عيادة الأسنان خدمة لأعضاء نايل موتورز.

[muslimah_dentist]

رابط موضوع د/أحمد سامى فى عيادة استشارية فى طب الأسنان

http://http://www.nilemotors.net/Nil...ad.php?t=12484

ماكنتش أعرف ان الموضوع مُكرر....المهم حصل خير.

[د./اليشع ثابت]

ياه يا نور ده انتى داخلة على طمع

عايزة أنا و د/اليشع نعمل بيزنس عليكى تقومى تدفعينا حق الكشف و الدوا كمان

طيب بس اعمليها و تعالى العيادة و أنا هأتوصى بيكى بشكل...

شوفتى يا دكتور مسلمة نور عايزة اية
جايين نشتغلها سبقتنا هى
لالالالالالالالالالا بس على مين
بس بجد نور طلعت مشكلة

[ABDULLAH AHMED]

السلام عليكم

انا الحمدلله سناني كويسة بس واحنا في رمضان في جتة صغيرة اتكسرت من سني وانا بفطر:p وبقيت حاسس السن كانو مبرد المهم كم يوم والاحساس ده خف
بعديها بشهرين تقريبا وانا باكل برضو حتة تانبة وقعت من سن تاني بس اكبر من الاولانية ولحد دلوقتي بحس ان الحتة دي بتكبر والسن كأنو مبرد

يا ريت اعرف ايه سبب المكشلة دي وعلى فكرة انا بشرب بيبسى كتير فممكن ده يبقى سبب ؟؟

وايه الحل

والف شكر ليكي مقدما

[Rembrandt]

السلام عليكم انا كان عندى مشكلة فى ضروسى عند البرد الشديد احس بالم رهيب فى ضروسى وسعات احس بطعم دم فى دكاترة قالولى ان دة التهاب لسة فى دكترة تانية قالولى ان المشكلة دى من العصب وخت ادوية وحجات تانية كتيرة بس ما فيش فايدة على وللعلم انى بغسل سنانى مرتين يوميابلمعجون والموضوع دة فعلا عاملى مشكلة لان فى اوقات كثيرة بكون متواجد فى اماكن باردة خارج مصر وبارك الله فيكى وجزاكى كل خير

[elassar2010]

ضروس العقل زى أى ضرس فى الفم لو مش مسبب أى مشاكل فمش لازم يتخلع.

معلومة مهمة : فيه بعض الناس بتفتكر ان ضرس العقل مُرتبط بالنمو العقلى المعرفى و هذا أبعد ما يكون عن الحقيقة ، هو سُمى ضرس العقل لأنه يظهر فى التجويف الفمى عندما يبلغ الشخص السابعة عشرة أو الثامنة عشرة من عمره أى يكون متواكباُ مع النمو العقلى المعرفى و مرحلة النضوج.

شكرا لردك وعلى المعلومات القيمة
الحمدالله طمنتينى انى مش هخلع دروسى
وجزاكى الله كل خير وربنا يوفقك

[muslimah_dentist]

السلام عليكم

انا الحمدلله سناني كويسة بس واحنا في رمضان في جتة صغيرة اتكسرت من سني وانا بفطر:p وبقيت حاسس السن كانو مبرد المهم كم يوم والاحساس ده خف
بعديها بشهرين تقريبا وانا باكل برضو حتة تانبة وقعت من سن تاني بس اكبر من الاولانية ولحد دلوقتي بحس ان الحتة دي بتكبر والسن كأنو مبرد

يا ريت اعرف ايه سبب المكشلة دي وعلى فكرة انا بشرب بيبسى كتير فممكن ده يبقى سبب ؟؟

وايه الحل

والف شكر ليكي مقدما

سيدى الفاضل حتة من أسنانك اتكسرت و انت بتأكل يبقى ، أكيد السن ده كان مسوس و ده اللى أدى من الضغط عليه أثناء قطع الطعام انه يتكسر.

و الدليل على كدة ان فيه حتة من سنة تانية اتكسرت يبقى انت لازم تروح لدكتور أسنان عشان يشوف أسنانك و يكشف عليها و ينظفها و يحشيها.

بالنسبة لشرب البيبسى ، البيبسى مش هتسبب وقوع الأسنان و لكن شرب السكريات مع عدم تنظيف الأسنان بالفرشاة سيؤدى الى التسوس و كثر شرب الكافيين(اللى موجود فالبيبسى زى الشاى و القهوة) يؤدى الى تكون صبغيات على سطح الأسنان الخارجى و ديه بتتشال بالتلميع.

