كده وبس اساساً كل حاجة دلوقتي مش بتعترف بأي بطاقة غير بطاقة الرقم القومي يعني لو حبيت تطلع اي ورقة ولا تخلص اي حاجة من اي مصلحة سواء حكومية او قطاع خاص لازم بطاقة الرقم الزفت القومي يعني الموضوع ده وقف حال من كله ولا هانعرف حتى نخجر من بيوتنا غير لما نجددها اساساً .

سيبكوا من الفيلم دة
هما دلوقتى اى حاجة لازم يبقى فيها رقم قومى
شهر عقارى ، بنوك ، بورصة ..........ز
الباسبور الجديد انا سمعت ان فيه الرقم القومى
حد يعرف مدته اد ايه وبكام
لو اقل
خلاص اديها باسبور

اعتقد ان الباسبور بيتجدد كل 10 سنين او لما تتتملي صفحاته كلها بالتأشيرات أوالفيز.
ده غير انه عشان يخصل برده بيحتاج عك كتير واجرءات واعتقد انه بيتكلف مبلغ اكبر برده ده غير انهم في الاساس عشان يطلعوه لازم يكون في رقم قومي اصلا يشتغلوا على اساسه برده (بس مش متأكدة من النقطة الاخيرة ده تخمين شخصي يعني) يعني مش هايفرق كتير 7 سنين من 10 سنين اهو كله خراب ديار مستعجل وعطلة وخلاص.

انا لو نفذوا القانون ده بجد هابقي مضطرة اجددها فورا لاني عاملاها من شهر 10 سنة 2001

[جمال]

أنا بس عايز أفهم....لو واحد ما جددش...هل عضويته فى البلد دى تسقط ؟؟؟؟

تقريبا كده , لانك لن تستطيع التعامل مع البنوك ولا المصالح الحكومية ولا حتى تطلع باسبور و لا تجدد رخصة عربية او قيادة او او او الا بالبطاقة المجددة
على فكرة عدد حاملى بطاقة الرقم القومى اكتر من 40 مليون - لان بحسب تصريح الصكوك عدد المصريين فوق 21 سنه هو 40 مليون , والبطاقة بتكون فوق 16 سنة , يعنى اديها 60 مليون × 50 ج = 3 مليار جنيه من دم الشعب الغلبان

[جمال]

سيبكوا من الفيلم دة
هما دلوقتى اى حاجة لازم يبقى فيها رقم قومى
شهر عقارى ، بنوك ، بورصة ..........ز
الباسبور الجديد انا سمعت ان فيه الرقم القومى
حد يعرف مدته اد ايه وبكام
لو اقل
خلاص اديها باسبور

قديمة , ماهو علشان تطلع الباسبور لازم يكون معاك بطاقة الرقم القومى المجددة

[chato_eg]

لو أسقطوا الجنسية عنى علشان أنا لم أقم بتجديد عضويتى فى نادى المواطن المصرى يبقى أحسن.....هاروح أنتسب لأى بلد محدش سمع عنها قبل كده و أعيش أجنبى فى بلدى.....يمكن أتعامل معاملة أحسن من قبل الحكومة المصرية......
شىء مخجل و مهين

[hanystar]

الشعب المصرى له الجنة من اللى بيحصل فيه من الحكومة

[MoToRiZeR]

الشعب المصرى له الجنة من اللى بيحصل فيه من الحكومة

الفردوس الأعلي بإذن الله !

[محمد ابراهيم 1]

قانون جديد يهمنا كلنا

صدر قانون جديد سيبدأ العمل به من أول يناير 2009
نصه إلغاء أى بطاقة رقم قومى مضى على صدورها 7 سنوات فأكثر
يعنى اللى بطاقته قبل 1/1/2002 لازم يطلع غيرها وطبعا حتحصل زحمه رهيبه جدا
فأنا قلت أقول لكم علشان لو حد عايز يطلعها قبل الزحمه

[Dr.A.Nabil]

بكره يقولك جدد شهادة الجواز كل 4 شهور