لماذا لم تتأثر مصر بالأزمة العالمية ؟؟؟؟؟

[M_HaFeZ]

ياجماعه مين بس قال ان مصر متأثرتش بالازمه
التبعيات هتيجى عندنا عاجلاً او آجلاً ويكفى الخبر عن الاستغناء عن بعض العماله فى البنوك المصريه ذات الاصول الاجنبيه
التداعيات هتكون كتيره وصدقونى محدش هيسلم منها
الموضوع ببساطه شديده جدا العالم كله اكتشف ان اللى معاه او بيحسب انه معاه مش بنفس القيمه اللى كان متخيلها
يعنى الشركه اللى كانت بتحسب اصولها ب 10 مليار اكتشفت ان الرقم اقل من كده بكتير لاعتمادهم على اصول متراكبه على اصل واحد ومضاعفه القيمه الحقيقه للاصل
للتقريب تخيل واحد كل ماييجى يحسب ثروته
يقول الشقه مثلا ب 400 الف ... رغم ان عليها اقساط
العربيه ب 100 الف وعليها اقساط ..
مرتبه 5 الاف رغم انه بيدفع اقساط ..
ياخد قرض من البنك بضمان الشقه ... ويحسب قيمه القرض + ثروته
ويكتشف فى الاخر ان تمن الشقه مش 400 الف لا اقل من كده
ده بس للتقريب انما الواقع اكبر من كده ومتداخل بصوره اصعب فى الحل .. لان ممكن القرض ده نفسه يبيعه البنك لصالح مستثمر يشترى الاصل ويحصل الفائده كمكسب له .. وتتدخل شركات التأمين لضمان السند المباع من البنك للمستثمر على قرض بضمان عقار قيمته لم تسدد بالكامل او يكون اقرب الى اصل غير مسدد قيمته بالكامل او يصعب على صاحبه تسديده ..
ده بالتقريب