باقى ساعتين

[مؤمنة]

كل سنه وانتم بخير باقى ساعتين على السنه الجديده وسنه 2008 عديت بحلوها ومرها
يا ترى ايه هو اكتر حدث اسعدك فى 2008 وايه هو اكتر حدث احزنك فيها ؟
عن نفسى اكتر حاجه اسعدتنى فى 2008 هو ضرب بوش بالجزمه
واكتر حاجه حزنتنى هو العدوان على فلسطين وحادث الدويقه

[احمد عز]

كل عام وانتم بخير لكل الامه الاسلاميه والمسيحيه فى مصر والعالم كل
اما عن اسعد حدث طبعا رمى بوش بالحزمه وانى خلصت تعليم الحمد لله
وكتر حاجه احزنتنى هبوط البرصه علشان خصرنا فيها حاجه

[مؤمنة]

كل عام وانتم بخير لكل الامه الاسلاميه والمسيحيه فى مصر والعالم كل
اما عن اسعد حدث طبعا رمى بوش بالحزمه وانى خلصت تعليم الحمد لله
وكتر حاجه احزنتنى هبوط البرصه علشان خصرنا فيها حاجه

الف مبروك على الشهاده وربنا يعوض عليكم فى ال خصرتوه فى البورصه

[SAMER_ENGINES]

أولا كل سنة و أنتم و العالم كله يارب بألف خير و صحة و سعادة و سلام.........

و بالنسبة لأحسن حدث بصفة عامة بصراحة مش لاقي حاجة كويسة علي المستوي العام او يمكن مش فاكر و لو افتكرت حاجة حكتبها.
بس أكتر حاجة علي المستوي الشخصي هو اني بدأت شغلي في الورشة مع زميلي و صديقي منتظر التعيين ايضا في شركة كبيرة خلال الأسبوع القادم إن شاء الله.
و اكتر شئ احزنني هو قتل ابنة الفنانة الكبيرة ليلي غفران هي و صديقتها و بجد لو طولت الكلب اللي عمل كدة مش هقتله بس هربطه و اقطع من جسمه كل يوم حتة صغيرة لحد ما يقرب يموت و مش حسيبه يموت لا حنقذه من الموت عشان اعذبه كمان و كمان و بجد الله يرحمهم و ربنا يصبر اهلهم و اصدقائهم.
و الحدث المؤلم التاني هو قتل الظابط المصري الشهيد علي حدودنا مع فلسطين بأيدي غادرة و آثمة و برضه بقدم تعازيا لزوجته و اهله و اصدقاؤه و ربنا يصبرهم.
و حاجة تانية اني غلطت في صديقة ليا و انا مش من طبعي ابدا اني اغلط في حد و خاصة لو كانت بنت طبعا و دي بالنسبة لي مآساة بكل المقاييس و رأيي اني اللي يعمل كدة يبقي انسان همجي متخلف بس هو الموقف اللي مش ممكن احكيه هو اللي خلاني اقول كلام ميتقالش و بجد كان معنديش ريحة الذوق او الدم في الموضوع ده, لكن الحمد لله اعتذرت لها بشدة و قبلت اعتذاري بس انا اللي مش مسامح نفسي و ربنا يغفر لي و يسامحني.

[Samir Elshahawy]

عام سغيد عليكم جميعا

بالنسبة الي أهم الاحداث خلال عام 2008

اولا.. علي المستوي الشخصي..
1- أعتزال العمل بالبحر و بدء العمل بالبر في مجال التفتيش و المعاينات البحرية
2- أنضمامي و حصولي علي شرف عضوية نايل موتورز
3- الحادث الاليم الذي تعرضت له في بداية الشهر و الذي انتهي علي خير و الحمد لله و عادت بعده سيارتي أفضل مما كانت

ثانيا.. علي المستوي المحلي..
1- حصول منتخب مصر لكرة القدم علي بطولة كأس الأمم الأفريقية بغانا للمرة السادسة و الثانية علي التوالي
2- حريق مبني مجلس الشوري
3- حادث الدويقة المؤسف

ثالثا.. علي المستوي العربي..
1- حصار غزة و الاجتياح الفلسطيني للحدود المصرية
2- الغارات الاسرائيلية الاخيرة علي غزة

رابعا.. علي المستوي الدولي..
1- فوز باراك أوباما في سباق الرئاسة الامريكية ليصبح أول رئيس للولايات المتحدة الامريكية من أصل أفريقي مسلم
2- حادث ضرب الرئيس الامريكي بوش بحذاء في العراق
3- أحداث القرصنة البحرية بمنطقة القرن الافريقي و خليج عدن