الميكروباص و المصريين

[tiger8900]

الميكروباص
اكثر وسيلة مواصلات كلنا بنتعامل معاها واولكم انا

المهم الميكروباص بيمثل لنا كلنا حاجة مهمة جدا جدا
المشكلة بقا فين ؟؟؟؟

الموديل الجديد بتاع سنة 2006 دا بقا حكايته حكايه
الكراسي متغيرة والعربية ضاقت والشبابيك صغيرة وفي الصيف
والحر بقا ايه ماحكيلكش العربية بتبقي مولعة والناس مخنوقة والجو حر
اعتقد انك كمصري عارف وفاهم انا بتكلم عن ايه ؟؟

الموديل القديم كان واسع وكبير والكرسي بتاعه معد لانه يستقبل
اكبر عدد من الركاب ... ليه ؟؟؟
لان السواقيين المصريين ربنا يخليهم للشعب المصري قنوعين جداا
بمعني ان الكرسي الوحد بياخد اربع ركاب في عين العدو
وساعات خمسة ... انا مرة ركبت في كرسي فيه 6 ركاب

المهم
شركة تويتا عرفت الفوله وعملت الموديل الجديد بتاعها الضيق
قوي ومنه نوع كبير واسع يعني الكرسي فيه بياخد خمسة
في عين العدو
لكن المشكلة اللي محيراني وتعباني هي
الشبااااااااااااااااااااااااك
الكرسي الاخير مفيش فيه شباك وبعض السواقيين بيلغي الشباك
اللي في الكرسي قبل الاخير كماااان
دا غير ان الشبابيك تصميمها مختلف شوية لما العربية سرعتها
بتزيد عن الـ 100 كيلو متر الهواء صوته بزيد وبيقبي جامد
علشان كده الناس بتقفل الشبابيك ويموتوا من الحر ميهمش
انا بعتقد ان الشبابيك دي مصممة للسوق الخليجي مش المصري
ليه ؟؟
لان الشبابيك في الخليج ملهاش لازمة لانهم مش بيستعملوها
علشان التكييف شغال علطول بالليل والنهار صيف وشتاء
لكن المصريين الغلابه ميقدروش يتغنوا عن الشبابيك خالص
والظاهر ان شركة تويوتا عرفت الموضوع ده
وعلشان كده بتزل المصريين اكثر ما هم مزلولين
---------------
نسيت اقولكم ان شركة تويوتا وكيلها في مصر شركة منصور للسيارات
ودي زي ما كلنا كمصريين عارفين بتاع وزير المواصلات المصري الحالي
------------------------------
ودي كانت تجربتي مع الميكروباص والتي تتكرر يوميا
ياتري مين فيكم عنده تجربة ميكروباصية يحكيها لنا ؟؟؟؟

[mazagngi2010]

عندك حق فى كل اللى قلته خصوصا التويوتا الصغير اللى فى اول صوره مقرف بجد بعد ماتلغى الكر سى القلاب
وقعدته قدام جنب السواق مهببه بس بصراحه طياره
من حق هو توكيل تويوتا فى مصر منصور؟؟ ولا تويوتا ايجيبت