إعـــــــلان

Collapse

.

,
See more
See less

انا شايفها احلي بلد في الدنيا..بس سيبوني في حالي.

Collapse
X
 
  • Filter
  • الوقت
  • Show
Clear All
new posts

  • #16
    المشاركة الأصلية كتبت بواسطة Ahmed Samy مشاهدة المشاركة
    اسمحلي اضايقك شوية

    أنا خلال محاولاتي في الاندماج جربت حاجتين ..

    اكون وحش و اخد حقي بدراعي و الواسطة و الفلوس (ونفع) بس حسيت اني حيوان و ماقدرتش اكمل يوم واحد ..

    فلجأت لفكرتك ..انتبه اني ماغلطش و ماتجاوزش و امشي صح في كل حاجة مهما كان ...و النتيجة

    شعور مرييييير بالعجز و الغربة

    و كل ما أكون ملتزم و محترم على قد ما بتلاقي احساس جميل جواك ومن بعض الناس المحترمين الذين يقدرون النظام و الحقوق

    على قد ما بتلاقس اطنان من المعاناة تزيد كلما زاد التزامك

    انا اسف اللي حضرتك بتقوله ده (ضرب من الوهم)

    ممكن حضرتك تخليك كده ربنا معاك و يقويك طبعا دي حاجة كويسة

    بس البلد مش هاتتصلح

    و الناس مش هاتبقى مؤدبة و محترمة

    في اضعاف اضعاف من يتبنون نظرية (اصلح نفسك) يتبنون نظرية (افسد الناس)
    عَنْ ابْنِ عَبَّاسٍ قَالَ :

    كُنْتُ خَلْفَ رَسُولِ اللَّهِ صَلَّى اللَّهُ عَلَيْهِ وَسَلَّمَ يَوْمًا فَقَالَ :

    ((يَا غلام إِنِّي أُعَلِّمُكَ كَلِمَاتٍ احْفَظْ اللَّهَ يَحْفَظْكَ احْفَظْ اللَّهَ تَجِدْهُ تُجَاهَكَ إِذَا سَأَلْتَ فَاسْأَلْ اللَّهَ وَإِذَا اسْتَعَنْتَ فَاسْتَعِنْ بِاللَّهِ

    وَاعْلَمْ أَنَّ الاُمَّةَ لَوْ اجْتَمَعَتْ عَلَى أَنْ يَنْفَعُوكَ بِشَيْءٍ لَمْ يَنْفَعُوكَ إِلا بِشَيْءٍ قَدْ كَتَبَهُ اللَّهُ لَكَ

    وَلَوْ اجْتَمَعُوا عَلَى أَنْ يَضُرُّوكَ بِشَيْءٍ لَمْ يَضُرُّوكَ إِلا بِشَيْءٍ قَدْ كَتَبَهُ اللَّهُ عَلَيْكَ

    رُفِعَتْ الاَقْلامُ وَجَفَّتْ الصُّحُفُ)) .

    من يستشعر بالفعل معنى الحديث الشريف يحس براحة نفسية عظيمة

    اللهم صلي على محمد وعلى آل محمد
    سبحان الله وبحمده ... سبحان الله العظيم
    تحياتي ,,,
    أحمد مجدي

    Comment


    • #17
      طيب ممكن تقرا الكلام ده

      مين هي مصر ؟!


      ده سؤال نساله واحنا اللي نجاوب عليه .. وبعد ما نجاوب نقدر نحدد احنا بنكره مصر ولا بنحبها


      مصر مش هي الحكومة ولا الريس ولا الاحزاب ولاالناس اللي معاها فلوس كثير وعيزه تجيب اكتر ..


      مصر هي الصحيان بدري و الشمس لسة بتفتح عنيها و النور بيتسرسب من الشيش و اذعة القران الكريم
      طلعة من الرديو ..


      هي عربية الفول اللي الناس ملمومين عليها و بياكلو بمزاج قوي في احلى اصطباحة ، كبايه الشاي بالحليب على قهوه بلدي الساعه 7 الصبح .


      و الواد اللي سايق عجلة وشايل طولة العيش الساخن اللي لسة طالع من الفرن ورحته بتلعب في نخشيشك ..


      وعم سعيد بيفتح الدكان و بيرش ميه قدامه وبردضه اذاعة القران الكريم شغاله عنده و " في بقعة من بقاع الارض طاهرة "


      و البنت ام مريله كحلي اللي منير وجهين شفوها وهي رايحة المدرسة و العيال الصغيره الي شنطة المدرسه قاطمه ضهرهم وهم متكتفين جوا المريله البني ام زراير من ورا ( بقوا يلبسوا قمصان دلوقتي ) وبرضه بيجروا ورا بعض و عملين دوشه و تحية العلم .


      مصر هي الاتنين الشباب الاصحاب قوي اللي ماشين ع الكورنيش في عز الشتا ومستخبيين جوه الهدوم التقيله و بقهم بيطلع بخار م السقعة بس واحد فيهم مطلع ايده م الجاكت و ماسك السيجارة .


      مصر هي الرجاله الكبار اللي قعدين يفتكروا ايام زمان الحلوة ويضحكوا ضحكه ترج النجم على راى الابنودي
      و ام امين بتاعة الخضار الى قعدة ع النصيه من و انا في ابتدائي .


      و الشارع الفاضي باليل اللي مية الشتا بتلمع عليه و عسكري المرور الواقف ف الشارع من زمان قوي .
      مصر هي كل البيوت اللي فتحة على بعضها و بتحب بعضها من غير مصلحة .


      كل فرح عديت عليه ودخلت بركت و انت مش عارف اسم العريس و كل عزا دخلته وعملت الواجب فيه مع انك عمرك ما شوفت اللي مات .


      مصر هي كبايه الشاي بالنعناع و انت لابس الجلبيه الصيفي و قاعد في البلكونه مع نسمه بتهفهف بعد ما اكلت اكله محشي من ايد الولدة و بنفسها وحليت بشقتين بطيخ ساقعين في عزالصيف .


      مصر سيد درويش وشد الحزام على وسطك و ام كلثوم بالليل وعبد الحليم لما تحب و منيب و ام العيال العشرية و منير وهو بيصرخ


      ( يا مصر و انتي الحبيبه .. انتي اغترابي و شقايا


      ونتي الجراح الرهيبه .. و انتي الي عندك دوايا )


      مصر هي " مولاي اني ببابك قد بسط يدي " الي عايش بيها النقشبندي لحد دلوقتي وصوت محمد رفعت بيقرا قبل الفطار ف رمضان و الشيخ الشعراوي اللي بتزعل اول ميقول ( و الى لقاء قادم ان شاء الله )


      مصر الابنودي وصلاح جهين و فؤاد نجم و الشيخ امام و فروق جويده و هيكل فهمي هويدى و الشيخ الغزالي فى صلاة العيد و كل الناس الي بتصلي ورا محمد جبريل في دعوة الحق و باقي الناس الي ورا الشيخ حاتم في التهجد في القائد ابراهيم وعبد الوهاب مطاوع ف اهرام الجمعة و كركتير احمد رجب .


