جماهير الإسماعيلي .. ليه كدة !؟

[MoToRiZeR]

منذ ثواني إنتهي لقاء الأهلي و الإسماعيلي بالإسماعيلية بفوز الأهلي 1-0

في نهاية اللقاء خلع المشجعين الكراسي بتاعة الأستاد و حدفوها عالجهاز الفني للأهلي في الملعب و علي اللعيبة!

ده غير إنهم ولعوا في الملعب بشكل حرفي في الشوط الأول ، و انا سمعت ما قبل المباراة عالراديو و انا راجع البيت .. كان لا شئ سوي شتائم قذرة في الأهلي و لعيبته !

أولاَ ده ليه ؟ ده ناديهم اللي كسروه و مكنش فيه حاجة مستفزة في الماتش سواء من الأهلي أو من التحكيم عشان يتعصبوا أوي كدة .. ده فعلاَ زي ما قال شوبير إعتراض علي الهزيمة .. إعتراض علي الخسارة .. منظر غير مشرف بالمرة .. إمتي الشعب ده هيتعلم !!

مين هيتحمل الخسائر المادية في الأستاد .. و يا تري اما تتصلح هيكسروها تاني إمتي .

[essam_virus]

شعب ***** ***** خالص كلهم همجيه

لقد خالفت القاعدة رقم 13 لذا يتوجب حصولك على تحذير.

(إ.م.2)

[ضيف]

هل الأخوان من شعب غير مصري؟
قصدي لو مش مصريين و ضيوف من فضلكم راجعو ألفاظكم الموجهة إلى الشعب اللي انتما ضيوف عليه.

[human]

ده بسبب الاعلام اللى فيه ناس زى شوبير
هما اللى بيولعوها
والاعلام السازج اللى بيشحن الكلام ده بيعمل احتقان و كره
لما يكون عندك 2 اطفال ولادك واحد بطبطب عليه وتديله اللى عايزه عشان يجيب مجموع حلو ولما يشوف حاجه فى ايد اخوه الغلبان ياخدها منه كمان
والتانى بتديله فتات الاهتمام و تتعامل معاه اكنه عدو اكيد فى يوم هيقلب عللى اخوه ويكرهه

ده رد فعل طبيعى جدا جدا و متوقع

[Boody8882]

عادى خالص اللى حصل ده ورد فعل طبيعى من الإسمعلوية مع الأهلــى
يا راجل ده طول الماتش بيسبوا أبوتريكة بأفظع الشتايم . وقال بيقولولك قبل الماتش إحنا هنتحد مع جماهير الأهلى من أجل الأحداث اللى بتحصل فى غزة
ومن كام يوم برضه فى ماتش الباسكت بين الأهلى والزمالك جمهور الزمالك بهدل الصالة خالص
وهانت آهو وجمهور الزمالك هيكسر إستاد القاهرة
والله حلال فيهم اللى قاله أبوتريكه عليهم

[human]

تعليقك ابلغ رد للى بقول عليه
ده رد فعل طبيعى
حضرتك لو عندك وقت تفكر فى الموضوعة هتلاقى ان الشيتمه فى ابو تريكه مش عشان ابو تريكه
هيه عشان تتعب جمهور الاهلى لان ده الغالى بتاعهم
فالموضوع بيغيظوا فيهم من كتر احساسهم بالتفرقه
وده بيتسق مع المثل اللى شرحته

و مع احترامى ليك وللناس اللى بتحب ابو تريكه و لكن الكثيرين لا يرونه كما يصنعه الاعلام
فقد صنع الاعلام منه قديسا و نصبه اعلى المراتب فى لعب الكره سواء لعب ام لا
حسنى عبد ربه كان احسن لاعب فى البطوله الافريقيه و ادوا لابو تريكه احسن لاعيب السنه ديه رغم انه كان موسم سىء جدا لابوتريكه و جوزيه تسابقوا عشان جايزه احسن مدرب رغم ان حسن شحاته عمل اللى مايتعملش بالمنتخب

و لو حضرتك ناسى جماهير الاهلى عملت ايه السنه اللى فاتت فى الدورى السله ابقى دور فى الاخبار و شوف الفريق نفسه عمل ايه

لما تجمع النقط هتلاقى ان ده وضع متناسق جدا

[badblood]

هما طول عمرهم كدة حقد وغل وقلة ادب ويموتوا بغظيهم

[Boody8882]

تعليقك ابلغ رد للى بقول عليه
ده رد فعل طبيعى
حضرتك لو عندك وقت تفكر فى الموضوعة هتلاقى ان الشيتمه فى ابو تريكه مش عشان ابو تريكه
هيه عشان تتعب جمهور الاهلى لان ده الغالى بتاعهم
فالموضوع بيغيظوا فيهم من كتر احساسهم بالتفرقه
وده بيتسق مع المثل اللى شرحته

