حملة لتأديب شركات توزيع الكهرباء (تزايد التلاعب في الفواتير والشرائح وغير ذلك)

[ahmed1981]

سأحكي المشكلة أولا :
الشهر الماضي جاءت فاتورة الكهرباء بمبلغ كبير ونظرت في الفاتورة فوجت القراءة الحالية (مغلق)
ومطلوب دفع مبلغ تحت مسمى دفعة
لم أعلق وقمت بالدفع
وأحضرت ورقة وكتبت قراءة الشهر الجديد وعلقتها على الباب
ومنذ حوالي أسبوعين قرأت في جريدة أخبار اليوم عن شكاوى كثيرة من الناس في شركات توزيع الكهرباء في القاهرة
المهم جاء المحصل اليوم وأعطاني الوصل وإذ بالقراءة الحالية في الوصل (مغلق)
ومطلوب مبلغ كبير بمسمى دفعة
ودار الحوار التالي:
أنا: ليه القراءة الحالية مغلق؟
المحصل: لأن الكشاف جاء ولم يجدكم
أنا: والقراءة المعلقة أمام عينك دية ؟؟
المحصل: ينظر لها ويتغير لون وجهه
أنا: عموماً خذ الوصل أنا مش عايزه ومش دافع وبكره إن شاء الله رايح للإدارة أشوف الموضوع ده
وأغلقت الباب
تخبيط على الباب
هو : القراية كام الآن من فضلك
أنا : القراية كذا
هو: (ملامحه بها الكثير من القلق) هنصلح الوصل وهجيبهولك
أنا : وهاتحسبوني على شريحة شهرين في بعض ولا إيه ؟؟
هو : لا لا لا هنظبطه متقلقش
أنا : شكراً سلام عليكم (وأغلقت الباب)
أنا طبعاً قلقان من الموضوع
وخايف يطلع بيلعب وألاقيهم جايين يقطعوا الكهرباء ولا حاجة
ولا ألاقيهم جايبين فاتورة أكبربالشهرين على بعض
وحاسس إن المشكلة ليست فردية بل في أكثر من شقة بالعمارة
ــــــــــــــــــــــــــــــــــــــــــــــــــ ــــــــــــ
فما هو رأيكم في التعامل مع تلك الفئة
وهل أنا غلطان في تصرفي ولا إيه؟؟

[romeeoo]

سأحكي المشكلة أولا :
الشهر الماضي جاءت فاتورة الكهرباء بمبلغ كبير ونظرت في الفاتورة فوجت القراءة الحالية (مغلق)
ومطلوب دفع مبلغ تحت مسمى دفعة
لم أعلق وقمت بالدفع
وأحضرت ورقة وكتبت قراءة الشهر الجديد وعلقتها على الباب
ومنذ حوالي أسبوعين قرأت في جريدة أخبار اليوم عن شكاوى كثيرة من الناس في شركات توزيع الكهرباء في القاهرة
المهم جاء المحصل اليوم وأعطاني الوصل وإذ بالقراءة الحالية في الوصل (مغلق)
ومطلوب مبلغ كبير بمسمى دفعة
ودار الحوار التالي:
أنا: ليه القراءة الحالية مغلق؟
المحصل: لأن الكشاف جاء ولم يجدكم
أنا: والقراءة المعلقة أمام عينك دية ؟؟
المحصل: ينظر لها ويتغير لون وجهه
أنا: عموماً خذ الوصل أنا مش عايزه ومش دافع وبكره إن شاء الله رايح للإدارة أشوف الموضوع ده
وأغلقت الباب
تخبيط على الباب
هو : القراية كام الآن من فضلك
أنا : القراية كذا
هو: (ملامحه بها الكثير من القلق) هنصلح الوصل وهجيبهولك
أنا : وهاتحسبوني على شريحة شهرين في بعض ولا إيه ؟؟
هو : لا لا لا هنظبطه متقلقش
أنا : شكراً سلام عليكم (وأغلقت الباب)
أنا طبعاً قلقان من الموضوع
وخايف يطلع بيلعب وألاقيهم جايين يقطعوا الكهرباء ولا حاجة
ولا ألاقيهم جايبين فاتورة أكبربالشهرين على بعض
وحاسس إن المشكلة ليست فردية بل في أكثر من شقة بالعمارة
ــــــــــــــــــــــــــــــــــــــــــــــــــ ــــــــــــ
فما هو رأيكم في التعامل مع تلك الفئة
وهل أنا غلطان في تصرفي ولا إيه؟؟

