حد تعرض للموقف ده

[kliken]

هو اشترك معاهم و كمان مفيش مصايف نصب نصب يعنى ربنا يستر علينا والهى النصب كتر جدا فعلا

[hanystar]

كلام صحيح 100% بس متعملهاش تاني بقي

ماشى هههههههههه
وأنت كمان متعملهاش تانى

[goofy_in_love]

ماشى هههههههههه
وأنت كمان متعملهاش تانى

ايه دا انت عرفت منين يا كسووووووووووووووفي :k48::k48::k48:

[دينا أبوالعلا]

هي حصلت معانا من زمان بس كان زمان ياخد منك 20 جنيه ويقطعها ياخد هو نص ويديك بص بس واضح ان الدنيا اتطورت المهم احنا خدنا ال20 .متهيالي هتاخد فلوسك بس لو المشوار هيكلفك ال50 جنيه يبقي ملوش لازمه تروح
دلوقتي بابا اول لما يشوفهم في بنزينه شكرا ويمشي
واضح من كلام الزملا ان في ناس فعلا مبترجعش حاجه خاااااااااااااالص
حسبنا الله ونعما الوكيل

[kliken]

حلوة 20 جنيه نصين دى بس انا فعلا شايف ان الشركه مش محتاجه لل 50 جنيه و لا حاجه هما بس عاوزين الناس تحضر و اللى هيجى هياخد ال 50 جنيه و الله اعلم طبعا بس اكيد من غير اى هدايا زى ما كل اخواتنا فى المنتدى اكدوا و بفكر جديا ما اروحش تبقى عطله على الفاضى طالما فيها ساعتين رغى و من غير اى مقابل هدايا او سحب زى ما قالو يبقى مالهاش لزمه

[tmz9111]

هو بالنسبة للخمسين جنيه هاترجع تانى و هاتخدها لما تروح الشركة بعد ما يحاول يقنعك حوالى 3 ساعات بالتايم شير

[kliken]

هو بالنسبة للخمسين جنيه هاترجع تانى و هاتخدها لما تروح الشركة بعد ما يحاول يقنعك حوالى 3 ساعات بالتايم شير

بس من غير سحوبات او جوايز او اى حاجه مظبوط

[kliken]

بقولكم يا شباب انا اتصلو بيا النهارده و بيأكدوا على الحضور و انهم مستنينى و قالولى خلاص اكيد جى و لا نتصل بيك تانى قلتلهم خلاص و اتأكدت منهم على نفس الكلام اللى قالو المندوب بتاعهم عن استرداد الفلوس والجوايز و الله اعلم
فتقريبا شكلى هروح و انا و نصيبى بقه
و لا ايه رأيكم

[mohmd76]

كثير جدا فى محطات التموين السيارات وايضا فى ش طلعت حرب
وفى مصيف راس البر
طبعا التعامل شكرا اذهب الى فرد اخر لا نريد الاشتراك

[smsmbakr]

بس ياسيدي انا حصلت معايا في مكان مميز جدا وهو سيتي ستارز في منطقة الأي زون الي فيها لعب الاطفال
وبدء ياسيدي مع واحد محترم جداااا اخر شياكة ((قاعد بقى في سيتي ستارز)))) وبيقول كمان انه من الفور سيزون
وبدء بالسلام وبعدين سألني سؤال هل معاك اي عملة ورقية بتبدء او بتنتهي برقم 5 ولا لأ ولو موجود هتكسب الجايزة
طبعا كسلت وقولتله لأ مش معايا
قام قايلي طيب رقم موبيلك في 3 ارقام فردية ولو كده تكسب برده
((((طبعا انتوا عارفين انه لازم يكسبك ياعني لازم يكسبك ))))
للأسف قولتلة اه
وبدءت القصة الي ضيع فيها اليوم
مبرووووك كسبت معانا
اسبوع في شرم لـ6 افراد شامل الافطار والمواصلات
و4 تذاكر دريم بارك
وعشاء فاخر في الفور سيزون لـ 4 افراد
ده غير انك تختار جايز من الجوايز الي في الكتيب
وغير سحب على عمرة
وسحب على عربية مرسيدس
كل ده ((( ليه هو انا فتحت مغارة علي بابا )))
قالي طبعا انت مستغرب الجوايز دي كلها ليه
قالي ده علشان بدل منعمل اعلان في التلفزيون يكلف فلوووس كتير فالفندق قرر يوزع جوايز بعد سحب غير الجوايز الثابتة زي شرم و وو و
قولتله وبعدين
وقعد يشتغلني شوية جامدين على فرع جديد للفور سيزون في السودان (((طبعا على النيل ))) و(((الفور سيزون الي في اكتوبر )))) والمشكلة كمان في فرع الفور سيزون الي في شارع الشارقة في محافظة دبي (((على سبيل انه بيشتغلني وانا بسمع )))
طبعا هو بيتكلم وانا ماسك نفسي
المهم في الاخر قولت فين الـــــ انا ؟؟؟؟؟
قام قايلي دلوقتي حضرتك تدفع 50 ج مقابل ايصال مختوم من الشركة والفور سيزون وبروح الشركة علشان الحفلة
وطبعا الشركة في مدينة نصر علشان اقتنع بالمكان
المهم قولتلة انا لما بصيف بروح اسكندرية قالي يبقى ممتاز يبقى بدل شرم يبقى اسمندرية في الفور سيزون الي هناك
قولتلة طيب انا مش عايز اكسب وشكرا ليك قالي لو مش مصدق ممكن تسأل المسؤول في الي زون (((طبعا زي بتاع البنزينة ))))
المهم الحمد لله خلعت بعد مصدعت
ياريت الكل يخلي بالة

