سبــينــيس و المعاملة السيئـــة و بضائع أســوأ

[ecybrarian]

رحت من 4 ايام اشتري طلبات من سبينيز في سيتي ستارز. وجبت لحمة وفراخ. ولما روحت البيت شميت ريحة مش تمام من الشنط. قلت لنفسي يمكن اللحمة أو الفراخ زفرة شوية والزفارة هاتروح لما نغسل الحاجة. وبالفعل الريحة راحت. لكن لما جينا نطبخ.......أجاركم الله من الرائحة التي انتشرت في الشقة. بالظبط كأننا بنطبخ كلب ميت :x :x :x :x :x :x

حاولت أكلم خدمة العملاء (مش عشان اخد فلوسي لكن عشان انبهم للحاجة البايظة عندهم) المهم بعد 100 محاولة في عدة ايام من غير ما حد يرد، أخيرا في واحد رد. والبيه إللي رد علي بيقولي بمنتهى البرود ان انا إللي بوظت اللحمة وإن عالعموم معياد تغيرها فات (24 ساعة فقط) ...تصوروا :shock: :shock: :shock:

قلت له اديني اكلم مديرك، قالي مافيش لي مدير :twisted:

أعمل ايه..اشتكي المحل في القسم ولا في التموين ولا ادعي عليهم وخلاص

****
بصوا كمان الفضيحة دي

http://www.spinneys.com/

يعني كمان مدفعوش فلوس تجديد الاسم عالنت للموقع الاساسي


-----

تم تعديل العنوان لمخالفته قواعد المنتدى

---------

[CosmicOne]

u can complain in (جهاز حماية المستهلك)

[أبو عبدالله]

لازم تكلم جهاز حماية المستهلكين
لأن احنا لو سكتنا من دلوقتي والجهاز لسه شغال جديد
ولازم نفعله علشان الناس تعرف ان في حماية

[ib6log]

كثرة الشكاوى" لجهاز حماية المستهلكين " تظهر اخطاء المحلات، وقلة الشكاوى تظهر جودتهم وخطأ قلة من المستهلكين ، يعنى ماحدش اشتكى غيرهم.

[ecybrarian]

أولا أعتذر لمخالفة العنوان القديم لقوانين المنتدى. وثانيا ممكن اعرف ازاي اتصل بجهاز حماية المستهلك؟؟؟؟

[memo_hefnawy]

حصل خير و واضح جدا عدم تعمدك و يتضح أيضا حسن النية :)

المهم راجع الموضوع ده عن الرقابة على الجودة و حماية المستهلك :

http://www.nilemotors.net/Forum/viewtopic.php?t=4052

[محمد المشد]

لكن لى عتاب بسيط عليك وهو انك كان يجب عليك ان تتنبة لرائحة ما يتم شرائة خاصة اللحوم والاجبان وهذه عادة تعودت عليها ، حتى فى السعودية هذا الموقف حدث معى ولكننى رجعت على الفور الى السوبر ماركت ومعى الفاتورة ورجعت الفاسد وسمعت اعتذارات ملء السمع والبصر ، وسعادتكم لو كنت ذهبت للسوبر ماركت وامام الناس تتكلم ما كانوا فتحوا فمهم ولا كلمة ولكنك انتظرت اكثر من يوم وقمت بمكالمة هاتفية لا اعتقد انها ستكون سند لك
واكرر لك انك اذا ذهبت للمحل سوف يخافون من اى شوشرة او علو صوت ، او اى عميل يسمع ما تشكو منه ، ولذا انصحك وانصح نفسى بهذا الامر دائما ولا تتهاون فى حقك طالما انك على حق !!!!

[Karim_Monir]

نفس الكلام اللي كنت هاقولهولك قالة استاذ محمد المشد
انا باخد بالي قوي من روايح الحاجة اللي بشتريها
واتعودت بعد لف ودوران علي جميع انواع الماركت من مترو وحتي سبينس
لازم اشم منتجات البقالة واللحوم جيدا-وبعدين احنا في الصيف يعني لازم تقلق
لكن ممكن اقولك علي خحلاصة تجربتي في الموضوع
حاجات البيت بشتريها من المحمل والبقالة ورغم اني بتعامل معاهم من 4 سنين(فرع النزهة) الا اني لازم اصمم اتذوق قبل الشراء لانهم بيعتمدوا علي المورد الارخص دائما هم وجميع السوبر ماركت في مصر ولا تخجل لو تذوقتها وماعجبتكش انك ترفض تاخدها-دي البقالة
ومعاها اللحوم المصنعة
اما اللحوم البلدي لا استغناء عن الجزار وطبعا روحت لبدل الواحد 15 لحد ما استقريت علي واحد ربنا يباركلة بيبيع غالي بس اكتشفت ان الباقيين كلهم بيسرقوني سواء كم او كيف

نصيحة لو هتدخل المحمل يبقي يوم الخميس والجمعة عشان بيعملوا عروض جامدة
سبينس حادتهم كويسة ما عدا البقالة حسيتهم نصابين فيها وانت اكدتلي شكوكي

المهم بقي نفكنا من جلسة المشتريات دي :lol: :lol: :lol: :lol: :lol:

[ecybrarian]

انا شاكر ليكم جمعيا. اصل المشكلة ان انا جبت الحاجة إللي موجودة في اطباق متسلفنة. بس توبه بعد كدة هاحط عيني في وسط راسي لانه لايؤخذ المرء إلا من مأمنه.

[محمد المشد]

اصل المصيبة فى الاطباق المتغلفة ديت وعموما مش هتخسر حاجة لما تفتحها فتحة صغيرة وتشم رائحتها وعموما عوضك على الله ولن يكسبوا بأذن الله اذا كانوا يعلموا بذلك

[hazem_khidr]

كارفور حاجته مضمونه الي حد ما علي حسب تعاملي معاهم في الامارات كانو محترمين و ملتزمين و اكيد الاداره واحده هنا و هناك.

[معاذ الشرباصى]

هو فعلا نفس مالك كارفور فى مصر, هو مالك لكارفور فى منطقة الشرق الاوسط و الخليج (ماجد الفطيم)

بس الحاجات الغير مجمدة دى معرضة انها تبوظ فى اى مكان مهما كان درجة حفاظه على الاشياء

بس الاماكن المحترمة هى اللى بترجع الحاجات دى لما العميل يشتكى

[PRO-DRIVE]

دايما تلاقى تحذير بيقول اذا التجميد فك متجمدهاش تانى و غالبا ده اللى حصل