برامج الهلوسه و النصب الي متي؟

[amir]

النهارده و انا بتفرج علي التلفزيون لقيت برنامج بتاع الاخ اللي حاطط نمر للدردشه و الفضفضه
الاخ جايب واحد من الاخوه الافاضل نصابين البدل و الدقون
و هاتك يا مكالمات و استفسارات عن الجن و المعالجه منه
و اللي ينرفز ان المتصلين بيرمو اعراضهم و مشاكلهم علي الجن مع ان لها تفسير سواء طبي او نفسي
حاجه تكسف و تعر في زمن العلم و النور
و الراجل ابو دقن بيرد علي واحده كان اهلها عملولها حجاب و ملبستوش و بيقولها طبعا لازم تلبسي الحجاب و ده مهم
و اتكلم عن البخور و ازاي انه مهم في طرد الجن
و ازاي الجن بياكل بقايا العظام و المخلفات
بجد قمه في العار و التخلف و النصب علي السذج
لو حد ليه قصه لها علاقه بالموضوع ياريت يشاركنا

[hamdy]

المشكلة في الموضوع ده انه اهتلط العلاج بالقران بالنصب و السحر وا الشعوذة
ومبقناش عرفين مين فعلا معالج بكتاب الله و سنة رسول الله صلي الله عليه و سلم و مين دجال و نصاب

[elassar2010]

العيب مش على البرامج دى العيب فى الناس الى بتتصل وبتتكلم الناس هى الى شجعت الناس دى انها تعمل كدة لو الناس دى لقت شعب محترم فاهم عاقل مش بيجرى ورا الوهم مكنوش عملوا كدة
بس كل يوم واحد يعمل افتكاسة جديدة وكلمنى على 0900والدقيقة ب1.50 المشكلة فى الناس لانها بتشجعهم وبتتصل وبتكسبهم ملاين الجنيهات

[أبومعاذ]

يا جماعة اللي يشوف برنامج زي دا يبلغ الشرطة فورا قبل البرنامج ما يخلص عشان يبقى في تلبس
المشكلة ان الناس دي مش بتأذي نفسها بس لا كمان بتأذي غيرها

[نور القمر]

انا فاكرة من مدة في برنامج قبل ان تحاسبوا على قناة اقرأ المذيعه عملت حلقات كانت رائعه فعلا بالرغم من تحفظي على المذيعه دي بحس انها منافقة وبتمثل .. ما علينا
كانت مستضيفه واحد من الاخوة اللي بيحضروا الجن وطلبت منه يحضر جن وكانوا مجهزين في الاستوديوا مقلب في الاخ ده ازي بقه !!!!
هم اللي حضروله جن طبعا باشباح عبارة عن ممثلين وموسيقى تصورية تخض وخبط ورقع ... مش فاكرة التفاصيل اوي
هو بقه الرعب ظهر على وشه وقعد يقول الطلاسم بتاعته وكل مدى جرعة الترهيب يزودوها في الاستوديو
لحد ما الرعب وصل اخره معاه وجري وخرج من الاستوديو كله
ودي حلقة اثبتت لناس كتير ان الناس دي مجرد مشعوذين
لكن مفيش فايدة مشعوذ يمشي يجي بداله 10 مشعوذين
والعيب على وزارة الاعلام والحكومة اللي بتسيب البرامج دي على الفضائيات اللي بتتذاع من جوة البلد

[Terrible_DaRsH]

يا جماعة اللي يشوف برنامج زي دا يبلغ الشرطة فورا قبل البرنامج ما يخلص عشان يبقى في تلبس
المشكلة ان الناس دي مش بتأذي نفسها بس لا كمان بتأذي غيرها

ههههه يا ترى هنبلغ على ايه ولا ايه !!!!

[أبومعاذ]

يا عم درش بلاش النظرة التشاؤمية المحبطة دي لو انت اتسببت في ان واحد مشعوذ اتحبس و كمان كام يوم انا كمان خليتهم مسكوا واحد تااني الاشكال دا هتختفي باذن الله لأنهم بيسيئوا للدين كمان

[Abo_Lina]

فيه ناس كتير عقولها فاضية و بتبلع اي حاجة خصوصا في هذه امنطقة من العالم
اي واحد مالوش لازمة في الحياة لما يحب يسترزء يعمل برنامج تفسير احلام

[ahmed1981]

المشكلة هي الخلط بين الدجل والشعوذة وبين العلاج بالقرآن

الجن والسحر مذكوران في القرآن الكريم والسنة النبوية الشريفة
وهناك أمراض المس واللبس والسحر
وكلها لها علاج بالقرآن

ولكن المشكلة وجود سحرة ومشعوذين يتربحون على هذا الأمر
وفي الغالب يحاولون التستر خلف بعض آيات القرآن
ولكن في النهاية هم سحرة

والعلاج الحقيقي هو بالقرآن الكريم
عموماً الموضوع كبير جداً

ومن أفضل الكتب عنه
* كتاب وقاية الإنسان من الجن والشيطان تأليف الشيخ وحيد بالي
* كتاب الصارم البتار في التصدي للسحرة الأشرار تأليف الشيخ وحيد بالي
وللأسف السحر إنتشر بكثرة في الآونة الأخيرة وخاصةً في الأرياف
وللأسف بعض الناس المساكين لجهلهم يذهبون لطلب العلاج عند السحرة والدجالين فلابد من تحذيرهم

[أبومعاذ]

المشكلة هي الخلط بين الدجل والشعوذة وبين العلاج بالقرآن

الجن والسحر مذكوران في القرآن الكريم والسنة النبوية الشريفة
وهناك أمراض المس واللبس والسحر
وكلها لها علاج بالقرآن

ولكن المشكلة وجود سحرة ومشعوذين يتربحون على هذا الأمر
وفي الغالب يحاولون التستر خلف بعض آيات القرآن
ولكن في النهاية هم سحرة

والعلاج الحقيقي هو بالقرآن الكريم
عموماً الموضوع كبير جداً

ومن أفضل الكتب عنه
* كتاب وقاية الإنسان من الجن والشيطان تأليف الشيخ وحيد بالي
* كتاب الصارم البتار في التصدي للسحرة الأشرار تأليف الشيخ وحيد بالي
وللأسف السحر إنتشر بكثرة في الآونة الأخيرة وخاصةً في الأرياف
وللأسف بعض الناس المساكين لجهلهم يذهبون لطلب العلاج عند السحرة والدجالين فلابد من تحذيرهم

مظبوط كلامك جدا و عشان كدا انا بقول لازم نبلغ عن اي مشعوذ عشان ضررهم متعدي