عايز عربية ايجار بالمشوار لاسكندرية بالسائق

[Karim_Monir]

لي ابن خالتي محتاج يسافر من مطار اسكندرية مع اسرتة الصغيرة والشنط
عايز ياجر عربية من هنا لاسكندرية وصاحبها يرجع بيها لانه هايكون سافر
المشوار ده يتكلف كام وفي حد يعرف سواق بعربية ملاكي اي موديل مريح مكيفة
ممكن مكتب ايجار بس انا معرفش حد منهم او لو عضو يعرف حد يقوم بالموضوع ده
يقدر يكلمني مباشرة على
0101263030
السفر يوم الاربعاء الجاي
شكرا

[Terrible_DaRsH]

ما تشوف تاكسي العاصمة يا كيمو ...
او اتفق مع اى سواق تاكسي عادى ...
ده اقل تاكسي فى البلد حاليا بقي نوبيرا ...
وكمان تأجير العربية + السواق هيبقي اغلى على الفاضي خصوصا ان العربية هتعمل اكتر من 400 كيلو فى الذهاب والعودة ...

[Hassan Khalil]

شوف احمد الجمال بتاع التيدا عندكم في الشركة يا كريم .. المكتب عندهم احيانا بيأجر من واحد معين لما بيكون فيه سفر و عربية الشركة مشغولة ..
او اتصل علي ا/ سامح 0100484948 و هو مكتبه في شيراتون قريب منك .. و قوله من طرف حسن ...
المشوار ممكن يعمل حوالي ( تقريبا )175 من غير السائق .. العربية لانسر او كورولا الشكل القديم.

[Karim_Monir]

تاكسي العاصمة يعمل في القاهر اكتر من كدة والتاكسي العادي لازم تصريح مرور عشان يخرج برة العاصمة

الايجار من المكتب عندنا غالي يا حسن عارفهم دول فظاع
سامح مش بيرد هافضل وراه لغاية ماشوف اخرة ايه
تسلمو والله

[نور القمر]

لما بيكون عندنا مشوار لبرة القاهرة وعايزين ربيه بسواقها بنروح الموقف نفسه اللي فيه عربيات بتروح المحافظة التانية ونتفق مع اي عربية تعجبنا على المشوار وعلى التكاليف وناخد رقم موبايله
وده احسن له لان العربيات دي بتكون مجهزة للشنط الكتيروالكبيرة
صحيح مش هتكون مكيفه ودي مش مشكلة احنا طبيعي في الشتاء والمشوار كله ساعتين تلاته
وبيكون ده خط سيره يعني عارف البلد وطرقها

[marsguy]

ده رقم واحد عنده مكتب إيجار شركتي بتتعامل معاه عشان المشاوير اللي زي دية:

أمير عياد - صاحب شركة طرواده لتأجير السيارات:

0101258210

دية نمرة أخوه هاني وهو شغال معاه:
0105341612

[Karim_Monir]

ايه الاسعار دي
واحد يقولي 500 وواحد يقول 450 عشان عربية تروح اسكندرية
انا اشتغل انا الشغلانة دي وبلا شركه بلا بتاع
يلا يا جماعة اللي عندة مشوار لاسكندرية وعايز عربية كرولا 2007 بسواق وب 400 جنية بس انا موجود

ايه الجشع ده

[mohmd76]

شوف يا عم الحج اذهب الى موقف عبود واتفق مع اى سائق للمحافظة التى تريد الذهاب الية ولا تتكلف الا اجرة الركاب كلها مع زيادة بسيطه جدا جدا جدا لزوم الذهاب الى المكان المراد الذهاب اليه لان الاجرة المحددة من الموقف من القاهرة الى اى عاصمة اخرى هى عدد الركاب *تعريفه كل راكب + من الموقف الى المكان المراد الذهاب الية وسيبك من كل السابق فقط اذهب الى الموقف فى عبود واتفق معهم هناك

[Karim_Monir]

للاسف عمل كدة ولما عرفو انهم رايحين مطار اسكندرية وياخد الشنط من البيت والسفر بالليل
عملو اتفاق من جديد كانها مقاولة مش توصيلة عادية ونفس المشوار وهايعفوة من الدور
بجد منتهي الاستغلال

[Hassan Khalil]

ايه الاسعار دي
واحد يقولي 500 وواحد يقول 450 عشان عربية تروح اسكندرية
انا اشتغل انا الشغلانة دي وبلا شركه بلا بتاع
يلا يا جماعة اللي عندة مشوار لاسكندرية وعايز عربية كرولا 2007 بسواق وب 400 جنية بس انا موجود

ايه الجشع ده

سامح قالك 500 جنيه يا كريم ؟؟؟معقول ..
فاكر الشارك اللي كانت معايا ؟؟؟ انا كنت واخدها منه بسعر غريب!!!

[shanodaa]

اقل عربيه تيوتا هتاخد 400 جنيه علي الاقل
ولو عربيه من غير سواق فلنفرض نوبيرا 150 وكمان سواق 30 جنيه و40 لتر بنزيين ب70 جنيه وليك 100 كيلو في اليوم يعني 350 كيلو زياده في نصف جنيه علي الكيلو يبقي 175 جنيه الاجمالي 325 علي االاقل لو ها تاجر سياره ملاكي

[Karim_Monir]

سامح قالك 500 جنيه يا كريم ؟؟؟معقول ..
فاكر الشارك اللي كانت معايا ؟؟؟ انا كنت واخدها منه بسعر غريب!!!

سامح ما بيردش خالص يا حسن
فضلت وراه كتير وماردش
الارقام دي بتاعت استاذ امير عياد

بجد مش عارف ان ده الطبيعي
اصل لو كدة لو عربية نوبيرا ب 150 وكمان 70 جنية بنزين يبقي 220 وكمان 50 سواق يبقي 270 وعشان بقية المشوار يبقي حلو 300
مش 450 و500
هو الحمد لله اوتف في عربية بيجو 7 راكب وهايخد 300 جنية

يلا يا جدعان قبل ما يعقل
كرولا 2007 بالسواق تطلع اسكندرية ب 400

[msobhy]

لو عايز لانوس بالسواق بشرط ان عدد الاشخاص لايزيد عن 3 ب350 جنية
كلمنى على الخاص