اخ احمد اخبارك؟
انا شغال محاسب فى شركة الكهرباء بدمياط بص ياسيدى انت ماتاخدش الوصل الغلط وتروح تانى يوم للهندسة اللى تبعك وتطلع لمدير الإيرادات وتكتب عنده مذكره بإلغاء الوصل الخطأ وتاخد معاك القراءة الحالية للعداد طبعا واخر وصل كهرباء وتطلب تشريح الفروق اذا كانت موجودة مابن القراءة على الواقع واللى فى الوصل.ولو واجهت اى صعوبات بلغ مدير الإيرادات انك حاتروح لمدير الهندسة ولو مانفعش حاتروح القطاع الرئيسى التابع ليه الهندسة بس ان شاء الله الموضوع بسيط
ماتخليش الموضوع ينرفزك الحركة دى بتحصل معايا ع طول وده بسبب ان الشركات عندها عجز غير طبيعى فى اعداد الكشافين والمحصلين ومش نافع تعين حد لأن مافيش موارد

[ahmed1981]

انا شغال محاسب فى شركة الكهرباء بدمياط بص ياسيدى انت ماتاخدش الوصل الغلط وتروح تانى يوم للهندسة اللى تبعك وتطلع لمدير الإيرادات وتكتب عنده مذكره بإلغاء الوصل الخطأ وتاخد معاك القراءة الحالية للعداد طبعا واخر وصل كهرباء وتطلب تشريح الفروق اذا كانت موجودة مابن القراءة على الواقع واللى فى الوصل.ولو واجهت اى صعوبات بلغ مدير الإيرادات انك حاتروح لمدير الهندسة ولو مانفعش حاتروح القطاع الرئيسى التابع ليه الهندسة بس ان شاء الله الموضوع بسيط
ماتخليش الموضوع ينرفزك الحركة دى بتحصل معايا ع طول وده بسبب ان الشركات عندها عجز غير طبيعى فى اعداد الكشافين والمحصلين ومش نافع تعين حد لأن مافيش موارد

جزاك الله خيراً

ولي عدة أسئلة:
بتقول روح للهندسة اللي تبعك. (يعني إيه هندسة)
هل قصدك شركة التوزيع ؟
ما معنى أن أطلب تشريح الفروق ؟
وشكراً جزيلاً

[romeeoo]

جزاك الله خيراً

ولي عدة أسئلة:
بتقول روح للهندسة اللي تبعك. (يعني إيه هندسة)
هل قصدك شركة التوزيع ؟
ما معنى أن أطلب تشريح الفروق ؟
وشكراً جزيلاً

ايوه شركة التوزيع مقسمه الى قطاعات وكل قطاع مقسم الى هندسات للكهرباء

تشريح الفرق هو تحويل القراءة المتراكمة فى العداد الى شرائح اولى وتانية وهكذا عشان مايبقاش الفرق لوكشة واحدة يحطك فى اعلى شريحة

وياريت تعدل العنوان لإستفسار عن الفواتير والقراءات لأنى فهمت حاجة تانية خالص من العنوان وكنت داخل متوقع اقرأ حاجة تانية واقعد اضحك

[mohamed]

بس اعتقد ان شريحة المحاسبة زادت لانى ملاحظ زيادة الفواتير من 3 شهور تقريبا . مجتش ع الكهرباء كل حاجة بقت غالية ماعدا الانسان فى البلد دى

[Islam_galal]

الأسعار زادت فعلا مؤخرا
لكن التلاعب كتير جدا
في بعض المناطق القراءات فيها بتضرب اي حاجة


- هو الضمير راح فين؟
- مش موجود دلوقتي - أي خدمة
- شكرا . . . لكن ربنا موجود

(اللهم من ولي من أمر أمتي شيئا فشق عليهم فاشقق عليه) صدق رسول الله

[tamohsen]

دول ولاد ستين *****
الموضوع طبعا متعمد وانا كان نفسي افتح توبيك عنه من فتره

من شهرين حصل الحوار ده " اسمحلي أقتبس منك":

أنا: ليه الفاتوره 350 جنيه !!!! أنا طول عمري استهلاكي مابيعديش 90 جنيه؟
المحصل: هوه كده يا فندم
أنا: والقراءة كتير كده ليه؟؟
المحصل:وريني , ينظر لها ويتغير لون وجهه , ويبص علي العداد وياخد قراءته
الاقي فيه 300 كيلو استهلاك لسه ماستهلكتهمش اساسا مع العلم ان الوصل طالع بتاريخ 10 ايا م فاتوا
وطبعا نطيت شريحه تانيه خالص
قالي اسفين يا فندم هاخد الوصل اصلحه وارجعه

بعديها بشهر ارجع الاقي نفس كعب الايصال موجود علي باب الشقه وفيه نفس المبلغ
ومكتوب عليه انذار من المحصل بالدفع أو فصل التيار

يايا ولاد ال*****

رحت رايح للإدارة أشوف ايه الموضوع ده
عملت شكوي وتم تعديل الوصل بعد مراجعه متوسط القراءات السابقه
وسألت المدير هناك ادفع دلوقتي؟؟
قاللي لأ , الوصل هايجيلك لغايه البيت