      مصر و ريحة الكبدة و امك بتعملها عشان تفطر اول يومالعيد بعد م تخلص دبح .


      و الصيدين الي وقفين على البحر صيف شتا بينغشو السمك ..


      و سواق التكس اللي بتركب معاه وبيحكيلك عن مشكله مع انك عمرك مشفته قبل كدة ولا هاتشوفه بعد كده
      و الواد علي الي بيعدي عم جرجس الشارع وهو خايف عليه من العربيات و الست الي بتفاصل مع بتاع الخضار علي شلن زياده في الطماطم


      مصر السفر و السهر و الشقا و العشق و المعشوق


      مصر الي عمنا بيرم قال عنها


      " بلدنا دي زي الرصيف ... وعيز يتكنس
      فيه ناس بتعرق ع الرغيف ... وناس بتعرق م التنس "


      هي دى مصر و اللي ما شفهاش كده و ماشفش فيها كل ده ممكن ميحبهاش


      بس اللي شاف ده و محبهاش لازم يراجع نفسه


      ينسى الناس اللي تاعبه و تاعبه البلد و يفتكر البلد نفسها


      البلد الي منير قلها


      وحب اغترابي ف صبحك و ليلك .... وحب الونس بالرفاقة يا مصر


      تنام الدموع ف العيون الهواجع .... تسهر دموعي ف حبك يا مصر


      تهون الظنون و الشجون و المواجع ... اكدب ظنوني في حبك يا مصر


      ها قرب و اقرب و مش ممكن اهرب .... وتنزل دموعي على خدودي تشرب


      تلاقي الرموش و الخدود و المباسم مراسم .... وصورتك عليهم يا مصر

      Comment


      • #18
        حبيت أكلم و أقول رأيى فى الموضوع ده

        أيوة مصر فيها عيوب و فيها و فيها بس مش معنى كدة انى اكرهها و مش معنى كدة انى أقول مفيهاش حاجة حلوة

        لأ و الله و بقولها بصوت عالى(بحبك يا مصر) ، يا جماعة لو مصر مفيهاش حاجة حلوة خالص ماكناش نطيق نعيش فيها ، أيوة فيها عيوب بس لو اتغربنا عنها بنشتقلها ، بنشتاق لناسها و طيبتهم ، بنشتاق لنيلها و جوها ، بنشتاق لمصر لأنها فعلاً بلدنا و بنحبها.

        ممكن نكون بنضايق من اللى بيحصلنا و ان احنا حاسين ان احنا مظلومين فى ظل حكم ديموقراطى(كما يزعمون) بس مصر مش الحكومة ، مصر قامت بناسها و أهلها ، ياما الشعب المصرى قوم حكومات و سقط حكومات ، ياما كان لينا دور و رأى ، هتقولوا احنا دلوقتى منقدرش نتكلم ، الشعب المصرى مامتش و لا عمره هيموت لأنه هو اللى مخلى لمصر حلاوتها و جمالها، تقدروا تقولولى فيه أى شعب بيضحك على همومه زينا ده احنا مفيش حاجة فى حياتنا الا و عملنا عليها نكتة .

        أنا مش بأقول الكلام ده و أقولكم انى عايشة فى كوكب تانى و مش حاسة بالناس ، ده أنا واحدة من الناس بس بالرغم من كل ده ( بحبك يا مصر) و هأفضل أحبك علطول.
        [CENTER][B][SIZE=5][FONT=Comic Sans MS][COLOR=teal][FONT=Comic Sans MS][SIZE=5][COLOR=teal][B][bor=#f7ff00][FONT=Comic Sans MS][SIZE=5][COLOR=teal][B]سبحان الله و بحمده ...سبحان الله العظيم[/B][/COLOR][/SIZE][/FONT][/bor][/B][/COLOR][/SIZE][/FONT][/COLOR][/FONT][/SIZE][/B][/CENTER]

        Comment


        • #19
          الأخت الكريمة : مسلمة ...

          أسعد الله مسائك و مساء كل أحبائنا الكرام أعضاء نايل موتورز المحترمين و بعد ...

          اتفق مع كل كلمة قولتيها قلبا و قالبا , فلا يعرف قيمة مصر و لا حلوها ألا من جرب الغربة و أكتوي بنارها

          نار مصر و لا جنة بلاد بره

          - يكفي ان تشعر بالامن و الامان و أنت تسير في الشارع ليلا وحدك دونما خوف من اختطاف أو قطاع طرق يسلبون مالك أو حياتك

          - يكفي أن تجد يد العون ممدودة اليك وقت الشدة ممن تعرفهم و من لا تعرفهم

          - يكفي ان تجد نفسك وسط أهلك و ناسك و أحبائك لتشعر بالطمأنينة و الحنان

          - يكفي ان تشعر بدفء المشاعر قبل دفء الطقس و الشمس المشرقة دائما

          بالرغم من كل شئ ألا اني وجدت بارقة أمل و أن مصر هي احلي أسم في الوجود
          [SIGPIC][/SIGPIC]

          Comment


          • #20
            المشاركة الأصلية كتبت بواسطة casperinoo مشاهدة المشاركة
            طيب ممكن تقرا الكلام ده

            مين هي مصر ؟!


            ده سؤال نساله واحنا اللي نجاوب عليه .. وبعد ما نجاوب نقدر نحدد احنا بنكره مصر ولا بنحبها


            مصر مش هي الحكومة ولا الريس ولا الاحزاب ولاالناس اللي معاها فلوس كثير وعيزه تجيب اكتر ..


            مصر هي الصحيان بدري و الشمس لسة بتفتح عنيها و النور بيتسرسب من الشيش و اذعة القران الكريم
            طلعة من الرديو ..


            هي عربية الفول اللي الناس ملمومين عليها و بياكلو بمزاج قوي في احلى اصطباحة ، كبايه الشاي بالحليب على قهوه بلدي الساعه 7 الصبح .


            و الواد اللي سايق عجلة وشايل طولة العيش الساخن اللي لسة طالع من الفرن ورحته بتلعب في نخشيشك ..


            وعم سعيد بيفتح الدكان و بيرش ميه قدامه وبردضه اذاعة القران الكريم شغاله عنده و " في بقعة من بقاع الارض طاهرة "


            و البنت ام مريله كحلي اللي منير وجهين شفوها وهي رايحة المدرسة و العيال الصغيره الي شنطة المدرسه قاطمه ضهرهم وهم متكتفين جوا المريله البني ام زراير من ورا ( بقوا يلبسوا قمصان دلوقتي ) وبرضه بيجروا ورا بعض و عملين دوشه و تحية العلم .


            مصر هي الاتنين الشباب الاصحاب قوي اللي ماشين ع الكورنيش في عز الشتا ومستخبيين جوه الهدوم التقيله و بقهم بيطلع بخار م السقعة بس واحد فيهم مطلع ايده م الجاكت و ماسك السيجارة .


