إعـــــــلان

Collapse

.

,
See more
See less

حملــــــة جديدة للنصــب برعايـــــة Donia Service

Collapse
X
Collapse
 
  • Page of 4
  • Filter
  • الوقت
  • Show
Clear All
new posts
السابق 1 2 3 4 template التالي
  • #1

    حملــــــة جديدة للنصــب برعايـــــة Donia Service

    السلام عليكم و رحمة الله و بركاته

    أزيكوا يا جماعة

    حبيت أحكيلكوا حاجة حصلت معايا النهاردة الصبح عشان الكل ياخد باله

    الصبح رن الجرس و أنا نايمة

    ماما راحت تفتح الباب

    فتحت لقت واحدة من اللي بيحفظوا كلام هما نفسهم مش فاهمينه و بيرصوه كله ورا بعضه و يا ويلك لو قاطعتهم

    أنا أول ما سمعت الديباجة دي صحيت عشان نومي خفيف

    أنا أوضتي جنب باب الشقه فإستنيت أسمع عشان أعرف هي هتقول إيه

    لقيتها بتقول إحنا حملة مجانية من كلية الزراعة بنرش الحمامات عشان الوقاية من الجراثيم و الحمله دي اجبارية

    أنا سكتت لإني سمعت كلمة كلية الزراعة اللي ألقت علي الموضوع صبغة مهنية حكومية بما لا يدع مجال للشك

    و قالتلنا علي فكرة كل الجيران اللي فوقكوا و اللي تحتكوا رشوا و مش فاضل غير انتوا

    ماما صدقت طبعا و دخلتها..و كل ده و أنا واقفه بأسمع في أوضتي

    المهم الست قالت لماما أنا هأدخل أرشلكوا بنفسي مادام انتوا ستات قاعدين لوحدكوا

    أنا أبتديت أقلق بصراحة

    الرش ده حاجة Chemical و مينفعش اي حد مش Professional يتعامل معاها

    يبقي إزاي دي داخله ترش من نفسها كده و لا حاطه ماسك و لا حتي لابسه جوانتي

    ما علينا...قولت يمكن مش حاجة خطيرة أوي

    خلصت بقي و وقفت عامله نفسها مشغولة جدا و بتكتب في وصل معاها و بتكلم ماما

    ده يا مدام وصل بالرش و فاضلكوا كمان مرتين

    هنجيلكوا يوم 17/1 و يوم 17/2

    عايزين بقي من حضرتك 29 جنيه دمغة رمزية عشان الرش

    انا سمعت كلمة دمغة رمزية مقدرتش استحمل

    29 جنيه دمغة؟!!!!!!!!

    روحت طالعالها بقي

    كله الا إن حد ينصب عليا

    أنا:إنتي تبع ايه يا انسة؟

    هي:كلية زراعة

    انا:طيب بطاقتك؟

    هي:مانا وريت للمدام الكارنيه بتاعي مش لازم البطاقة

    أنا:ماما ادخلي اتصلي بالجيران و شوفي عملت معاهم ايه دي(قدامها و لا هاممني عشان عارفة اخرتها)

    ماما دخلت اتصلت بجارتنا قالتلها لا طبعا مرشيناش ...المكالمة مكانتش لسه خلصت بس ماما قالتلي من جوه انهم مرشوش

    أنا:إنتي مش قولتي للمدام ان كل اللي فوق رشوا

    هي عملت نفسها بتكتب في وصل تاني عشان متردش

    أنا:انتو بقي ايه بالظبط حضرتك؟

    هي:احنا تبع شركة Donia service و مكلفين من كلية الزراعة؟

    أنا:دنيا ايه حضرتك؟

    هي:دنيا سيرفس

    أنا:ليه هي كلية الزراعة عويله مش عارفة تعمل الحملة بنفسها فمكلفه شركة تعملهالها؟

    و أساسا الحكومة يوم ما بيعملوا حملات زي دي مبياخدوش حتي ربع جنيه

    خدي الوصل ده و إجري من هنا و مشوفكيش هنا تاني قبل ما تطلعوا إنتي و اللي معاكي دول علي القسم يا إما هندهلكوا البوليس او الاحلي من البوليس كمان...بوابين الشارع

    البنت خدت الوصل من ايدي و خدتها جري علي السلم و ندهت اللي بينصبوا في الدور اللي فوق عشان ينزلوا و نزلوا جري هما كمان

    ماما خرجت من اوضتها تقولي ان جارتنا قالتلها إنهم جم من حوالي تلات سنين برضوا و قالوا نفس الكلام و قالوا هيعدوا بعد شهر و محدش شافهم بعدها

    و اتصلوا علي الرقم اللي كان في الوصل قالهم إن دي شقه كانت متأجرة يوم واحد بس و اللي مأجرينها سابوها.

