معرض الكتاب: اخبار واصدارات (متجدد)

[ecybrarian]

يناير موعد افتتاح معرض الكتاب فى دورته الحادية والأربعين والجمهور 23 يناير وبريطانيا ضيف شرف المعرض هذا العام وفاعليات ومشاركات وأنشطة ثقافية لهيئة الكتاب عام 2009

تقرر افتتاح معرض القاهرة الدولى للكتاب فى دورته الحادية والأربعين 21 يناير الجارى بأرض المعارض بمدينة نصر ، ويستمر حتى 5 فبراير القادم . يشهد المعرض هذا العام تطويراً جديداً فى شكله وأسلوب تنظيمه . وصرح د. ناصر الأنصارى رئيس هيئة الكتاب بأنه قد تم اختيار المملكة المتحدة البريطانية لتكون ضيف شرف الدورة الحالية الجديدة ، كما تقرر تحديد موعد معرض كتاب الطفل بحيث يتزامن مع بدء فاعليات مهرجان القراءة للجميع فى مايو المقبل 2009.

خصصت (سراى 15) للعرض فقط ، وباقى سراى المعرض للعرض والبيع ، ويفتتح المعرض للجمهور الجمعة 23 يناير.
==
الافتتاح الساعة 2 ظهرا..يعني بعد صلاة الجمعة وطبعا فاهمين لماذا؟؟ وسنوافيكم بأخبار المعرض الرسمية وغير الرسمية من داخل المعرض أولا بأول بإذن الله. كما سيتم ايضا في هذا الموضوع عرض لكتب واصدارات حديثة يوم بيوم إن شاء الله تعالى.

الموقع الرسمي للمعرض

http://www.cairoibf.org/A5bar-Index.html

[ecybrarian]

اين تجد كتب للاطفال؟

- مدخل الاتوستراد - (عربي/لغات)
نهضة مصر، دار الشروق، العبيكان

-سراي ايطاليا (لغات اجنبية فقط)
اوميجا، بيتا

- بجانب منطقة الطعام food court
سفير

- مدخل صلاح سالم
سراي 7 المخصصة لاتحاد الناشرين العرب بها ناشرين متخصصين في كتب الاطفال (عربي/اجنبي)

[TaoTao]

بارك الله فيك
ليه المعرض السنة دي بدأ متأخر وفي السر كدة؟! أنا من كام يوم كنت باسأل هو المعرض ماتعملش ليه وفجأة لقيتهم بيقولوا المعرض النهاردة!!

ربنا يسهل ويكون فيه وقت ونروح إن شاء الله

[itsonlyme]

بارك الله فيك
ليه المعرض السنة دي بدأ متأخر وفي السر كدة؟! أنا من كام يوم كنت باسأل هو المعرض ماتعملش ليه وفجأة لقيتهم بيقولوا المعرض النهاردة!!

ربنا يسهل ويكون فيه وقت ونروح إن شاء الله

لأ المعاد متحدد من زمان. السؤال هو ايه حكاية الساعة 2 ظهراً دي. الاجابة "لدواعي أمنية". مش عايزين مظاهرات بعد الصلاة. المصري اليوم بتقول أن البارح كان في تفتيش ذاتي للجمهور.

http://www.almasry-alyoum.com/article2.aspx?ArticleID=196030

[A.Saad]

بلد غريبة ....

[itsonlyme]

لسة جاي من المعرض. رحت على الساعة أربعة ماكنش في مكان للركنه على مدى البصر. ركنت في مكان بعـــــــــــيد تحت النزلة الجديدة بتاعت كوبري 6 أكتوبر في امتداد رمسيس. المعرض من جوه زحمة كالعاده. المعرض بيقفل الساعة 7 مساءاً بس أنا مشيت الساعة 7:15 كانت الناس لسه بتمشي ولسه في زحمة نسبية في المعرض.

بالنسبة لدور النشر والكتب المعروضه

الكتب العلمية:
موجوده في الأهرام (سراي 5) وكمان مكتبات صغيرة لكن كثيرة في سراي 3.