            مصر هي الرجاله الكبار اللي قعدين يفتكروا ايام زمان الحلوة ويضحكوا ضحكه ترج النجم على راى الابنودي
            و ام امين بتاعة الخضار الى قعدة ع النصيه من و انا في ابتدائي .


            و الشارع الفاضي باليل اللي مية الشتا بتلمع عليه و عسكري المرور الواقف ف الشارع من زمان قوي .
            مصر هي كل البيوت اللي فتحة على بعضها و بتحب بعضها من غير مصلحة .


            كل فرح عديت عليه ودخلت بركت و انت مش عارف اسم العريس و كل عزا دخلته وعملت الواجب فيه مع انك عمرك ما شوفت اللي مات .


            مصر هي كبايه الشاي بالنعناع و انت لابس الجلبيه الصيفي و قاعد في البلكونه مع نسمه بتهفهف بعد ما اكلت اكله محشي من ايد الولدة و بنفسها وحليت بشقتين بطيخ ساقعين في عزالصيف .


            مصر سيد درويش وشد الحزام على وسطك و ام كلثوم بالليل وعبد الحليم لما تحب و منيب و ام العيال العشرية و منير وهو بيصرخ


            ( يا مصر و انتي الحبيبه .. انتي اغترابي و شقايا


            ونتي الجراح الرهيبه .. و انتي الي عندك دوايا )


            مصر هي " مولاي اني ببابك قد بسط يدي " الي عايش بيها النقشبندي لحد دلوقتي وصوت محمد رفعت بيقرا قبل الفطار ف رمضان و الشيخ الشعراوي اللي بتزعل اول ميقول ( و الى لقاء قادم ان شاء الله )


            مصر الابنودي وصلاح جهين و فؤاد نجم و الشيخ امام و فروق جويده و هيكل فهمي هويدى و الشيخ الغزالي فى صلاة العيد و كل الناس الي بتصلي ورا محمد جبريل في دعوة الحق و باقي الناس الي ورا الشيخ حاتم في التهجد في القائد ابراهيم وعبد الوهاب مطاوع ف اهرام الجمعة و كركتير احمد رجب .


            مصر و ريحة الكبدة و امك بتعملها عشان تفطر اول يومالعيد بعد م تخلص دبح .


            و الصيدين الي وقفين على البحر صيف شتا بينغشو السمك ..


            و سواق التكس اللي بتركب معاه وبيحكيلك عن مشكله مع انك عمرك مشفته قبل كدة ولا هاتشوفه بعد كده
            و الواد علي الي بيعدي عم جرجس الشارع وهو خايف عليه من العربيات و الست الي بتفاصل مع بتاع الخضار علي شلن زياده في الطماطم


            مصر السفر و السهر و الشقا و العشق و المعشوق


            مصر الي عمنا بيرم قال عنها


            " بلدنا دي زي الرصيف ... وعيز يتكنس
            فيه ناس بتعرق ع الرغيف ... وناس بتعرق م التنس "


            هي دى مصر و اللي ما شفهاش كده و ماشفش فيها كل ده ممكن ميحبهاش


            بس اللي شاف ده و محبهاش لازم يراجع نفسه


            ينسى الناس اللي تاعبه و تاعبه البلد و يفتكر البلد نفسها


            البلد الي منير قلها


            وحب اغترابي ف صبحك و ليلك .... وحب الونس بالرفاقة يا مصر


            تنام الدموع ف العيون الهواجع .... تسهر دموعي ف حبك يا مصر


            تهون الظنون و الشجون و المواجع ... اكدب ظنوني في حبك يا مصر


            ها قرب و اقرب و مش ممكن اهرب .... وتنزل دموعي على خدودي تشرب


            تلاقي الرموش و الخدود و المباسم مراسم .... وصورتك عليهم يا مصر
            كلامك جميل
            بس بالنسبة ليا هو فيديو كليب تمت منتجته و قص الأوقات الصعبة الطويلة و الاكتفاء بصور لحظية للسعادة ...

            الوطن عندي هو تلات حاجات :

            امان
            راحة
            انتماء

            الأمان : مصر غدارة بناسها انت مش امن على نفسك ولا على مالك
            الراحة : حتى راحى البال بقت عملة نادرة في مصر
            الانتماء : بيقل يوم عن يوم من اللي الواحد بيشوفه

            انا عارف ان كلامي ممكن يضايق ناس مني
            بس اعذروني
            انا شفت من البلد دي كتير
            و كتير من اللي شفته صعب اتعايش معاه
            [CENTER][COLOR=black][FONT=Trebuchet MS][SIZE=4][B] ([/B][/SIZE][/FONT][URL="http://www.nilemotors.net/Nile/#docu"][FONT=Trebuchet MS][SIZE=4][B]الذين قال لهم الناس إن الناس قد جمعوا لكم فاخشوهم فزادهم إيمانا وقالوا حسبنا الله ونعم الوكيل[COLOR=black])[/COLOR] [/B][/SIZE][/FONT][/URL][/COLOR][/CENTER]

            Comment


            • #21
              المشاركة الأصلية كتبت بواسطة casperinoo مشاهدة المشاركة
              طيب ممكن تقرا الكلام ده

              مين هي مصر ؟!

              ماشي انا معاك نشوف مين هي مصر

              ده سؤال نساله واحنا اللي نجاوب عليه .. وبعد ما نجاوب نقدر نحدد احنا بنكره مصر ولا بنحبها


              مصر مش هي الحكومة ولا الريس ولا الاحزاب ولاالناس اللي معاها فلوس كثير وعيزه تجيب اكتر ..

              أوكي تمام


              مصر هي الصحيان بدري و الشمس لسة بتفتح عنيها و النور بيتسرسب من الشيش و اذعة القران الكريم
              طلعة من الرديو ..

              يعني هو لو انا في بلد تانية مش هيبقي فيه شمس و هشيل الشيش و إذاعة القرأن الكريم مش هتلقط في الراديو !


              هي عربية الفول اللي الناس ملمومين عليها و بياكلو بمزاج قوي في احلى اصطباحة ، كبايه الشاي بالحليب على قهوه بلدي الساعه 7 الصبح .

              إنت شايفهم بياكلوا بمزاج !؟ مش عارف .. بس انا اما بركز بلاقيهم نصهم ناس بتبقي مواصلة الشغل و مش نايمة كويس و بتلعن العيشة و اللي عايشنها .

              و الواد اللي سايق عجلة وشايل طولة العيش الساخن اللي لسة طالع من الفرن ورحته بتلعب في نخشيشك .

              ده بيفكرني بأكروبات السيرك أكتر من مصر .

              وعم سعيد بيفتح الدكان و بيرش ميه قدامه وبردضه اذاعة القران الكريم شغاله عنده و " في بقعة من بقاع الارض طاهرة "

              أولاَ رش الميه سفه و تبذير و لا يتناسب مع إذاعة القرأن الكريم و ده أحد مظاهر جهل الشعب إنه بيرش من مياه الشرب اللي إتصرف عليها و بلاد تانية بتحفي عشانها و يرشها في الشارع .. غير إن عم سعيد غالباَ بيحط حجر و مبعرفش أركن بسببه .. بس الأرض دي طاهرة و هتفضل طول عمرها طاهرة .

