ميلودى تريكس

[Hussein_Ramdan]

ياجماعة الى خلينى افتح الموضوع دة الصراحة جاتلى حالة من الغيظ الجامد جدااا ونا بقلب دلوقتى فى القنوات شوفت مليودى تريكس الصراحة
شوفت ولد زاى الفل كدة قاعد يترقص ويعمل حركات غريبة
وحطين سؤال غبى جداااااااا
زايهم انا مش عارف الناس دى عايزة اية
اوظن ان الى يبقا غبى اكتر الى يفكر يتصل بيهم

[Samir Elshahawy]

أستاذ حسين :

أسعد الله صباحك بكل خير...

أنا مرة قرأت موضوع عن مثل هذه القنوات و كان بعنوان " مذيعات التسول الجنسي" و فعلا هذه القنوات تشعرك بذلك عندما تشاهدها لاشئ سوي مذيعات جميلات فاتنات خليعات و سؤال هايف و كلام تافه و الغريب أني لم اجد مرة واحدة أي فائز بأي سؤال من هذه الأسئلة التي يستطيع أي طفل رضيع أن يجيب عليها

أحسن حاجة تنسي وجود مثل هذه القنوات و تلغيها علشان ماتحرقش دمك و أعصابك

[elassar2010]

الناس دى عايزة حضرتك تتصل ب0900 والدقيقة ب1.50 والحسابة بتحسب و اشرف مروان يلم نهاية اليوم بس
يعنى قنوات للنصب المباشر

[sab3aawy]

الناس دى عايزة حضرتك تتصل ب0900 والدقيقة ب1.50 والحسابة بتحسب و اشرف مروان يلم نهاية اليوم بس
يعنى قنوات للنصب المباشر

اشرف مروان مات يا خلف

يا لهوى يا أشرااااااااااااااااااااف

(مع الاعتذار لاغنية "لبسوه-روشنوه" من فيلم "صعيدى فى الجامعة الامريكية")

[اسلام ابراهيم]

اولا- السلام عليكم
انا سعيد جدا ان في حد اتكلم في الموضوع ده علشان نوضح فكره بسيطه للناس يمكن تكون غايبه عن فكرهم
طبعا احنا عارفين ان القمار حرام شرعا والقنوات ديه عبارة عن كازينو قمار في بيتك اوجه المقارنه:-
الكازينو :- اول ما تدخل علشان تعرف تلعب بتشترى الفيشات علشان تعرف تلعب وممكن تخسر الفيشات وممكن تكسب اكتر مما دفعت بيعتمد على غريزة الربح في البنى ادم
القنوات :- بتتصل بالتليفون علشان تعرف تلعب وممكن محدش يرد عليك ممكن تكسب طبعا لما حد يرد عليك بتعتمد على غريزة الربح في البنى ادم

انا من وجهة نظري القنوات ديه ( حرام حرام حرام حرام )

بسم الله الرحمن الرحيم (يا أيها الذين آمنوا إنما الخمر و الميسر و الأنصاب و الأزلام رجس من عمل الشيطان فاجتنبوه لعلكم تفلحون ) صدق الله العظيم

والميسر هو الذي لا يخلو الداخلُ فيه من أن يكون غانماً إن ربح ، أو غارماً إن خسر

[elassar2010]

اشرف مروان مات يا خلف

يا لهوى يا أشرااااااااااااااااااااف

(مع الاعتذار لاغنية "لبسوه-روشنوه" من فيلم "صعيدى فى الجامعة الامريكية")

سورى هو صاحب قنوات ميلودى جمال اشرف مروان
اصلى كنت لسة صاحى

[نور القمر]

برامج مستفزة ومثيرة للاعصاب والاشمئزاز
يعني انا شوفتها مرة بالصدفة وانا بقلب في القنوات وقرفت منه بجد سواء بنات او شباب
ده غير ان دمهم تقيل فعلا
وقناة ميلودي دي بالذات بكرها ده كفاية سلسلة اعلانتهم المملة والمثية للاشمئزاز بتاع تحدي الملل

[Hussein_Ramdan]

الموضوع دة بئا وباء منتشر فى معظم القنوات
زاى مزيكا وكمان فى اكتر من قناة متخصصة فى البراميج دى
وكمان اتفرج على بئا على طريقة البنات فى الكلام بجد حاجة تكسف انا وكمان اوقات بيتكلمو كلام على المتغطى بس مفهوم طبعا انو كلام جنسى
حاجة زاى الزفت

[Busquets]

هههههههه

فى واد هى هى كدا شفتو

بيتكلم اى هبل!! مش عارف هو عايز ايه من الاخر!

شكله مش مظبوط! كلامه كأنه شامم كوله! مستفز اخر حاجة

ببقى عايز اتف على اللفزيون!

المشكلة ان فى بنات بتكلموا و تقولو انت جميل اوى! و هو يطول لسانه عليهم و يتريق عليهم و هما يضحكو!! صباح الضياع

فى ناس كدا هبله هبل البطريق! الله يكون فى عونا

[Everlasting]

القنوات دي لو مش ناجحة تجارياً وبتجيب عائد كويس لمالكها كان زمانها قفلت من زمان، وزي ما فيه ناس عاقلة بتبغض مثل هذه القنوات فيه بردو ناس ساذجة بتحبها وبتتفاعل معها.
فالأفضل بدلاً من حرقة الدم إننا نعمل Delete للقنوات دي وننساها خالص.

[Terrible_DaRsH]

المملة والمثية للاشمئزاز بتاع تحدي الملل

هى بتتحدى الملل فعلا .. بس بتجيب للمشاهد شلل ..

[ASKAFRAWY]

هى بتتحدى الملل فعلا .. بس بتجيب للمشاهد شلل ..

شلل بس يا باشا!قول ورم خبيث!!بس للاسف الناس التافهة كتير و بيزيدوا !!