حد تعرض للموقف ده

[hanystar]

وحياتك يا حبيب قلبى ما هياخد ربع جنية واحد منهم :k48::k48::k48::k48::k48:
k48::k48:

تحياتى د / إليشع
هو هياخد الفلوس اللى دفعها وكل حاجة
الفلوس دى مجرد إنهم يضمنوا إن الواحد هيروح مقر الشركة بتاعتهم بعد إغراؤه بالجوائز التى تنتظره .
وبعد ما الواحد يروح لمقر الشركة تبدأ حكاية النصب
بتسويق عقارات التايم شير ويحاولوا يوقعوا الواحد إنه يشترك فيها وميسيبوش لك فرصة إنك تفكر فى مميزاتها وعيوبها
ويقولوا هيعملوا تخفيض على قيمة شراء هذه الوحدات لو أشتركت معنا حالا - يعنى وانت قاعد معاهم
هو دة هدفهم مش موضوع الخمسين جنيه .
وبالنسبة للأستاذkliken أنصحك مادام هتسافر لهم مخصوص تستعوض ربنا فى الخمسين جنيه لأنه فى الآخر مشوار على الفاضى .

[eino666]

حصل معاك نفس الفيلم بالظبط محطه بنزين و سحب و كده
شكلها نصب نصب عامه انا اخدت منهم حاجات بتاع 20 مثلا هدايا يالا بقى ربنا يسامحهم على الباقى

لالا ربنا يجحمهم فى نا جهنم بالباقى مليم مليم
علشان دى ناس ماعندهاش دم

[totaa]

م/ محمد

محدش كبير على شباك النصابين والافاقين

أما بالنسبة لمسؤول المحطة هو مكدبشي عليك لأنك

لما هتروح هتلاقي ناس شيك أوي وفى مكان اشيك ولباقة مفيش زى كدة ..لكن النهاية عملية نصب كبيرة

طيب إحمد ربك جت على قد 50 جنيه

أحكيلك على موقف حصل معايا عشان ما تزعلشي ههههههههههههههههههههههههه

انا طبعا فى الامارات لقيت واحدة بتتصل بيا مبروك رقمك كسب معانا تعالى الفندق الفلاني فى المنطقة الفلانية عشان فى جوايز روعة طبعا هى سيادتها هندية بس بتتكلم انجلش وأجارك الله لما هندي يتكلم انجلش ههههههههههههههههه
فهمتها بطلوع الروح المهم روحت بالليل اشوف ايه النظام

طبعا هى مكدبتشي عليا الناس شيك اوي صراحة بدل آخر موديل ..برفانات ولا أحلى ..استيلات قصات شعر تجنن ههههههههههههه لباقة ولا أحسن ههههههههههه

طبعا انا شفت كدة قلت خلاص انا كسبانة كسبانة واااااااااااو
المهم أروح فين يا ناس . قالولى للسيد فلان طالما بتتكلمي مصري .....قلت طيب والسيد فلان ده قعد يرغي ساعتين

وعايز يبيعلي شاليه فى تونس عشان ال ايه لما احب اصيف بدل ما انزل مصر اروح تونس ويفضل الشالية ده بقة مقفول لحين وصول المغفلة هههههههههههههههه

قعدت اسمعه وانا محبطة من فجعتي ..فقلت له طيب يعنى ايه المطلوب بقة دلوقتى حالا عشان بجد بجد زهقت

فابتسم السيد الظريف وقاللى ابدا 33 الف درهم بس تخيلي !!!!!!! هتدفعي ياستى منهم دلوقتى لازم 15 الف
وباقي المبلغ هيتسدد على مش عارفة كام سنة ههههههههههه
قلت له طيب افرض انا رفضت؟ قاللى هتروح عليكي الفرصة والسعر الخرافى ده ......

قلت له طيب بليز عشان خاطري انا عايزة تروح عليا الفرصة دي واخدت ديلي فى سنانى وقلت يافكيك بس بصراحة كانوا هيعيطوا من االعصير اللى طلبته والنيس كافية والمية المعدنية ههههههههههههههههههههههه

انا مضربتهومش على ايديهم هما اللى كل شوية تطلبي ايه ياأفندم ومصممين فطلبت ههههههههههههههههههه

خدوووووووووووووووووا بالكم أرجوكم من القصص دي

اسفة للاطالة وتفبلوا تحيتي وفااااااااااااائق احترامي

[kliken]