              و البنت ام مريله كحلي اللي منير وجهين شفوها وهي رايحة المدرسة و العيال الصغيره الي شنطة المدرسه قاطمه ضهرهم وهم متكتفين جوا المريله البني ام زراير من ورا ( بقوا يلبسوا قمصان دلوقتي ) وبرضه بيجروا ورا بعض و عملين دوشه و تحية العلم .

              منظر العيال الصغيرة اللي ضهرها مقسوم من المناظر اللي بتحزني فعلاَ

              مصر هي الاتنين الشباب الاصحاب قوي اللي ماشين ع الكورنيش في عز الشتا ومستخبيين جوه الهدوم التقيله و بقهم بيطلع بخار م السقعة بس واحد فيهم مطلع ايده م الجاكت و ماسك السيجارة .

              ربنا يكملهم بعقلهم .

              مصر هي الرجاله الكبار اللي قعدين يفتكروا ايام زمان الحلوة ويضحكوا ضحكه ترج النجم على راى الابنودي
              و ام امين بتاعة الخضار الى قعدة ع النصيه من و انا في ابتدائي .

              فعلاَ المفروض يفتكروا أيام زمان الحلوة ماهي راحت و ربنا يطول في عمر أم أمين .

              و الشارع الفاضي باليل اللي مية الشتا بتلمع عليه و عسكري المرور الواقف ف الشارع من زمان قوي .

              مبدئياَ عمري ما شفت عسكري مرور بالليل و الشارع مبيبقاش بيلمع بيبقي مطين من المطرة .

              مصر هي كل البيوت اللي فتحة على بعضها و بتحب بعضها من غير مصلحة .

              انا في دائرة مجتمعي و معارفي الجيران مبيجيش منهم غير القرف في و الحسد .

              كل فرح عديت عليه ودخلت بركت و انت مش عارف اسم العريس و كل عزا دخلته وعملت الواجب فيه مع انك عمرك ما شوفت اللي مات .

              لا ده حد فاضي

              مصر هي كبايه الشاي بالنعناع و انت لابس الجلبيه الصيفي و قاعد في البلكونه مع نسمه بتهفهف بعد ما اكلت اكله محشي من ايد الولدة و بنفسها وحليت بشقتين بطيخ ساقعين في عزالصيف .

              مود جميل فعلاَ و هيبقي أحلي لو في بلد تانية .

              مصر سيد درويش وشد الحزام على وسطك و ام كلثوم بالليل وعبد الحليم لما تحب و منيب و ام العيال العشرية و منير وهو بيصرخ

              حلو ده أحد أشكال الفن برضه اللي بحره واسع .

              ( يا مصر و انتي الحبيبه .. انتي اغترابي و شقايا


              ونتي الجراح الرهيبه .. و انتي الي عندك دوايا )

              مسمعتش أغنية منير بتاعة "إيه يا بلاد يا غريبة عدوة ولا حبيبة؟!" بحبها أكتر .

              مصر هي " مولاي اني ببابك قد بسط يدي " الي عايش بيها النقشبندي لحد دلوقتي وصوت محمد رفعت بيقرا قبل الفطار ف رمضان و الشيخ الشعراوي اللي بتزعل اول ميقول ( و الى لقاء قادم ان شاء الله )

              تصدق مبقتش أسمعها و مبقتش أفطر أصلاَ بقيت أروح أنام في رمضان من كتر الإكتئاب من الخناقات و سب الدين اللي بشوفه في الطريق .

              مصر الابنودي وصلاح جهين و فؤاد نجم و الشيخ امام و فروق جويده و هيكل فهمي هويدى و الشيخ الغزالي فى صلاة العيد و كل الناس الي بتصلي ورا محمد جبريل في دعوة الحق و باقي الناس الي ورا الشيخ حاتم في التهجد في القائد ابراهيم وعبد الوهاب مطاوع ف اهرام الجمعة و كركتير احمد رجب .

              يا باشا كل ده كلام جميل ما أي بلاد تقولها ممكن يترصلها لستة أسامي برضه !

              مصر و ريحة الكبدة و امك بتعملها عشان تفطر اول يومالعيد بعد م تخلص دبح .

              مبناكلش كبدة .. إيه رأيك بقي

              و الصيدين الي وقفين على البحر صيف شتا بينغشو السمك ..

              لأ انا مش إسكندراني مقدرش أفتي في دي

              و سواق التكس اللي بتركب معاه وبيحكيلك عن مشكله مع انك عمرك مشفته قبل كدة ولا هاتشوفه بعد كده

              عشان عايز يشتغلك في فلوس .

              و الواد علي الي بيعدي عم جرجس الشارع وهو خايف عليه من العربيات و الست الي بتفاصل مع بتاع الخضار علي شلن زياده في الطماطم

              عم جرجس مات في حادثة عربية و الست بتفاصل عشان تعرف تكمل الشهر .

              مصر السفر و السهر و الشقا و العشق و المعشوق

              خير

              مصر الي عمنا بيرم قال عنها


              " بلدنا دي زي الرصيف ... وعيز يتكنس
              فيه ناس بتعرق ع الرغيف ... وناس بتعرق م التنس "

              صح جداَ و الراجل ده بيقول كلام زي الفل .

              هي دى مصر و اللي ما شفهاش كده و ماشفش فيها كل ده ممكن ميحبهاش .

              انا شفت كل ده و بحبها كره العمي .

              بس اللي شاف ده و محبهاش لازم يراجع نفسه

              فعلاَ .. لازم يراجع نفسه و ينفد بجلده من البلد دي .

              ينسى الناس اللي تاعبه و تاعبه البلد و يفتكر البلد نفسها

              أفتكر البلد نفسها إزاي يعني .. و انا محشور في وسط المحور مش عارف أطلع أقول الله يمسيك بالخير يا حج خوفو !

              البلد الي منير قلها
              كفاية منير بقي قربت أكرهه هو كمان.

              وحب اغترابي ف صبحك و ليلك .... وحب الونس بالرفاقة يا مصر


              تنام الدموع ف العيون الهواجع .... تسهر دموعي ف حبك يا مصر


              تهون الظنون و الشجون و المواجع ... اكدب ظنوني في حبك يا مصر


              ها قرب و اقرب و مش ممكن اهرب .... وتنزل دموعي على خدودي تشرب


              تلاقي الرموش و الخدود و المباسم مراسم .... وصورتك عليهم يا مصر
              شفت قلتلك كل واحد له وجهة نظر .. انا مش مع إننا نولع في البلد بس فيه جوانب أساسية في الحياة مش موجودة عندنا .. المرور .. الصحة .. التعليم .. النظاااااااام .. يعني أساسيات .. مينفعش أسيب كل ده و أقعد أقول الشاي بالنعناع و أم أمين بتاعة الخضار !

