البنات و السجاير

[Miss_Pharma]

بنت = رقة وحياء
سجاير = قلة ادب وبجاحة (سوري جدا بس مفيش تعبير غير ده)

يبقى مستحيل بنت = سجاير ..
متجيش اصلا ..
وعلى فكرة هما مش كتير اوي كده ..

[نور القمر]

بجد حاجة تقرف
مش عارفه ازاي بيستحملوا الدخان والريحة اللي تقرف دي
ده انا لو في مكان فيه رجل بيدخن ببقه مش طايقه ريحته
فمابالك لو بنت وكمان لو بتشيش
مناظر البنات اللي ماسكة الشيشة في الكوفيهات تقرف
كنا زمان بنتريق على الرجل اللي بيشيش ونقول عليه عامل زي المعلمين
دولقت الناس الاستايل هي اللي بتشيش

[Miss_Pharma]

كالعادة في مجتمع متأخر, لا يجد فيه اغلب الناس القدرة على النجاح, يحاول كل فرد ان يشعر بالتفوق حتى و ان كان مزيف, فتجد ان الرجل في مجتمعنا دوما يحاول ان يجد من هو اضعف منه لينفث عن جميع مركبات النقص والاحباط التي تلازمه, و بالطبع لا يجد انسب من المرأة ليمارس معها جميع محاولات التسلط و الوصاية.

ربما يجد بعض الاخوة الاعضاء هذه المقدمة غريبة و لا علاقة لها بالموضوع, و لكنها اول ما خطر ببالي عند قرائتي للمشاركات السابقة. فلا أعلم تحديدا الاخوة الذين يتعجبون من احوال هذا الزمن و بجاحة بنات "اليومين دول", لماذا اتخذوا من تدخين المرأة بالذات نقطة للنقض؟؟ و الله لو كان الاخوة يهاجمون ظاهرة انتشار التدخين في مجتمعنا رغم انحساره لدى الدول الاكثر تقدما لوافقتهم بشدة لأنني من اكثر الناس كرها للتدخين و ضيقا من المدخنين. اما ان يدين هؤلاء التدخين عندما يكون من امرأة على حين لا يجدوا فيه اي غضاضة اذا كان المدخن رجل, فأرجو الرجوع الى مقدمة تعليقي لأنني اعتقد أن لذلك علاقة قوية به.

هو فعلا كلامك مظبوط ولا جدال عليه ان التدخين عادة سيئة للطرفين ..
لكن الكلام هنا راجع للعادات والتقاليد ونظرة المجتمعات العربية بشكل عام ..

[ehabomar]

أنا لما غيرت الشغل بتاعي ورحت شركة تانية، الناس كانت بتخرج في ال break عشان تشرب سجاير أو تشرب شاي أو حتى تتكلم في التليفون، انا اتصدمت لما لقيت ييجي 5 أو 6 بنات محجبات على غير محجبات بيشربوا سجاير وكل يوم المنظر ده. انا كنت مذبهل لإني اول مرة اشوف كية البنات ده بيشربوا سجاير في نفس الوقت.

بس يا جماعة ده حرية شخصية عايزة تشرب سجاير ، تشرب عصير قصب هي حرة بس ما تأذيش غيرها. الموضوع وما فيه ان احنا مجتمع شرقي مش واخدين على المناظر ده بس احب اطمنكوا ان احنا قدام مستقبل باهر للشباب والبنات ملئ بالمخدرات والمهلوسات وكل حاجة بتلحس الدماغ اللي بقت تتباع في الشارع عيني عينك وبتتعطاها جميع طبقات المجتمع. وحسبى الله ونعم الوكيل فيك يا اللي في بالي يا اللي خربت البلد.

[M.Osman]

حياء ؟

مين حياء دا اللى مش موجود عند البنات ؟


( حياء ميييين يا استااااااذ ؟؟؟؟؟ )

[Rafraf]

انا عن نفسى مابشربش سجاير

الناس بتستغرب جدا ان شاب فى سنى و مش بيشرب!!

و اللى انا بستغرب منو لما اكون ماشى فى مكان ما و الاقى ان انا مش بشرب سجاير وفى بنات بتشرب!!

بحس ان دى الموضة!او ان السجاير بتدى بريستيج !!

الله يسترها علينا لما نتجوز و نخلف!! يا ترى ولادنا هيكون شكلهم ايه؟؟

[HeMa_LanCeR]

فعلا انا معظم اصدقائي البنات في الأكاديميه بيشربوا سجاير وده طبعا شيء عادي جدا بالنسبه لهم

[hossam_nasr]

يا عم انا كنت فى الاكاديمية و كانت البنات بتشرب مخدرات و الكلام دة كان من 9 سنين

[ASKAFRAWY]

يا عم انا كنت فى الاكاديمية و كانت البنات بتشرب مخدرات و الكلام دة كان من 9 سنين

خلاص بقى الانوثة ماتت ف73!!والبنات ماشاء الله بقوا بيعملو الهم عاوزينه!!الكيف بيزل يا حسام وانت عارف بقى!!!!!!!

