إعـــــــلان

**Rafraf** · 24-12-2008, 05:12 PM

على فكرة الحوار دا حصل معايا من 8 سنين تقريبا

فى بنزينة بردوا و خدوا 20 جنية باين ولا 30 مش فاكر الرقم لان كان سنى 10 سنين :] بس ماكنش فيها مزز :) كان كلها رجاله!

و لما راح ابويا لقى الحوار هلس قال طز فى ال20 جنية

نصابين جدا !! من بعدها عمرنا ما تعملنا مع بتوع المسابقات دول!!

**dr_abooody** · 24-12-2008, 05:33 PM

مرة حصل كدا معانا في بنزينة توتال اللي على كورنيش المعادي

و قالي هتدخل سحب على اجهزة و كدا في فندق مش فاكر اسمة اية

قالي بس لازم تدفع 50 جنية

حسيت ان الموضوع نصب و خدت بعضي و مشيت
و اعد يتحايل علينا
و انا نفضتة

نصيحة
محدش بيكسب حاجة في البلد دة
الواحد بيدفع فلوس بس

انا لما كنت برة مصر كنت بدخل سحوبات و بكسب لكن هنا عمري ما كسبت حاجة

**haneena** · 24-12-2008, 05:38 PM

هنا فى مصر طرق النصب كتيرة وكل يوم بيخترعوا طرق ماتجيش على بال ابليس حتى

**mahamedaraby** · 24-12-2008, 06:01 PM

حصلت معانا قبل كده من فتره كبيره

وبردوا كانوا بيكلموا فى عشرين جنيه ضمان جديه الحضور

بس حلوه اوى عايز تستلم الفلوس فى الفرع الرئيسى فى ايطاليا

ياولاد ------:k49:

**VTC** · 24-12-2008, 09:08 PM

هههههههههههههههه

انا كمان نفس النظام

حصلت معايا الحركة دي بس في جنينة مول شهر سبعة الي فات

بس كانت اسبوع في الغردقة

بس انا بشطارتي ربحتها

وكان ثمن الاسبوع في الشاليه بـ 1200 جنية في السندباد

**NaderNabil** · 24-12-2008, 09:25 PM

مرة حصل كدا معانا في بنزينة توتال اللي على كورنيش المعادي

و قالي هتدخل سحب على اجهزة و كدا في فندق مش فاكر اسمة اية

فندق سفير :)...أشهر فندق للنصب في القصة دي

القصة دي اتعرضتلها حوالي 4 مرات و كل مره غير التانية...
و والدتي نفس الكلام في جنينة مول و أركاديا....و والدي في توتال الأوتوستراد!!!

بس الحمد لله كنا بنفضلهم علطول....

**shanodaa** · 25-12-2008, 01:28 AM

نصيحه لو قابلو حد تاني ما يردش عليهم علشان هما نصابيين

**Rafraf** · 25-12-2008, 01:52 AM

ايوا انا افتكرت اضحك عليا فين!

فى بنزينة موبيل عند الـ fbi سابقا و fgi حاليا :)

**NaviGator_13** · 25-12-2008, 02:38 AM

هههههههههههه
يعنى صابونة ب 50 جنية

**ZAKI32** · 25-12-2008, 03:00 AM

انا بقة ياشباب اتعرضت للموقف دة بس بطريقة بنت ( تييييييييييييييت)
لان بصراحة كانت شحططة للوالدة خصوصا.

حدث الاتى:
التليفون المنزلى: ترررررن تررررررن ترررررن تررررن

انا : الوووووووووو
***** بتتكلم: ايوة يافندم
انا : اى خدمة
***** بتتكلم:حضرتك كسبت معانا رحلة اسبوع فى شرم الشيخ
انا : لا والله قولى كلام غير دة
***** بتتكلم:ايوة يافندم احنا عملنا سحب على مجموعة من الارقام التليفونية وحضرتك كسبت معانا
انا: كنت عارف ان الحوار فكسان والذى منه
******بتتكلم:نعم يافندم حضرتك معزوم
قبل ماتكمل رغى فى ودنى .رحت مدى التليفون لاختى.
وقالت لها لازم تشرفونا عشان تستلموا تزاكر الاقامة(والخرف اللى بيتقال دة)
المهم كانت المقابلة فى مول فى شارع المحافظة فى الزقازيق مول الكمبيوتر اللى امام سوبر ماركت خليفة.وانا ساكن على بعد شارع طولة 1كم
الكل اتهندم بقة وهنروح نصيف ياجدعان( انا شخصيا الامر لم يكن يعنينى لانى زهقت تصيف فى شرم رايح جاى بالطيارة)
دخلنا ياخويا وحطيييييين بلالييين وورود .
وكل اسرة (الناس اللى غيرنا انضحك عليهم) كل اسرة على طربيزة ومعاهم ****كدة.
والله انا عارف ان الحوار فكسان. ونفس السيناريو اللى قالة صاحبالموضوع ان مش هتصيف الا لما تشترى قطة.
بس الحمد للة لا دفعنا 50ج ولا 20ج
وطول الاعدة ساعة والله ابويا ماسك البت تريقة واحنا اعدين نضحك عليها انا واخواتى.
والله كانت فسحة لزيزة مسكنا البت قافية انا وابويا.ومسخرناها ضحك

بس اللى دايقنى ان والدتى يوما تعبت من كتر الاعدة لحالتها الصحية.

