بني عبيد

[badblood]

امال فين الناس اللي كانت شمتانة في الاهلي
اظن اللسان اتلجم صح
وصباح الفل

[ehabbasha30]

بصراحة عندك حق
اى واحد زملكاوى ميقدرش يتكلم
الله يسامحهم جايبينلنا العار
انا خلاص مش هقدر ارفع عينى تانى فى اى اهلاوى
منكم لله يا لعيبة الزمالك عاوزين ضرب النار ماعدا عبد الواحد وعبد المنصف

وصباح النور يا سيدى

[سمير يونس]

لا حول و لا قوة إلا بالله

في الوقت الذي يتم ذبح إخواننا في غزة بوحشية أحنا هنا لسة بنتكلم عن الأهلي و الزمالك ؟؟؟؟؟

أرحمنا برحمتك يا رب

من لم يهتم بأمر المسلمين فليس منهم

[أشرف العدوي]

المشكلة ان جمال حمزة اتكلم بعد الماتش في برنامج الحياه و قال كلام غريب جداً
المذيع بيسأل ازاي لاعيبة بملاين يتغلبوا من فريق درجة تالتة ؟
جمال حمزة ايه المشكلة يعني حضرتك اتغلبنا و خلاص الماتش خلص
المذيع تقدر تقولي ايه سبب الهزيمة
جمال حمزة بني عبيد كان افضل من الزمالك و الافضل هو الي فاز

قمة الاستفزاز في الحوار
على فكرة الحوار ده في كذا موقع كروي منزله بالصوت و ده لينك واحد منهم

http://www.filgoal.com/Arabic/News.asp?NewsID=50630

[sab3aawy]

لا حول و لا قوة إلا بالله

في الوقت الذي يتم ذبح إخواننا في غزة بوحشية أحنا هنا لسة بنتكلم عن الأهلي و الزمالك ؟؟؟؟؟

أرحمنا برحمتك يا رب

من لم يهتم بأمر المسلمين فليس منهم

والله عندك حق يا اخ سمير، وبرضه فيه عدد من المصريين اكتر من اللى اندبحت فى غزة راحوا نتيجة الاهمال المرورى خلا عطلة عيد الأضحى، ده غير واحد مصرى اندبح على يد ابن نائب القنصل السعودى اللى كان بيقود سيارته برعونة فى منطقة 6 اكتوبر ومع كدة ابن القنصل سافر الى بلده بمنتهى البساطة

بس اللى انت عملته انت قتلت الموضوع اللى واحد تانى فاتحه علشان يسمع أراء الناس فيه ، لأن ببساطة اللى هيتكلم بعد منك فى موضوع الاهلى والزمالك هيبقى هو الزنديق المارق اللى مش مهتم بمسالة غزة،مع انى مش شايف اطلاقا ان لما ناس تتكلم فى الاهلى والزمالك تبقى مش مهتمة بغزة، يا راجل ده الجنود فى الحروب وفى وسط المعمة كانوا فى فترات راحتهم بيلعبوا العاب ترواحت من العاب السيوف العصور القديمة الى الدمينو والكوتشينة فى العصور الحديثة مع انهم ممكن يموتوا بعد ساعة واحدة لكن الحاجة للترويح غريزة بشرية

يعنى زى ما فيه ناس تهمها قضية غزة وفيه ناس تانية تهمها قضايا الناس اللى بتموت هدر فى مصر وفيه ناس تالتة تهمها قضية الاهلى والزمالك، وعلى ذلك يمكن لمن يحب الكلام عن اى قضية انه يتكلم فيها بحرية دون ان يضغط ادبيا على الآخرين الذين يتكلمون فى قضايا تهمهم ولا تهمه لكى يتوقفوا عن الكلام،

بالمناسبة انا لا ليا فى الكورة ولا اعرف ايه اصلا اللى حصل وحصل مع الاهلى وللا مع الزمالك، بس ده مش معناه انى احرج الناس اللى بتحب الكورة علشان متتكلمش

[speed4speed]

على الرغم انى مبحبش أسامه بن لادن بس كم اتمنى انه يضرب اسرائيل
بس كلامى دا صعب يحصل

[NaviGator_13]

ياجماعة ياريت لما نعمل موضوع يبقى ليه هدف مش جر شكل والسلام !!!