انا متشكر لردودكم كلكم يا جماعه والهى انا مبسوك بالمنتدى جدا و سعيد انى بشارك فى المنتدى و انى اتعرفت على ناس محترمه جدا ما حدش بيبخل بنصيحه
و انا قررت مش هروح مش طالبه صداع حتى لو هاخد الخمسين جنيه مش فارقه بس متهيئلى لو رحت اكيد هيدوهانى لان زى ما استاذ هانى قال هو مش هدفهم الخمسين جنيه يعنى مش نصب اوى يعنى واخد بالك يا د/ اليشع
رأيكو كده ما اروحش متهيئلى مظبوط كدة

[kliken]

اسف مبسوط مش مبسوك

[TeXo]

انا رأي اه ما تروحش لإن حضرتك بتقول إن الحكايه فيها سفر صح ؟ يبقي لزمتها ايه بقي تعطل نفسك و كده ,,

ربنا يعوض عليك يا رب

:)

[د./اليشع ثابت]

انا متشكر لردودكم كلكم يا جماعه والهى انا مبسوك بالمنتدى جدا و سعيد انى بشارك فى المنتدى و انى اتعرفت على ناس محترمه جدا ما حدش بيبخل بنصيحه
و انا قررت مش هروح مش طالبه صداع حتى لو هاخد الخمسين جنيه مش فارقه بس متهيئلى لو رحت اكيد هيدوهانى لان زى ما استاذ هانى قال هو مش هدفهم الخمسين جنيه يعنى مش نصب اوى يعنى واخد بالك يا د/ اليشع
رأيكو كده ما اروحش متهيئلى مظبوط كدة

واااااااااخد بالى قووووووووووووى و متابع بأهتمااااااام
كأنى متابع فيلم اكشن :k48::k48::k48:
بس برضة مش هتاخد ال 50 لحلوح لاحو عليك خلاص
قصدى (راحووو)
بكلمك بجد اسأل مجرررررررررررب
والله بجد هيقولك عادى يا فندم بس المبلغ اتورد خزينة المقر الرئيسى للشركة فى المكان الفلانى
طبعاااااااا فى حالتنا كانت سويسراااااا يا كينج
وهو المقر الاب هههههه للشركة

[kliken]

ربنا يخليك يا باشا انا فعلا شكلى مش هروح

[hanystar]

انا متشكر لردودكم كلكم يا جماعه والهى انا مبسوط بالمنتدى جدا و سعيد انى بشارك فى المنتدى و انى اتعرفت على ناس محترمه جدا ما حدش بيبخل بنصيحه

سعدنا بمعرفتك م / محمد

[goofy_in_love]

أنت هتروح الشركة وهتاخد الخمسين جنيه وكل حاجة
بس هتقعد معاهم حوالى ساعتين أو تلاتة لغاية لما تصدع منهم وتبقى عايز تقوم تمشى وتسيبهم
عشان هم بيحاولوا يسوقوا وحدات عقارية بنظام التايم شير
ومافيش جوايز ولا حاجة من اللى قالولك عليها - كله نصب وبيع كلام بس .

كلام صحيح 100% بس متعملهاش تاني بقي

[kliken]

ماشى يا د/ اليشع راحو راحو مش مشكله هسمع كلام واحد مجرب و خلاص
و ربنا يخليك يا باشا و نستفيد من خبراتك السابقه دايما
شكرا ليك بجد مشاركتك و مشاركه كل الاصحاب

[goofy_in_love]

ربنا يخليك يا باشا انا فعلا شكلى مش هروح

لا روح طبعا اولا هتسترد فلوسك ان شاء الله ثانيا ممكن يكون في عرض من العروض اللي هيعرضوها عليك يعجبك و تبقي استفدت مع اني مفضلش انك تشترك مع الشركات دي في حاجه بس هما هيصدعوك بجد علشان كدا خد ام بي ثري معاك و سيبه يتكلم و اسمع انت بقي اغاني :k49: و كل شويه بص في الساعه و اتاوب و لما مش هيلاقي منك فايده هيمشيك و يقولك متجيش هنا تاني و خد فلوسك ايه و تبقي نفدت يا معلم من العصابه دي و الفل مبروووك

[kliken]

متشكر ليك استاذ هانى و انا اسعد بمعرفه سعادتك حبيبى

[damasry]

طب احمد ربنا انها جت على أد 50 جنيه.
يا راجل أنا أبن عمتي عايش في كويت و جه مرة هنا و برد في بنزينة و عملو عليه نفس موضوع بس هو للأسف شربو للآخر و أتدبس معاهم في عقد تايم شير و دفع 27 ألف جنيه و لحد دلوقتي مش عارف يصيف عندهم عشان الحجج إلي بيتلعوها كل سنة.

[kliken]

هو بصراحه انا فعلا ما ينفعش اشترك فى حاجه لانى لسه صارف القرشنات اللى معايا و جبت عربيه النترا و ما ينفعش اخش فى قصه فلوس و مصاريف و اقساط نهائى حاليا