حكاية تامر مشهور!!!!

[human]

فاكر فيلم رصيف نمره خمسه؟
لما فريد شوقى مرضاش انه يعارك المليجى و هو لابس البدله الرسميه
عشان ليها احترامها
السلاح الميرى له احترامه مش للهذار او التهديد او خناقه فى الشارع
مهما كانت الملابسات او الحكم فيه خطأ و انحراف اخلاقى شديد من المنظومه ككل

[ELBASHA]

معاك انه تصرف غلط و اكيد هو مش قاصد يقتله لكن لما الامور تطورت و كل واحد داخل بشومه و عاوز يفتح لك دماغك و انت بتهوش بالمسدس بتاعك و دا برضه مستبيع و عمال يقرب عليك و ضربت طلقه و اتنين و برضه عمال يقرب و مش هامه و عمال ترجع بضهرك و دا بالشومه عمال يقرب منك و شايف في ايدك المسدس و وقعت علي الارض خلاص بقي خاف علي نفسك مش تقوله اضربني انا مش خايف ابسط حاجه شهد اتنين من اللي واقفين و روح اعمل فيه بلاغ و ما محدش يقول البلاغ مش حيعمل حاجه.لان حتت انه يرفع الطبنجه بس في وشك ممكن توقفه .

[Tamer-Ezzat]

انا مش يفرق معايا الاتنين ...بس حسيت فيه تحامل كبيير علي الظابط ...علي الاقل الاعلام بيخاطب طرف واحد وده في حد ذاته ظلم ...

القضيه كلها بقي ..هل هو كان قتل عمد زي ماخو تامر بيقول...ولا تامر كان بيشد السلاح من الظابط والناس بتشد ..فالطلقه خرجت من مسافه قريبه..وساعتها العقوبه هتبقي اقل

تحامل ... تحامل على دم انسان لفظ انفاسة علشان واحد معدى الشارع بدلع ومش عاجبة الدنيا كلها ومعتبر ان الناس تحت جزمتهم ....

وبعدين ناس ايه اللى اتلمت والطلقة استقرت وطلع السلاح ليه من اساسة وبعدبن هو اى خناقة مع ضابط لازم الدنيا كلها تعرف ان الباشا ضابط ... ضابط على عينى وراسى لما تلاقينى باشرب حشيش ... فى شقة مفروشة ... بخالف القانون ... انما ماشى انا وانت فى الشارع يبقى زى زيك ..

[human]

هنا بتكون الاراده و التدبير
و ده ملرتبط بالصحه النفسيه و الزهنيه
المفروض اصلا السلاح ماكانش ظهر فى الخناقه من الاول
و لما ظهر كان يكفى جرح سطحى للتهديد و كان هيبعد الناس
كان ممكن حجات كتير
ده مش راجل عادى عشان نقول فلتت منه رصاصه
ده واحد واخد تدريبات عاليه و مدرب على التعامل فى مثل هذه المواقف
ولكن تصرفه كان بعيد عن ذلك و تصرف من دون تفكير لأى عواقب
حتى لو خد شومه و التانيه
هل ده يساوى حياه انسان؟
وبعدين الكلام بيشبه القتيل كوحش كاسر

[MoToRiZeR]

انا بقيت أسمع كلمة مكنش قصده يقتله في قضايا كتير مؤخراَ
الضابط مكنش قصده يقتل تامر مشهور .
و المدرس مكنش قصده يقتل الطفل الصغير .

خايف أقابل حد يقتلني من غير قصد.
ربنا يستر .

[احمد عز]

انت اكيد فى مصر

[human]

انا بقيت أسمع كلمة مكنش قصده يقتله في قضايا كتير مؤخراَ
الضابط مكنش قصده يقتل تامر مشهور .
و المدرس مكنش قصده يقتل الطفل الصغير .

خايف أقابل حد يقتلني من غير قصد.
ربنا يستر .

ماتزعلشى يا موتو
هيبقى يقولك سوررى

[haneena]

احنا بقينا فى غابة الضباط فيها الاسود والناس بقوا هم الفرائس

[mohamed]

كده الحكاية بلطجة

[badblood]

لاحرمة للمواطن المصرى حيا او ميتا
حسبى الله و نعم الوكيل

الله ينور عليك انت كدة جبت من الاخر
وغير القضية دي كتير
زي قضية (هبة ونادين) اللي لبسها واحد عادي ماشي في الشارع
ولا مذبحة بدو سيناء اللي الشرطة قتلتهم ورمت الجثث في مزبلة مدينة رفح
عادي كله بيتفبرك وده عصر الديمقراطية

[badblood]

جزء من قصيدة عبد الرحمن الابنودي عشان الموقف ده
بيقول:
ايه راح تفضل امتى يا غلبان
بداري ايه وايه باقي عشان تبكي عليه
وطنك متباع سرك متذاع
والدنيا حويطة وانت بتاع

ويهين المعنى الظابط ويدوس بالجزمة ع الحلم
ربنا رازقه بجهل غنيـــــــــــــه عن كل العلــم

ماذا تعني الكون ييساعك ييسعني
رد يا جربان يا أبن الـ(.....) ياكلب
اطنك هاتقولي تاني الشعــــــــــــب
وصفعني وتنه على بطني بالكعـــب

[محمد جلال]

انا شايف ان اى ضابط لازم يكون قدوة اولا لاهله وثانياً للناس واكيد هو بنى ادم ممكن يتعصب بس بحكم وظيفته لازم يسيطر على نفسه لانه المفروض (يحمى ويدافع عن الارواح مش يزهقها ) والسلاح ده امانة لمن يحمله وفيما يستعمله المفروض مع عتاة الاجرام مش مع المواطن العادى اتمنى ان يوضع حد للاستهتار بأرواح الناس الموضوع مبقاش ضباط بس الناس كلها بتاخد حقها بدراعها بس هو كان معاه سلاح لسوء حظه للاسف هو ده اللى بنتعلمه عايزين نتعلم كل حاجة من اول وجديد ....................ورحم الله هذا الشاب الفقيد واللهم اسرته الصبر والسلوان .

[Hossam.Hamdy]

طب يا تري شفت القتيل دا حجمه كان عامل ازاي؟؟
و شفت الضابط دا حجمه كان عامل ازاي؟؟؟؟
الضابط اترفع عليه شوم و طلع مسدسات الله اعلم حقيقي ولا صوت و كان رد فعل طبيعي الضابط يدافع عن نفسه دا القتيل الله يرحمه كان هجمه و طول و عرض و داخل بيحاول يعتدي علي الضابط فامر طبيعي انه يحاول يدافع عن نفسه و القتيل شاف الضابط ضرب طلقه و اتنين في الهوا و برضه مش عاوز يبطل خناق و يلم الدور و الضابط يقوله حضربك و دا يقوله اضرب و زق الضابط و وقعه امر طبيعي انه يحاول يدافع عن نفسه.انا مش بدافع عن الضابط قد ما بشرح ملابسات الحادث كانت ايه.يا ريت كل الناس تسمع الطرفين و بعدين تقول كلمتها .

فعلا القتيل الله يرحمه كان ما شاء الله هجمه هو واخواته الثلاثه ما شاء الله اجسام ومش من السهل يتضرب...بيت اسرته فى العماره بجانب بيتى

الله يرحمه ويصبر اهله

[tmz9111]

ربنا يظهر الحق