غلطة وندمان عليها .. !!

[نور القمر]

غلطة وندمان عليها .. !!
كل ابن ادم خطاء
ومفيش انسان ما بيغلطش
ومعظم غلطنا بنندم عليه ان مكانش الندم في وقته بيكون في المستقبل
وفي غلطات بنفضل نأنب نفسنا عليها كتير وبنتمنى لو الايام ترجع لورا علشان منغلطش الغلطة دي من البداية
ايه اكتر غلطة في حياتك حسيت بندم كبير عليها وكل شوية تأنب نفسك عليها
نقول سوى ..
غلطة وندمان عليها ............

[Ahmed REDA]

:)موضوع هايل و شكرا ليكي

[elassar2010]

نفسى اعرف انتى بتجيبى الافكار دى منين؟؟؟؟؟؟؟

[michohat]

الغلطه اللى بأنب نفسى عليها انى جددت (سمكرة /دوكو/ سروجى) العربية السنه دى
والغلط كان انى أمنت للصنايعيه واضحك عليا
العربيه كانت افضل قبل التجديد كل ما بركبها دلوقت بترحم على حالها زمان

[KHALED AYMAN]

فكره جاااااااااااااااااااااامده والله .
انا مش فاكر ايه اكبر غلطه فى حياتى بس لما افتكرها هقول كل الى فاكره دلوقتى انى ندماااااااااااان انى من اول السنه مقضيها خروج و شغل و فسح و نسيت انى فى كليه و عندى دراسه و امتحاناتى اخر الشهر ده و مش عارف المناهج ايه او حتى اسامى الدكاتره.
ادعووووووووووووووولى اعدى السنادى.

[نور القمر]

:)موضوع هايل و شكرا ليكي

شكرا احمد باشا على المرور والرد

نفسى اعرف انتى بتجيبى الافكار دى منين؟؟؟؟؟؟؟

مش بحاول افكر ازاي اعمل موضوع
لكن لما بلاقي نفسي مشغولة بحاجة معينه وحاسة بيها وبفكر فيها بقول طيب ما ممكن اعملها موضوع وتشاركوني فيه

الغلطه اللى بأنب نفسى عليها انى جددت (سمكرة /دوكو/ سروجى) العربية السنه دى
والغلط كان انى أمنت للصنايعيه واضحك عليا
العربيه كانت افضل قبل التجديد كل ما بركبها دلوقت بترحم على حالها زمان

معلش ميشو هي غلطة صحيح بس مقدور عليها وربنا يعوض عليك المصاريف اللي اتصرفت بدون لازمة

فكره جاااااااااااااااااااااامده والله .
انا مش فاكر ايه اكبر غلطه فى حياتى بس لما افتكرها هقول كل الى فاكره دلوقتى انى ندماااااااااااان انى من اول السنه مقضيها خروج و شغل و فسح و نسيت انى فى كليه و عندى دراسه و امتحاناتى اخر الشهر ده و مش عارف المناهج ايه او حتى اسامى الدكاتره.
ادعووووووووووووووولى اعدى السنادى.

ربنا يوفقك فينوس وممكن تلحق نفسك اليومين اللي فاضلين دول
والمهم نتعلم من غلطنا ومش نكرره تاني

[Ahmed Samy]

غلطات و الحمد لله مش كتيرة

بس منها واح متعلق بالسيارات

كان عندى بي ام موديل 1982 و انا في بكالوريوس ..

صرفت على العربية دي كتييير و بعدين بيعتها

مش عارف بقى ندمان اني صرفت عليها و لا ندمان اني بعتها

[ASKAFRAWY]

انا الحمد لله ك حياتى غلطات لحد ما اتعودت مندمش عليها بس اكبر غلطة شغلى الجايبلى الهسهس!!
وبرضه مقدرش اقول ندمان عليه
انا ندمان ان اتولدت فبلد ما بتقدرش اهلها بس نقو ايه بقى نصيب

[abouelmaggd]

اكبر غلطة ندمان عليها بصراحة لما حاولت ارتبط بواحدة قريبتى من حوالى 9 شهور

[Mohd_Adel_Amin]

شكرا يا نور على المواضيع الجميلة بتاعتك والفكرة حلوة فعلا ..
انا اكبر غلطة ارتكبتها اني فرطت في حق ربي وحق أهلي وحق اصحابي مقابل ارتباطي (اللي لم يتم بتوفيق الله ) ولحد دلوقتي مش قادر اتخيل انا كنت بعمل كده ليييه؟؟
والغلطة الثانية اني اتأخرت قوي على ما أخدت قرار اني اسافر !!! ونتيجة كده مش عارف اسافر دلوقتي ..