              يعني انا بنزل دلوقت مش مأمن علي مالي ولا علي نفسي هرجع ولا لأ .. و لو حصلي حاجة هل هلاقي اللي يسعفني ولا لأ .. و يمكن اللي يسعفني ده يموتني بإهماله .. و لو مت محدش هيجيب حقي .. و لو قمت انا مش هعرف أجيب حقي .. هخش في دايرة فاسدة ملهاش نهاية .. لا باخد أمان ولا تعليم ولا أي إبن !!! يعني لا يوجد حياة .. و كمان بتعرض للبلطجة سواء من اللي عاملين النظام أو الخارجين عنه .. المفروض أو المطلوب مني بقي أقول لأ معلش أصل الشمس إنهاردة كانت متسرسبة من الشيش و الموضوع ده كيفني !

              سامحني لكن كلامك فعلاَ صعب عليا انا عشان أفكر كدة في الظروف دي لازم أغيب عن الوعي تماماَ يعني أبقي مدمن مخدرات عالأقل !
              [COLOR="gray"]
              [CENTER]Leadership is based on inspiration, not domination[/CENTER][/COLOR]

              Comment


              • #22
                سامحني لكن كلامك فعلاَ صعب عليا انا عشان أفكر كدة في الظروف دي لازم أغيب عن الوعي تماماَ يعني أبقي مدمن مخدرات عالأقل !
                +11111111111111111
                أعتقد كل هذا الحب و الإنفعال سيتلاشى مع أول إصطدام بواقع بلدنا المرير
                سيتلاشى مع أول
                قفا من بتوع أمناء الشرطة
                غرق عزيز لديك فى عبارة بعد الشر
                ضياع وظيفة أنت جدير لها لإنك مش من مستواهم

                البلد دى بإختصار شديد عايز تتربى من أول و جديد كبير و صغير على منهج سيد المرسلين
                البلد ينقصها الإسلام يسكن قلوبنا و يستقر فى عقولنا و يظهر فى تعاملاتنا
                لا أعتقد إننا حنستفاد من تجارب شرقية أو غربية
                مش هنستفيد من مناهج مستوردة
                هنستفيد بس بشرع ربنا بس لما نحكمه على أنفسنا و نحكمه فى بيوتنا
                قبل ما نحكم به بلدنا
                "إن الله لا يغير ما بقوم حتى يغيروا ما بأنفسهم"

                Comment


                • #23
                  المشاركة الأصلية كتبت بواسطة أبو عمار مشاهدة المشاركة
                  البلد دى بإختصار شديد عايز تتربى من أول و جديد كبير و صغير على منهج سيد المرسلين
                  البلد ينقصها الإسلام يسكن قلوبنا و يستقر فى عقولنا و يظهر فى تعاملاتنا
                  لا أعتقد إننا حنستفاد من تجارب شرقية أو غربية
                  مش هنستفيد من مناهج مستوردة
                  هنستفيد بس بشرع ربنا بس لما نحكمه على أنفسنا و نحكمه فى بيوتنا
                  قبل ما نحكم به بلدنا
                  الله الله عليك
                  بجد هو ده اللي ناقصنا
                  محمود ابو السعود

                  لا تقلق كثيرا بشأن الماضي / ولا تحمل هم الغد / الان هو حياتك عيشها

                  Comment


                  • #24
                    المشاركة الأصلية كتبت بواسطة MoToRiZeR مشاهدة المشاركة
                    شفت قلتلك كل واحد له وجهة نظر .. انا مش مع إننا نولع في البلد بس فيه جوانب أساسية في الحياة مش موجودة عندنا .. المرور .. الصحة .. التعليم .. النظاااااااام .. يعني أساسيات .. مينفعش أسيب كل ده و أقعد أقول الشاي بالنعناع و أم أمين بتاعة الخضار !

                    يعني انا بنزل دلوقت مش مأمن علي مالي ولا علي نفسي هرجع ولا لأ .. و لو حصلي حاجة هل هلاقي اللي يسعفني ولا لأ .. و يمكن اللي يسعفني ده يموتني بإهماله .. و لو مت محدش هيجيب حقي .. و لو قمت انا مش هعرف أجيب حقي .. هخش في دايرة فاسدة ملهاش نهاية .. لا باخد أمان ولا تعليم ولا أي إبن !!! يعني لا يوجد حياة .. و كمان بتعرض للبلطجة سواء من اللي عاملين النظام أو الخارجين عنه .. المفروض أو المطلوب مني بقي أقول لأ معلش أصل الشمس إنهاردة كانت متسرسبة من الشيش و الموضوع ده كيفني !

                    سامحني لكن كلامك فعلاَ صعب عليا انا عشان أفكر كدة في الظروف دي لازم أغيب عن الوعي تماماَ يعني أبقي مدمن مخدرات عالأقل !
                    100 100 يا ابو حنفى ....انت جبت المفيد
                    من الواضح ان كل واحد فى وادى...كل واحد عايش فى دنيا غير التانى....كل واحد شايف الموضوع من وجهة نظر مختلفة تماماً....و فى وسط الزحمة ديه فيه ناس أتكيفت مع الأوضاع ...وبقيت تعتبر حاجات كتير طبيعية و عادى ....مع انها مش كده ....و فى ناس فشلت في أنها تتكيف و تقنع نفسها أن اللى بتشوفه هو ده الطبيعى و هو ده الصح..الشىء الوحيد المشترك أن كلا الطرفين بيحاول يصبر نفسه ع حاجات كتير مش عاجباه
                    أعتقد كده من الأفضل أن كل واحد يحترم وجهة نظر التانى ...عشان نستريح

                    Comment


                    • #25
                      المشاركة الأصلية كتبت بواسطة Dr_Smart مشاهدة المشاركة
                      + 100000000

                      احنا علينا حرب اعلامية واحنا مش حاسين صدقوني

                      كل يوم بنتشحن كره للبلد ... والله يا اخوانا انا متأكد ان فيه بلاد فيها سلبيات اكتر من كده لكن احنا فيه حد بيحاربنا وبيزرع جوانا الكراهية للبلد دي ... الفرق انهم بيحبو بلدهم وبيحاولو يغيروا المساوئ اللي فيها او على الاقل بيضحكو على نفسهم انهم احسن ناس ... انما احنا خلاااااص شوية و ( هنتبرا ) من البلد ونتكسف نقول كلمة ( انا مصري )

                      لا لا فيه حاجه مش طبيعية بجد ... مستحيل ده يبقى التطور الطبيعي للشعب المصري ... فيه أيادي خفية
                      والله العظيم الكلمة دى واقفة على طرف لسانى من ساعة ما الموضوع اتفتح بس انا بالذات لو قلتها هلاقى شعوب كاملة بتهجم عليا كل واحد عايش يهبش منى حتة، لذلك الحمد لله ان حد تانى قال نفس الكلام

                      احنا مطلوب مننا ببساطة اننا نكره بلدنا علشان نهرول ورا بلاد تانية جنبينا عايزة تشيل كل العوائق اللى قى طريقها، وساعة لما البلاد دى هتوصل للى هى عايزاه هتدوسنا باقدم جزمة عندها