[mrghost]

أنت هتروح الشركة وهتاخد الخمسين جنيه وكل حاجة
بس هتقعد معاهم حوالى ساعتين أو تلاتة لغاية لما تصدع منهم وتبقى عايز تقوم تمشى وتسيبهم
عشان هم بيحاولوا يسوقوا وحدات عقارية بنظام التايم شير
ومافيش جوايز ولا حاجة من اللى قالولك عليها - كله نصب وبيع كلام بس .

فعلا حصلت معايا مره ورحت مشوار لحد المهندسين وطلعت شركه تسويق عقارات
وفى تانى مره كانوا فى بنزينه توتال على الدائرى فى شهر رمضان قولتله لا انا مش هاقدر اجى الحفله بتاعتكوا
عارف عمل ايه؟ اخد الدواسات اللى كان مديهالى هديه!!!!!!!!!!!!!

[MEMES]

نصابيييييييين دول اكبر نصااابين هو حد بيدى هدايا فى البلد ديه

[kliken]

على فكره يا جماعه انا الحمد لله لسه راجع من السفر و رحت قابلتهم و اخدت ال 50 جنيه اول ما دخلت و بعدين قعد معايا واحد من الموظفين شرحلى نظام التايم شير معاهم و نفضتله راح قصر معايا الكلام على الآخر قعد معايا ربع ساعه بالظبط و راح قالى شكرا و ادانى هديه عليه مصدفه حلوة زى اللى بتتباع منها فى الحسين و خان الخليلى دة غير اللى العلبه اللى كان فيها حبه حاجات نضافه و فواحه و منظف تابلوة اللى اخدتها فى محطه البنزين يعنى ما اتضحكش عليا اوى يعنى بس طبعا مفيش سحب عربيه و جهاز كهربائى و لا حاجه بس و مشيت
بس طبعا هى الحمد لله جت سليمه الى حد ما بس طبعا اتعلمت و هنفض لاى حوار زى كدة تانى

[TeXo]

حمدالله علي السلامه

و مش مهم ان مطلعش في سحوبات و كلام من ده علي رأي المثل " اللي يجي منه أحسن منه "

يلا مبروك عليك الهدايا البسيطه دي و الف مبروك علي عودة ال 50 ج يا باشا

:)

[kliken]

حمدالله علي السلامه

و مش مهم ان مطلعش في سحوبات و كلام من ده علي رأي المثل " اللي يجي منه أحسن منه "

يلا مبروك عليك الهدايا البسيطه دي و الف مبروك علي عودة ال 50 ج يا باشا

:)

الله يسلمك يا باشا و ربنا يخليك
انا فعلا بينى و بينك ما كنش مهم هدايا و ال50 جنيه قد ما بصراحه مش عاوز اكون اتنصب عليا كان شكلى هيبقى وحش بينى و بين نفسى اوى اوى
بس الحمد لله جت سليمه و اتعلمت من الموضوع بصراحه و مبسوط برضه من مشاركات الاخوه هنا بصراحه كتير