و مع احترامى ليك وللناس اللى بتحب ابو تريكه و لكن الكثيرين لا يرونه كما يصنعه الاعلام
فقد صنع الاعلام منه قديسا و نصبه اعلى المراتب فى لعب الكره سواء لعب ام لا
حسنى عبد ربه كان احسن لاعب فى البطوله الافريقيه و ادوا لابو تريكه احسن لاعيب السنه ديه رغم انه كان موسم سىء جدا لابوتريكه و جوزيه تسابقوا عشان جايزه احسن مدرب رغم ان حسن شحاته عمل اللى مايتعملش بالمنتخب

و لو حضرتك ناسى جماهير الاهلى عملت ايه السنه اللى فاتت فى الدورى السله ابقى دور فى الاخبار و شوف الفريق نفسه عمل ايه

لما تجمع النقط هتلاقى ان ده وضع متناسق جدا

وهو من إمتى وأبوتريكة بيتشتم علشان يغيظوا جماهير الأهلى ,
بص أبوتريكة ماتشتمش فى حياته بالمنظر ده إلا مرتين المرة دى والمرة اللى كانت فى ماتش الكأس مع الزمالك وكل اللى قدر عليه ساعتها إنه يشاورلهم إنهم يخرصوا .
طول عمر اللاعيبة المحترمة عمرها مبتتشتم بعيد بقى عنهم أنديتهم إيه ولا مهارتهم إيه والأمثلة كتير
والإعلام اللى صنع منه قديسآ ونصبه فى أعلى المناصب الكروية فبتهيألى إنه يستاهل واحد بأخلاقة وتواضعة وتدينه ومهاراته وأهدافه المصيرية اللى ياما جابت بطولات لمصر والأهلى ميستحقش يكون فى أعلى المناصب الكروية وهل كل اللى أجمعوا على كده من نقاد وجمهور و منافسين هل دول كلهم أعطوه أكتر من حقه
يا راجل ده مفيش حد فى مصر مبيحبش أبوتريكة
وهما بيتشتموا علشان هو الغالى بتاع الأهلى طب مهو طول عمره الغالى إشمعنا اليومين دول إفتكروا
أنا عارف إن ممكن يكون فى دفاع عن أبوتريكة وتحيز
بس ده واحد ميعرفش يشوح لجمهور أو حتى يبادل الجمهور الشتايم زى ما الكل بيعمل ,
فا لما يحصل معاه كده تبقى حاجة غريبة وتستحق الكلام فيها

وكمان حسنى عبدربه مين ده وفين عروض الإحتراف اللى كان بيحكى عليها من الأرسنال وميلان والحورات دى كلها أخره فين دلوقتى آهو فى الإمارات بيجمعله قرشين وهيلف يلف ويرجع للأهلى برضه
وهما الناس اللى ادو أبوتريكة أحسن لاعب فى أفريقيا أهلويه ولا هما كمان بيدلوا أعلى المناصب الكروية دون حق


مع كامل إحترامى وتقديرى لحضرتك

[Boody8882]

إتفرج يا باشا جمهور الإسماعيلى عمل إيه النهاردة
جهمور الإسماعيلى اللى دايمآ سباق فى كل حاجه




هل أبوتريكة يستحق كده من شعب فى الأول والأخر هو شعب مصرى

[Abo_Lina]

الغريب ان الماتش ماكانش فيه حاجة تستاهل ده كله
لا هدف ملغي و لا بنالتي ماتحسابش و لا اي حاجة تستاهل الثورة دي..

و في الاخر كسرو الاستاد بتاعهم باديهم

[khaledazizeg]

شعب ***** *****خالص كلهم همجيه

يا ريت يا جماعة ما نجمعش انا اسماعلاوى وبحب الاسماعيلى لكن ما بحبش التعصب فى الكورة انا بحب اتفرج عليها للمتعة فقط وبصراحة ما عجبنيش الناس الى كاتبين رابطة محبى باتشوكا يا جماعة احنا مصريين يعنى المفروض نشجع بعض ونبقى مع بعض وانا والله كنت بشجع الاهلى لما كان فى اليابان لانه فريق مصرى وانا مصراوى
فى الاخر احب اوضحلكوا ان ديه قلة مططرفة

[khaledazizeg]

ده بسبب الاعلام اللى فيه ناس زى شوبير
هما اللى بيولعوها
والاعلام السازج اللى بيشحن الكلام ده بيعمل احتقان و كره
لما يكون عندك 2 اطفال ولادك واحد بطبطب عليه وتديله اللى عايزه عشان يجيب مجموع حلو ولما يشوف حاجه فى ايد اخوه الغلبان ياخدها منه كمان
والتانى بتديله فتات الاهتمام و تتعامل معاه اكنه عدو اكيد فى يوم هيقلب عللى اخوه ويكرهه