    حبيت بس انبهكم يا جماعة عشان الكل ياخدوا بالهم

    انا ساكنة في حي الهرم عموما عشان كده تنبيهي في المقام الاول لسكان الهرم و فيصل لأن ممكن يكونوا بينصبوا بس في الحي ده

    بس عموما ياريت الكل ياخدوا بالهم و كل واحد يحذر قرايبه و معارفه
    [COLOR="DarkOrchid"][SIZE="3"][I][CENTER]il n’est pire aveugle que celui qui ne veut pas voir[/CENTER][/I][/SIZE][/COLOR]
    الكلمات الدلالية (Tags): 20, 2007, 40, 50, donia, nubira, service, احنا, الأولى, الجديدة, الجي, اللي, الي, بدون, برافو, برعايـــــة, بيع, جديدة, جماعة, جير, حكومة, حملــــــة, حوادث, خدمة, سرقة, سير, شار, عايز, عربية, في, قطع, كل, للنصــب, مع, من, مين, نور, هل, هنا, هي, وكيل
  • #2
    متشكرين على التحذير ...
    وبرافو عليكى والله يا بوسي
    ..
    انا بفكر اعمل كتاب اسميه
    ( كيف تقى نفسك من ابداعات المصريين )

    Comment

    • #3
      شكرا على التحذير
      هى فعلا حصلت مع البيت بتاعنا السنة الى فاتت بس كلة طردهم
      انتى طلعتى جامدة وظبتيها برافوااااا عليكى هى المشكلة مشفى الفلوس هى المشكلة انهم لما جم عندنا البيت كانو 2او3 يعنى ممكن كانت تبقى سرقة بالمغافلة زيادة عن ال29جنية
      [SIGPIC][/SIGPIC][SIZE=3][COLOR=#68d122]من اهم انجازات مبارك :
      توحيد المصرين على كلمة حسبى الله و نعم الوكيل
      [/COLOR][/SIZE]


      محمد العصار

      Comment

      • #4
        أنا:ليه هي كلية الزراعة عويله مش عارفة تعمل الحملة بنفسها فمكلفه شركة تعملهالها؟

        بجد مش قادر امسك نفسي من الضحك


        تصرف جامد جدا
        محمد عيسى
        [URL="https://www.dropbox.com/link/21.1fWqGm2yPG"]دعوة دروب بوكس[/URL]

        Comment

        • #5
          ده 29 ج دول يجيبوا 3 عبوات كيروكي يغرقولي الشقه كلها وتموت الصراصير والبراغيث والبني ادمين كمان

          نصابين طبعا

          بس برافو عليكي
          [sor2]http://www.syarat4sale.com/wp-content/uploads/2010/12/nissan-tiida-002.jpg[/sor2]

          Comment

          • #6
            المشاركة الأصلية كتبت بواسطة ahmodium مشاهدة المشاركة
            ده 29 ج دول يجيبوا 3 عبوات كيروكي يغرقولي الشقه كلها وتموت الصراصير والبراغيث والبني ادمين كمان
            اول مرة نستخدم كيروكس رشيت منه بغباء..
            فضلنا بره البيت يومين واكتشفنا انه قاتل للبشر وليست الحشرات ..

            Comment

            • #7
              حصلت عندنا في حدائق القبه من فترة وماما دفعتلهم طبعاً
              ليست مشكلتي إن لم يفهم البعض ما اعنيه ؟
              و ليست مشكلتي ..إن لم تصل لفكره لأصحابها ؟ فهذه قناعاتي .. وهذه افكاري .. وهذه كتاباتي بين يديكم أكتب مااشعر به .. أقول ماأنا مؤمن به .....انقل هموم غيري بطرق مختلفة و ليش بالضرورة ما أكتبه يعكس حياتي ....... الشخصية هي في النهاية ...... مجرد رؤية لأفكاري .....

              [url=http://www.postimage.org/image.php?v=gx1XIkV9][img]http://www.postimage.org/gx1XIkV9.jpg[/img][/url]

              Comment

              • #8
                ايوة يا بنتي جم عندنا من حوالي 3 سنين برضو وماما طبعا وافقت على الرش
                بس بابا الله يرحمه طلع لهم وعمل وكيل نيابة زيك كدة ههههههههههههههههههههه وهراهم اسئلة وبعدين مشاهم وهم بيدعوا على اليوم اللي اتولدوا فيهم زي ما عملتي تمام
                هم ايه متوصيين على شارع الهرم مخصوص ولا ايه

                Comment

                • #9
                  يااااااااه
                  دا انتى قلبك جامد اوى
                  ربنا يوقعلك كل من تسول له نفسه بالنصب
                  و ربنا يجعلك مخلصة للى بيتعمل فى المصريين