الروايات العربية:
طبعاً دي موجوده في أماكن كتير. بس أنصح بدار الشروق (عند مدخل ممدوح سالم) ودار ميريت (سراي 4)

الروايات الأجنبية
مكتبة الجامعة الأمريكية

طبعاُ المعرض عايزله كام لفه. زيارة واحدة مش كفاية.
بالنسبة لخريطة المعرض، ياريت كل واحد يضيف المعلومات اللي يعرفها للموقع ده

http://wikimapia.org/#lat=30.0690708&lon=31.3010198&z=18&l=0&m=a&v=2

[eng.octooo]

انا مابحبش الكتب غير ل عمر طاهر وبس

[Moh.Abdelbaset]

لسة راجع من المعرض
محستش بأي جديد ، مشفتش كتب جديدة

[itsonlyme]

لسة راجع من المعرض
محستش بأي جديد ، مشفتش كتب جديدة

مشفتش كتب جديدة؟ ضحكتني.

[جندى مجند]

سؤال يا جماعة ... أنا ناوى أروح المعرض ان شاء الله و حآجى بالعربية من اسكندرية بس مش عايز أروح المعرض بالعربية عشان الزحمة الفظيعة و مشاكل الركنة ... فإيه أفضل مكان أركن فيه العربية و آخد تاكسى لحد بوابة المعرض، بحيث و أنا راجع من المعرض أقدر برضو أوصل للمكان دة بسهولة؟ معلش أنا خبرتى بشوارع القاهرة حوالى 0% :)

[Ahmed Selim]

ممكن حضرتك تركن عند عمارات العبور فى صلاح سالم قبل المعرض بكيلو أو 2 وتاخد تاكسى بس الركنة مش مضمونة فى منتصف الأسبوع عشان عمارات العبور كلها شركات.

[AlmAhAtmA]

احمد جندي مجندي
عامل ايه يا حبيبي
واحشني جدا و اسكندريه كلها واحشاني

احمد لو حتيجي المعرض يوم الجمعه المرور بيكون خفيف و مش حتتعب ان شاء الله
انا من رايي تطلع من الاسكندريه بدري

[Moh.Abdelbaset]

مشفتش كتب جديدة؟ ضحكتني.

يارب تفضل مبسوط دائماً
انا أقولك اللي شفته
دار الشروق مثلاً فيها إيه :
كتب نجيب محفوظ كلها
كتب عباس العقاد والشيخ الغزالي وسيد قطب وعبد الرحمن الشرقاوي والشيخ يوسف القرضاوي وعبد الوهاب المسيري وكذلك جمال الغيطاني ودي كلها كتب موجودة من قبل المعرض
كتب د/جلال أمين وعلاء الأسواني مفيش فيها جديد
الصراحة الجديد اللي أول مرة اشوفه في الشروق هو الكم الكبيرمن كتب جمال البنا
ومعظم المعرض كتب دينية ودي كتب لأئمة المسلمين يعني موجودة من زمان واسطوانات تعليم اللغات
ومعيار في كتب جديدة أو مفيش ده معيار شخصي
حضرتك لو شفت حاجة جديدة قول للأعضاء هنا علشان يستفيدوا
تحياتي

[جندى مجند]

احمد جندي مجندي
عامل ايه يا حبيبي
واحشني جدا و اسكندريه كلها واحشاني

احمد لو حتيجي المعرض يوم الجمعه المرور بيكون خفيف و مش حتتعب ان شاء الله
انا من رايي تطلع من الاسكندريه بدري

أنا بخير بفضل الله و انت أخبارك ليه؟ للأسف الجمعة مش بينفع معايا خالص أعتقد ممكن يبقى الأربعاء غالباً.

[itsonlyme]

سؤال يا جماعة ... أنا ناوى أروح المعرض ان شاء الله و حآجى بالعربية من اسكندرية بس مش عايز أروح المعرض بالعربية عشان الزحمة الفظيعة و مشاكل الركنة ... فإيه أفضل مكان أركن فيه العربية و آخد تاكسى لحد بوابة المعرض، بحيث و أنا راجع من المعرض أقدر برضو أوصل للمكان دة بسهولة؟ معلش أنا خبرتى بشوارع القاهرة حوالى 0% :)

ممكن تركن في الباركنج اللي أمام المعرض على طول. أنت ح تقف دقيقة في المدخل لغاية لما أي عربية تطلع وح يدخلوك مكانها. الركنة هناك بخمسة جنيه.