ده رد فعل طبيعى جدا جدا و متوقع

كلام سليم 100%

[khaledazizeg]

إتفرج يا باشا جمهور الإسماعيلى عمل إيه النهاردة
جهمور الإسماعيلى اللى دايمآ سباق فى كل حاجه




هل أبوتريكة يستحق كده من شعب فى الأول والأخر هو شعب مصرى

بصراحة وحشة جدا الحركة دية وبرضوا بكرر من قلة مططرفة
وانا من الناس الى بحب ابو تريكة لانه محترم وخلوق وكمان بيستخدم عقلة قبل رجلة مع الكورة
واحب اقول لابو تريكة

[Sharky]

إيه الجديد يا جماعة
هو دا جمهور الإسماعيلى كل همه إنه يكسب الأهلى و خلاص و لما كالعادة مايقدروش نتيجة لقلة حيلتهم يقوموا يشتموا فى الأهلى و جاهيره و يكسروا الإستاد

الموضوع ببساطة لو إقتنعوا فعلا إن الاهلى أقوى منهم و طبيعى إنوا يكسبهم حيلاقوا الحياة بقت حلوة و زى الفل

لكن طول ما نغمة إن الإسمعايلى أقوى و الأهلى بيكسب بلحكام و إنهم عاطول عايشين دور الشهيد المظلوم عمرهم ما حيتغيروا

طب ما الاهلى لما كان وحش و بيتغلب من الإسمعايلى بالأربعات معلمش جمهور الاهلى زى الإسماعيلى ليه ؟؟
لإنه كان مقتنع و عارف إن فرقته ضعيفه
دا حتى لما كان الأهلى فى عز مجده و إتغلب فى القاهرة 3-0 جمهور الاهلى كان فى قمة الإحترام و فى اخر الماتش شجعوا لاعيبة الأهلى

هو دا الفرق بين الاهلى و الإسماعلى

ده بسبب الاعلام اللى فيه ناس زى شوبير
هما اللى بيولعوها
والاعلام السازج اللى بيشحن الكلام ده بيعمل احتقان و كره
لما يكون عندك 2 اطفال ولادك واحد بطبطب عليه وتديله اللى عايزه عشان يجيب مجموع حلو ولما يشوف حاجه فى ايد اخوه الغلبان ياخدها منه كمان
والتانى بتديله فتات الاهتمام و تتعامل معاه اكنه عدو اكيد فى يوم هيقلب عللى اخوه ويكرهه

ده رد فعل طبيعى جدا جدا و متوقع

مع إحترامى لكلامك يا طارق باشا
دا الكلام إللى بيحاول إدارة و إعلام جمهور الزمالك و الإسمعايلى يقنعوا بيه نفسهم نتيجة لقة حيلتهم و لهزائمهم المتكررة من الاهلى و هو دا فى الاخر إللى بيولد العنف و الشغب

[human]

عزيزى شاركى

إعلام جمهور الزمالك !!
و ده فين؟!!!

و على فكره ماحدش قال الكلام ده ده انا اللى بقوله و رأى خاص بعيد عن اى تعصب لان انا فى الاساس مش متعصب للزمالك و مش متعصب للاسماعيلى و اكيد مش للاهلى

ده وضع عام و طريقه للشرح ازاى الصوره اللى انت شايفها هنا مختلفه الناحيه التانيه

و الصوره القبيحه اللى الجمهور حاطتها لابو تريكه ده نوع من الرد على اللى قاله ابو تريكه فى قناه الاهلى (القافله تسير و كملوا انتوا الباقى)
انا لا بتهم ابو تريكه (يقول اللى يقوله هو حر) ولا بدافع عن جمهور الاسماعيلى
بس لازم تشوف كل ناحيه شايفه ايه قبل ما نهاجم و نقول الناس همها تكسب الاهلى

يا جماعه فى المحافظات الى زى الاسماعليه و بورسعيد و كده هما عندهم احتقان اصلا من النظام و الدوله و طالع عينهم فلما فريق زى الاهلى هما شايفينه مدعوم من النظام بيكونوا كارهينه اكتر
الموضوع اجتماعيا اكبر من ماتش كوره

و كمان الماتش ده متأجل للاسماعيلى عشان الاهلى كان فى بطوله افريقيا نفس الموقف لما الاسماعيلى كان فيه اترفض التأجيل قبل كده


يا جماعه يا ريت فى تحليل اى شئ نحاول نشوف الصوره اللى من ناحيتنا و من الناحيه التانيه

لو بتتابعو الكوره على النت هتلاقوا الاهلاويه دايما بيشتموا فى الاسماعلاويه على طول
فيه حاله كره و ده ليه اسباب قديمه جدا و حديثه كمان



شاركى إعلام جمهور الزمالك !! نجيبه منين ده و بيطلع فين؟!؟؟