[muslimah_dentist]

السلام عليكم انا كان عندى مشكلة فى ضروسى عند البرد الشديد احس بالم رهيب فى ضروسى وسعات احس بطعم دم فى دكاترة قالولى ان دة التهاب لسة فى دكترة تانية قالولى ان المشكلة دى من العصب وخت ادوية وحجات تانية كتيرة بس ما فيش فايدة على وللعلم انى بغسل سنانى مرتين يوميابلمعجون والموضوع دة فعلا عاملى مشكلة لان فى اوقات كثيرة بكون متواجد فى اماكن باردة خارج مصر وبارك الله فيكى وجزاكى كل خير

أسأل بس كام سؤال قبل ما أرد

حضرتك قلت ان فيه دكاترة قالوا ان عندك التهاب فى اللثة طيب هل قام الدكاترة بفعل الآتى
علاج اللثة
الكشف على وجود جيوب لثوية ام لا.

حضرتك قلت ان فيه دكاترة قالوا ان المشكلة من العصب طيب حضرتك بتعانى من ألم أثناء شرب الساقع و السخن.

ممكن أسأل حضرتك اذا كنت بتعانى من الجيوب الأنفية ، أما تيجى توطى يجيلك صداع أو متقدرش تكون فى حالة السجود فترة طويلة.

محتاجة حضرتك تجاوبنى على الأسئلة ديه قبل أما أرد.

و شفاك الله و عفاك من كل سؤ.

[muslimah_dentist]

شكرا لردك وعلى المعلومات القيمة
الحمدالله طمنتينى انى مش هخلع دروسى
وجزاكى الله كل خير وربنا يوفقك

أخى الكريم أنا سألتلك دكتورة تقويم على حالتك وقالتلى اذا كانت ضروس العقل ضغطت فعلاً على الفك و أدى الى اعوجاج الأسنان مرة أخرى يبقى لازم يتخلعوا.

و متخافش من خلع ضروس العقل ، ديه حاجة بسيطة و ربنا يوفقك لما فيه الخير.

[elassar2010]

أخى الكريم أنا سألتلك دكتورة تقويم على حالتك وقالتلى اذا كانت ضروس العقل ضغطت فعلاً على الفك و أدى الى اعوجاج الأسنان مرة أخرى يبقى لازم يتخلعوا.

و متخافش من خلع ضروس العقل ، ديه حاجة بسيطة و ربنا يوفقك لما فيه الخير.

شكرا لحضرتك
بس هو تعقيب صغير هو خلع الدرس مش حاجة بسيطة دة كافية حقنة البنج
وجزاك الله كل خير

[muslimah_dentist]

شكرا لحضرتك
بس هو تعقيب صغير هو خلع الدرس مش حاجة بسيطة دة كافية حقنة البنج
وجزاك الله كل خير

اذكر الله و انت بتأخد الحقنة و هى هتعدى بسلام .

شفاك الله و عفاك من كل سوء.

[Rembrandt]

أسأل بس كام سؤال قبل ما أرد

حضرتك قلت ان فيه دكاترة قالوا ان عندك التهاب فى اللثة طيب هل قام الدكاترة بفعل الآتى
علاج اللثة
الكشف على وجود جيوب لثوية ام لا.

حضرتك قلت ان فيه دكاترة قالوا ان المشكلة من العصب طيب حضرتك بتعانى من ألم أثناء شرب الساقع و السخن.

ممكن أسأل حضرتك اذا كنت بتعانى من الجيوب الأنفية ، أما تيجى توطى يجيلك صداع أو متقدرش تكون فى حالة السجود فترة طويلة.

محتاجة حضرتك تجاوبنى على الأسئلة ديه قبل أما أرد.

و شفاك الله و عفاك من كل سؤ.

فعلا يا دكتورة الله ينور عليكى انا فعلا بعانى من الجيوب الانفية وبستعمل بخاخ افرين من 5 سنوات ولا استطيع التنفس من انفى بدونها وفعلا لما بوطى بحس بدوخة وصداع
اما بالنسبة للمشروبات انا عانى مع المشروبات المثلجة فقط
وانا قمت بلكشف من قبل فى المانية عند دكتور متخصص فى الام الثة وادانى علاج اسمة vuchi sin
وبصراحة استريحت علية لفترو ولكنى اكتشفت انة بيسكن الالم اكثر من انة بيعالج واسف على الاطالة

[muslimah_dentist]

فعلا يا دكتورة الله ينور عليكى انا فعلا بعانى من الجيوب الانفية وبستعمل بخاخ افرين من 5 سنوات ولا استطيع التنفس من انفى بدونها وفعلا لما بوطى بحس بدوخة وصداع
اما بالنسبة للمشروبات انا عانى مع المشروبات المثلجة فقط
وانا قمت بلكشف من قبل فى المانية عند دكتور متخصص فى الام الثة وادانى علاج اسمة vuchi sin
وبصراحة استريحت علية لفترو ولكنى اكتشفت انة بيسكن الالم اكثر من انة بيعالج واسف على الاطالة

يبقى هى المشكلة كدة أخى الفاضل لأنك قرنت الشعور بالألم فى البرد الشديد و لو ركزت شوية هتلاقى انك فى الوقت ده بيكون عندك تعب فى الجيوب الأنفية و متهيألى الضروس اللى بتألمك هتكون موجودة فى الفك العلوى لأن بعض الجذور ممكن تكون نهايتها متواجدة فى الجيوب الأنفية مما يؤدى الى الشعور بالآم فى الضروس.

