حكاية تامر مشهور!!!!

[mohamed]

امبارح كنت بتفرج على برنامج 90دقيقة وكانوا فاتحين موضوع اختفاء الدليل الفنى وهو الرصاصة التى قتل بها شاب اسمه تامر مشهور حيث تم العبث بجسمان القتيل واخذت منه الرصاصة !!!!
مع العلم بان القاتل هو ضابط شرطة ,, انا معرفش تفاصيل القضية لو حد يعرفها يقولى بس الاهم من ذلك سؤال اين حرمة الميت فى مصر ؟؟؟؟

[جمال]

لاحرمة للمواطن المصرى حيا او ميتا
حسبى الله و نعم الوكيل

[R A N A]

ايوة انا كمان شفت جزء من البرنامج وصعب عليا اوي الشخص اللي كان بيتكلم وصوته مخنوق وغالبا كان بيعيط بيتهيألي ده اخو القتيل.
بس فعلا مش عارفة باقي القصة ايه.
بجد يعني الناس اللي بتعمل كده دي مش بني اديمن اصلا مش كفاية قتلوه كمان يعبثوا بجثته عشان يضيعوا الدليل.
حسبي الله ونعم الوكيل

[mohmd76]

اللهم لا حول ولا قوة الا بالله
ما يفرحنى كثيرا ان من سياخذ حق كل انسان مظلوم على وجه الارض هو الله
ولا احد غيره لانهم خلقه وعباده وهو خالقنا

[shanodaa]

متي ناخذ حقنا مع الشرطه؟

[Ahmed Selim]

اللى كان صوته مخنوق ده أخو القتيل....الله يرحمه

القصة أن أخو القتيل أتخانق مع ظابط شرطة على أولوية المرور ( الظابط كان سايق عربيته والتانى كان على رجله ) الخناقة أتطورت عشان كانت عند نادى الصيد وأكيد كان فى أصحاب للطرفين.
أخو القتيل أتصل بالقتيل عشان يجيله.....جاء لقدره.....مع تطور الخناقة الظابط طلع المسدس الميرى وضربه رصاصة أستقرت داخل جسده وتوفى فى الحال.
نقلوه مستشفى أسمها أبن سينا التخصصى......النيابة جت عاينت الجثة و أمرت بنقلها للمشرحة.
فى المشرحة قبل التشريح بيراجعوا تقرير معاينة النيابة مع الجثة فلقو الجثة فيها جرح فى الظهر لأستخراج الرصاصة....وهو ما لم يتم أثباته فى تقرير النيابة.....يعنى فى حد فى الخفاء جرح القتيل فى ظهره وأخرج الرصاصة.

حسبنا الله ونعم الوكيل فى كل ظالم وكل معدومى الضمير......وللأسف ما أكثرهم فى بلدنا العزيزة.....المحروسة.....مصر.

[casperinoo]

ياجدعان بجد حرام عليكم..
انا اعرف الظابط يبقي ابن خالت واحد صاحبي ....
وفي نفس الوقت اعرف القتيل غفر الله له...
واعرف ملبسات الحادث تمام ..والتي تختلف تماما عن ما يقال في البرامج..ولكن ده مش موضوعنا ..
انما حرام انك تحكم علي حد ..بمجرد سماع اقوال طرف واحد...مش ممكن الشخص التاني ده يكون مظلوم..

الظابط نفسه اصلا معترف ان الطلقه خرجت من مسدسه..هيبقي ايه هدفه انه يخلي حد يشيلها وهو اصلا معترف..

[Ahmed Selim]

توضيح بسيط.......أنا مقلتش أن الظابط هو اللى عمل كده أو حرض حد على كده......أنا بس كنت بقول اللى أتقال فى البرنامج .

بس هو السؤال اللى بيطرح نفسه.....مين له مصلحة فى كده ؟؟؟؟
يعنى من المعروف أن الظابط معترف أن الرصاصة طلعت من سلاحه و كان هو صاحب السلاح الوحيد فى الخناقة.......و كان ممكن أن الرصاصة أصلاً متستقرش فى جسد القتيل وتطلع من الناحية التانية وميلاقوهاش و برضه مكنش هيفرق فى المحاكمة
بس اللى حصل ده ليه برضه؟؟

[a_tantawy7]

ياجدعان بجد حرام عليكم..
انا اعرف الظابط يبقي ابن خالت واحد صاحبي ....
وفي نفس الوقت اعرف القتيل غفر الله له...
واعرف ملبسات الحادث تمام ..والتي تختلف تماما عن ما يقال في البرامج..ولكن ده مش موضوعنا ..
انما حرام انك تحكم علي حد ..بمجرد سماع اقوال طرف واحد...مش ممكن الشخص التاني ده يكون مظلوم..

الظابط نفسه اصلا معترف ان الطلقه خرجت من مسدسه..هيبقي ايه هدفه انه يخلي حد يشيلها وهو اصلا معترف..

