شوروا عليا قبل ما ارتكب جناية

[sendrella]

انا هقول لحضرتك حاجة واحدة بس
تفتكري هو دلوقتي مش في ممل ووحدة و هو متغرب وطالع عينه علشان الجواز و متطلباته و مستقبلكوا بعد كده
وجواه اكتر من اللي جواكي ده 100 مرة
اه علي فكرة انا زيه بالظبط في كل حاجة رفضها

انت عندك حق
انا عارفة انه تعبان جدا في غربته
بس مش عشان هو تعبان في الغربة يبقى انا كمان اعيش الملل ده
و الموضوع يا جماعه مش موضوع شغل و بس
المشكله في الفرااااااااغ في حد ذاته
نفسي املاه بأي حاجة

[sendrella]

أختى سندريلا

نصيحة من أخت كبيرة لكى و خبرت الكثير فى هذه الحياة و رأيت الكثير من أصناف البشر و طرق تعاملهم مع المواقف.

نصحك الكثير من الأخوة و الأخوات بالكثير من النصائح الرائعة و اشترك الأخوة فى المنتدى فى وجهة النظر مع زوجك المُستقبلى و تحدثوا بوجهة نظرهم كرجال و لكن سؤال يجب أن تسأليه لنفسك و لا يستطيع أى أحد أن يرد عليه سواكى؟

ماذا أريد حقا؟ماذا أريد أنا؟ماذا تريد سندريلا؟

انتى الآن تشعرين بالملل و السأم الشديد و الفراغ و لكن لماذا قرنتى هذا الشعور بالملل بعدم العمل أو عدم الانشغال بأى شئ ، مثلاً ممكن أن تعملى و فى نفس الوقت تشعرين بالملل ، ففى كلامك انتى قرنتى سعادتك بالعمل فى مجال (المُحاسبة) فقط ظناً منكى أن هذا هو الأفضل لكى و لكن حبيبتى كما قال الله تعالى فى سورة البقرة ( و عسى أن تكرهوا شيئاً و هو خير لكم و عسى أن تحبوا شيئا و هو شر لكم و الله يعلم و أنتم لا تعلمون) اعلمى يقيناً أن كل شئ بقدر و أن قدر الله لا يأتى الا بخير و أن زوجك المُستقبلى ما هو الا وسيلة من وسائل الله فاذا أراد الله لكى أن تعملى فسيلين زوجك و يوافق.

و لكن نصيحتى لكى هو أن تنظرى للموضوع بأفق أوسع و لا تقصرى سعادتك فقط فى العمل و الخروج فهناك أشياء كثيرة تشغلى بها وقتك تعود بالنفع الشديد عليك و على كل من حولك مثل:

الذهاب الى أى مسجد قريب و الالتحاق بحلقة تحفيظ(و انتى قلتى انها يومين فقط فى الأسبوع و لكنكى عندما تنشغلى بحفظ كتاب الله ستجدى نفسك مشغولة طوال الأسبوع)

تعلم العلم الشرعى مثل الذهاب الى المسجد و حضور مجالس الذكر.

أن تنشغلى بالعمل الخيرى التطوعى حتى و انتى جالسة فى بيتك بالقيام مثلاً بعمل اطعام يومى لعدد من الأسر.

و الله اذا قمتى بهذه الأمور ستجدى أنه لا يوجد للملل طريق فى حياتك

و كما قال جميع الأخوة و الأخوات ما خوف زوجكى عليكى الا هو علامة حبه لكى و هذا يكفى حبيبتى لأن قوام أى علاقة انسانية الحب و المودة و الرحمة.

وفقك الله لما فيه الخير كله.