                      انا بقى بحب بلدى وعمرى ما هكرهها وعمرى ما هصدق الأوهام والأحلام اللى بيبيعها علينا إعلام الدول اللى حوالينا، لأن تمن تصديق الاوهام دى ان هييجى يوم من الأيام بلدى اللى مش عاجبة اهلها دى هنتحسر عليها ونقول :ولا يوم من ايامها ، بس ساعتها ساعة الندم هتكون فاتت، بس المشكلة اننا مبنقراش تاريخ، لو قرينا هنشوف ايه اللى جرى لكل من تنكر لقوميته وصدق الاوهام التى روجها له من يسعى لتطويعه واستغلاله، لو كانت امثلة الفرس مع الدولة العباسية ، ودول المغرب العربى مع فرنسا قديمة علينا، فمثال العراق وامريكا مش بعيد اوى،

                      هو ليه الناس بتعيش فى نظرية المؤامرة مع اى تصرف تعلمه الحكومة بتاعتنا او تعمله امريكا او اسرائيل او حتى دولة توباجو وترينداد حتى لو مافيهوش مؤامرة اصلا ومع ذلك الناس كلها متعامية بمزاجها عن المؤامرات الفعلية اللى شغالة علينا من دول(شقيقة) جنبنا؟
                      [SIZE=5][COLOR=navy]سبعاوى[/COLOR][/SIZE]
                      _______________________________________________

                      Comment


                      • #26
                        المشاركة الأصلية كتبت بواسطة sab3aawy مشاهدة المشاركة
                        والله العظيم الكلمة دى واقفة على طرف لسانى من ساعة ما الموضوع اتفتح بس انا بالذات لو قلتها هلاقى شعوب كاملة بتهجم عليا كل واحد عايش يهبش منى حتة، لذلك الحمد لله ان حد تانى قال نفس الكلام

                        احنا مطلوب مننا ببساطة اننا نكره بلدنا علشان نهرول ورا بلاد تانية جنبينا عايزة تشيل كل العوائق اللى قى طريقها، وساعة لما البلاد دى هتوصل للى هى عايزاه هتدوسنا باقدم جزمة عندها

                        انا بقى بحب بلدى وعمرى ما هكرهها وعمرى ما هصدق الأوهام والأحلام اللى بيبيعها علينا إعلام الدول اللى حوالينا، لأن تمن تصديق الاوهام دى ان هييجى يوم من الأيام بلدى اللى مش عاجبة اهلها دى هنتحسر عليها ونقول :ولا يوم من ايامها ، بس ساعتها ساعة الندم هتكون فاتت، بس المشكلة اننا مبنقراش تاريخ، لو قرينا هنشوف ايه اللى جرى لكل من تنكر لقوميته وصدق الاوهام التى روجها له من يسعى لتطويعه واستغلاله، لو كانت امثلة الفرس مع الدولة العباسية ، ودول المغرب العربى مع فرنسا قديمة علينا، فمثال العراق وامريكا مش بعيد اوى،

                        هو ليه الناس بتعيش فى نظرية المؤامرة مع اى تصرف تعلمه الحكومة بتاعتنا او تعمله امريكا او اسرائيل او حتى دولة توباجو وترينداد حتى لو مافيهوش مؤامرة اصلا ومع ذلك الناس كلها متعامية بمزاجها عن المؤامرات الفعلية اللى شغالة علينا من دول(شقيقة) جنبنا؟
                        اسمحلي يا باشمهندس
                        نظرية المؤامرة دي هي اللي حضرتك بتقوله دلوقتي أكتر من أي حاجة

                        يعني مصر حلوة بس السعوديين هما اللي بيوحشوها في عينينا

                        أضحكتني يا رجل و الله

                        أولا : مصر وطن ردئ اعترف او انكر فلن يغير من الأمر شيئا
                        ثانيا : لن نتركها و ننتقل لوطن أردأ لنا كمصريين مثل السعودية مثلا
                        ثالثا : الهرولة التي تقصدها هل هي جسمانية بمعنى الانتقال (اللي هما مش عايزينه اساسا) ولا فكرية بمعنى الولاء و الحب لها و لأفكارها ؟!
                        هو ايه العلاقة اني أكون تعبان في بلدي و اني احب بلد مش هاروح أعيش فيها ؟

                        أنا مثلا واخد قرار اني اسيب مصر الى بلد أجنبي بس ما تجننتش علشان اسيب مصر و أروح السعودية و بالتالي السعودية لا تمثل لي أي شئ لا اجتماعيا ولا فكريا

                        باختصار ...المؤامرة على المصريين تكتمل بتكريههم في مصر و طرح وطن بديل يتعلق به المصريون بدون الطرح ده ..كل البلاد سواء

                        و تظل مصر
                        من أسوأ الأوطان
                        [CENTER][COLOR=black][FONT=Trebuchet MS][SIZE=4][B] ([/B][/SIZE][/FONT][URL="http://www.nilemotors.net/Nile/#docu"][FONT=Trebuchet MS][SIZE=4][B]الذين قال لهم الناس إن الناس قد جمعوا لكم فاخشوهم فزادهم إيمانا وقالوا حسبنا الله ونعم الوكيل[COLOR=black])[/COLOR] [/B][/SIZE][/FONT][/URL][/COLOR][/CENTER]

                        Comment


                        • #27
                          المشاركة الأصلية كتبت بواسطة Ahmed Samy مشاهدة المشاركة
                          اسمحلي يا باشمهندس
                          نظرية المؤامرة دي هي اللي حضرتك بتقوله دلوقتي أكتر من أي حاجة

                          يعني مصر حلوة بس السعوديين هما اللي بيوحشوها في عينينا

                          أضحكتني يا رجل و الله

                          أولا : مصر وطن ردئ اعترف او انكر فلن يغير من الأمر شيئا
                          ثانيا : لن نتركها و ننتقل لوطن أردأ لنا كمصريين مثل السعودية مثلا
                          ثالثا : الهرولة التي تقصدها هل هي جسمانية بمعنى الانتقال (اللي هما مش عايزينه اساسا) ولا فكرية بمعنى الولاء و الحب لها و لأفكارها ؟!
                          هو ايه العلاقة اني أكون تعبان في بلدي و اني احب بلد مش هاروح أعيش فيها ؟

                          أنا مثلا واخد قرار اني اسيب مصر الى بلد أجنبي بس ما تجننتش علشان اسيب مصر و أروح السعودية و بالتالي السعودية لا تمثل لي أي شئ لا اجتماعيا ولا فكريا

                          باختصار ...المؤامرة على المصريين تكتمل بتكريههم في مصر و طرح وطن بديل يتعلق به المصريون بدون الطرح ده ..كل البلاد سواء

                          و تظل مصر
                          من أسوأ الأوطان
                          يا دكتور من اول الموضوع ومشاركاتك كأنك تتحدث على لسانى اؤيدك تماما فى وجهة نظرك
                          [RIGHT][FONT=Comic Sans MS][COLOR=navy][SIZE=2][B]Eng.Ahmed Ismail[/B][/SIZE][/COLOR][/FONT][/RIGHT]