البلد دى عايزة تنضف من الاشكال *****اللى بتضحك على خلق الله.

_______________________
تحذير للعضو، الرجاء مراعاة انتقاء الألفاظ المناسبة
مشرف القسم

**homme49** · 25-12-2008, 03:08 AM

تعرضت لتلك المهزلة ثلاث مرات فى فترة عشرين سنة
الأولى كانت من شركة وكيل موزع لإيه آر تى و كان شرط الحضور ان تكون معك الأسرة فى مكان ما بشارع الطيران بمدينة نصر و كان العرض الحصول على ريسيفر و إشتراك فى قنوات إيه آر تى بما يوازى مبلغ 160 جنيه شهريا لمدة ثلاث سنوات
و يومها ذهبت بمفردى بدون الأسرة و جلست مع رجل المبيعات ساعتين أكل دماغ و رفضت العرض بسبب عدم قدرتى المادية نظرا لمصاريف الدروس الخصوصية للأولاد فى ذلك الوقت فلم ييأس و طلب منى الإنتظار و أتى بعد دقائق معه مدير المبيعات الذى حاول بشتى الطرق إقناعى بقبول العرض و كان خلاصة ردى اللى يحتاجه البيت يحرم على الجامع و لكنى إسرديت العشرين جنيه الذى سبق دفعها .
المرة الثانية كانت فى محطة بتزين فى طريق الإسماعيلية و كان اللقاء فى شارع الثورة فى مصر الجديدة و كان مبلغ السداد ثلاثون جنيها تستردها بمجرد حضورك المقابلة و تضيع عليك لو لم تحضر فحضرت مع زوجتى و كان شرط الحضور بالملابس الرسمية (بدلة و كرافته)
و مضيت حوالى ساعة و نصف أكل دماغ عن كيفية قضاء الأجازات و الأماكن السياحية فى مصر و كان العرض تايم شير فى إحدى القرى السياحية فى شرم الشيخ و تكرر نفس الموقف و إحتار رجل المبيعات معى فقام و أحضر مديره الذى كان صفيقا و قليل الأدب و الذى إستغرب كيف لا يمكننى قبول العرض بالرغم من أن لدى سيارة ماركة كذا و زوجتى ترتدى حلى ذهبية فكان ردى أننى قد إشتريت تلك الأشياء فى الماضى عندما كان الوضع ميسور أما الآن فأنا أعيش فى تقشف حتى أستطيع تدبير مصاريف الجامعات للأولاد لدرجة أننى أبيع كل سنة بعض من الأرض الزراعية حتى أستطيع تدبير مصاريف الأولاد
و فى تلك اللحظة إنفجر مدير المبيعات فى ضحك هستيرى مفتعل قائلا عواد باع أرضه يا ولاد -فرديت عليه إذا كانت دى حاتريحك ما فيش مشكلة و تركناه و إنصرفنا .
المرة الثالثة كانت فى محطة بنزين كالتكس فى أول مساكن شيراتون
و حيث أن الشيب غزا شعرى فكان النصب بشكل جديد إذ أتى إلى أحد رجال البيع ينظر داخل السيارة كأنه يفتشها ثم قال لى إنت بقى لك قد إيه ما عملتش عمرة
فانفجرت فيه و لم أستطيع التحدث بهدوء و قلت له و حا أقابلك فى شارع الثورة فى عنوان كذا علشان نصباية جديدة و لا إيه -يا إبنى روح إضحك على حد تانى -أنا شبعت من طرق النصب دى و تركته و مشيت
بعد ذلك كلما أدخل محطة بنزين و أجد أى عرض أقول له لأ متشكر انا مش عايز منكوا حاجة كفاية نصب بقى .

**Terrible_DaRsH** · 25-12-2008, 03:13 AM

هههههههههههههههه يعنى انت اخدت صابونة ب 50 جنبه ..

فكرتنى بعادل امام لما خد اغلى كيس بلح ب 2500 جنيه ...
ابقي خلى بالك بقي ..

**essam_virus** · 25-12-2008, 03:25 AM

انا لو منك مش هستعملها هحتها في بترينه عرض واكتب عليها اغلي صابونه في العالم......ب50 جنيه

**Mido80** · 25-12-2008, 06:49 AM

طيب هو ما فيش جهة رقابية تعاقب الناس دول اللي نازلين سرقة ونصب علي المواطنين؟ ولا يمكن الحكومة مسرحاهم عشان واخدة نسبة

إعـــــــلان

.

ألف مبروك.. تكسب معانا

ألف مبروك.. تكسب معانا

Comment

Comment

Comment

Comment

Comment

Comment

Comment

Comment

Comment

Comment

Comment

Comment

Comment

Comment