والله يا مسلمة كلامك مريح جدا جدااااااا جداااااااااااااا
و يظهر كدة مفيش غير الحلين دول
انى اسلم امري لله تعالى
و اقبل الامر الواقع او افضل اعمل شوية محاولات و يا صابت يا خابت
بس ميمنعش برضه من شوية محاولات لشغل وقت الفراغ
و شوية المشاكل دي كان لازم تحصل لزوم الحياة

تسلمي بجد يا حبيبة قلبي على كلماتك العطرة:k10:

[sendrella]

وواضح ان تفكير معظم الرجال واحد وتفكير معظم الاناث واحد
ومحدش بيقدر يغير تفكير حد

انتى جبتي من الاخر يا نور القمر
فعلا تفكير الرجاله واحد و تفكير الستات واحد
ربنا يلطف بينا
بس ان شاء الله احاول يبقى ليا وقفه
و ان معرفتش اقفها يبقى يلطف ربنا بقى




طب انتوا عارفين يا جماعه انا من ضمن الاقتراحات
واحده قالتلي قبل كدة
افضلي زني عليه زن زن زن زن زن زن
و الرجاله كلها بتكره الزن جدااااااااا
و الستات مبتزهقش من كتر الزن ابدا
و كل ما تزني على ودانه اكيد هييجي عليه وقت و يزهق فيوافق
انا شخصيا بفكر اطبق موضوع الزن على الودان امر من السحر
و ربنا يسترها بقى من العواقب

ادعولي انتصر

[SAMER_ENGINES]

كان الله في العون و انا عمري ما هعمل كدة مع خطيبتي ابدااااااااااااا
و انا لو منك كنت .................. بس طالما انتي راضية بكدة انتي حرة لكن بصراحة و لا بلاش لا تزعلي مني و انا جاي انصحك مش ازعلك بس انا شخصيا رافض للأسلوب ده في التعامل بين الراجل و الست تماما و هو يرضي انك كل مشوار يروحه تقولي له لا و متروحش و انا خايفة عليك او بغير عليك شوفي لو هو يرضي بكدة خلاص و امنعيه فعلا يروح بعض الأماكن اللي ممكن تضايقك اني خطيبك بيروحها يعني لو بيروح قهوة او كافيه مع اصحابه اخنقيه و قولي له انا محبش خطيبي يروح اماكن زي كدة.
انا رجل بس ضد تسلط الرجااااااال نهائيا.

[wesam_salom]

انتى جبتي من الاخر يا نور القمر
فعلا تفكير الرجاله واحد و تفكير الستات واحد
ربنا يلطف بينا
بس ان شاء الله احاول يبقى ليا وقفه
و ان معرفتش اقفها يبقى يلطف ربنا بقى




طب انتوا عارفين يا جماعه انا من ضمن الاقتراحات
واحده قالتلي قبل كدة
افضلي زني عليه زن زن زن زن زن زن
و الرجاله كلها بتكره الزن جدااااااااا
و الستات مبتزهقش من كتر الزن ابدا
و كل ما تزني على ودانه اكيد هييجي عليه وقت و يزهق فيوافق
انا شخصيا بفكر اطبق موضوع الزن على الودان امر من السحر
و ربنا يسترها بقى من العواقب

ادعولي انتصر

ممكن اقول بس كلمه صغيره
خدى بالك الزن اخرته وحشه
يعنى ممكن يوافق وهو متضايق هيبقى غصب عنه
وفى الحاله دى هيبداء يكره اسلوبك=== يبداء يكرهك
ممكن برده يحكم رأيه ويقولك لاء واخبطى *******
فى الحالتين انتى الخسرانه
الاول حاولى تشيلى فكره انه بيتحكم فيكى
وفكرى هو بيعمل كده ليه
وانتى هتعذريه

[sendrella]

ممكن اقول بس كلمه صغيره
خدى بالك الزن اخرته وحشه
يعنى ممكن يوافق وهو متضايق هيبقى غصب عنه
وفى الحاله دى هيبداء يكره اسلوبك=== يبداء يكرهك
ممكن برده يحكم رأيه ويقولك لاء واخبطى *******
فى الحالتين انتى الخسرانه
الاول حاولى تشيلى فكره انه بيتحكم فيكى
وفكرى هو بيعمل كده ليه
وانتى هتعذريه