[zAzU]

اكبر غلطه ندمان عليها انى دخلت كليه الطب و كل الناس تقوللى شويه و هتحب الكليه انا وصلت سنه رابعه دلوقتى لسه شويه برده !!!!!!! الحمدلله على كل شىء

[Nile_Storm]

ههههههههههه
انا في 6 اهه و بقولك مادام مش بتحبها و انت في رابعه هتكرهها و تكره نفسك في 6 :(

[hero]

انا في رأيي الانسان لا يندم علي اي شيء فعلة في حياتة...(إلا اذا كانت معصية لله تعالي...) غير كدة فالندم لا يفيد لان دي كانت ارادتة الحرة ...ولان الانسان مخلوق ناقص ..(الكمال لله وحدة ) .. يعني الخطأ امر حتمي ...وليس وارد...

الأحسن من الندم....هو الاستفادة من اخطاء الماضي علشان نتجنب الوقوع فيها في المستقبل...ومحاولة تقبل الحاضر والاستفادة منة ....

الغرق في بحر الندم...واسترجاع الاحداث لا ياتي اٍلا بالحزن والهم والكرب...ودة من افعال الشيطان علشان يتعس الانسان ...فيفتح علية باب من ابواب ..لو كنت عملت كدة .. لوبس استنيت شوية ... لو فكرت شوية ...وهكذا...فيشغلة بما فات عن ما هو حاضر وما هو آت....ويتركة في بحر الاحزان والاكتئاب ورفض الحاضر ...

وزي ماانتوا عارفين ان "لو" تفتح عمل الشيطان.....

وكان الرسول علية الصلاة والسلام...بيستعيذ بالله من الهم والحزن..

يبقي الافضل اننا نجيب ورقة وقلم ...ونكتب اية الدروس المستفادة من الاحداث الماضية ...دون ندم او زعل ..ونفكر ازاي نستفيد من الحاضر ...ومن الوضع ايلي احنا فية ...

وعلي ذكر حكاية الندم ..والانشغال بافكار مؤرقة ومتعبة...
في كتاب ...للعالم الشاب العبقري ...الدكتور عائض القرني...ربنا يباركلة...

اسمة "لا تحزن" الكتاب مرجع اسلامي بسيط وجذاب ...بيعالج فية مشكلات الانسان الحالية ...من زهق وقرف واكتئاب ...وندم وحزن ...وتوتر وانفعال ...بطريقة مبسطة جداااا ولغة سهلة ....

ياريت ايلي حاسس انة فعلا ما زال يشعر بآسي وندم علي اي شيء في حياتة ....وزعلان من اي فعل اخدة ...وندمان علية ...يقرأ الكتاب دة.......ومش هايندم ان شاء الله.....

[Dr.A.Nabil]

ندمت لأني صرفت اللي ورايا واللي قدامي على تجهيز شقتي وعمل حاجات كثير من الكماليات وعفش غالي واكسسوارت غاليه لغاية اما فلست

[youssefmustang]

اكبر غلتطين فى حياتى انى لما نزلت من ليبيا وكنت هتجنن وانزل مصر عشان الونس والناس والسهر ولما نزلت كرهت مصر كره العدو وسعتها بابا قالى خلى الناس تنفع والكمبيوتر ينفعك (لان لما كنا فى ليبيا كنا فى جنة الله فى الارض بس الرعب والخوف من الحيوانات اللى نزلنا ممكن تلاقى ضبع طالعلك فى الجبل وانت رايح المدرسة)
الغلطة التانية الحريـــــــــــم احذرو منهم اكتر من تحذير السم لانهم سقطونى سنة فى المعهد وكمان معهد خاص يعنى مصاريف سنى اترمت فى الارض(8000 جنيه) خرجات سهر عربيات عدم الحضور غياب مشاكل ..... ساعتها ابويا قالى خلى البنات ينجحوك يا روميو..
اخوكم يوسف