بس للأسف فات أكتر من 5 اسابيع ولسه مفيش أي وصولات جاتلي لغايه دلوقت
مش عارف ايه النظام

[أبومعاذ]

انا بقالي اكتر من سنة ساكن و مفيش اي فاتورة جاتلي و كل ما اسال المحصل يقولي اصل الكشاف بيعدي مش بيلاقي حد اقوله طب خد انت القراية يقولي مش تخصصي حسسني انه طبيب قلب

[tamohsen]

للأسف مهوه ده الإستهبال بعينه
أيه اللي يمنع أن المحصل يكون معاه جهاز قراءه العداد أو حتي يقراه يدوي
أو الباشا الكشاف يكون بيشتغل في الفتره المسائيه

مشكلتك ان انت ممكن يجيلك فاتوره واحده مجمعه بإستهلاك مثلا 2000 كيلو ب 1000 جنيه
مع ان انت لو استهلاكك الشهري 250 كيلو هاتدفع 60 جنيه مثلا كل شهر

[Sherif Khalifa]

انا كان الاستهلاك الطبيعى بتاعى من 70 لى 80 جم
مرة جت 220 جم و مقلتش عن كدة فى الفوتير التانية
ممكن الاخ المحاسب فى الكهرباء يفدنى من اعمل اية
و لو سمحت كلمنى كلام بسيط افهمة علشان مش بفهم المسمايات الحكومية

[ahit]

السلام عليكم و رحمة الله و بركاته

و الله يا أستاذ / أحمد الواحد مش عارف يعمل ايه فى البلد دى اللى المسئولين عن الخدمات فيها بيعاملونا كأننا مش منهم أو إننا مجبرين
الكهرباء فعلاً زادت من شهرين تقريباً 7.5 % من غير سابق إنزار و قبلها بكام شهر غليت 4.5 % بردو مش عارف ليه
كمان المياه غليت و بتيجى الفواتير بمبالغ عشوائية و لا تمت للواقع بصلة و كمان مفيش حد أصلاً بيبص على العداد بتاع الميه و كل فتره صغيرة بتغلى و بردو من غير سبب
و كذلك التليفون الأرضى بقى الواحد بيدفع 60 جنية كل 3 شهور اشتراك و ضريبة حتى لو مارفعتش سماعة التليفون خلال الثلاث شهور دول يعنى أغلى طبعاً من التليفون المحمول !!!! و كمان مفيش عروض زى بتاعة الموبايل ( هههه )و طبعاً الحداية مش بتحدف كتاكيت !!!
بالإضافة كمان إلى رسوم النظافة اللى على فاتورة الكهرباء و اللى وساخة الشوارع زادت بعد تحصيلها !!!!

الواحد مش عارف يعمل إيه بتروح تشتكى مش بتاخد حق ولا باطل و عطله على الفاضى للأسف و مفيش حلول واقعية و للأسف مجبرين على الدفع لأن مفيش حد هايقدر يعيش من غير كهرباء ولا مياه أو تليفون و كمان مفيش شفافية فى التعامل.

ربنا يرحمنا جميعاً برحمته

[dr.nemo]

ايوه صح انا ملاحظ الزيادة الرهيبة دي
كان استهلاكي 15جم:20جم للشقة الواحدة
دلوقتي جايه فوق ال70 جم مع ان مفيش تكييفات ولا سخانات كهربا
وطبعا لسه الدفايات مشتغلتش
بس مش عارف سمعت ان الشرايح صغروا الرنج بتاعها جدا وضاعفوا القيمة ....
انا كنت قاري في الاخبار ان فيه عجز في انتاج الكهرباء في مصر عموما يقدر ب 12.5%
وبالتالي بيقوموا بقطع التيار كل فترة لسد العجز
انما ياخدوا فلوس زيادة ليه؟؟؟
وبرده المشكلة متحلتش يبقى الرسوم الزيادة دي ليه؟
هو اللي شغالين في شركة الكهرباء بستهلكوا الكربا مجانا !!!!
امال ليه مش حاسين باللي بيحصل ولما نكلمهم بيحسسونا اننا من العالم الاخر ومش عيشين في الدنيا وان كل حاجة زي ماهي واكيد اننا بقى عندنا اجهزة بتستهلك كهربا اكتر!!!!!!!!!!!!

[romeeoo]

بصوا يا جماعة
الناس اللى حاتقعد تفتى وهيا مش فاهمة حاجة فى البطيخ
والناس اللى عمالة تشتم وخلاص
لو على الشتيمة انا لسانى ****** وهيا اسهل حاجة لكن انا مش عايز موضوع زى ده يتقفل عشان شوية ******ويضيع على ناس تانية الإستفادة

واللى يقولك
"هو اللي شغالين في شركة الكهرباء بستهلكوا الكهربا مجانا !!!!
امال ليه مش حاسين باللي بيحصل ولما نكلمهم بيحسسونا اننا من العالم الاخر ومش عيشين في الدنيا وان كل حاجة زي ماهي واكيد اننا بقى عندنا اجهزة بتستهلك كهربا اكتر!!!!!!!!!!!!"