بيني و بينك يا موبي
انا عارفه ان الزن اخرته وحشه
لو زنيت و وافق و هو متضايق
طب ياريييييييييييييييييييييييييييييييييييييييت

ده انا كنت اعمل ليله لوجه الله
و اعزمكوا فيها واحد واحد
اما بقى لو خلاني اخبط ..........
يبقى عليه العوض

[rockana9112007]

انا بعد أذنك عاوز اقول حاجة اهم حاجة فى العلاقة بين اتنين انهم يسمعو بعض كويس وأقصد بذالك انهم يحاولو يريحو بعض ويكونو متفاهمين مش كل واحد يفرض على الطرف التانى الحياة من وجهة النظر اللى شايفهااا
انا سايب لخطيبتى حرية القرار فى انهاا تشتغل او تسيب الشغل بالعكس انا بحب انها تشتغل عشان بحس بالملل اللى هيااا فية .انا كمان ببقى مشغوووول جداااا فى الشغل بتاعى ومش فاضى حتى انى اشرب شوية مية ..
فنصيحتى ليكى اختى العزيزة انك تصارحى خطيبك بمشكلتك الحالية وتقوليلو انك متفهمة مخاوفه بس مش سعيدة فى الوضع دة ولازم انتو الاتنين تحلو المشكلة دى مع بعض بالتفاهم ومحدش ييجى على التانى
ولازم يسمعك للاخر وانتى تسمعية للاخروتوصلو لحل يرضى الطرفين ويكون فية تنازل من الطرفين.
خالص تحياتى

[نور القمر]

حقيقي يا روكان انا بحييك على رأيك وكلامك ده
اهم حاجة في اي العلاقة بين الزوجين انهم يكونوا مريحين بعض وكل واحد حاسس بالتاني وبمشاكله وكل واحد يجي على نفسه شوية علشان المركب تمشي

[EZABY]

فنصيحتى ليكى اختى العزيزة انك تصارحى خطيبك بمشكلتك الحالية وتقوليلو انك متفهمة مخاوفه بس مش سعيدة فى الوضع دة ولازم انتو الاتنين تحلو المشكلة دى مع بعض بالتفاهم ومحدش ييجى على التانى

+1111111111

[SAMER_ENGINES]

نسيت اقولك حاجة مهمة جدا اني دلوقتي الحياة غير زمان الناس و حياتهم و اسلوبهم اتغير زمن الست أمينة و سي سيد خلاص انتهي اللي يحب يعيشه لازم يرجع بالزمن لورا و ده طبعا مستحيل.
دلوقتي الإتنين بيقعدوا مع بعض و بيتكلموا و يتفاهموا في أمور حياتهم و بيوصلوا لحل وسط مش فكرة تسلط رجل علي ست او تسلط ست علي رجل لا الفكرة ايه افضل الحلول اللي ممكن نوصلها و ترضي جميع الأطراف و يكون فيها الصالح للجميع.

[bassam266]

بصى يا سندريلا انا خاطب وبحب خطيبتى فوق ما تتصورى بس فيه حاجه اسمها غيييييييييره بس انا ملاحظ انك متضايقه اوى علشان بيقولك لا المفروض انك اما يقولك لا على حاجه متعمليهاش مش عشان انتى مجبوره انك متعمليهاش عشان سيادته قال لا انما متعمليهاش علشان الشخص اللى بتحبيه ممكن يزعل لو عملتيها يعنى متبقيش زعلانه اوى كده لو حطيتى ده فى دماغك حتستريحى كتير.