ياريت تقولنا يا باشا ايه الملابسات اللي أنت تعرفها.

[casperinoo]

انا اسف بس واللهي انا كنت كتبت كل حاجه بس بعد كده مسحتهم...علشان برده مشفتش بعيني ..مجرد كلام من صاحبي قريب الظابط..وكلام من اصحاب القتيل...فالله اعلم ايه الصح بس السبب خناقه بين اخو تامر واخو الظابط..اخو تامر شتم اخو الظابط علشان كان ماشي بيدلع بيعدي الطريق فداس فرامل جامد ..فاخو الظابط رد الشتيمه...فاخو تامر نزل مسك الواد الصغير ده ضربه...فده جاب اخوه والتاني جاب اخوه.

[human]

ضربه ماضربوش او حتى تف عليه ده مش مبرر ابدا ان السلاح يستخدم
لما الظابط مايحترمش القانون اللى هوا اداه تنفيذه يبقى نستنى ايه من الناس؟؟؟
اما والله بقيت خايف اختلف مع ظابط يقوم ضربنى بالسلاح

الملابسات محدوده
اشخاص بتتخانق وواحد معاه مسدس و شخص مات من الرصاص
يعنى الانكار اصلا مش وارد
هو لازم يعترف عشان ماينفعش الرصاصه تتوجد من العدم

و المستفيد من اختفاء الرصاصه هو العبث بالادله و ده بيكون عشان يزعزع درجه الحكم عشان مايبقاش فيه دليل حسى و ملموس

[دموع الثلج]

الصراحه معرفش ان هنا فيه شى اسمه حرمه الميت او حرمه الحى

اقصى تعبير ممكن تسمعه لو سالت سؤالك ده لحد من المسؤلين هى فين حرمه الميت ؟؟؟

هتلاقى اللى يقولك حرررمه ايه حرمه عليك عشتك وده اللى الحكومه عاوزه تحرم علينا عشتنا وفى الموت نفس الشى تحرم على الميت الراحه حتى

[casperinoo]

ضربه ماضربوش او حتى تف عليه ده مش مبرر ابدا ان السلاح يستخدم
لما الظابط مايحترمش القانون اللى هوا اداه تنفيذه يبقى نستنى ايه من الناس؟؟؟

طبعا انت عندك حق بس برده فيه مسدسات صوت وشوم اترفعت الناحيه التانيه..وديه كانت البدايه..وده باعتراف اخو تامر نفسه.....واخو الظابط ده لسه خارج من المستشفي بعد اسبوع من الحادثه..

انا مش يفرق معايا الاتنين ...بس حسيت فيه تحامل كبيير علي الظابط ...علي الاقل الاعلام بيخاطب طرف واحد وده في حد ذاته ظلم ...

القضيه كلها بقي ..هل هو كان قتل عمد زي ماخو تامر بيقول...ولا تامر كان بيشد السلاح من الظابط والناس بتشد ..فالطلقه خرجت من مسافه قريبه..وساعتها العقوبه هتبقي اقل

[ELBASHA]

أخو القتيل أتصل بالقتيل عشان يجيله.....جاء لقدره.....مع تطور الخناقة الظابط طلع المسدس الميرى وضربه رصاصة أستقرت داخل جسده وتوفى فى الحال.

طب يا تري شفت القتيل دا حجمه كان عامل ازاي؟؟
و شفت الضابط دا حجمه كان عامل ازاي؟؟؟؟
الضابط اترفع عليه شوم و طلع مسدسات الله اعلم حقيقي ولا صوت و كان رد فعل طبيعي الضابط يدافع عن نفسه دا القتيل الله يرحمه كان هجمه و طول و عرض و داخل بيحاول يعتدي علي الضابط فامر طبيعي انه يحاول يدافع عن نفسه و القتيل شاف الضابط ضرب طلقه و اتنين في الهوا و برضه مش عاوز يبطل خناق و يلم الدور و الضابط يقوله حضربك و دا يقوله اضرب و زق الضابط و وقعه امر طبيعي انه يحاول يدافع عن نفسه.انا مش بدافع عن الضابط قد ما بشرح ملابسات الحادث كانت ايه.يا ريت كل الناس تسمع الطرفين و بعدين تقول كلمتها .

[human]

انا هذهب معاكوا ان القتيل مفترى وكيت و كيت وقولو كل الل عايزينه
هل ده مبرر ان القاتل يستخدم السلاح؟؟؟
و هو ظابط و عارف ان معاه سلاح ايه اللى يدخله مهاترات زى ديه
فيه ميت طريقه الحق معاه يكون فيها مشروع
بس فى روح بلطجه سائده من اغلب الشرطه انهم فوق الناس
و ده بيعمل مشكله لما حد مش بيقبل ان هو يطاطى للموضوع ده