                          [CENTER][FONT=Book Antiqua][SIZE=4][COLOR=blue]You Can't Never Ever to Keep a Nice Car [/COLOR][/SIZE][/FONT][FONT=Book Antiqua][SIZE=4][COLOR=blue]in [/COLOR][/SIZE][/FONT][FONT=Book Antiqua][SIZE=4][COLOR=blue]This Country....!!! :_Alshmokh08[1]: S.O.S
                          [/COLOR][/SIZE][/FONT][CENTER][sor2]http://www.wasit.net/alrowad/images/hit.gif[/sor2]

                          [/CENTER]
                          [/CENTER]
                          [CENTER][URL="http://www.nilemotors.net/Nile/55709-a.html"][SIZE=5][COLOR=seagreen]كل شيء عن السيراتو[/COLOR][/SIZE][/URL]

                          [CENTER] _______________[B]
                          [COLOR=Blue][B][SIZE=2]اللهم إن في تدبيرك مايُغني عن الحِيَل، وفي كرمك ماهو فوق الأمل، وفي حلمك مايسد الخلل، وفي عفوك مايمحُو الزلل..[/SIZE][/B][/COLOR][/B]

                          [B][COLOR=Blue][B][SIZE=2] اللهم فبقوة تدبيرك وعظيم عفوك، وسعة حلمك ,وفيض كرمك، أسألك أن تدبرني بأحسن التدابير، وتلطف بي وتنجيني، مما يخيفني ويهمني..[/SIZE][/B][/COLOR][/B]
                          [/CENTER]
                          [B][COLOR=Blue][B][SIZE=2]
                          اللهم لا أضام وأنت حسبي، ولا أفتقر وأنت ربي، فأصلح لي شأني كله ولا تكلني إلى نفسي طرفة عين ولا حول ولاقوة إلابك[/SIZE][/B][/COLOR][/B]

                          _______[COLOR=Blue]_______________
                          [/COLOR][shfaf2]http://www7.0zz0.com/2011/11/29/23/575740455.gif[/shfaf2] [/CENTER]

                          Comment


                          • #28
                            الواحد قبل ما يتكلم عن العيوب لازم يصلج الاول نفسه و بعد ذلك اسرته و هكذا عشان ده الحل الوحيد عشان تتعدل البلد
                            ملاحظة مصر بالفعل ام الدنيا بناء على تجارب شخصية كتير
                            سبحانك اللهم وبحمدك ، أشهد أن لا إله إلا أنت أستغفرك وأتوب إليك

                            Comment


                            • #29
                              المشاركة الأصلية كتبت بواسطة Ahmed Samy مشاهدة المشاركة
                              أضحكتني يا رجل و الله
                              والله الحمد لله ان خدنا فيك ثواب وضحكناك،

                              مهو علشان كدة انا من الأول مش عايز اشارك فى الموضوع، وكل اللى عملتة انا اكدت على كلام احد الأعضاء ، بس يظهر ان كلامى انا بالذات اللى بيضحك

                              عموما انا عندى فكرة، ايه رايكم طالما ان البلد دى بنت ستين فردة كاوتش بالمنظر ده ندور على بلد كويسة نهاجر لها، وعندى اقتراحات لمجموعة من الدول اللى تنفع مهجر:

                              1- العراق، بلد عظيمة جدا وتقدر تمشى فيها وانت مطمن مهما كان انتمائك العرقى

                              2- ايران، ونحلم كلنا بقنبلة ذرية لكل مواطن مع اننا بنصرف البنزين بالبطاقة فى واحدة من اكبر الدول المنتجة للنفط

                              3- مملكة الصحراء المجاورة، بس كل واحد ياخد باله من قفاه لحسن ينزل عليه الكف الكريم لو تصادف انه كان جنب مسجد فى موعد الصلاه وكان زى حالاتى عنده اصابة رباط صليبى ومبيعرفش يصلى غير على كرسى وبالتالى ميقدرش يصلى فى جامع مافيهوش كراسى، او كان كان ماشى مع مراته فى الشارع ولون عبائتها معجبش صاحب الكف الكريم، ده طبعا لو كان محظوظ والكف صار كرباج

                              4-ايه رأيك فى الجزائر، وانت ونصيبك بأه، يا الحكومة تتولى امرك يالناس اللى بتنزل من الجبل تدبح وتشفى وتسلخ فى عشر دقائق وبعدين تختفى فى الجبل تانى فى لمح البصر تتولى امرك

                              5-نروح لبنان؟ ياسلام على جمال لبنان ومناظر لبنان وطبيعة لبنان، بس اللى يسألك على اسمك قول له ابو بكر جعفر الصادق جورج علشان يلاقى فى اسمك حاجة تمنعه انه يقتلك

                              6- او نروح موريتانيا؟ اقله لما تحتاج حد يخدمك تنزل تشتيره من سوق العبيد

                              7- او نخطف رجلينا فى مشوار لحد سيادة العقيد، علشان نتفرج على احلى كوميديا فى تاريخ الانسانية، وخصوصا لما مثلا يغلىالبنزين وينزل تانى يوم يمشى مع الشعب فى مظاهرة يعترض فيها على غلاء البترول

                              9- ولا نروح السوادن، ونقبض بالجنيه السوادنى اللى تمنه 2 جنيه ونص، بس متفرحش اوى ، هتشترى كيس الشيبسى ب 10 جنيه سودانى وسندوتش من عند مؤمن فرع الخرطوم ب 50 جنيه سودانى

                              10-نروح اليمن طيب؟ نخزن قات ونعمل احلى دماغ.ماهو مافيش حاجة تانية نعملها هناك وإلا هنقوم بثورة على وضع من اغرب الأوضاع فى العالم

                              11- نروح الصومال؟ وهو فيه زى الصومال؟ يا اما نشتغل مرتزقة يا اما نفتح لنا محكمة من محاكم التفتيش، بس خد بالك؟ قبل ما تسافر كل آخر وجبة لحمة فى حياتك، لأنك مش هتشوفها هناك، مع ان الصومال بتصدر خرفان. شوف ازاى

                              12- اقول لك، نروح باكستان، اخويا كان لسة هناك ونازل اجازة وبيشكر فيها اوى، لدرجة انه وقت ما حط رجله على ارض مطار القاهرة كاد يسجد شكرا لله على العودة، حتى لو هتعيش هناك عيشة البرنسات زى ما اخويا عايش، لكن انسى بأة الموبايل والنت والافتكاسات اللى مالهاش لازمة دى، دا انت حتى هتنسى فكرة السوبر ماركت، بالمناسبة، فى باكستان الشركة اللى موظف باكستانى بيترقى فيها ويبقى مدير الشركة، الحكومة نفسها مابتديهاش شغل لأن حتى فى عرف الباكستانيين نفسهم:باكستانى=فاسد وكاذب ومرتشى