طالما الموضوع دخل فى******انا مش رادد على حد غير اللى اللى عايزين فعلا يفهموا ويعرفوا

ياجماعة انا قلت قبل كده كلام كتير اللى مش فاهم حاجة فى المصطلحات اللى انا بقولها يركز على حاجة ويقولى وانا فاسرهاله اسالوا اسئلة محددة وواضحة وانا معاكوا
وانا موجود فى الخدمة


تحذير للعضو لمخالفته القاعدة رقم 13

[romeeoo]

الشرائح رنجها زى ماهو ماتغيرش ولا حاجة وحاجيبلكوا تشريحها لأنى مش فاكره الوقتى او ممكن تعملوا سيرش ع النت
اللى فاكره ان اول شريحة اول 50 كيلو وات ساعة الكيلوا فيها ب 5 صاغ ودى مابتتغير وطبعا بقا نادر قوى الإستهلاك ده
والتانية اول 100 كيلوا والكيلو فيها ب 12 قرش حاحاول اجيبلكوا الباقى بعدين
- اسعار الكهرباء بتزيد كل سنه 5% سنويا وبقالها 4 سنين والمفروض
ان السنه الجايه اخر سنه فى الزيادات
-هو فيه عجز فعلا فى انتاج الكهرباء وده لأن بيتهيئلى ان الموارد كلها موجهة للنووى فحرام يعملوا محطات بمليارات دلؤتى و يخرجوها بعد سنتين ولا 5

وبرضوا ارجو الإدارة لتغيير عنوان الموضوع لإستفسارات عن الكهرباء وبلاش العنوان العدوانى ده لأن انا ملاحظ ان الأعضاء داخلة بعدوانية من غير لازمة ولو استمر الموضوع ماشى كده انا مش ناقص وجع دماغ انا والله عايز افيد الناس

[ahit]

بصوا يا جماعة
الناس اللى حاتقعد تفتى وهيا مش فاهمة حاجة فى البطيخ
والناس اللى عمالة تشتم وخلاص
لو على الشتيمة انا لسانى اوسخ وهيا اسهل حاجة لكن انا مش عايز موضوع زى ده يتقفل عشان شوية عيال صغيرة ويضيع على ناس تانية الإستفادة

واللى يقولك
"هو اللي شغالين في شركة الكهرباء بستهلكوا الكهربا مجانا !!!!
امال ليه مش حاسين باللي بيحصل ولما نكلمهم بيحسسونا اننا من العالم الاخر ومش عيشين في الدنيا وان كل حاجة زي ماهي واكيد اننا بقى عندنا اجهزة بتستهلك كهربا اكتر!!!!!!!!!!!!"

طالما الموضوع دخل فى فتى واستعباط انا مش رادد على حد غير اللى اللى عايزين فعلا يفهموا ويعرفوا

ياجماعة انا قلت قبل كده كلام كتير اللى مش فاهم حاجة فى المصطلحات اللى انا بقولها يركز على حاجة ويقولى وانا فاسرهاله اسالوا اسئلة محددة وواضحة وانا معاكوا
وانا موجود فى الخدمة

السلام عليكم و رحمة الله و بركاته

أخى العزيز روميو
هو فعلاً اسم الموضوع مختلف عن الهدف و المضمون اللى فيه
بس أنا مش عارف حضرتك بتهاجمنى ليه ؟ و لا أنا فهمت غلط كلامك؟
أنا ما ذكرتش شيىء يسىء لحضرتك خاصة و كمان العضو اللى يمكن كان بيستفسر إن بتوع الكهربا ما بيدفعوش مصاريف كهربا زينا بردو ما قصدش حضرتك أو شخص بعينه و أنا بيتهيئلى إنه كان بيتكلم على ردود بعض المحصلين اللى مش واقعية و مش بتريح السائل.
كمان كلنا فى هذا المنتدى إخوات و لا يصح أن يكون الحديث بيننا بطريقة لا تليق بأسلوب الحوار المفروض أو التلفظ بألفاظ تستفذ بيها مشاعر المشاركين فى الموضوع.
و مش معنى إن حضرتك شغال فى هيئة الكهرباء إن حضرتك فعلاً راضى بالسلبيات أو التجاوزات اللى بتحصل فى الهيئة أو أى جهه حكومية خدمية .
أرجو إنى ما كنش أسأتلك أو أسأت فهمك و تكون فهمت قصدى كأخ و صديق فى هذا المنتدى الكبير

شكراً