سأشارككم القصة و لكم الحكم .

[MoToRiZeR]

أحببت أن أشارككم قصتي ولا أعلم لماذا .. ولدت في أسرة مففكة رغم كثرة عدد إخوتي .. نسكن في عمارة جدي كبيت عيلة و لكنني لا أتذكر يوماَ واحداَ منذ أن أبصرت عيني علي الدنيا تجمعنا فيه كاملين .. ولا حتي في الأعياد .. و كان جدي للأسف قد باع أحد الشقق (الشقة المجاورة لي) لأحد الأشخاص .. و ما حدث أن هذا الشخص بعد أن أنتقل و أسرته لبيتنا فكر في ضم شقتي لشقته و فتح الشقتين علي بعض .. و حينما عرض علي الموضوع لم أرضي بالطبع لأن هذه شقتي و مكاني الوحيد ! و حينما أكدت رفضي للفكرة و المبدأ بشتي الطرق و الوسائل .. ما كان منه إلا أن لجأ للبلطجة و الطرق الملتوية .. ففي يوم عادي بعد أن أستيقظت و قد تهيأت ليوم جديد إلا و أن وجدت مجموعة من البلطجية تكسر باب الشقة و تقتحم الشقة ثم قاموا بتكتيفي و ضربي ضرباَ مبرحاَ لإرغامي علي التنازل عن الشقة .. و لكني لم أرض رغم كل الألم و حذرتهم أن ما يفعلونه هو نهايتهم و أنهم يحفرون قبرهم بأيديهم .. فهم يتعدون علي في شقتي داخل بيت عيلتي !! و كنت أقول لهم أنهم سيكونوا محظوظين لو خرجوا من هذا المكان علي قيد الحياة .. و أن بمجرد ما يشعر أخوتي بشئ غريب سيأتون للإطمنان علي و تلقينهم درساَ قاسياَ .. و لكن المفاجأة أن أحداَ لم يسأل علي .. بل كان هؤلاء البلطجية يعرضون علي شرائط فيديو لأخوتي و هم يتبادلون الزيارات و الشاي و القهوة و الحديث و الضحكات مع الساكن البلطجي الذي يحبسني و يعذبني في شقتي ! و لكن ذلك لم يمهد لليأس طريقاَ داخل نفسي .. أعادوا تعذيبي مجدداَ و قاموا بتجويعي و تكسير أثاث المنزل و أقتلعوا أظافري فقلت لهم حتي و إن قطعتم أيدي و أرجلي لن أتنازل .. قطعوا أيدي و أرجلي .. و لم أتنازل .. و ما دام لي قلب ينبض فأنا ما زلت حياَ .. و ما زلت موجوداَ .. و لن أتنازل .. قد يكون لدي الرغبة في أن أبصق في وجوه أخوتي الذين يأتون لي محاولين إقتناعي بأنهم سيصلون لإتفاق مع هذا الساكن وهم يشاهدونني أتعذب و أموت موتاَ بطيئاَ ، و قد نسوا أن هذا بيتنا في الأساس و إذا سقط واحد فقد سقطت هيبة الكل .. و لكن ثقتي بالله تصبرني ، فأنا أؤمن بجنة الله حتي و إن كنت أعيش في جحيم علي الأرض .. نسيت أن أعرفكم بنفسي .. انا غزة .

[محمد عز]

ما تبلغ البوليس
اعمل محضر فى القسم

[محمد عز]

انا اسف كنت قريت اول السطور
مقريتش اخر الكلام

لك الله يا غزة

[أشرف العدوي]

انا بردو قولت الموضوع فيه لغز
لانك يا موتوريزر معاك هنا 30000 اخ و انا اولهم و كنت هبعتلك رسالة على الخاص فيها تليفوني و اجيلك اتعذب معاك و يقصولي ضوافري علشان بقالي كتير مقصتهاش

بس محاكاه رائعة و اهنأك على اسلوبك الرائع

[مدحت منيب]

((انا اسف كنت قريت اول السطور
مقريتش اخر الكلام

لك الله يا غزة )) !!
*****************

الكتابة عمل حسن

و فهمها احسن منها

و العمل بها أحسن منهما

[MoToRiZeR]

متقلقوش يا جماعة انا كويس لحسن شكلكوا كدة هتلمولي فلوس

دي هلوسة أخر الليل علي هلوسة إمتحانات ، بس انا بصراحة عداد القتلي عاملي أزمة و مش مخليني أعرف أعمل حاجة ، إحنا بقينا بنتعامل معاه أكنه عداد تانك في محطة بنزين عمال وررررررررر انا إنهاردة دخلت البيت علي ما غيرت هدومي كان زاد 30 قتيل !!

