ما رايك فى هذه الحكمه؟

[خالدابوالنجا]

هناك حكمه صينيه تقول:
لا تختبر اصدقاءك فى الاوقات العصيبه. لان معظمهم سيرسبون فاذا انتهت هذه الاوقات
وبحثت عن الاصدقاء فستجد نفسك قد خسرت اصدقاءك.
السلطان

[ابوحميد]

كل دى حكمة
هوا فاضيين لدرجة ان الحكمة او المثل بتتقال فى 10 دقايق
:twisted: :twisted: :twisted:
بس هيا على العموم اكيد حكمة فى محلها

[خالدابوالنجا]

المهم المعنى مش الطول والقصر
السلطان

[Nader]

ايوة زي ما حصل معاك في كونتكت

بس انا اختلف معاك او بمعني اصح مع المثل، طيب هيبان منين الصديق الحق من الصديق الـ"سو" :?:

[M_Abdallah]

هي الحكمة غالبا صح بس باردوا في اصدقاء مخلصين .







______________
محمد عبدالله

[sab3aawy]

اول مرة اشوف حكمة صينية تخلو من أى ذكر للأزر او النمور

دى شكلها كدة حكمة مضروبة مش صينى اصلى، بس يا ترى تكون مضروبة فين إذا كانت كل الحاجات المضروبة بتيجى من الصين

[خالدابوالنجا]

اعتقد والله اعلم انها مضروبه فى
جزيرة السلطان ابو النجا الاول
هههههههههههههههههههههههههههه
السلطان

[خالدابوالنجا]

ايوة زي ما حصل معاك في كونتكت

بس انا اختلف معاك او بمعني اصح مع المثل، طيب هيبان منين الصديق الحق من الصديق الـ"سو" :?:

نادر باشا
متفكرنيش بالموضوع ده . اصل بفتكر السلطنه وبحنلها قوى . :lol: :lol: :lol:
بس لازم نعرف ان الله لا يكلف نفس الا وسعها
وبالتالى منجيش احنا ونطلب من حد فوق طاقته
طبعا انا معاك ان فيه مواقف لازم يبان فيها الصديق الوفى من الى نص نص
بس لازم نلتمس لبعض الاعذار والله اعلم بحال كل واحد فينا
فيمكن يكون الوقت الى انته طلبت فيه مساعدة الصديق هوه نفسه غير مستعد نفسيا او ماديا
لمد يد المساعده. دى وجهة نظرى وهيه قابله للمناقشه طبعا
السلطان

[Dr Ahmed]

الصديق الذى يرسب فى الأوقات العصيبة أراح واستراح ، ومتى نعرف الأصدقاء الحقيقيون إلا فى الأوقات العصيبة؟ بالعكس، وقت الصفاء يكون الجميع معك فلا تعرف الصديق من المنتفع من العدو ، أما فى الشدة فلا ينجح إلا الصديق ، ومن يرسب فلا حاجة له حتى لو تبقى عدد قليل ، أما إذا لم يتبق أحد فقد أسأت إختيار من حولك ..

من يملك صديقا حقيقيا فهو يملك كنزا ،ومن يملك أصدقاء كثيرون حقيقيون فهنيئا له.

[خالدابوالنجا]

..

من يملك صديقا حقيقيا فهو يملك كنزا ،ومن يملك أصدقاء كثيرون حقيقيون فهنيئا له.

هذا واحد د/احمد وهو معلوم للجميع.
اى اننى وانت واى واحد فينا يعرف يقينا من هو صديقه الصدوق.وهو غالبا واحد او اثنين على الاكثر.
ولكننى اتكلم عن عموم الاصدقاء وليس خاصتهم.
فالحياه لا تستقيم بواحد فقط ولكننا فى حاجه الى الجميع على درجاتهم قربا وبعد منك اى حسب مسافة كل منهم من قلبك.
وهنا تظهر قيمة التسامح مع الاخرين فلا نطلب من الجميع نفس الموقف
ولكن كل حسب قدرته واستطاعته دون ان نفقده.
وجهة نظر.
السلطان

[Hossam_Hassan]

الصديق و قت الضيق

[Dr Ahmed]

فهمت قصدك..

وفى هذه الحالة أؤيد عدم اختبار المحيطين بك عموما ولا تؤاخذهم لو رسبوا ولكن ليس من مبدأ الحفاظ على الصداقة فهذه ليست صداقة بل من باب استمرار التعامل معهم وعدم خصومتهم وتحقيق المثل المعروف: "اللى ماتحتجش النهارده وشه بكره تحتاج .. إيه؟"
ولا يوجد واحد منا لم يتعامل مع أمثلة من هذه الحالات فى العمل خاصة -حيث نكون مجبرين على التعامل مع أناس نحبهم أو لا نحبهم - وفى الحياة عامة.

[خالدابوالنجا]

فهمت قصدك..

.

الحمد لله يا دكتور.
اخيرا اتفقنا على حاجه.
ههههههههههههههههه
عود حميد ان شاء الله.
السلطان

[hero]

A friend in need is a friend indeed

متهيألي بقوا قلة قليلة ....ايلي ممكن يبقي بالشكل دة...الناس كلها بتبقي حبابيبك وانت مش محتاج منهم شيء ...ولو حصل واحتجت...الكل بيهرب...ومش هاتلاقي ايلي الاصدقاء الحقيقين....وهم فعلا قليلون او منعدمون....!!!

"الْأَخِلَّاءُ يَوْمَئِذٍ بَعْضُهُمْ لِبَعْضٍ عَدُوٌّ إِلَّا الْمُتَّقِينَ"
حاشانا الله واياكم هذا الموقف ....وربنا يجعلنا من المتقين الذين تعارفوا حبا في الله وليس لغرض او منفعة دنيوية...