[hossam_nasr]

خلاص بقى يا عم كفراوى ربنا يهديهم ويصلحلهم الحال

[ASKAFRAWY]

اللهم امين!!الواحد يتمنى ان كل الناس يتصلح حالها وترجع لربنا!!
اللهم اهدى المسلمين جميعا!

[hossaam]

وبعدين..اللي ياكل على درسه ينفع نفسه..على رأي المثل

وابقى خللي البرستيج والتقليد الاعمى" ينفعهم او ينفعهن"(علشان الاخ اللي زعلان ان كلامنا موجه للبنات فقط ما يزعلش)

والله بقى يشربوا سجاير..مخدرات..زبالة..هم احرار..:b4_611:

المهم اننا نتمنى للجميع "رجال ونساء" من الله الهداية

وانه يحمينا ويحمي بناتنا وأولادنا من اصدقاء السوء..

[hossaam]

[IMG][/IMG]

very stylish

[sab3aawy]

كالعادة في مجتمع متأخر, لا يجد فيه اغلب الناس القدرة على النجاح, يحاول كل فرد ان يشعر بالتفوق حتى و ان كان مزيف, فتجد ان الرجل في مجتمعنا دوما يحاول ان يجد من هو اضعف منه لينفث عن جميع مركبات النقص والاحباط التي تلازمه, و بالطبع لا يجد انسب من المرأة ليمارس معها جميع محاولات التسلط و الوصاية.

ربما يجد بعض الاخوة الاعضاء هذه المقدمة غريبة و لا علاقة لها بالموضوع, و لكنها اول ما خطر ببالي عند قرائتي للمشاركات السابقة. فلا أعلم تحديدا الاخوة الذين يتعجبون من احوال هذا الزمن و بجاحة بنات "اليومين دول", لماذا اتخذوا من تدخين المرأة بالذات نقطة للنقض؟؟ و الله لو كان الاخوة يهاجمون ظاهرة انتشار التدخين في مجتمعنا رغم انحساره لدى الدول الاكثر تقدما لوافقتهم بشدة لأنني من اكثر الناس كرها للتدخين و ضيقا من المدخنين. اما ان يدين هؤلاء التدخين عندما يكون من امرأة على حين لا يجدوا فيه اي غضاضة اذا كان المدخن رجل, فأرجو الرجوع الى مقدمة تعليقي لأنني اعتقد أن لذلك علاقة قوية به.

والله انت قلتى المفيد، برغم ان خطابك قاسى الى حاد ما ، لكن انا كنت لسه هكتب شئ ما بنفس المعنى، لأن الكثيرين تركوا مشاكلهم الشخصية وراحوا يناقشون سلوكيات غيرهم كنوع من انواع فرض الوصاية على هذا الغير،

انا شايف ان قضية التدخين ببساطة هى (كمجرد مثال لرأى خالى من الوصاية)
شاب بيدخن فى مكان مافيهوش حد غيره: واحد عايز يؤذى نفسه، هو حر
شابة بتدخن فى مكان مافيهوش حد غيرها: واحدة عايزة تؤذى نفسها، هى حرة
شاب بيدخن فى مكان عام فيه ناس غيره لا يقبلون رائحة الدخان:واحد بيتخطى مساحة حريته ويؤذى الأخرين، يجب ايقافه
شابه بتدخن فى مكان عام فيه ناس غيرها لا يقبلون رائحة الدخان:واحدة بتتخطى مساحة حريتها وتؤذى الأخرين، يجب ايقافها

لكن حكاية بأه ان الراجل اللى بيدخن ده راجل جامد و macho man في حين ان البنت اللى بتدخن دى واحدة بتمارس فعل فاضح فى الطريق العام يستدعى تدخل كل الأشاوس من الذكور لحمايتها من نفسها وفرض الوصاية على عقلها القاصر فده محض كلام فاضى مالوش معنى

اذكر كلمة لدكتور احمد خالد توفيق بيقول فيها: دائما ما ننتقد النور المبهر الذى ينطلق من السيارة القادمة فى الاتجاه المقابل ويعمى عيوننا، ناسين او متناسين الضوء المبهر الذى ينطلق من سيارتنا ويعمى بدوره عيون قائد السيارة المقابلة

اتركوا الفتيات والسيدات فى حالهم وسوف ينصلح حالهم

[twinsrashed]

جبت من الاخر يا ا/سبعاوى