1203 قتيل في 20 يوم .. و الجرحي بجد حالاتهم .. الموت أفضل لهم! و الواحد بيشوف صور توجع القلب و تخليه يحس إنه تافه و هايف و عايش في رفاهية رغم كل السلبيات ، عالأقل إحنا عندنا رفاهية الحزن! هناك الواحد أهله كلهم بيموتوا قدام عينيه و يتقطعوا حتت و يا يجري و يهرب يا يموت جنبيهم .. و بيجري عشان يقتل في مكان أخر !

انا كتبت الموضوع لأن تخيلت إن اللي بيحصل ده بين مجموعة صحاب أو قرايب .. ده الواحد لو ماشي و شاف حد بيضرب صاحبه و بيتخانق معاه بيخش يضرب اللي بيضربه من غير ما يعرف إيه اللي حصل، و لو حد جه جنب أخوك ولا إبن عمك الصغير بيبقي يومه مش فايت .. ما بالكم ده دخل قتل و شوه فرع كامل في العيلة وسط أرضنا و تحت عنينا و محدش قاله بم ! موقف مخزي جداَ جداَ جداَ ، يلغي معني أي حاجة في الحياة .

[muslimah_dentist]

مُقاربة جميلة للواقع موتو.

لك الله يا غزة.

[hazzan32]

نصر قريب ان شأن الله

[ezzatfox]

انا بردو قولت الموضوع فيه لغز
لانك يا موتوريزر معاك هنا 30000 اخ و انا اولهم و كنت هبعتلك رسالة على الخاص فيها تليفوني و اجيلك اتعذب معاك و يقصولي ضوافري علشان بقالي كتير مقصتهاش

بس محاكاه رائعة و اهنأك على اسلوبك الرائع

و الله ضحكتنى بجد و انا مليش نفس اضحك
و شكرا لصاحب الموضوع

[eino666]

لقد اتفقنا نحن العرب على الا نتفق

لكى الله يا غزة

وفلسطين ابدا لن تموت

[fiatto]

وحشتنى ياموتو ودعواتى ليك بالتوفيق فى امتحاناتك .
متاخدش الموضوع اوى على اعصابك عشان تعرف تركز فى امتحاناتك ، من ناحية تانية بص ان مفيش حاجة ربنا بيقدرها لشخص او لأمة الا ولها حكمة حتى وان كانت مقتل مليون عراقى وألف فلسطينى ، بص من ناحية ان استبدال قوم بقوم آخرين بدأ خلاص بغض النظر عن الأسباب المؤدية لده لأنها فى الأول والآخر أسباب ، المهم ان لميلاد أفراد حكمة ولهلاك أمم حكمة ولموت أبرياء أيضاً حكمة .

[Lion_Heart]

سؤال هل فى حد اتبرع او حتى فكر انه يتبرع لأخوتنا فى غزة بأى شىء لضمد جراحهم , هناك الكثير من الطرق للتبرع ببنك فيصل او اى نقابة او جمعية من اللى بيعلنوا عن تقبل التبرعات بالطرق الرسمية بيتهيألى ان دى أقل حاجة ممكن نعملها قبل ان نحاسب فى الآخرة , وما يكونش لينا حجة يوم القيامة ,
بيتهيألى التعاطف مش كفاية التبرع فى الوقت الحالى هو اضعف الايمان .

[sendrella]

كنت هبعتلك رسالة على الخاص فيها تليفوني و اجيلك اتعذب معاك و يقصولي ضوافري علشان بقالي كتير مقصتهاش

ههههههههههههههههههههههههههههههههههههه
حلوة اوي
:k48::k48::k48:

[totaa]

بجد خيالك مبهر والقصة عجبتني جدا وبحييك على استخدامك رمز فى التعبير عن غزة ونقلك لمشاعر الخنوع والخضوع من كل العرب

لما انهارت كل القوى وخرست كل الاصوات وتحجرت كل القلوب مابقى بأيدينا سوى البكاء ورفع أكف الضراعة لله أن يرحمنا من ذلك الكرب وهذا الهم

ميرسي مرة اخرى ليك على هذا الموضوع

[bemocarlo]

الساكن يا محمود واحد من اثنين
1-يكون مستئاجر 2-يكون مالك
لكن اللي انته تاصده ده بلطجي ومغتصب
bemo,ire