حد جرب ياخد قرض قبل كده؟

[NaderNabil]

حد جرب ياخد قرض شخصي من البنك؟

مثلا قرض بمبلغ 50000 جنيه....

ايه طرق السداد؟ لو افترضنا ان القسط الشهري هايبقي من 1000 ل 1500
كام الفايدة؟

ايه أفضل بنك؟

هل فيه تجارب تحب تشاركنا بيها؟

نوروني يا رجالة المنتدي عشان الواحد حالته صعبة خالص


((برجاء عدم الدخول في مناقشات الربا و حرمانية القروض و الفوائد و خلافه...شكراً))

[ibrahimsaad]

بنك ناصر يعتبر مناسب وفايدته 7% ويمكن التقسيط الى 5-7 سنوات

لكن تذكر ان الفائده مركبه ويشترط تحويل مرتبك على البنك ووجود ضامن ايضا

[د./اليشع ثابت]

حد جرب ياخد قرض شخصي من البنك؟

مثلا قرض بمبلغ 50000 جنيه....

ايه طرق السداد؟ لو افترضنا ان القسط الشهري هايبقي من 1000 ل 1500
كام الفايدة؟

ايه أفضل بنك؟

هل فيه تجارب تحب تشاركنا بيها؟

نوروني يا رجالة المنتدي عشان الواحد حالته صعبة خالص


((برجاء عدم الدخول في مناقشات الربا و حرمانية القروض و الفوائد و خلافه...شكراً))

ازيك يا نادر يا حبيب قلبى
الحقيقة يا نادر لو تقدر تدبر امورك نوعا ما
يبقى افضل من متاهة القروض و الخوض فى دهاليزها
لان ظواهر القرض تكون بفائدة 7 او 8 فى المائة
والحقيقة انها تصل الى 17 او 18 فى المائة
لانة بيستقطع جزء من المبلغ المقرض لك بنسبة معينة
يقولك مش عارف دمغة اية و كل قسط بتدفة برضة دمغة اية و هكذاااا
يعنى فعلا الفوائد النهائية تصل معاك ال 17% فما اعلى
دة غير قرف الضمانات و الاستعلام ودة بفلوس ايضا و هكذا
واى خدمة يا نادر بك
وتقبل حبى و تقديرى و احترامى لسيادتك

[A.Saad]

الاحسن تسأل فى كذا بنك
الفائدة فيها انواع
متناقصة ومتزايدة
السداد
قسط شامل فائدة ثابتة و او فائدة متناقصة
البنوك بتلعب فى كدا
اهتم كمان بالسداد المبكر يعنى لو حبيت تسدد قبل الميعاد
والمفروض كل ده يكون مكتوب فى عقد القرض
ما تعتمدش على الكلام الشفوى مع البنك اللى هتاخد القرض منه
لكن فى الاستعلام ممكن

[Dr.A.Nabil]

ابعد عن الحرام عشان ربنا يباركلك

[NaderNabil]

شكرا لكم بجد علي مساهمتكم....:)

و يا د/إليشع...انت فتحت عيني علي حاجات كتير هابقي أخد باللي منها....بس للأسسف...مش هاقدر أدبر أموري بالسهولة دي....هابقي محتاج سيولة في إيدي...و مش هاقدر أعتمد علي الدخل الشهري

ابعد عن الحرام عشان ربنا يباركلك

د/ أحمد...صدقني انا عارف ان الكلام ده هايتقال...عشان كده كتبت الجملتين دول:

((برجاء عدم الدخول في مناقشات الربا و حرمانية القروض و الفوائد و خلافه...شكراً))

شكراً...:)

[Dr.A.Nabil]

ربنا يهديك

[عمرو عمارة]

الأفضل أن تثق بالله......زي ما إنت كاتب في توقيعك

[M.Gamaledeen]

بص ياسيدي
ع المستوى العام
احسب انت عايز مبلغ كام, وعلى كام سنة

يعني لو 50.000 الف زي مانت قلت وعلى 5 سنين مثلآ
50000 * 7/100 = 3500 في السنة الواحدة
3500 * 5 (عدد السنين) = 17500 وده مبلغ الفايدة الإجمالي
17500 + 50000 = 67500 جم
67500 / 60 شهر = 1125 جم / شهر

والبنك بياخد 1 % من قيمة القرض - مصاريف إدارية
وبعدين فعلا ممكن شوية ويقولولك 40 جم دمغات , 40 جم مصاريف فتح حساب . . . يعني ...كلام فاضي
المهم
انت تقدر تتحكم في الفايدة بتقليل عدد الأقساط, يعني ممكن تسدد على 4 سنين أو 3 ونص . انت وظروفك
لكن اي بنك يعمل غير كده ما توافقش ابدااااااا:k26:
علشان انا عرفت إن في بنوك بتعمل حاجاااات غريبة مع العملاء
وربنا يوفقك ياباشاااااااااااااااا

[نور القمر]

نصيحة بناءاً على تجارب الكثير من معارفي بلاش موضوع القروض
في الاخر نتيجته خسارة مؤكدة ومتاهة ووجع قلب مع البنوك
قرايبي اخدو قروض بضمان اراضي كانت النتيجة انهم خسروا القرض والاراضي بسبب الفوايد والفوايد المركبة

[M.Gamaledeen]

نصيحة بناءاً على تجارب الكثير من معارفي بلاش موضوع القروض
في الاخر نتيجته خسارة مؤكدة ومتاهة ووجع قلب مع البنوك
قرايبي اخدو قروض بضمان اراضي كانت النتيجة انهم خسروا القرض والاراضي بسبب الفوايد والفوايد المركبة

عايز أقولك ان مش في قروض البنك بس ممكن الواحد يخسر كل حاجة
المهم اننا قبل ما نعمل اي خطوة نعرف إمكانياتنا ايه وهانقدر عليها ولا لأ

[fady.bekatcho]

انا عن نفسى لما جيت اخد قرض كان المبلغ موجود بس مش عايز اطلعة مرة واحدة وهو لما جيت اشترى العربية

فخد قرض من البنك بضمان شهادة

وكان بياخد ارباحه من الشهادة نفسها يعنى فوايد القرض كان بياخدها من فوايد الشهادة واسدد انا قيمة القرض بس

بس تفصيلة بالظبط مش فاكرها لان والدتى هيا الى عملت الموضوع كلة

[NaderNabil]

ربنا يهديك

علي أساس اني مجنون أو ضليت الطريق؟؟؟
بلاش يا دكتور الكلام الكبير ده....الحمد لله انا عارف كويس الكلام اللي بفكر فيه و حاسبها من كل ناحية....مش معني ان حضرتك مقتنع بحاجة يبقى اللي مش ماشي بيها أو مش مقتنع بيها يبقي غلط !!!

الأفضل أن تثق بالله......زي ما إنت كاتب في توقيعك

الحمد لله ثقتي بربنا ملهاش حدود....
و جملة حضرتك مش في محلها :)

[NaderNabil]

شكرا يا جماعة علي الردود و التجارب....أكيد ماكنتش هاعرف الحاجات دي من غيركم :)

[الإداره]

تم غلق الموضوع تلبياً لطلب كاتبة.

إدارة المنتدى2