احترسوا من الاشتراك فى نادى اكاسيا الاسكندرية

[hossam_nasr]

نصيحة يا جماعة المعاملة هناك زى الزفت و النادى خلاص لم ناس كتير دون المستوى يعنى لما تيجى تقعد على حمام السباحة فى الصيف كانك قاعد على احد الشواطئ العامة و مررة تانية كنت قاعد فى القاعة الشرقية و فجاة قامت خناقة بين شوية ستات بسبب عيالهم ( على فكرة كانوا قاعدين بيشيشوا) و سمعت اوحش شتيمة ممكن تسمعها من العيال الصيع فالشارع
و كمان يا سلام لو قابتك مشكلة مع الادارة تلاقيهم بيمطوحوك لبعض و لازم تعمل مشكلة و تعللى صوتك علشان تاخد حقك
بصراحة كانت اكبر غلطة انى اشتركت فى النادى دة
انا قلت انصحكوا علشان محدش يغلط غلطتى و يرمى فلوسه فى الارض

[ASKAFRAWY]

وحسرتاااه
شوفت بقى النوادى بقت عاملة ازاى الناس كلها بقت بصراحة تحول النادى الى صفيحة زبالة!!!
المكان الخلو والمحترم بيكون محترم بالناس اللى فيه

[hossam_nasr]

يا سلام يا كفراوى كلامك حكم

[Dr. Elsaadani]

انا بكرههه من زمان هو ولاجون

بالنهار ضربة شمس وبالليل اكل ناموس وكل الخدمات سيئة وقليلة جدا

والتقسيط فيهم فتح الباب على مصراعيه لكل الفئات

ده حتى العضوية دلوقتى بتتباع فى الوسيط بالفين جنيه اوثلاثة الاف بس
وديه العائلية كمان يعنى الاعضاء عاوزين يطفشوا منه باى طريقة

انا لقيت نادى جميل واعضائه متميزين وخدماته جميله ودائما شبه فاضى ده حتى فى الصيف اغلب الزوار من القاهرة والبيسين دايما فاضى ونظيف وجميل ووسط الخضرة والميه

بس هو عاوز واسطة جامده للاشتراك فيه يا ريت محدش يسالنى عليه علشان انا مش عايز الاعضاء يزيدوا فيه وخليه كده مجهول احسن

سلامى

[khaledim99]

بس هو عاوز واسطة جامده للاشتراك فيه يا ريت محدش يسالنى عليه علشان انا مش عايز الاعضاء يزيدوا فيه وخليه كده مجهول احسن

سلامى

Tell Us about this one
Gazak Allah Kheer

[محمد ابراهيم 1]

وفيه مفاجأه تانيه
إن نهاية النوادى سنة 2018 لأنها بعقد إنتفاع مدته 20 سنه من سنة 1998 من المحافظه وبعدها النوادى دى حتتسلم للمحافظه والأعضاء بالسلامه والقلب داعى لهم
لكن للأسف السيلز فى النادى بيضحكوا على الناس ومفهمينهم إن العضويات بتاعتهم دايمه

[Dr. Elsaadani]

امرى لله

هو نادى جرين لاند بداخل المنتزة

والاشتراك فيه ارخص من التانيين الوحشين دول

[ASKAFRAWY]

امرى لله

هو نادى جرين لاند بداخل المنتزة

والاشتراك فيه ارخص من التانيين الوحشين دول

شكرا ياباشا جدا

[khaledim99]

But How much ?? my brother

[khaledim99]

كم تتكلف العضوية
و
كم يبلغ الاشتراك السنوى ؟؟