انا عن نفسى بحاول مخنقش خطيبتى بس فى حاجه بقى انا مبقولش على حاجه لا وخلاص انا بقول لا عشان كذا و كذا و بنتناقش لحد ما نوصل لحل و بصراحه هى متفهمه جدا و بتحرجنى بجد يعنى مثلا

هى:بسام انا صحابى خارجين و قلولى تعالى معانا و انا قلتلهم حشوف بسام و ارد عليكوا انت ايه رأيك(مع حبه دلع)
انا:طيب هما حيروحوا فين و حيعملوا ايه؟
هى:هيروحوا المكان الفلانى
انا (لو المكان ده مش عاجبنى): لا مينفعش عشان المكان ده كذا و كذا
انا (لو مفيش مشكله):اعملى اللى انتى شايفاه صح
هى: لا اللى انت عايزه
انا (مضطر):مفيش مشاكل روحى و اتبسطى

و لاحظى انه فى حاله مينفعش يبقى خلاص الموضوع انتهى و اتقفل.
و هى بتبقى فرحانه قوى اما تكلمنى تانى يوم و تقولى انا مرحتش اهه علشان مبقدرش على زعلك.
يعنى هى فرحانه علشان مبتزعلنيش مش زعلانه علشان مخرجتش مع صحابها.

اللى انا عايز اوصلهولك
طريقتك هى اللى بتخليه يقول اه او لا
انا زى اى راجل طبعا معظم الحاجات لا بس بالعقل لان فعلا كتر الكبت يولد الانفجار
لو كل حاجه لا ممكن تعمل حاجه من ورايا و مش حتقولى مش عشان هى بتعمل حاجه غلط بس عشان متزعلنيش ودى مصيبه

رأيى كلميه و قوليله انك مش مرتاحه على الوضع ده و انك بتحبيه و مش حتقدرى تستغنى عنه بس مش حتقدرى تعيشى على الوضع ده و قوليله انا عارفه انك جوزى و لك عليا كل الحقوق بس انا برضه مش بطلب حاجه غلط و واحده واحده و بالهداوه و ان شاء الله ربنا يهديه بس خلى بالك متتوقعيش حياه ورديه و كل حاجه ماشى يعنى لو ربنا هداه حيبقى زى حلاتى كده 10لا و مره ماشى و اهم حاجه ابعدى عن نبره التهديد و ابعدى عن الصوت العالى و وصليله انك مش عايزه تزعليه و ان اى حتجه حيقولها انتى مستعده تنفذيها علشان بتحبيه.و اعتقد انه حيقدر ده.

و بالنسبه لموضوع الفراغ فالاخوه الاعضاء قالوا فيه كفايه و رأيي حاولى تعملى حاجه جديده يعنى مثلا غيرى نظام الاوضه بتاعتك حيشيل جزء من الملل عن تجربه اقرى قرآن او اتعلمى حاجه جديده كده يعنى.
و ربنا معاكى و يوفقك.

[ringoo84]

بس لو انت مش مستحمله جوزك من دلوقتي فاكيد لا هو هيتغير ولا انتي واكيد هيجي وقت هتنفجري فيه لو فضلتي حاسه الاحساس ده فلازم تصرخيه بان انتي فعلا هتنفجري لان لو لاقدر الله حصل بعدين ممكن تكون العواقب ارخم من لو اتصارحتو دلوقتي ................
وعلى العموم انا شايف ان طلباتك للنزول وكدا عاديه فحاولي تتناقشي معاه وتعرفي ايه سبب الرفض ولو كان الرد بتاعه كدا وخلاص انا انصحك انك تاخذي موقف من دلوقتي لان بعد كدا هيكون الموضوع ممل والحب ساعتها موش هيطول .............
ويارب توصلو لحل وحولي تفهميه انه كدا مابيحافظش عليكي ولو بيحبك يكون واثق اكثر من كدا وحولي تقنعيه ان ده بالنسبالك احساس بعدم ثقه ...............ولو موش واثق فالناس الي هتتعملي معاهم يكون واثق فيكي انت ....................
ولازم تقنعيه ان كل المواضيع بينكم تكون بالاقناع موش كدا وخلاص انا قلت ولازم تسمعي الكلام لا لازم يقنعك ........
وده ميمنعش انك لازم تسمعي كلامه فاي حاجه حاسه انها تمس رجلتوا يعني ارضاء ليه ....
لان مينفعش تكونوا انتم الاثنين راجل فالبيت ..........
وربنا يهديهولك........