                              13- وللا نروح اوروبا او امريكا او استراليا، لو لقيت فرصة للسفر لبلد من دول وتقدر تستحمل الغربة اوعى تسيب الفرصة، لأن الفساد هناك متغطى ومبيسمعش لحد المواطن العادى واكيد ظروف الحياه هناك احسن، بس يعنى على ما اذكر ان عمر مصر ما كانت بتتقارن بالدول دى ، اللهم الا فى عصر محمد على، وبالتالى كوننا مش بنتقارن بيها ديلوقتى ميشكلش تغير عما سبق

                              ارجو انك تكون ضحكت وانبسطت وربنا يا سيدى يجعلنا من اللى بيضحكوا الناس ، احسن ما نبكيهم وننكد عليهم
                              [SIZE=5][COLOR=navy]سبعاوى[/COLOR][/SIZE]
                              _______________________________________________

                              Comment


                              • #30
                                المشاركة الأصلية كتبت بواسطة sab3aawy مشاهدة المشاركة
                                والله الحمد لله ان خدنا فيك ثواب وضحكناك،

                                مهو علشان كدة انا من الأول مش عايز اشارك فى الموضوع، وكل اللى عملتة انا اكدت على كلام احد الأعضاء ، بس يظهر ان كلامى انا بالذات اللى بيضحك

                                عموما انا عندى فكرة، ايه رايكم طالما ان البلد دى بنت ستين فردة كاوتش بالمنظر ده ندور على بلد كويسة نهاجر لها، وعندى اقتراحات لمجموعة من الدول اللى تنفع مهجر:

                                1- العراق، بلد عظيمة جدا وتقدر تمشى فيها وانت مطمن مهما كان انتمائك العرقى

                                2- ايران، ونحلم كلنا بقنبلة ذرية لكل مواطن مع اننا بنصرف البنزين بالبطاقة فى واحدة من اكبر الدول المنتجة للنفط

                                3- مملكة الصحراء المجاورة، بس كل واحد ياخد باله من قفاه لحسن ينزل عليه الكف الكريم لو تصادف انه كان جنب مسجد فى موعد الصلاه وكان زى حالاتى عنده اصابة رباط صليبى ومبيعرفش يصلى غير على كرسى وبالتالى ميقدرش يصلى فى جامع مافيهوش كراسى، او كان كان ماشى مع مراته فى الشارع ولون عبائتها معجبش صاحب الكف الكريم، ده طبعا لو كان محظوظ والكف صار كرباج

                                4-ايه رأيك فى الجزائر، وانت ونصيبك بأه، يا الحكومة تتولى امرك يالناس اللى بتنزل من الجبل تدبح وتشفى وتسلخ فى عشر دقائق وبعدين تختفى فى الجبل تانى فى لمح البصر تتولى امرك

                                5-نروح لبنان؟ ياسلام على جمال لبنان ومناظر لبنان وطبيعة لبنان، بس اللى يسألك على اسمك قول له ابو بكر جعفر الصادق جورج علشان يلاقى فى اسمك حاجة تمنعه انه يقتلك

                                6- او نروح موريتانيا؟ اقله لما تحتاج حد يخدمك تنزل تشتيره من سوق العبيد

                                7- او نخطف رجلينا فى مشوار لحد سيادة العقيد، علشان نتفرج على احلى كوميديا فى تاريخ الانسانية، وخصوصا لما مثلا يغلىالبنزين وينزل تانى يوم يمشى مع الشعب فى مظاهرة يعترض فيها على غلاء البترول

                                9- ولا نروح السوادن، ونقبض بالجنيه السوادنى اللى تمنه 2 جنيه ونص، بس متفرحش اوى ، هتشترى كيس الشيبسى ب 10 جنيه سودانى وسندوتش من عند مؤمن فرع الخرطوم ب 50 جنيه سودانى

                                10-نروح اليمن طيب؟ نخزن قات ونعمل احلى دماغ.ماهو مافيش حاجة تانية نعملها هناك وإلا هنقوم بثورة على وضع من اغرب الأوضاع فى العالم

                                11- نروح الصومال؟ وهو فيه زى الصومال؟ يا اما نشتغل مرتزقة يا اما نفتح لنا محكمة من محاكم التفتيش، بس خد بالك؟ قبل ما تسافر كل آخر وجبة لحمة فى حياتك، لأنك مش هتشوفها هناك، مع ان الصومال بتصدر خرفان. شوف ازاى

                                12- اقول لك، نروح باكستان، اخويا كان لسة هناك ونازل اجازة وبيشكر فيها اوى، لدرجة انه وقت ما حط رجله على ارض مطار القاهرة كاد يسجد شكرا لله على العودة، حتى لو هتعيش هناك عيشة البرنسات زى ما اخويا عايش، لكن انسى بأة الموبايل والنت والافتكاسات اللى مالهاش لازمة دى، دا انت حتى هتنسى فكرة السوبر ماركت، بالمناسبة، فى باكستان الشركة اللى موظف باكستانى بيترقى فيها ويبقى مدير الشركة، الحكومة نفسها مابتديهاش شغل لأن حتى فى عرف الباكستانيين نفسهم:باكستانى=فاسد وكاذب ومرتشى

                                13- وللا نروح اوروبا او امريكا او استراليا، لو لقيت فرصة للسفر لبلد من دول وتقدر تستحمل الغربة اوعى تسيب الفرصة، لأن الفساد هناك متغطى ومبيسمعش لحد المواطن العادى واكيد ظروف الحياه هناك احسن، بس يعنى على ما اذكر ان عمر مصر ما كانت بتتقارن بالدول دى ، اللهم الا فى عصر محمد على، وبالتالى كوننا مش بنتقارن بيها ديلوقتى ميشكلش تغير عما سبق

                                ارجو انك تكون ضحكت وانبسطت وربنا يا سيدى يجعلنا من اللى بيضحكوا الناس ، احسن ما نبكيهم وننكد عليهم
                                الله ينور يا أستاذ سبعاوى,
                                بالضبط اللى كان نفسى اقوله,
                                انا سافرت برا مصر ثلاثة مرات, رحت فيهم ليبيا و فعلا عرفت قيمة مصر ساعتها, اصبت هناك بالاكتئاب و الملل من كل شىء, البلد مملة و كئيبة لأقصى درجة, شكل المحلات و الشوارع و حتى العربيات, شبكة المحمول هناك عاملة زى التليفونات عندنا ايام الستينات ممكن تقعد يوم كامل عشان تطلب رقم, لكن الحاجة الوحيدة المسلية هناك هى متابعة مقولات و يفط القذافى و التندر عليها.
                                ده غير شعور غير طبيعى بالاشتياق الى الوطن و الأحباب و كل حاجة اتعودت عليها فى مصر.
                                حاجات كتير كويسة للأسف الناس مش حاسة بيها فى مصر.
                                [COLOR="Red"]مصر [/COLOR][COLOR="White"]فوق [/COLOR][COLOR="Black"]الجميع[/COLOR]
                                الصقر سوف يحلق عاليا رغم أنف قانون المرور الجديد.
                                [url=http://www.postimage.org/image.php?v=aVfbhTi][img]http://www.postimage.org/aVfbhTi.jpg[/img][/url]

                                Comment

                                Working...
                                X