[Abdo_Eldesokey]

والله عندك حق يا اخ سمير، وبرضه فيه عدد من المصريين اكتر من اللى اندبحت فى غزة راحوا نتيجة الاهمال المرورى خلا عطلة عيد الأضحى، ده غير واحد مصرى اندبح على يد ابن نائب القنصل السعودى اللى كان بيقود سيارته برعونة فى منطقة 6 اكتوبر ومع كدة ابن القنصل سافر الى بلده بمنتهى البساطة

بس اللى انت عملته انت قتلت الموضوع اللى واحد تانى فاتحه علشان يسمع أراء الناس فيه ، لأن ببساطة اللى هيتكلم بعد منك فى موضوع الاهلى والزمالك هيبقى هو الزنديق المارق اللى مش مهتم بمسالة غزة،مع انى مش شايف اطلاقا ان لما ناس تتكلم فى الاهلى والزمالك تبقى مش مهتمة بغزة، يا راجل ده الجنود فى الحروب وفى وسط المعمة كانوا فى فترات راحتهم بيلعبوا العاب ترواحت من العاب السيوف العصور القديمة الى الدمينو والكوتشينة فى العصور الحديثة مع انهم ممكن يموتوا بعد ساعة واحدة لكن الحاجة للترويح غريزة بشرية

يعنى زى ما فيه ناس تهمها قضية غزة وفيه ناس تانية تهمها قضايا الناس اللى بتموت هدر فى مصر وفيه ناس تالتة تهمها قضية الاهلى والزمالك، وعلى ذلك يمكن لمن يحب الكلام عن اى قضية انه يتكلم فيها بحرية دون ان يضغط ادبيا على الآخرين الذين يتكلمون فى قضايا تهمهم ولا تهمه لكى يتوقفوا عن الكلام،

بالمناسبة انا لا ليا فى الكورة ولا اعرف ايه اصلا اللى حصل وحصل مع الاهلى وللا مع الزمالك، بس ده مش معناه انى احرج الناس اللى بتحب الكورة علشان متتكلمش

والله يا أستاذ سبعاوي أنا أتكسف من نفسي لما الناس دي تبقى بتموت هناك وأنا عمال أتخانق مع واحد على الأهلي والزمالك

الضربة دي مش للفلسطينيين لوحدهم ، دي لينا كلنا ، وأبسط حاجة ممكن نعملها إننا نبقى قد المسئولية ولو شوية صغيرين ، ونبعد عن المهاترات والتفاهات دي

[speed4speed]

وأبسط حاجة ممكن نعملها إننا نبقى قد المسئولية ولو شوية صغيرين

قلى ازاى بس يا اخ عبده
اذا كان مصر متورطه فى ضرب غزه
مصرعندما اكدت لحماس بالامس القريب ان اسرائيل لن تضرب و قد ضربة ,اسرائيل ابغت معظم الدول العربيه بالضرب و وزير خارجية اسرائيل كان بمصر امس
وانت جاى تقول نبقى قد المسؤوليه !!!!
الضربه دى مش اسرائيل بس الى ضربتها بل معظم الدول العربيه مشتركه فى العدوان على غزه

[Abdo_Eldesokey]

قلى ازاى بس يا اخ عبده
اذا كان مصر متورطه فى ضرب غزه
مصرعندما اكدت لحماس بالامس القريب ان اسرائيل لن تضرب و قد ضربة ,اسرائيل ابغت معظم الدول العربيه بالضرب و وزير خارجية اسرائيل كان بمصر امس
وانت جاى تقول نبقى قد المسؤوليه !!!!
الضربه دى مش اسرائيل بس الى ضربتها بل معظم الدول العربيه مشتركه فى العدوان على غزه