[sab3aawy]

اسمحوا لى اقول كلمتين فى الموضوع ده

اولا بالنسبة للأخت سندريللا فهقول لك ، لو النقطة دى كانت محسومة من الاول من ساعة ما عرفتهم بعض، يعنى هو شرطها وانتى وافقتى فهو له ان يتمسك بشروطه، من حقك ان تحاولى اقناعه بالعدول عن شروطة ومن حقة ان يوافق او يرفض حتى لو وصل الأمر للانفصال لأنه من الأول حط هذا الشرط، اما لو مكانش شرط الموضوع ده من الأول ومكنتوش اتكلمتم فيه قبل كدة يبقى انا ببساطة شايف انه مالوش انه يتحكم فى مصيرك بالطريقة دى، ما تم توقيعه بينكما كان عقد زواج وليس عقد بيع وشراء ،له بموجبه التزامات عليك، ولك بموجبه التزامات عليه، اذا وفى كل منكم بالتزاماته فليس للآخر ان يستعبده

اما بالنسبة لمن كان مثل هذا الشاب الذى يتعامل مع شريكه حياته باعتبارها " من بقيه املاكه" فاقول له ان عصر العبودية انتهى، وان فكرة "القوامة"التى اصبحت المعبر الذى يمر منه كل متسلط الى التحكم فى رقاب من حوله من النساء لاعلاقة لها نهائيا بكل هذا الجبروت والتحكم والتسلط الذى يمارسه الكثير من الذكور على من حولهن من الاناث ،وتذكر انك قد تضعف او تفلس او تمرض او تشيخ يوما فلا تجد غيرها بجوارك، وقتها ستحصد ما زرعته معها فان قمعتها فستجد هى الفرصة لترد لك ما زرعته فيها لسنوات، وان عاملتها معاملة ادمية فستجد منها حصاد معاملتك الطيبة

[human]

بكره يجيلك مولود يخليكى مش عارفه تبصى جنبك

[Ahmed_Elkhateb]

معنديش نصيحة انصحك بيها للاسف لان الحال من بعضة تقريبا
لا خروج ولا اصحاب ولا ..........الخ
هي نصيحة للرجال بلاش التسلط والتمسك بالرأي بالطريقة دي لان الضغط يولد الانفجار وما ادراكم الانفجار الناتج عن الفراغ
سندريلا لغاية دلوقت عاقلة ومش عايزة تزعله مع انه مسافر وتقدر تعمل اللي هي عيزاه لانها لسه في مرحلة كتب الكتاب والرومانسية بقه والحاجات بتاع افلام زمان
بس قدام شوية لما مرحلة الملل الزوجي تشرف بيتهم هتقدر تتحمل الطباع الصعبة دي اد ايه ؟!!!!!!!

انا مختلف يمعاكى يا نور فى رأيك هو الواحد لما يحب حد ويخاف عليه يبقى متسلط ومتمسك برأيه وكده لالالالالالالالا طبعا وبعدين الأيام ديه مفيش حاجه مضمونه خااااااالص ما كلنا عارفين اللى بيحصل فى التحرير للبنات وهيا ماشيه فى امان الله
والله قدام عينى كنت رايح اركب ميكروباص . فجأه عيل من اليعيال المتشرده عمل حركه فى بنت مقدرش اقولها طبعا فا هو ده جزاة اللى يخاف على اللى بيحبو معتقدش طبعا
بس ياريت تفهمو التسلط والخوف عليكو بالطريقه الصح وشكرا