يبقى كدة المشكلة مش فى الأسنان ديه عند دكاترة الأنف و الأذن ، بمعالجة مشكلة الجيوب الأنفية هتلاقى ان الأمور اتظبطت معاك .

و لو حصل انك عالجت مشكلة الجيوب الأنفية و الوجع لسة موجود احنا فى الخدمة لأى استشارة تانية.

بالنسبة للألم عند شرب الأشياء المُثلجة ديه ممكن يكون ليها أسباب كثيرة:
حساسية فى الأسنان(علاجها يكون باستخدام معجون أسنان للأسنان الحساسة أو مضمضة للأسنان الحساسة أو ان الدكتور فى عيادته يعملك حاجة اسمها flouride application)

التسوس يؤدى أيضاً الى الاحساس بالألم أثناء شرب الساقع وأكل الحلو.(علاج التسوس يكون بالذهاب الى طبيب الأسنان و تنظيف الضرس و حشو الضرس)

وجود جيوب لثوية يؤدى الى الشعور بالألم أثناء شرب الساقع أو أكل الحلو.(علاجها بازالة البكتيريا المتواجدة فى الفراغات اللثوية و المتابعة الدورية للمريض)


شفاك الله و عفاك من كل سوء.

[rockana9112007]

دكتورة عندى سؤال انا عندى ضرس العقل اللى تحت شمال سوس وحتة منة انكسرت وهو اصلا جزء منة تحت الجلد(تحت السنة اللى قبلو) يبقى اية الحل اخلعو ولا احشية وبصراحة انا خايف من الخلع والعصب وكدة
ثانياا انا بصراحة عمرى ماهتميت بسنانى خالص بس عمرى ماشتكيت منهم بس فى الفترة الاخيرة حاسس ان سنانى وجعانى وحاسس انهم ضعاف فياترى دة نقص كالسيوم مع العلم ان انا مبحبش اشرب لبن من وانا صغير
او من الحاجة الساقعة مع العلم انى خففت منها كتير او من اية؟
وشكرااا جزيلااااا لاهتمامك

[muslimah_dentist]

دكتورة عندى سؤال انا عندى ضرس العقل اللى تحت شمال سوس وحتة منة انكسرت وهو اصلا جزء منة تحت الجلد(تحت السنة اللى قبلو) يبقى اية الحل اخلعو ولا احشية وبصراحة انا خايف من الخلع والعصب وكدة
ثانياا انا بصراحة عمرى ماهتميت بسنانى خالص بس عمرى ماشتكيت منهم بس فى الفترة الاخيرة حاسس ان سنانى وجعانى وحاسس انهم ضعاف فياترى دة نقص كالسيوم مع العلم ان انا مبحبش اشرب لبن من وانا صغير
او من الحاجة الساقعة مع العلم انى خففت منها كتير او من اية؟
وشكرااا جزيلااااا لاهتمامك

أخى الكريم بس عايزة أقول لحضرتك اللى فهمته انت بتقول ان ضرس العقل مسوس و حتة منه اتكسرت و الضرس ده برضه مش كله ظاهر فى التجويف الفمى و جزء منه مدفون
صح كدة؟

لو هو زى ما أنا فهمت انتا لازم تعمل أشعة على الضرس ده لأنه لو مدفون بشكل جزئى زى ما انتا بتوصف لازم يتشال و معلش لازم تستحمل و تشيله لأنه وجوده كدة ممكن يسببلك مشاكل .

طبيعى أسنانك توجعك لو انتا مش مهتم بيها و مش بتحافظ على صحة الفم ، ناس كتير بتفتكر ان مشكلة الأسنان التسوس و ده أبعد ما يكون عن الحقيقة لأن أمراض اللثة ديه ممكن تؤدى الى خلع الأسنان و الضروس بالكامل بدون وجود أى تسوس فيها لأن عدم الاهتمام بالنظافة اليومية أو صحة الفم يؤدى الى التراكمات الجيرية و الجير هذا ما هو الا بكتيريا فيؤدى الى التهابات فى اللثة التى يمكن أن تتطور الى وجود جيوب لثوية التى تؤدى بدورها الى فصل الأحبال التى تربط العظم بالجذر و الضرس بالضرس المجاور و الضرس و اللثة ،يعنى الموضوع كبير و لازم نهتم بصحة الفم.

بالنسبة للكالسيوم ده مالهوش علاقة بكالسيوم الأسنان لأن الكالسيوم اللى فى الأسنان اتكون أيام ما كنت جنين فى أول شهور الحمل لوالدتك.

و شفاك الله و عفاك من كل سوء.

[rockana9112007]

شكراااااااااااااا جزيلاااااا اختى العزيزة
انا بأذن الله هروح بكرة للدكتور وهشترى فرشة ومعجون هههههههه
خالص تحياتى