                  و برافو عليكى
                  تعددت اساليب النصب و الهدف واحد
                  بس المهم هما رشوا بجد
                  و لا شوية ميه ريحتها وحشه و خلاص
                  [RIGHT][FONT=Tahoma][SIZE=2][COLOR=darkred][I]كيميائى / محمد طه[/I][/COLOR][/SIZE][/FONT][/RIGHT]
                  [RIGHT]------------------[/RIGHT]
                  [CENTER][COLOR=blue]بسم الله الرحمن الرحيم[/COLOR][/CENTER]
                  [CENTER][COLOR=green]وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ وَسَتُرَدُّونَ إِلَى عَالِمِ الْغَيْبِ وَالشَّهَادَةِ فَيُنَبِّئُكُمْ بِمَا كُنْتُمْ تَعْمَلُونَ[/COLOR][/CENTER]
                  [CENTER][COLOR=blue]صدق الله العظيم[/COLOR][/CENTER]
                  [CENTER][COLOR=blue]التوبة 105[/COLOR][/CENTER]
                  [COLOR=#ff0000][/COLOR]

                  Comment

                  • #10
                    الف شكر على التنبيه
                    [SIZE="4"][COLOR="Blue"]Goodle[/COLOR][/SIZE]

                    [SIZE="4"][COLOR="Blue"]محمد عبد الجواد[/COLOR][/SIZE]

                    [COLOR="SeaGreen"][SIZE="5"]موضوع الساعة: الفن المسماري- حقائق تاريخية - متجدد[/SIZE]
                    [url]http://www.nilemotors.com/Nile/showthread.php?t=29892[/url][/COLOR]


                    [CENTER][SIZE="4"]مصر يامّة يا سفينة :)
                    شكلك كده.. هاتغرقينا :)[/SIZE][/CENTER]

                    Comment

                    • #11
                      ايه ده يابوسي ؟ معقول؟ انا مش مصدقة عنيا

                      دانتي طلعتي جامدة اوي

                      امال ليه باقي الثلاثي كانوا بيقولوا غير كده وادونا عنك انطباع تاني خالص

                      وانتي كمان شكلك كنتي بتمثلي علينا انك مستكينة ومينكسرة وغلبانة

                      بس انتي طلعتي اروبة يابوسي

                      والله برافو عليكي

                      والواحد لازم من هنا ورايح بقي يعملك الف حساب
                      لا وعملتي للبنت كارت ارهاب انما ايه 100 100 والله
                      ايون كده رجعي الهيبة لبنات المنتدي

                      ميرسي اوي علي التحذير ياقمر وميحرمناش من تحذيراتك

                      Comment

                      • #12
                        جزاكى الله خيراً على التحذير
                        [CENTER][SIZE=4][COLOR=Blue]:burnout: لا إله إلا الله - محمد رسول الله:burnout:[/COLOR][/SIZE][/CENTER]
                        [CENTER][SIZE=4][COLOR=#000080][SIGPIC][/SIGPIC][/COLOR][/SIZE][/CENTER]
                        [I][SIZE=4][COLOR=Blue][CENTER]* Ahmed Hassan *
                        أرجو الدعاء لوالدى بالرحمة و المغفرة
                        و لوالدتى بالشفاء
                        [/CENTER]
                        [/COLOR][/SIZE][/I]

                        Comment

                        • #13
                          بجد بجد برافو عليكي يا بوسي
                          انا مبسوط منك جدااااااا بجد انا بحب البنت الجدعة اللي تعرف تحمي نفسها و اللي معاها و ميتخفش عليها و متبقاش خايفة كدة و كشة في نفسها برافو عليكي بجد انتي ظبتيها هي و اللي معاها و ياريت كله يحرص و ميخليش حد يدخل.
                          و بصراحة كان لازم تمنعيها من الدخول اصلا بس الحمد لله حصل خير و برافو عليكي.
                          [CENTER][B][FONT=Arial Black][SIZE=3]مصر اولاً و لو بنحب مصر بجد يبقى لا للتخريب[/SIZE][/FONT][/B][/CENTER]

                          Comment

                          • #14
                            برافو عليكي ...

                            ملحوظه هامة: ممنوع منعا باتا انك تدخل حد ماتعرفهوش شقتك (وفي يعض الاحيان حتى لو تعرفه برضه ماتدخلهوش خاصة لو انتي ست او بنت)

                            Comment

                            • #15
                              شكرا علي التنوية
                              دة انتي طلعتي <في الاذية مؤذي>
                              [CENTER][SIZE=4][COLOR=Purple][IMG]http://www.imgall.org/img2/c3d6d8cc00.jpg[/IMG]

                              See no evil ..Hear no evil ..Speak no evil
                              [/COLOR][/SIZE][/CENTER]

                              Comment

                              السابق 1 2 3 4 template التالي
                              Working...
                              X