أنا مش عارف يا باشا انت فهمتني غلط ولا إيه ؟؟

أنا قصدي بـ "نبقى قد المسئولية" إن كل واحد فينا يعمل الي يقدر عليه لمساعدة إخوانا في فلسطين ، لأني واثق ومتأكد إن كل الحكومات العربية وأولها حكومة مصر هم المسئولين عن هذه الضربة قبل اسرائيل

وأرجوكم يا جماعة كفاية بقى تفرقة بين المصري والفلسطيني ، أي مسلم في أي حتة في العالم زيه زي أي مصري بالظبط ، أنا مش مصري .. أنا مسلم قبل كل شيء ، والي وصلنا ليه ده بسبب سياسة الاستعمار "فرق تسد" والي نجحوا فيها لحد كبير جدا ً

[mosayed]

بكرة يلعبوا فى دورى المدارس ان شاء الله اصلهم كل شوية يقؤلك الزمالك دا مدرسة هاهاهاهاااااااها

[human]

لا حول و لا قوة إلا بالله

في الوقت الذي يتم ذبح إخواننا في غزة بوحشية أحنا هنا لسة بنتكلم عن الأهلي و الزمالك ؟؟؟؟؟

أرحمنا برحمتك يا رب

من لم يهتم بأمر المسلمين فليس منهم

نفس المنطق ده ممكن نمشى معاه ونوصل لسؤال هو ليه حضرتك مش ماسك بندقيه و ليه حضرتك بتتغدى و بتشرب ميه

لو فى ايدك حاجه تعملها غير الكلام اعملها
بس بلاش الكلام اللى لا بودى ولا بجيب
احنا خيبتنا كبيره و مش هتتحل لما نقطم فى الناس اللى بتتكلم فى الكوره


و على فكره الزماك باظ
و ابقوا قابلونى لو عرفنا ناخد الدورى او حتى كاس البطيخ لمده كام سنه كمان
انا كنت بتفرح فى الاهلى لما بيخسر من الشرطه و باتشوكا من محافظه المكسيك الشقيقه
على امل ان الزمالك راجع
بس دلوقتى لو الاهلى وقع هو كمان يبقى مين اللى هبصفى فى كاس العالم
احنا محتاجين لاعيبه الاهلى

ربنا يستر

[Ahmad Allawy]

بس ده لا يمنع ان الناس اللي بتتكلم عن الزمالك و الاهلي و بيتناقشوا ولا حتي يتخانقوا..
ممكن جدا و يكونوا مشاركين في انشطة ممكن توصل اي دعم للاخوان الفلسطينيين..
هذه نقرة و تلك نقرة..
و احب اقولك ان الفلسطينيين نفسهم يعني فيهم اهلاوية و زمالكاوية.. :) :)
و ربنا يكون في عونهم و يخفف عنهم ان شاء الله..

[zAzU]

انا بس عايز اشوف الاخ اللى كان عامل موضوع التاكسى الجاى من اليابان والخاله باتشوكا فى الحمام فاكرينه؟؟ يا ترى الخاله باتشوكا راحت فين بنى عبيد ولا ايه؟؟؟
انا ععمرى مكنت بشمت فى حد بص اللى حصل ايام اليابان قلة ادب انا عايز اشوف رد الاخ صاحب التاكسى ده مش كل واحد يتكلم عن فرقته احسن ؟؟؟ الزمالكويه على راسى من فوق بس اللى يتريق و يشمت لأ

[human]

للمره المليون و واحد
اى حد من حقه يكره اى نادى هو شايف انه يستاهل كده او لأ
الاهلى و الزمالك و اى بترول و الاسماعيلى و المقاولون و كل الانديه ديه ملك للحكومه المصريه يعنى مال عام ملك لينا كلنا
حق اى واحد يتكلم زى ماهو عايز هو حر هو اللى دافع الفلوس زيه زى اى حد تانى بيشجع

فياريت ماحدش يقولى الزمالكويه مايتكلموش او يتكلموا و كده
انا اتفق ان فيه حوار بيكون مستفز و غير اخلاقى من الطرفين

بس ماحدش يقول اتكلم و ماتتكلمش

و شكرا

يا ريت يقفلوا الكوره عشان نستريح